Намоз дар масҷиди марказии Душанбе, акс аз бойгонӣ

Се нафаре, ки бе падар ба вуҷуд омадаанд: Шӯрои уламо номашонро гуфт

8626
(Таҷдидшуда 16:10 22.02.2021)
Шӯрои уламои Маркази исломии Тоҷикистон дар посух ба суоли корбарони сомонааш номи се нафареро гуфт, ки ба иттилои ин ниҳод бе падар ба вуҷуд омадаанд

ДУШАНБЕ, 22 фев – Sputnik. Абдухолиқ, як корбари сомонаи Шӯрои уламо аз ин ниҳод суол кардааст, ки оё дар дунё махлуқоте бе падар ба вуҷуд омадаанд.

Шӯрои уламои Тоҷикистон посух додааст, ки  ҳазрати Одам (а), момо Ҳаво (рз) ва ҳазрати Исо (а) бе падар ба вуҷуд омадаанд.

Дар сомонаи Шӯрои уламо бахши суолу ҷавоб фаъол аст, ки корбарон дар он суолҳои худро аз бахшҳои гуногун ироа мекунанд.

Аз ҷумла Зарина суол кардааст, ки шавҳараш аз Русия тавассути телефон бо ӯ ҷанҷол кард ва тариқи паёмак “ҷавобатро додам” навишт.

“Пас аз чанд рӯз тамос гирифта, боз ҷанҷол кард ва ин дафъа навишт, ки “се бор миллион талоқат кардам”. Акнун пушаймон аст ва мехоҳад, ки дубора никоҳ кунем. Оё мо метавонем, ки дубора никоҳ кунем?”, - суол додааст Зарина.

Шӯрои уламо посух додааст, ки “лафзи “ҷавобатро додам” аз алфози кинояи талоқ аст ва дар ҳолати далолати ҳол ё вуҷуди ният бо ин лафз талоқ воқеъ мегардад”.

“Барои посухи саҳеҳ додан ба масъалаи шумо шунидани тафсилоти моҷаро аз забони худи шавҳаратон зарур аст, бинобар ин, дар сурати имкон шавҳаратон ба Раёсати фатво муроҷиат кунад”, - маслиҳат додааст Шӯрои уламо.

Ин ниҳод инчунин ба суолҳои дигари корбарон аз бахшҳои гуногун бо такя ба манобеи исломӣ посуху маслиҳат медиҳад.

8626
Барчаспҳо:
таваллуд, падар, Шӯрои уламо, Тоҷикистон
Театр, архивное фото

Замони оғози мавсими тамошои намоишҳои театрҳо дақиқ шуд

68
Тамошои намоишҳои театрҳои касбӣ аз ҷониби кормандони вазорату кумитаҳо ва идораву корхонаҳои давлатӣ дар ду мавсим доир мегардад

ДУШАНБЕ, 24 фев – Sputnik. Дар Тоҷикистон мавсими тамошои намоишҳои театрҳои касбӣ аз рӯзи 3 апрел шурӯъ мешавад, хабар медиҳад Вазорати фарҳанг.

 ба иттилои манбаъ,тамошои намоишҳои театрҳои касбӣ аз ҷониби кормандони вазорату кумитаҳо ва идораву корхонаҳои давлатӣ  дар ду мавсим доир мегардад.

Дар мавсими аввали он спектаклҳо рӯзҳои 3, 10, 17, 24  апрел, 8, 15 май ва 12 июни соли равон дар Театри давлатии академии драмавии ба номи А. Лоҳутӣ, Театри давлатии академии опера ва балети ба номи С. Айнӣ, Театри давлатии ҷавонон ба номи М.Воҳидов, Театри таҷрибавии тамошобини ҷавон ба номи М.Қосимов ва Театри давлатии драмавии русии ба номи В. Маяковский ба саҳна гузошта мешаванд.

Мавсими дуввуми намоиши спектаклҳо 2, 9, 16, 23, 30 октябр дар театрҳои болозикр доир мешавад.

Вазорати фарҳанг гуфт, китобҳои Ҳошим Гадоро ба маблағи 16 000 сомонӣ хариданд

Ба гуфти масъулин, дар репертуари театрҳо соли равон намоиши асарҳои нави саҳнавӣ бахшида ба 30-солагии Истиқлоли давлатии Тоҷикистон пешбинӣ гардидааст. Ҳамчунин нимаи дуюми моҳи майи соли равон Фестивал-озмуни ҷумҳуриявии театрҳои касбӣ- "Парасту-2021" баргузор мегардад, ки тӯли як ҳафта мухлисони театрӣ метавонанд аз намоишҳои озмунӣ ба таври ройгон бархурдор гарданд.

Таҳияи асарҳои нав дар репертуари муассисаҳои театрӣ аз моҳи апрел тартиб дода шудааст.

68
Барчаспҳо:
Тоҷикистон, театр
Масҷиди марказии Душанбе, акс аз бойгонӣ

Суоли усто аз Шӯрои уламо: аз “пилорама”-и арзишаш 35 ҳазор сомонӣ закот супорам?

634
(Таҷдидшуда 14:56 23.02.2021)
Шӯрои уламои Маркази исломии Тоҷикистон мегӯяд, дар асбобу таҷҳизоти касбу кор закот воҷиб намешавад

ДУШАНБЕ, 23 фев — Sputnik. Як корбари сомонаи Шӯрои уламо аз ин ниҳод суол кардааст, ки ба нияти кор ва пеш бурдани зиндагӣ ба маблағи 35 ҳазор сомонӣ пилорама харид ва оё аз ин дастгоҳ бояд закот супорад ё на.

Шӯрои уламо посух додааст, ки закот бояд аз даромаде, ки аз ин дастгоҳ ҳосил мешаваду ба андозаи нисоб расад, пардохт гардад.

“Дар асбобу таҷҳизоти касбу кор закот воҷиб намешавад, агар фоида ва даромаде, ки аз он ба даст меоред, ба миқдори нисоби закот, яъне 20 ҳазор сомонӣ баробар шавад ва як сол аз он гузарад, дар ин ҳолат пардохти закот лозим мешавад”, - изҳор дошт Шӯро.

Ин ниҳод қаблан изҳор дошта буд, ки вақти додани закот аз замони ба нисоб расидани мол вобаста аст

"Адои закот аз замони ба нисоб расидани мол вобаста аст, яъне дар кадом моҳе моли шумо ба нисоб расад, аз ҳамон вақт вуҷуби закот шуруъ мешавад ва пас аз гузаштани як сол пардохти закот воҷиб мегардад. Масалан, агар дар моҳи март моли шумо ба нисоб расид, пас аз гузашти як соли қамарӣ бар шумо адои закот воҷиб мешавад", - тавзеҳ дода буд Шӯрои уламо.

Соли гузашта нисоби закот 21 ҳазор сомонӣ муайян шуда буд.  Ба иттилои Шӯрои уламо, закот бар шахсе фарз аст, ки дорои нисоби закот, яъне молики 21000 сомонӣ бошад. Пас аз гузаштани як сол аз вақти соҳиби нисоб шудан ба андозаи 525 сомонӣ ба фақире ё мискине ҳамчун закот мепардозад.

634
Барчаспҳо:
Шӯрои уламои ҶТ, Тоҷикистон
Спортивный директор ФК «Тамбов» Павел Худяков

Худяков дар бораи гузариши Восиев ба "Тамбов": ӯ ҳадаф ва хоҳиши бозӣ карданро дорад

0
(Таҷдидшуда 00:26 25.02.2021)
Павел Худяков, директори варзишии КФ "Тамбов" шарҳ дод, ки .чаро барои футболбози тоҷик Фарҳод Восиев як гардиши куллии вазнин рӯй дод

Шарики кориям, ки қаблан дар "Оренбург" кор карда буд, пешниҳод кард, ки нозадии Восиевро аз дида бароям, гуфт директори варзиши КФ "Тамбов" Павел Худяков дар муколама бо Sputnik Тоҷикистон.

"Як бачаи муқаррарӣ, омодааст дар шароити хоксоронаи мо кор кунад", - гуфт намояндаи КФ "Тамбов".

Директори варзиши клуби футболи Русия илова намуд, ки чизи асосӣ он аст, ки варзишгари тоҷик ҳадаф дорад, хоҳиши бозӣ кардан вуҷуд дорад, гарчанде ки ӯ аллакай ба қатори футболбозони ботаҷриба шомил аст.

"Вай мехоҳад ба худ чизе исбот кунад ва ба мо кумак кунад. Ҳоло лаҳзае аст, ки ӯ бояд исбот кунад, ки ҳунари хуб дорад ва ин маҳз сатҳи ӯст. Ҳама чиз танҳо аз ӯ вобаста хоҳад буд", - гуфт Худяков.

Ва чӣ гуна футболбози тоҷик худро нишон хоҳад дод, танҳо бо мурури замон маълум хоҳад шуд, хулоса кард директори варзиши КФ "Тамбов".

Ёдовар мешавем Фарҳод Восиев, футболбози 30-солаи тоҷик чанд рӯз қабл бо тими "Тамбов" шартнома баст ва ҳамакнун ҳунарнамоии варзишии худро дар Премер Лигаи Русия идома медиҳад.

Пас аз 19 даври бозии Премер лигаи Русия, "Тамбов" 13 имтиёз дорад ва дар арафаи хориҷшавӣ аз лига қарор дорад.

0