ВКХ ҶТ ба сокинони Тоҷикистон сафар ба Яманро тавсия намедиҳад

8
(Таҷдидшуда 07:51 25.12.2014)
Вазорати умури хориҷаи Тоҷикистон ба шаҳрвандони кишвар ҳушдор додааст, ки аз сафар ба давлати Яман худдорӣ кунанд ва барои тоҷикистониёне, ки дар он кишвар қарор доранд, гуфтааст, дар сурати ноором шудани вазъ минтақара фавран тарк намоянд.

ДУШАНБЕ, 25 дек — Sputnik. Вазорати умури хориҷии Тоҷикистон аз шаҳрвандони кишвар хостааст, бинобар зиёд шудани одамрабоӣ дар Ҷумҳурии Арабии Яман, то замони беҳтар шудани вазъ аз сафар ба ин кишвар худдорӣ кунанд, омадааст дар сомонаи ВКХ.

"Бино бар ташаннуҷи вазъи амниятӣ дар Ҷумҳурии Арабии Яман ва  афзоиши ҳодисаҳои рабудани шаҳрвандони хориҷӣ дар ин кишвар, Вазорати корҳои хориҷии Ҷумҳурии Тоҷикистон аз шаҳрвандони Ҷумҳурии Тоҷикистон хоҳиш мекунад, ки муваққатан аз сафар ба Яман худдорӣ кунанд"- қайд мешавад дар хабари манбаъ.

Дар ин огаҳии вазорат, ки рӯзи 24-уми декабр дар торнамои вазорат нашр шуд, ҳамчунин аз шаҳрвандони Тоҷикистон, ки дар Яман кору зиндагӣ мекунанд, хоста шудааст, ки бисёр эҳтиёткор бошанд ва ба ҷойҳои пуродам ва ҷамъомади гурӯҳҳои алоҳида нараванд дар сурати бад шудани вазъи амниятӣ Яманро тарк кунанд.

Рӯзи 29-уми октябри соли равон, Гулрухсор Рофиева, шаҳрванди Тоҷикистон, ки дар шӯъбаи занонаи шифохонаи низомии шаҳри Маъриби Яман кор мекард, дар яке аз маҳаллаҳои ин шаҳр замоне рабуда шуд. То ҳанӯз макони будубоши табиби тоҷик мушаххас нашудааст.

Айни замон вазъият дар кишвари арабии Яман муташанниҷ аст.

8
Барчаспҳо:
худдорӣ кунанд, тавсия намедиҳад, вазорати умури хориҷа, ВКХ ҶТ, Гулрухсор Рофиева, Яман, Тоҷикистон
Пистолет

27 ҳазор сомонӣ - хариди таппонча бо садохомӯшкунак дар Хуҷанд-видео

1222
(Таҷдидшуда 21:30 19.06.2020)
Вазорати умури дохилии Тоҷикистон аз боздошти марди 57-сола дар шаҳри Хуҷанд хабар додаст, ки дар фурӯши силоҳи ҷангӣ муттаҳам мешавад

ДУШАНБЕ, 19 июн — Sputnik.  Тибқи гузориши ВУД Тоҷикистон, дар пайи як амалиёти шартӣ аз марди муттаҳам ба ивази 27 ҳазор сомонӣ таппончаи Макаров бо таҷҳизоти садохомӯшкунак харида шуд.

Муайян гардид, ки муттаҳами 57-сола, зодаи шаҳри Конибодом ва сокини шаҳри Хуҷанд, санаи 25-уми майи соли равон аз афроди номаълум таппончаро гирифтааст.

ВУД таъкид кард, ки шахсияти айбдоршаванда ба далели халал нарасондан ба тафтишот феълан ифшо намешавад.

Мирвосид Давлатализода, муфаттиши мақомот, дар гузориш изҳор дошт, ки таппончаи мусодирашуда, соли истеҳсолаш 1987 буда, коршоям мебошад.

ВУД афзуд, ки феълан истифодаи силоҳи ҷангии мазкур дар дигар ҷиноятҳо ташхис мешавад.

1222
Барчаспҳо:
қочоқи нафт, силоҳ, Тоҷикистон
Генерал-лейтенанти милитсия Аламшозода Абдураҳмон Аламшо, муовини якуми вазири корҳои дохилӣ, сардори РВКД дар ВМКБ

Баррасии гирдиҳамоиҳо дар ҷаласаи оперативии Ситоди таъмини амният дар ВМКБ-видео

5553
(Таҷдидшуда 17:16 19.06.2020)
Гирдиҳамоиҳо, ки чанд рӯзи қабл дар ноҳияи Рӯшон сурат гирифтанд, яке аз мавзӯъҳои меҳварии ҷаласаи оперативии Ситоди байниидоравии таъмини амният дар ВМКБ таҳти раёсати генерал Абдураҳмон Аламшозода буданд

ДУШАНБЕ, 19 июн — Sputnik.  Генерал Абдураҳмон Аламшозода, сардори Ситоди байниидоравии таъмини амнияту тартибот дар ВМКБ, зимни ҷаласаи оперативӣ-хизматӣ таъкид кардааст, ки маъмурин бо мардум хушмуомила бошанд.

Тибқи гузориши телевизиони “Бадахшон”, Ситоди байниидоравии таъмини амнияту тартибот минбаъд низ фаъолияташро дар вилоят идома хоҳад дод.

Манбаъ афзуд, ки дар ҷаласаи оперативӣ масъалаи гирдиҳамоиҳои ғайриқонунӣ, тартибот дар роҳҳо, пешгирии фурӯши нӯшокиҳои ғайристандартӣ ва дигар масъалаҳо баррасӣ шуданд.

Бар асоси гузориши ТВ Бадахшон, Ситоди байниидоравии таъмини тарбтибот, аз фаъолону зиёиён даъват кардааст, ки ҷавононро бо роҳи дуруст ҳидоят намоянд, аз таъсири гуруҳҳои манфиатҷуӯй, иштирок дар гирдиҳамоӣ ва даст задан ба бетартибиҳо пешгирӣ намоянд.

Анҷоми ҳамоишҳо дар Рӯшон

Баррасии ин масоил аз ҷониби Ситод дар ҳолест, ки ҳамоиши ахир дар пайи боздошти Ёдгор Ғуломҳайдаров ва ҳамроҳаш дар Рӯшон сурат гирифт, ки ба иддаои гуруҳи сокинони Рӯшон, рабте ба қазияи қочоқи маводи мухаддир надоранду тайи чанд соати боздошт латукӯб шудаанд.  Гуруҳи эътирозгарон боздоштшудаҳоро озод карда, тайи чанд рӯз даст ба ҳамоиши эътирозӣ зада буданд.

Феълан сокинон мегӯянд, ин қазия бо он, ки гуруҳи наздик ба 10-нафарӣ барои нақзи тартибот ҷаримабандӣ мешаванд, анҷом ёфт. Дар мавриди муҷозоти маъмурине, ки ба иддаои бархе сокинон даст ба латукӯб задаанд, феълан иттилое ироа нашудааст.

Мақомоти Тоҷикистон расман ин қазияро шарҳ надоданд, танҳо котиботи ҳукумати ВМКБ қаблан эътироз дар Хоруғ дар ҳамраъйӣ бо сокинони Рӯшонро рад карда, наворе нашр намуда буд.

5553
Барчаспҳо:
Рӯшон, Тоҷикистон, ҳамоиш, ВМКБ, телевизион, гузориш
Инструменты ювелира

Мақомоти Тоҷикистон гуфт, корхонаи “Тоҷик кристалл” чӣ қадар маҳсулот истеҳсол кард

0
(Таҷдидшуда 02:41 08.07.2020)
Ҳиркати “Тоҷик кристалл” яке аз аввалин корхонаҳои заргарии Тоҷикистон мебошад, ки баъд аз ба даст овардани истиқлол ташкил шудааст

ДУШАНБЕ, 8 июл — Sputnik.  Корхонаи “Тоҷик кристалл”  аз оғози фаъолият вобаста ба талаботи бозори дохила ва бо фармоишҳои мизоҷон истеҳсоли маснуоти заргариро вусъат дода то имрӯз зиёда аз 105,00 кг маснуоти заргарӣ аз металлҳои тилло ва нуқра истеҳсол намудааст, иттилоъ додааст дафтари матбуоти вазорати саноати кишвар.

Бино бар иттилои манбаъ, корхонаи мазкур аз соли 2002 то имрӯз ба истеҳсоли маснуоти заргарии миллӣ аз металлҳои тилло ва нуқра машғул буда, ҳамзамон ба фуруши асбобҳои заргарӣ ва сангҳои ороишӣ машғул шудааст.

Ин корхона аз моҳи январ то апрели соли равон ба маблағи 350 ҳазору 662 сомонӣ маҳсулот истеҳсол намудааст, ки ин нишондод нисбат ба ҳамин давраи соли гузашта 45044 сомонӣ зиёд мебошад.

Қайд карда шудааст, ки маснуоти заргарии истеҳсолкардаи ин корхона дар чандин намоишгоҳҳои дохили ҷумҳуриявӣ ва хориҷӣ ба намоиш гузошта сазовори мукофотҳо ва эътирофи тамошобинон ва мизоҷон гардидааст.

Ҳамзамон манбаъ қайд кардааст, ки корхонаи “Тоҷик кристалл”  бо дигар соҳибкорон ва корхонаҳои заргарӣ робитаҳои ҳамкорӣ дошта, аксарияти онҳоро бо асбобу лавозимотҳои  зарурӣ таъмин менамояд.

0
Барчаспҳо:
заргарӣ, истеҳсол, маҳсулот, корхона, Тоҷикистон