Военнослужащие США в Афганистане, архивное фото

Поёни маъмурияти низомии ИМА ва НАТО дар Афғонистон

22
(Таҷдидшуда 12:47 29.12.2014)
Генерал Ҷон Кэмпбелл, фармондеҳи Нерӯҳои байнулмилалии мусоидат ба амният, ё ISAF парчами сафеду сабзро ҷамъ карда, гуфт, "мо дар паҳлӯи ҳамдигар, афғонҳоро аз торикӣ ва ноумедӣ хориҷ кардем ва ба онҳо умед бахшидем."

ДУШАНБЕ, 29 дек — Sputnik. Созмони Паймони Атлантикаи Шимолӣ (НАТО) ва ИМА рӯзи якшанбеи 28 декабр ба маъмурияти ҷангии 13 солаи худ дар Афғонистон поён доданд, менависад радиои Озодӣ.

НАТО дар Афғонистон маъмурияти низомии худро ба поён расонд ва маросими поёни ин маъмурият, рӯзи якшанбе дар Кобул бинобар таҳдиди Толибон, ба таври махфиёна баргузор шудааст. Ба ин тартиб, маъмурияти ҷангии нерӯҳои байналмилалии амниятӣ бо раҳбарии Амрико (мулаққаб ба ISAF) дар Афғонистон ба маъмурияти "омӯзишӣ ва пуштибонӣ"-и НАТО дар ин кишвар табдил мешавад.

Аз соли 2001, ки нерӯҳои хориҷӣ вориди Афғонистон шуданд, то кунун 3485 сарбози ин нерӯҳо кушта шудаанд. Аз ин шумора, 2224 нафарашонро низомиёни ИМА ташкил медиҳанд.

Генерал Ҷон Кэмпбелл, фармондеҳи Нерӯҳои байнулмилалии мусоидат ба амният ё ISAF дар ин маросим гуфтааст, мо ҳамеша ба кӯмаки мардуми Афғонистон омода будем ва дар ин росто кори зиёдеро анҷом додем.

"Мо дар паҳлӯи ҳамдигар, афғонҳоро аз торикӣ ва ноумедӣ хориҷ кардем ва ба онҳо умед бахшидем… Шумо Афғонистонро қудратмандтар ва кишварҳои худро амнтар сохтаед",- иброз доштааст генерал Кэмпбэлл.

Бо вуҷуди поёни маъмурияти ҷангии НАТО дар Афғонистон, ҳамчунин 12 ҳазору 500 сарбоз дар ин кишвар боқӣ мемонад ва ба тамрину машварати нерӯҳои ҳукуматӣ машғул мешаванд, ки бештари онҳо низомиёни амрикоӣ хоҳанд буд. Шумораи нерӯҳои хориҷӣ дар Афғонистон то пеш аз соли 2011 беш аз 130 ҳазор нафар буд, ки аз 50 кишвари дунё барои ҷанг бо Толибон ва Ал-Қоида ба ин кишвар омада буданд. Афғонистон дар ҳоли ҳозир 350 ҳазор нерӯи амниятӣ дорад, ки аз соли 2013 масъулияти таъмини амнияти кишвари худро бар ӯҳда гирифтаанд.

Генерал Ҷон Кэмпбелл дар суханронии худ ваъда додааст, ки нерӯҳои боқимондаи НАТО дар ин кишвар, дӯстони афғони худро танҳо нахоҳад гузошт ва аз мухолифони мусаллаҳ дар ин кишвар хост, то бо замин гузоштани силоҳ, ба раванди сулҳ ва бозсозии Афғонистон бипайванданд.

Дар ҳамин ҳол, ҳафтаи гузашта Сергей Шойгу, вазири мудофеаи Русия дар пасманзари хуруҷи нерӯҳои байналмилалӣ аз Афғонистон аз Тоҷикистон даъват кард, ки ба бадтарин пайомад омода бошанд.

"Дар пешорӯи ихроҷи неруҳои байналмилалии эътилофӣ аз Афғонистон Қувваҳои мусаллаҳи мо бояд ба ҳама гуна тағйирёбии авзоъ, аз ҷумла пайомади бадтарин низ омода бошанд",-иброз дошт Шойгу аснои сӯҳбат бо вазири мудофиаи Тоҷикистон Шералӣ Мирзо.

22
Барчаспҳо:
поёни маъмурияти низомӣ, хурӯҷ, неруҳои низомӣ, ISAF, НАТО, Ҷон Кэмпбелл, Сергей Шойгу, Афғонистон, ИМА
Поисковая экспедиция на месте где были бои во время Великой Отечественной войны 1941-45 годов, архивное фото

Ҷасади Раҷабов, куҳансарбози тоҷик, дар Калининград ёфт шуд: кӣ мешиносад?-видео

1125
(Таҷдидшуда 15:51 09.07.2020)
Ҷасади боз як сарбози Ҷанги Бузурги Ватанӣ дар ноҳияи Зеленоград пайдо карда шуд, ки ба гуфтаи ҷустуҷӯгарон аз Тоҷикистон мебошад

ДУШАНБЕ, 9 июл — Sputnik. Гуруҳҳои ҷустуҷӯии "Совест" дар минтақаҳое, ки ҳангоми амалиёти Пруссияи шарқӣ задухӯрдҳо сурат гирифтаанд, кор карда,  дар ноҳияи Зеленоград ҷасади боз як сарбози ҶБВ-ро пайдо намуданд, хабар дод шабакаи телевизионии  "Вести-Калининград".

Муайян шудааст, ки сарбози ҳалокгардида Каримҷон Раҷабов аз Тоҷикистон будааст.

Сарбозони 100 – солаи ҶБВ аз Тоҷикистон: кӣ 75 – умин солгарди Ғалабаро ҷашн мегирад?

“Раҷабов зодаи Тоҷикистон мебошад. Феълан ба макони таваллуд ва даъваташ дархостҳо равон карда шудаанд. Умедворем, ки наздиконаш пайдо шаванду мо тавонем мукофоти ҷангияшро ба онҳо супорем. Шояд онҳо бихоҳанд, ки боқимондаҳо дар ватан ба хок супорида шаванд”, - изҳор дошт Руслан Хисамов, роҳбари гуруҳи ҷустуҷӯӣ дар гузориши телевизионӣ.

Қаблан дар ин минтақа ҷасади 7 сарбозеро пайдо карданд, ки аз пораҳои гулӯлаҳои  артиллерӣ ба ҳалокат расидаанд.

1125
Барчаспҳо:
сарбоз, Ҷанги Бузурги Ватанӣ, Тоҷикистон
Пистолет

27 ҳазор сомонӣ - хариди таппонча бо садохомӯшкунак дар Хуҷанд-видео

1228
(Таҷдидшуда 21:30 19.06.2020)
Вазорати умури дохилии Тоҷикистон аз боздошти марди 57-сола дар шаҳри Хуҷанд хабар додаст, ки дар фурӯши силоҳи ҷангӣ муттаҳам мешавад

ДУШАНБЕ, 19 июн — Sputnik.  Тибқи гузориши ВУД Тоҷикистон, дар пайи як амалиёти шартӣ аз марди муттаҳам ба ивази 27 ҳазор сомонӣ таппончаи Макаров бо таҷҳизоти садохомӯшкунак харида шуд.

Муайян гардид, ки муттаҳами 57-сола, зодаи шаҳри Конибодом ва сокини шаҳри Хуҷанд, санаи 25-уми майи соли равон аз афроди номаълум таппончаро гирифтааст.

ВУД таъкид кард, ки шахсияти айбдоршаванда ба далели халал нарасондан ба тафтишот феълан ифшо намешавад.

Мирвосид Давлатализода, муфаттиши мақомот, дар гузориш изҳор дошт, ки таппончаи мусодирашуда, соли истеҳсолаш 1987 буда, коршоям мебошад.

ВУД афзуд, ки феълан истифодаи силоҳи ҷангии мазкур дар дигар ҷиноятҳо ташхис мешавад.

1228
Барчаспҳо:
қочоқи нафт, силоҳ, Тоҷикистон
Пассажиры в здании Казанского вокзала во время дезинфекционной обработки вокзала

Анҷумаи ширкатҳои сайёҳии Русия бозшавии сарҳадҳоро пешгӯӣ кард

0
(Таҷдидшуда 12:34 11.07.2020)
Анҷумаи ширкатҳои сайёҳии Русия пешгӯии хушбинонаро барои  барқарор кардани парвозҳои байналмилалӣ гуфт

ДУШАНБЕ, 11 июл – Sputnik. Парвози хатсайрҳои мусофирбари ба минтақаҳои сайёҳие, ки маъмулан мардуми рус ба он таваҷҷуҳ доранд, дар гумон аст пеш аз  охири моҳи сентябр - октябр барқарор шавад,  гуфт  Мая Ломидзе, директори иҷроияи Анҷумани ташкилотҳои сайёҳии Русия (ATOR) зимни суҳбаташ дар эфири радиои "Говорит Москва".

Мая Ломидзе изҳор доштааст, ки пешгӯии аз ҳама хушбинона авохири моҳи сентябр – октябр хоҳад буд.

Ба гуфтаи вай, дар навбати аввал, интиқол ба ҷойҳои маъмултарини туристӣ дубора барқарор карда мешавад.

Вай илова намуд, ки набояд дар илова ба ҳодисаҳои рухдода асабонияти худро зиёд кард.

"Аммо ин маънои онро надорад, ки мо дар соли 2020 ба ҳеҷ ҷо парвоз нахоҳем кард. Албатта, ин саволест, ки ҳама ҳам сайёҳон ва ҳам соҳаи туризм мепурсанд. Ин як саволи муҳим аст, вақте имконпазир мешавад мо на танҳо шаҳрвандони худро фиристем, балки шаҳрвандони хориҷиро низ қабул мекунем".

Ба гуфтаи вай, бояд дарк кард, ки вазъ хеле зуд тағир меёбад.

Ломидзе ёдовар шуд, ки Хорватия охири моҳи июн боз шуд, дар моҳи май Туркия эълом дошт, ки барои қабули шаҳрвандони Русия омода аст.

"Булғория омодагии худро барои қабули шаҳрвандони Русия эълом кард. Ҳама эҳсос доштанд, ки фавран, агар пагоҳ набошад, пас аз фардо, мо ба баъзе кишварҳо парвозро оғоз хоҳем кард" Анҷумани ширкатҳои сайёҳӣ.

Вай афзуд, ки агар вазъи эпидемиологӣ дар ҷаҳон бадтар шавад, маҳдудияти кушодани сарҳадҳо метавонад тамдид ёбад. Бар асоси пешгӯиҳо, равуои байналмилалӣ танҳо дар моҳи декабр дубора барқарор мешавад.

"Ҳоло мо медонем, ки кушодашавии парвозҳо ба ягон минтақаи сайёҳӣ то охиримоҳи июл мӯъҷиза хоҳад буд, ва дар гумон аст. 99 фоиз - не. Август сахт зери суол аст" гуфт ӯ.

Ёдовар мешавем, ки бар асари пандемияи коронавирус, Русия парвозҳои байналмилалии нақшавӣ ва чартериро 27 март ба таъхир андохт.

 

0