Неруҳои ҳарбии Тоҷикистон. Акс аз бойгонӣ

Раҳмон: артиш бояд барои дифоъи манофеъи миллӣ омода бошад

11
(Таҷдидшуда 10:08 23.02.2015)
Ба гуфтаи Эмомалӣ Раҳмон, бо дарназардошти тағйири авзоъ дар бархе аз манотиқи ҷаҳон Тоҷикистон бояд барои тақвияти зарфияти дифоии худ иқдомоте рӯйи даст бигирад.

ДУШАНБЕ, 23 фев — Sputnik. Кишварро зарур аст барои дифои манофеи миллӣ ва давлатӣ дар сурати ташаннуҷ ва тавсеаи даргирии миёни абарқудратҳо омода бошад, изҳор дошт Эмомалӣ Раҳмон рӯзи якшанбе дар ҷаласаи таҷлил аз 22-умин солгарди таъсиси нерӯҳои мусаллаҳи Тоҷикистон.

Вай зикр кард, тағйироте ки ахиран дар бархе аз манотиқи ҷаҳон рух медиҳанд, кишварро водор месозанд, ки иқдомотеро барои омодагии нерӯҳои мусаллаҳи Тоҷикистон ба шароити ноамнии сареъ рӯйи даст бигирад.

"Захойири кадриро афзоиш дода, барои таҷдиди васоили ҷангӣ ва силоҳҳо, барои тақвияти зарфияти дифоии кишвар иқдомоте бояд анҷом дода шавад", — зикр кард раиси ҷумҳури Тоҷикистон зимни суханронии худ.

Раҳбари кишвар дар суханронии худ ҳамчунин вазоифи муҳимтарини ҳамаи шохаҳои ҳокимияти давлатӣ, аз ҷумла нерӯҳои мусаллаҳи кишвар дар сурати ташаннуҷ ва тавсеаи бархурди абарқудратҳоро дақиқ кард.

Раҳмон зикр кард, ки равандҳои муосири ҷаҳонӣ идома хоҳанд дошт, зеро онҳо наҳваи дарозмуддат доранд ва ба ин далел таҳдидҳои амниятӣ ба минтақа ва дар маҷмӯъ ба ҷаҳон боқӣ мемонанд.

"Феълан бархе аз нерӯҳо дар минтақа ва ҷаҳон бо истифода аз наҳваҳои тундагроёна, аз ҷумла бо анҷоми аъмоли террористӣ ва ифротгароёна, тақвияти фаъолиятҳои гурӯҳҳои фаромиллии ҷиноӣ, истифода аз наҳваҳои ҷанги иттилоъотӣ талош доранд ба умури дохилии кишварҳои соҳибистиқлол мудохила кунанд ва ин раванд тавсеъа меёбад", — гуфт раиси ҷумҳури Тоҷикистон.

Вай аз фаъолшавии гурӯҳҳои террористӣ ва тундгаро, ки дар бархе аз кишварҳои ҷаҳон аъмоли хушунатомез ва тахрибкориро анҷом дода ба суфуфи худ ҷавонони ноогаҳро ҷалб месозанд, изҳори нигаронӣ кард.

"Дар даргириҳои Сурия ва Ироқ намояндагони беш аз 100 кишвари ҷаҳон мушорикат доранд. Ин гурӯҳҳои террористӣ аз наҳваҳои қатли даҳшатвор истифода мекунанд, аз ҷумла одамонро зинда месӯзонанд ва сар мебуранд, аъмоли дигареро анҷом медиҳанд, ки ҷомеъаи ҷаҳониро нигарон сохтааст, — гуфт Раҳмон. — Ман беҳуда… ин наҳваи хатарзоро вабои аср наномидаам".

Ба гуфтаи вай, мавзӯъи таъмини амниятӣ миллӣ ва давлатӣ, субот дар ҷомеа дар шароити муосир аҳамияти бештар ва тақдирсоз касб кардааст.

11
Барчаспҳо:
суханронӣ дар ҷаласа, раёсати ҷумҳурӣ, Эмомалӣ Раҳмон, Ироқ, Сурия, Тоҷикистон
Мавзуъ
Як мақоми эронӣ: поёни умри "Давлати исломӣ" наздик аст
“Давлати исломӣ” амири Хуросонро таъин кард
СПАД фаъолшавии "Давлати Исломӣ"-ро бе посух нахоҳад гузошт
ВАО: Эмомалӣ Раҳмон мушобеҳ ба "офтоб" ва "ситораи бахт" аст
Эмомалӣ Раҳмон ба подшоҳи Урдун изҳори тасаллият кард
Ҳамдардии Эмомалӣ Раҳмон дар робита ба ҳодисаи террористӣ дар Порис
Поисковая экспедиция на месте где были бои во время Великой Отечественной войны 1941-45 годов, архивное фото

Ҷасади Раҷабов, куҳансарбози тоҷик, дар Калининград ёфт шуд: кӣ мешиносад?-видео

1135
(Таҷдидшуда 15:51 09.07.2020)
Ҷасади боз як сарбози Ҷанги Бузурги Ватанӣ дар ноҳияи Зеленоград пайдо карда шуд, ки ба гуфтаи ҷустуҷӯгарон аз Тоҷикистон мебошад

ДУШАНБЕ, 9 июл — Sputnik. Гуруҳҳои ҷустуҷӯии "Совест" дар минтақаҳое, ки ҳангоми амалиёти Пруссияи шарқӣ задухӯрдҳо сурат гирифтаанд, кор карда,  дар ноҳияи Зеленоград ҷасади боз як сарбози ҶБВ-ро пайдо намуданд, хабар дод шабакаи телевизионии  "Вести-Калининград".

Муайян шудааст, ки сарбози ҳалокгардида Каримҷон Раҷабов аз Тоҷикистон будааст.

Сарбозони 100 – солаи ҶБВ аз Тоҷикистон: кӣ 75 – умин солгарди Ғалабаро ҷашн мегирад?

“Раҷабов зодаи Тоҷикистон мебошад. Феълан ба макони таваллуд ва даъваташ дархостҳо равон карда шудаанд. Умедворем, ки наздиконаш пайдо шаванду мо тавонем мукофоти ҷангияшро ба онҳо супорем. Шояд онҳо бихоҳанд, ки боқимондаҳо дар ватан ба хок супорида шаванд”, - изҳор дошт Руслан Хисамов, роҳбари гуруҳи ҷустуҷӯӣ дар гузориши телевизионӣ.

Қаблан дар ин минтақа ҷасади 7 сарбозеро пайдо карданд, ки аз пораҳои гулӯлаҳои  артиллерӣ ба ҳалокат расидаанд.

1135
Барчаспҳо:
сарбоз, Ҷанги Бузурги Ватанӣ, Тоҷикистон
Пистолет

27 ҳазор сомонӣ - хариди таппонча бо садохомӯшкунак дар Хуҷанд-видео

1228
(Таҷдидшуда 21:30 19.06.2020)
Вазорати умури дохилии Тоҷикистон аз боздошти марди 57-сола дар шаҳри Хуҷанд хабар додаст, ки дар фурӯши силоҳи ҷангӣ муттаҳам мешавад

ДУШАНБЕ, 19 июн — Sputnik.  Тибқи гузориши ВУД Тоҷикистон, дар пайи як амалиёти шартӣ аз марди муттаҳам ба ивази 27 ҳазор сомонӣ таппончаи Макаров бо таҷҳизоти садохомӯшкунак харида шуд.

Муайян гардид, ки муттаҳами 57-сола, зодаи шаҳри Конибодом ва сокини шаҳри Хуҷанд, санаи 25-уми майи соли равон аз афроди номаълум таппончаро гирифтааст.

ВУД таъкид кард, ки шахсияти айбдоршаванда ба далели халал нарасондан ба тафтишот феълан ифшо намешавад.

Мирвосид Давлатализода, муфаттиши мақомот, дар гузориш изҳор дошт, ки таппончаи мусодирашуда, соли истеҳсолаш 1987 буда, коршоям мебошад.

ВУД афзуд, ки феълан истифодаи силоҳи ҷангии мазкур дар дигар ҷиноятҳо ташхис мешавад.

1228
Барчаспҳо:
қочоқи нафт, силоҳ, Тоҷикистон
День 12 июля

Ҷашнҳои рӯзи 12 июл дар Тоҷикистон ва ҷаҳон

0
(Таҷдидшуда 19:27 11.07.2020)
Рӯзи дувоздаҳуми июл ҳамчун Рӯзи суратгирон ҷашн гирифта мешавад. Ҳамчунин дар ин рӯз дар Аргентина аз Рӯзи муқимиҳо қайд мекунанд

Рӯзи 12 июл дар ҷаҳон чӣ рух дод

Соли 1934 дар Белгия ҳарбикунонии ҳизбҳои сиёсӣ манъ карда шуд.

День 11 июля
© Sputnik / Стас Этвеш / Вишнякова Мария
Соли 2000 олимони бритониягӣ дар бораи сохтани ваксинае хабар доданд, ки ба одамон барои наҷот ёфтан аз ВНМО (СПИД) бояд кумак менамуд.

Соли 2000 дар Аляска заминҷунбии 6,5-балла ба қайд гирифта шуд.

Соли 2010 дар мусобиқаи финалии чемпионати ҷаҳон испаниҳо дастаи мунтахаби Нидерландияро бо ҳисоби 1:0 мағлуб намуданд. Ҳамин тариқ, чемпионҳои Аврупо аввалин маротиба ба Ҷоми ҷаҳон оид ба футбол  соҳиб гаштанд.

Ҷашнҳои рӯзи 10 июл дар Тоҷикистон ва ҷаҳон

Соли 1998 дар Чемпионати ҷаҳон оид ба футбол дастаи Фаронса дастаи Бразилияро бо ҳисоби 3:0 мағлуб намуд ва чемпиони ҷаҳон шуд.

Соли 2009 аввалин маротиба зан – Даля Грибаускайте Президенти Литва интихоб гардид.

Рӯзи 12 июл дар Тоҷикистон чӣ рух дод

Соли 2011 ВАО хабар доданд, ки 11 июл дар қароргоҳи Созмони Милали Муттаҳид дар Ню-Йорк маросими супоридани раёсат дар Гурӯҳи Созмони Ҳамкории Исломӣ (СҲИ) аз Тоҷикистон ба Қазоқистон баргузор гардид.

День 9 июля
© Sputnik / Стас Этвеш / Вишнякова Мария
Соли 2012 дар Озарбойҷон раисҷумҳури Тоҷикистон Эмомалӣ Раҳмон бо мукофоти олии давлатии Озарбойҷон – Ордени Ҳайдар Алиев ва Президенти Озарбойҷон Илҳом Алиев бо мукофоти олии давлатии Тоҷикистон Ордени Исмоили Сомонӣ дараҷаи 1 сарфароз гардонида шуданд.

Соли 2012 миёни Ҷумҳурии Тоҷикистон ва Ҷумҳурии Озарбойҷон 10 санади нави ҳамкорӣ, аз ҷумла, Созишномаи байниҳукуматӣ дар бораи ҳамкорӣ дар соҳаи ҳуқуқи муаллиф ва ҳуқуқҳои вобаста ба он ба имзо расиданд.

Соли 2014 Сарвари давлат Эмомалӣ Раҳмон бо роҳбарони соҳаи энергетика ва олимону коршиносон машварати корӣ доир намуда, дар назди масъулин доир ба ҷоннок намудани корҳо ва бартарафсозии камбудиҳои мавҷудаи вақт вазифаҳои мушаххас гузоштанд

Ҷашнҳои рӯзи 12 июл

  •  Рӯзи суратгирон.
  • Дар Аргентина – Рӯзи муқимиҳо.
  • Дар Ҷумҳурии Кирибатӣ – Рӯзи истиқлолият.

Рӯзи 12 июл дар Тоҷикистон кӣ ба дунё омадааст

Солҳои (1906-1968)  – нависанда Тоҷӣ Усмон.

Соли 1932 – доктори илмҳои филологӣ Наҷмӣ Сайфиев.

Соли 1933 – актер коргардон Сафо Содиқов.

Соли 1956 – коргардон Қудратулло Эшонов.

0
Барчаспҳо:
ҷашн, ҷаҳон, Тоҷикистон