Ҷангиёни Давлати исломӣ

Вазорати адлияи ИМА: ӯзбакистонӣ нияти куштани Барак Обамаро дошт

23
Сокинони ИДМ- ҷонибдорони “Давлати исломӣ” дар ИМА боздошт шуданд.

ДУШАНБЕ, 26 фев — Sputnik. Се табааи ИДМ, ду зодаи Ӯзбакистон ва якеи дигар аз Қазоқистон дар Иёлоти Амрико бо иттиҳоми кӯмак ба "Давлати исломӣ" ва нияти сӯиқасд ба ҷони раисиҷумҳур ИМА дастгир шудаанд, менависад медиҳад РИА Новости, дар такя ба баёнияи Вазорати адлияи Амрико.

Ба қавли манбаъ, се зодаи Осиёи Марказӣ дар Бруклин бо иттиҳоми қасди кӯмаки молӣ ба ҷангиёни созмони тундрави "Давлати исломӣ" дастгир шудаанд. Гуфта мешавад, ду нафари онҳо — Абдурасул Ҷӯрабоеви 24-сола аз Ӯзбакистон ва Аҳрор Саидаҳмадови 19-сола аз Қазоқистон ният доштаанд аз тариқи Туркия ба Сурия рафта, ба ҷангиёни "Давлати исломӣ" бипайванданд.

Мақомоти додситонии Амрико дар дархости расмимаш аз 25 феврал гуфтаанд, ки Ҷӯрабоев ҳамчунин омода буд, дар сурати гирифтани дастур аз тарафи "Давлати исломӣ" ба амали террористӣ дар худи Амрико ҳам даст бизанад.

"Саидаҳмадов ба он айбдор мешавад, ки дар сурати муяссар нашудани сафараш ба Сурия низ даст ба амали террористӣ бизанад. Ба гуфтаи мақомот, Ҷӯрабоев даъво додааст, ки агар "Давлати исломӣ" бифармояд, раисиҷумҳури Амрико Барак Обамаро хоҳад кушт".

Аҳрор Саидаҳмадов пешниҳод кардааст, ки агар рафтанашон ба Сурия даст надиҳад, силоҳ харида, афсарони пулис ва FBI — Созмони федеролии тафтишоти Амрикоро бикушанд.

Нафари сеюм дар ин парванда Аброр Ҳабибови  30-сола аз Ӯзбакистон аст, ки бовар меравад, ба Аҳрор Саидаҳмадов барои пайвастан ба сафи ҷангиёни "Давлати исломӣ" кумак мекард.

Парвандаҳои онҳоро додгоҳҳои Ню-Йорку Флорида баррасӣ мекунанд. Дар сурати собит шудани иттиҳомоти эълоншуда, ба ин се нафар зодаи Осиёи Марказӣ дар Амрико то 15 соли зиндон таҳдид мекунад.

23
Барчаспҳо:
боздошти се табааи ИДМ, ба Сурия Рафтан, нияти куштани президент, Вазорати адлияи Амрико, Давлати исломӣ, ДИ, Абдурасул Ҷӯрабоев, Аҳрор Саидаҳмадов, Бруклин, Сурия, Флорида, Ню-Йорк, ИМА
Мавзуъ
“Давлати исломӣ” барои ташаннуҷи вазъ дар ОМ $70 миллион ҷудо мекунад
Як мақоми эронӣ: поёни умри "Давлати исломӣ" наздик аст
Гурӯҳи “Марг” ба “Давлати исломӣ” ва “Толибон” ҷанг эълом кард
На таджикский-афганской границе, архивное фото

Раҳимзода дар бораи сафар ба ВМКБ ва вазъ дар марз гуфт

654
Вазири корҳои дохилаи Тоҷикистон Рамазон Раҳимзода дар бораи сафари кориаш ба Вилояти Мухтори Кӯҳистони Бадахшон нақл кард

ДУШАНБЕ, 3 авг — Sputnik. Вазири умури дохилаи Тоҷикистон Раҳимзода Рамазон Ҳамро дар нишасти матбуотӣ таъкид кард, ки ахиран ба ВМКБ сафари хидматӣ дошта аз вазъ дар сарҳад бо кишвари ҳамсоя Афғонистон огаҳӣ пайдо кардааст.

Ба гуфти Раҳимзода, ҳоло вазъ дар марз ором аст ва кормандони милитсия дар якҷоягӣ бо марзбонон ва дигар ниҳодҳои қудратии кишвар ба ҳимояи марз машғул ҳастанд.

Дарозии марзи муштараки Тоҷикистону Афғонистон 1 ҳазору 370 километрро ташкил дода, аксари он аз манотиқи куҳӣ убур мекунад, ки назорату нигоҳубини онро мушкил менамояд.

Вазъият дар умум дар кишвари ҳамсояи Афғонистон ҳамоно муташанниҷ боқӣ мемонад. Дар кишвар зуд зуд миёни низомиёни давлатӣ ва ҷангҷӯёни гурӯҳи "Толибон" (мамнӯъ дар Тоҷикистон) ҳамлаҳои мусаллаҳона сар мезанад. Дар баробари ин вақтҳои охир дар Афғонистон аъзоёни гурӯҳи террористии ба ном "Давлати исломӣ" (мамнӯъ дар Тоҷикистон) фаъол шудаанд.

Фармондеҳони марзии ИДМ дар Самарқанд вазъи Афғонистонро баррасӣ карданд

Ёдрас мешавем, ки ахиран президенти Тоҷикистон Эмомалӣ Раҳмон дар ҷаласаи Шӯрои амният ба аъзои Шӯрои амнияти Ҷумҳурии Тоҷикистон, роҳбарони сохторҳои низомӣ, мақомоти ҳифзи ҳуқуқу тартибот супориш доданд, ки барои таъмини амнияти давлату миллат дар минтақаи сарҳади давлатии ҳамҷавори Тоҷикистон бо Афғонистон тадбирҳои мушаххас андешанд.

654
Барчаспҳо:
вазъият, марз, Рамазон Раҳимзода Ҳамроҳ, Тоҷикистон, ВКД ҶТ
Спецназ Таджикистана на 201-й российской военной базе, архивное фото

ВУД Тоҷикистон: дар соли равон аз ду амали террористӣ ҷилавгирӣ кардем

176
(Таҷдидшуда 14:54 03.08.2020)
Масъулини вазорати умури дохилаи Тоҷикистон имрӯз эълон доштанд, ки дар шаш моҳи соли равон дар қаламрави ҷумҳурӣ ду амали террористӣ пешгирӣ карда шуд

ДУШАНБЕ, 3 авг — Sputnik. Шодӣ Ҳафиззода , сардори раёсати мубориза бо ҷинояткории муташаккили ВКД имрӯз дар ҷамъи хабарнигорон гуфт, ки террористон қасд доштанд  кормандони милитсияро дар Рашту Шаҳринав кушанд.

 Вай афзуд кормандони Раёсати мубориза бо ҷинояткории муташаккили ВКД Тоҷикистон аз ду амали террористӣ, ки террористон аввали сол онҳоро нисбат ба кормандони милитсия дар ноҳияҳои Рашт ва Шаҳринав тарҳрезӣ карда буданд, пешгирӣ намуданд.

“Ҳар ду амали террористиро ҷонибдорони созмони террористтии фаъолияташ дар Тоҷикистон манъшудаи “Давлати исломӣ” содир карданӣ буданд”, - таъкид дошт сардори Раёсат.

Ба гуфтаи ӯ, аз рӯйи далели омодагӣ ба амали террористӣ чанд нафар аъзои “Давлати исломӣ” аз ҳисоби шаҳрвандони Тоҷикистон боздошт шудаанд.

Аммо ӯ аз ифшои ҷузъиёти бештар дар ин бора худдорӣ кард.

Бояд гуфт, ки тибқи маълумоти вазорати умури дохилаи Тоҷикистон дар давоми шаш моҳи соли равон 247 нафар шаҳрвандони кишвар ба гумони узвият ё робита доштан бо созмонҳои террористӣ ва ифротгаро боздошт шудаанд.

Аз ин шумор 203 нафараш аъзои созмони “Ихвон ул-муслимин” (Бародарони мусалмон), 27 нафар аъзои ташкилоти террористӣ-экстреместии “Давлати исломӣ”, 17 нафар “Салафия”, 8 нафар ҷамоати “Ансоруллоҳ”, чаҳор нафар “Гурӯҳи 24”, се нафар ҲНИТ, се нафар “Ал-Қоида”, ду нафар “Ҳизб-ут-Таҳрир”, як нафар ҳаракати исломии Ӯзбекистон, як нафар аъзои гурӯҳи Толибон ва як нафар дигар аъзои “Ҷамоати таблиғ”  буда, онҳо дар ҳоли ҳозир дастгир ва ба ҷавобгарӣ ҷиноятӣ ҷалб шуданд.

176
Барчаспҳо:
Вазорати умури дохила, Тоҷикистон, ҷилавгирӣ, амали террористӣ, ВУД
Вакцина от COVID-19 во время тестирования в исследовательском центре вакцин

Русия эълон кард, кай ваксинаи зидди COVID-19 миёни кӯдакон санҷида мешавад

0
(Таҷдидшуда 17:14 05.08.2020)
Русия тасмим дорад дар моҳҳои январ ва феврал ваксинаи зидди вируси коронаро миёни кӯдакон имтиҳон кунад

ДУШАНБЕ, 5 авг — Sputnik.  Маркази тадқиқоти миллии ба номи Гамалеи тасмим гирифтааст, санҷиши ваксинаи зидди вируси коронаро дар моҳҳои январ-феврали соли 2021 миёни кӯдакону наврасон имтиҳон кунанд, иттилоъ додааст  ба хабаргузории РИА Новости роҳбари марказ Александр Гинсбург.

“Мо ҳоло санадҳои дахлдорро омода дорем, чун қаблан ҳеҷ гоҳ пажуҳишгоҳи мо санҷишҳои ваксинаро дар кӯдак имтиҳон накарда буд. Пизишкони кӯдакон хусусияти инро медонад ва мо дар якҷоягӣ бо онҳо санадҳои дахлдорро омода дорем, ки ба вазорати тандурустӣ пешниҳод хоҳем кард. Санадҳои мазкур барои он лазим ҳастанд, ки мо тавонем санҷишҳоро миёни кӯдакон идома диҳем, танҳо пас аз анҷоми санҷишҳои миёни калонсолон”, - гуфт Гинсбург

Ба гуфтаи вай, санҷишҳо зимистон оғоз мешаванд, чунки марҳилаи севуми санҷишҳои ваксинаи зидди вируси корона миёни калонсолон ҳудуди панҷ моҳ тӯл мекашад. Дар он беш аз ду ҳазор довталабон иштирок хоҳанд кард.

Санҷиши ваксина бар зидди вируси корона сохти Русия

Қаблан вазири тандурустии Русия Михаил Мурашко дар бораи анҷоми санҷишҳои ваксинаи зидди вируси коронаи истеҳсоли Маркази миллии пажуҳиши эпидемиологӣ ва микробиологии ба номи Гамалеи эълон карда буд.

Вай қайд кард, ки мақомот ваксинатсияи сартосариро моҳи октябри соли равон шурӯъ хоҳад кард. Дар марҳилаи аввал ваксинатсия дар  “гуруҳҳои вижа” ба хусус пизишкон ва муаллимон сурат мегирад.  

Ин ваксина дар якҷоягӣ бо мутахассисони ин марказ ва вазорати дифои Русия ба даст омадааст. Дар авохири моҳи июли соли равон аз беморхонаи вазорати дифоъ  гурӯҳи дуюми 20 довталабро ҷавоб доданд. Зимни ин санҷишҳо дар бадани ҳар як довталаб иммунитет дар муқобили вируси корона пайдо шуд  ва ҳеҷ аломате манфӣ мушоҳида нашуд.

Ҳамчунин санҷишҳо дар маркази “Вектор” низ анҷом шудааст. Ин марказ тасмим дорад ба истеҳсоли ваксина моҳи ноябри соли равон оғоз намояд.  

0
Барчаспҳо:
имтиҳон, санҷиш, кӯдакон, вирус, Русия