Кохи Сафед дар Вашингтон. Акс аз бойгонӣ

Амрико аз шӯришгарони хост, сари мизи музокирот бинишинанд

5
(Таҷдидшуда 11:42 27.03.2015)
Дар Яман амалиёти байналмилалии низомӣ шурӯъ гардид, ки дар он кишварҳои минтақа аз қабили Арабистони Саудӣ, Кувайт, Баҳрайн, АМА ва Қатар ширкат доранд.

ДУШАНБЕ, 26 мар — Sputnik. Маъмурияти ИМА аз шӯришиёни ҳусӣ даъват кардааст, ки даст аз амалиёти низомӣ бардоранд ва сари мизи гуфтушунид бишинанд, иттилоъ медиҳад РИА Новости бо истинод ба намояндаи расмии Шӯрои амнияти миллии Кохи Сафед Бернадетта Михан.

Дар Яман амалиёти байналмилалии низомӣ шурӯъ гардид, ки дар он кишварҳои минтақа аз қабили Арабистони Саудӣ, Кувайт, Баҳрайн, АМА ва Қатар ширкат доранд. Дар ҳоли ҳозир маълум гардид, ки эътилофи ҳарбӣ фурудгоҳи Санъо, пойтахти Яман ва чанд иншооти ҳарбиро ҳадафи ҳамла қарор додааст.

"Мо ҷиддан аз шӯришиёни ҳусӣ тақозо дорем, ки амалиёти низомиро канор гузошта, барои муколамаи сулҳомез омода шаванд. Ҷамоаи байналмилал ба воситаи СММ, инчунин дигар сохторҳо ҷонибдори ҳалли мушкил бо роҳи гуфтушуниди сиёсӣ аст. Интиқоли ҳукумат дар Яман бояд ба таври сиёсӣ сурат бигирад, дар раванди он ҳама ҷонибҳои манфиатдор ҳузур дошта бошанд",- иброз дошт Михан рӯзи чоршанбе.

Ӯ аз номи ҳукумати Амрико "амалкарди ҳусиҳои шӯришгарро алайҳи ҳукумати қонунӣ маҳкум намуд". Ба қавли хонум, "иқдоми шӯришиён Яманро ба беҳокимиятӣ, харобӣ ва бесуботӣ оварда мерасонад".

Маврид ба зикр аст, ки ҳанӯз дар даҳаи аввали моҳи феврал вазорати корҳои хориҷаи Амрико таъйид кард, ки ба далелҳои амниятӣ ва баъд аз гузаштани қудрат ба дасти гурӯҳи шӯришии шиаи ҳусиҳо ин кишвар сафоратхонаи худро дар Яман бастааст.Сафоратхонаҳои Британияву Фаронса ва Олмон низ гуфтанд, ки баъзе ҳуҷҷатҳои худро интиқол медиҳанд ва кормандонашон дастмузди думоҳаи худро мегиранд ва ба рухсатӣ мераванд.

Шӯришиёни ҳусӣ аз моҳи сентябри соли 2014 ба ин сӯ назорат бар шаҳри Санъоро дар ихтиёр доранд ва моҳи гузашта кохи раёсати ҷумҳуриро ба тасарруфи худ дароварданд. Ба дунболи он президент Абд Раббу Мансур Ҳодӣ ва ҳукумати вай ба истеъфо рафтанд.Моҳи феврал шӯришиён порламонро пароканда карданд ва як ҳукумат ва шӯрои давраи гузор ташкил доданд. Абдул Малик Ҳусӣ-раҳбари ҳусиҳо гуфт, ки бо ин кор "халои сиёсӣ"-ро пур мекунанд.

5
Барчаспҳо:
ҷанги Яман, тақозои гуфтушунид, даъвати ИМА аз ҷангиёни Яман, шӯришиёни ҳусӣ, ҳусиҳо дар Яман, Шӯрои амнияти миллии Кохи Сафед, президенти Яман, СММ, Абдул Малик Ҳусӣ, Абд Раббу Мансур Ҳодӣ, Бернадетта Михан, Санъо, Арабистони Саудӣ, Қатар, АМА, Кувайт, Яман
Мавзуъ
Аъмоли террористии “Ал-Қоида” дар Яман, 27 нафар кушта шуданд

Ҳамлаи ҳавоии ИМА ба Сурия бо фармони Байден: талафот ҳаст

519
(Таҷдидшуда 12:46 26.02.2021)
Президенти ИМА, Ҷо Байден дар посух ба се ҳамлаи ҷангиён ба иншооти истифодашавандаи ИМА амр дод ба ҳадафҳои гурӯҳҳои тарафдори Эрон дар Сурия зарбаи мушакӣ занад

ДУШАНБЕ, 26 фев - Sputnik. Амрико ба Сурия ҳамлаи ҳавоӣ ба як бинои марбут ба низомиёни тарафдори эрониро, ки аз Димишқ пуштибонӣ мекунад, оғоз кард, навиштааст Politico бо такя ба сухангӯи Вазорати дифои ин кишвар.

Маълум шудааст, ки фармони партоби мушакро худи президент Ҷозеф Байден додааст.

Рӯзномаи Washington Post бо такя ба як манбааш дар маъмурияти Амрико хабар медиҳад, ки дар натиҷаи ҳамлаи ҳавоӣ чанд нафар кушта шуданд.

Вазири мудофиаи ИМА Ллойд Остин гуфт, ки низомиёни ИМА ба маълумоти иктишофии ҷониби Ироқ такя мекунанд ва ба дурустии зарба эътимод доранд.

Манбаъ қайд кард, ки ин зарба характери мудофиавӣ дошт ва посух ба се ҳамла ба артиши ИМА аз ҷониби ҷангиён дар моҳи феврали соли 2021 буд.

Гуфта мешавад, амалиёти низомӣ ба пешгирии ҳамлаҳои оянда ба пойгоҳи ИМА равона шуда, он бидуни ширкати шарикони Вашингтон дар эътилофи низомӣ гузашт.

"Мо онҳоро нодида гирифтем": Ғарб комёбии низомии Русияро дар Сурия эътироф кард

Дар навбати худ, сухангӯи Пентагон Ҷон Кирби гуфт, ки ҳадафи ҳамлаи амрикоиҳо объектҳои гузаргоҳи марзӣ дар шарқи Сурия буд, ки онро гурӯҳҳои мусаллаҳ истифода кардаанд.

"Ҳамла паёми возеҳе медиҳад, ки президент Байден барои ҳимояи контингенти амрикоӣ ва шарикони эътилофи мо амал хоҳад кард",-гуфт Кирби.

Дар ҷараёни амалиёт ҷангҷӯёни амрикоӣ ба ҳафт ҳадаф бомбаи дақиқи 500-фунтӣ партофтаанд.

519
Барчаспҳо:
фармон, Ҷо Байден, ҳамла, ИМА, Сурия
Начальник Объединенного штаба Организации Договора о коллективной безопасности генерал-полковник Анатолий Сидоров

“Соли тоҷикии СПАД”: 4 машқи муштарак, ҷаласаҳои низомиву сиёсӣ ва бозсозии марз

136
(Таҷдидшуда 12:34 26.02.2021)
Сардори Ситоди Созмони паймони амнияти дастаҷамъӣ (ОДКБ) гуфт, соли равон дар Тоҷикистон муҳимтарин чорабиниҳои ин созмон баргузор хоҳанд шуд

ДУШАНБЕ, 26 фев — Sputnik. Анатолий Сидоров, ки дар як видеоконфронс суҳбат мекард, дар посух ба суоли хабарнигори Sputnik Тоҷикистон гуфт, соли 2021 таваҷҷӯҳи вежае ба Тоҷикистон мешавад, зеро ин кишвар раёсати созмони СПАД-ро бар ӯҳда гирифтааст ва раисҷумҳури Тоҷикистон раиси Шӯрои амнияти дастаҷамъии созмон аст.

“Эҳтимолан ин нукта низ аҳамияти қобили таваҷҷуҳ низ хоҳад дошт, ки чорабиниҳои аслии органҳои созмони мо дар қаламрави Тоҷикистон баргузор мешавад ва дар поёни сол ҷаласаи Шӯрои амнияти дастаҷамъӣ дар назар аст, ки дабирони Шӯрои амният, вазирони дифоъ, корҳои хориҷӣ ва сарони кишварҳои моро гирдиҳам меоварад ва натоиҷи солро ҷамъбандӣ карда, вазоифи марбут ба сол 2022-ро равшан мекунад”, - гуфт Анатолий Сидоров.

Сардори Ситоди СПАД гуфт, бо дар назар гирифтани раёсати Тоҷикистон ва авлавиятҳое, ки раисҷумҳури Тоҷикистон ба ҳама сарони кишварҳо ироа кард, як барномаи корӣ барои соли 2021 танзиму мушаххас шуда, ҳафтаи гузашта дабири кулли созмон Станислав Зас дар Душанбе ин тарҳро бо раиси Шӯрои амнияти дастаҷамъӣ тасвиб кард.

“Нуктаи дигар ин аст, ки кор идома дорад ва иқдомот барои иҷрои тарҳи тавсеа ва таҷдиди манотиқи марзии Тоҷикистон бо Афғонистон дар ҳоли анҷом аст, ки дар он каму беш мушорикати ҳама кишварҳои узви созмон барномарезӣ шудааст”, - гуфт Анатолий Сидоров.

Сардори Ситоди СПАД афзуд, бар асоси тарҳи размоиши амалиётӣ - стратегии "Бародарии размӣ - 2021", як размоиши вежа бо неруҳои истихборотӣ - "Ҷустуҷӯ-2021" , тамринот бо неруҳои тадорукотӣ - "Эшелон-2021" ва тамрини неруҳои вокуниши сареъи ҷамъӣ - "Таомул -2021" – и СПАД дар хоки Тоҷикистон баргузор хоҳанд шуд.

“Инҳо се рӯйдоди аслиянд, ки дар хоки Тоҷикистон барномарезӣ шудааст. Ин як ҷузи комилан низомӣ аст. Мо нируҳои вежае дар созмони худ дорем. Ба мизони бештаре Котиботи созмони мо бо онҳо машғул аст, ки ҳамчунин тамриноти муштаракро бо мо ва ба таври мустақил анҷом медиҳад, аз ҷумла барномае низ дар қаламрави Тоҷикистон тарҳрезӣ шудааст”, - гуфт Анатолий Сидоров.

Қаблан дар ин видеоконфронс сардори Ситоди СПАД ин таваҷҷуҳи хоса ба Тоҷикистонро ба афзоиши хатари неруҳои созмонҳои террористии ҷамъшуда дар минтақаҳои марзӣ - Толибон ва ДОИШ (созмонҳои мануъ дар Тоҷикистону Русия) рабт дода буд.

"Дар тӯли тамрин, гурӯҳи неруҳои ҷамъӣ вазифаҳоеро барои ҷилавгирӣ аз талоши вуруди созмонҳои террористии байнулмилалӣ ба хоки кишварҳои узви СПАД анҷом хоҳанд дод. Теъдоди ҷангиёни Толибон дар манотиқи марзӣ бо Тоҷикистон ва Туркманистон ҳудуд 15 ҳазор нафар аст", – гуфт Анатолий Сидоров.

СААД ният дорад, ҳифзи сарҳади Тоҷикистону Афғонистонро таҳким бахшад

Созмони паймони амнияти дастаҷамъӣ соли 1992 поягузорӣ шуда, соли 2002 созишномаи он ба имзо расид. Дар ҳоли ҳозир, Арманистон, Белорус, Қазоқистон, Қирғизистон, Русия ва Тоҷикистон узви ин созмон мебошанд.

Сербистону Афғонистон аз соли 2013 ба ин сӯ нозирони назди ассамблеяи парлумонии СПАД буда, то соли 1999 Озарбойҷон, Гурҷистон ва Ӯзбекистон низ узви созмон буданд.

136
Барчаспҳо:
машқҳои муштараки ҳарбӣ, СААД, Тоҷикистон

Маҷлиси Ҳукумат: аз баррасии тағйири номи минтақаҳо то ҳудуди ноҳияҳои Душанбе

236
(Таҷдидшуда 19:36 26.02.2021)
Раисҷумҳури Тоҷикистон Эмомалӣ Раҳмон Маҷлиси Ҳукумати Тоҷикистонро баргузор кард, ки дар он якчанд масъалаҳо матраҳ шуданд

ДУШАНБЕ, 26 феврал - Sputnik. Дар бораи баргузор шудани Маҷлиси Ҳукумати Тоҷикистон дафтари матбуоти раисҷумҳур гузориш медиҳад.

Бино бар иттилои манбаъ, дар он якчанд масъала баррасӣ шуд ва масъулин ҳисобот доданд.

Гуфта мешавад, дар кори маҷлис нахуст  гузориши раиси Кумитаи давлатии идораи замин ва геодезӣ Ориф Хоҷазода шунида шуд.

"Дар соли 2019 майдони 706 гектар заминҳои партов, аз ҷумла 421 гектар обӣ ба гардиши кишоварзӣ ворид карда шудааст. Аз ҷумла, майдони 586 гектар, аз он 302 гектар обӣ ба заминҳои корам ва 120 гектар, аз он 119 гектар партови обӣ ба дарахтони бисёрсола гузаронида шудааст", - гузориш додааст Хоҷазода.

Эмомалӣ Раҳмон дастур додааст, ки бештар заминҳо ба гардиши кишоварзӣ ворид карда шаванд ва хариду фурӯши ғайриқонунии замин пешгирӣ карда шавад.

Лоиҳаҳои як қатор қонунҳо аъди муҳокимаи аъзои Ҳукумати мамлакат барои баррасӣ ба Маҷлиси намояндагон ирсол карда шуд.

 Инҳо - “Дар бораи таъмини дастрасӣ ба иттилоот оид ба фаъолияти судҳо”, “Дар бораи ворид намудани иловаҳо ба Кодекси ҷиноятии Ҷумҳурии Тоҷикистон”, “Дар бораи вазъи ҳуқуқии хизматчиёни ҳарбӣ”, “Дар бораи воситаҳои нашъадор, моддаҳои психотропӣ ва прекурсорҳо”,  “Дар бораи дигар пардохтҳои ҳатмӣ ба буҷет”, "Дар бораи чарогоҳ” ва  "Дар бораи иттиҳодияҳои ҷамъиятӣ” мебошанд.

Дар кори маҷлис чор хулосаи Ҳукуматро “Оид ба ворид намудани тағйиру иловаҳо ба Қонуни ҶТ “Дар бораи таҳсилоти иловагӣ” ва Дар бораи пешниҳоди хулосаи Ҳукумати ҶТ ба лоиҳаи Қонуни ҶТ “Оид ба ворид намудани тағйиру иловаҳо ба Қонуни ҶТ “Дар бораи мусоидат ба шуғли аҳолӣ” мавриди муҳокима қарор дода шуд.

Аъзои Ҳукумат ҳамчунин масъалаҳо Дар бораи пешниҳоди Маҷлиси вакилони халқи шаҳри Душанбе оид ба тағйир додани сарҳади ноҳияҳои Шоҳмансур, Фирдавсӣ, Сино ва Исмоили Сомонии шаҳри Душанберо баррасӣ карданд.

Ҳамчунин пешниҳоди Маҷлиси вакилони халқи вилояти Хатлон оид ба иваз намудани номи баъзе маҳалҳои аҳолинишини ноҳияҳои вилояти Хатлон ва Дар бораи пешниҳоди Маҷлиси вакилони халқи ноҳияи Тоҷикобод оид ба иваз намудани номи баъзе маҳалҳои аҳолинишини ноҳияи Тоҷикобод гуфта шуд.

Баррасии тағйири ҳудуди ноҳияҳои Душанбе: Рустами Эмомалӣ вакилонро ба маҷлис хонд

Дар охири кори маҷлис раиси Ҳукумат ба аъзои Ҳукумати мамлакат ҷиҳати иҷрои саривақтии қарору фармоишҳо, маъракаи кишту кори баҳорӣ, ниҳолшинонӣ, корҳои ободонӣ, созандагию бунёдкорӣ, омодагӣ ба санаи муҳими таърихӣ — 30-солагии Истиқлоли давлатии Ҷумҳурии Тоҷикистон, бе хароҷоти зиёдатӣ ва бо риояи сарфаю сариштакорӣ таҷлил намудани ҷашни Наврӯзи байналмилалӣ, дастуру супоришҳо доданд.

236
Барчаспҳо:
президент, Маҷлиси ҳукумат, Тоҷикистон