Яман. Акс аз бойгонӣ

ВКХ: гуфтушунид барои аз Яман берун кардани тоҷикон идома дорад

14
(Таҷдидшуда 12:28 27.03.2015)
Абдулфайз Атоев, сухангӯи вазорати умури хориҷӣ мегӯяд, бо воҷуди он ки шаҳрвандони Тоҷикистон бидуни мувофиқа бо вазорат ба Яман рафтаанд, ин ниҳод барои берун овардани онҳо талош мекунад.

ДУШАНБЕ, 27 мар — Sputnik. Масъулини Вазорати умури хориҷии Тоҷикистон мегӯяд, барои аз қаламрави Яман берун кардани шаҳрвандони кишвар талош доранд, менависад оҷонсии "Озодагон".

Абулфайз Атоев, сардори Раёсати иттилоот, таҳлил ва тарҳрезии Вазорати корҳои хориҷии Тоҷикистон ба оҷонсӣ гуфтааст, онҳо аз роҳҳои дипломатӣ ва ҳамкорӣ бо ширкатҳои русӣ, ки шаҳрвандони кишварро барои кор ба Яман ҷалб кардаанд, ин масъаларо ҳал мекунанд. Ба гуфтаи Атоев, масъулини Вазорати умури хориҷии Тоҷикистон аллакай бо ширкатҳои русӣ тамос гирифта, дар пайи муайян кардани теъдоди дақиқи тоҷикони муқими Яман ва нақшаи берун баровардани онҳо аз роҳҳои дипломатӣ мебошанд.

"Ҳоло мо корро шурӯъ кардаем ва талош дорем ҳарчӣ зудтар онҳоро аз роҳҳои дипломатӣ аз Яман берун орем. Албатта мушкил инҷо аст, ки онҳо бидуни мувофиқа бо мо тавассути ширкатҳои русӣ барои кор ба Яман рафтаанд ва ҳоло мо теъдоди дақиқи онҳоро гуфта наметавонем", — афзудааст Атоев.

Ин масъули вазорати хориҷа ҳамчунин гуфтааст, гарчанде шаҳрвандон бо вуҷуди ҳушдорҳои пайвастаи вазорат ва бидуни мувофиқа бо ин ниҳод озими Яман шудаанд, ҷониби Тоҷикистон бо ҳар васила барои аз қаламрави он кишвари дар ҳоли ҳозир ноамн берун карданашон талош мекунад.

Тоҷикони муқими Яман дар пайи оғози ҳамлаҳои низомии ҳавоии Арабистони Саудӣ ба қаламрави ин давлати ҳамсояаш аз ҳукумати Тоҷикистон хостаанд, онҳоро аз ин кишвар берун биёранд. Шаҳноза, як табиби тоҷики муқими Яман дар суҳбат бо бахши тоҷикии "Радиои Озодӣ" гуфтааст, ҷони онҳо дар хатар қарор дошта, мехоҳанд, ҳарчӣ зудтар аз ин кишвар берун шаванд. Ба гуфтаи ӯ, ҳоло ҳуҳуди 100 табиби тоҷик дар қаламрави ин кишвари арабӣ ҳузур доранд.

Ҳамлаҳои низомии ҳавоии Арабистони Саудӣ, ки онро лигаи кишварҳои арабӣ ва Амрико ҷонибдорӣ менамоянд, рӯзи 26 марти соли равон замоне шурӯъ гардид, ки нерӯҳои қабилаи шиаҳои ҳусӣ давлат ва ҳукумати ин кишварро ғасб карданд.

14
Барчаспҳо:
ҳамла, берун овардан, талош, табибон, шаҳрвандон, ҷанг, Вазорати умури хориҷаи Тоҷикистон, Абдулфайз Атоев, Арабистони Саудӣ, Яман, Тоҷикистон
Президент Таджикистана Эмомали Рахмон и глава Беларуси Александр Лукашенко

Лукашенко нақл кард, ки чӣ гуна дӯсташ Раҳмон вориди Душанбе шуд, то тартибот ҷорӣ кунад

2669
(Таҷдидшуда 23:16 04.06.2020)
Александр Лукашенко, раисиҷумҳури Белорус, дар пайи таъйини ҳукумати нави кишвараш изҳор дошт, ки аз ҳама муҳим ҳифзи сулҳу субот мебошад

ДУШАНБЕ, 4 июн — Sputnik. Лукашенко зимни суханронияш баъди таъйини ҳукумати нав изҳор дошт, ки Белорус ягона кишвари пасошӯравӣ аст, ки мусибатро надид.

Ӯ аз ҷумла танишҳо дар Украина, Гурҷистон, Молдова, Озарбойҷону Арманистон, Литваро зикр карда, солҳои ҷанги шаҳрвандии Тоҷикистонро мисол овард.

Лукашенко нақл кард, ки Эмомалӣ Раҳмон, раисиҷумҳури Тоҷикистон, бо нерӯи низомӣ вориди Душанбе шуд, то тартиботро ҷорӣ кунад, хабар дод нашрияи "Беларусь сегодня".

“Касе намедонад, ки чигуна дӯстам Раҳмон бо пулемёт вориди пойтахти Тоҷикистон шуд, то тартиботро ҷорӣ кунад. Чандин нафар он ҷо мурд. Чигуна бо ришдорҳо мубориза мебурданд”, - гуфт Лукашенко.

Раисиҷумҳури Белорус инчунин аз он нақл кард, ки чигуна Ислом Каримов, раисиҷумҳури пешини Ӯзбекистон дар Андиҷон бо парондани ҳазор нафар ошӯбро шинонд.

“Ҳама ӯро маҳкум мекарданд, аммо вақте фавтид, ба зону зада фиғон бардоштанд, гиря мекарданд. Мо чунинро аз сар нагузарондаем ва намехоҳем онро дарк кунем. Бархе намехоҳанд, аммо мо ёдрас мекунем”, - гуфт Лукашенко.

Раисиҷумҳури Белорусия дар ҳузури ҳукумати ҷадиди кишвараш аҳамияти ҳифзи сулҳу суботро таъкид намудааст.

2669
Национальный банк Таджикистана

Рӯйхати "сиёҳи" Бонки миллӣ нав шуд: киҳо ва кадом созмонҳо шомиланд

1065
(Таҷдидшуда 10:18 29.05.2020)
Теъдоди умумии афроде, ки дар иртибот бо терророризм ва ифротгароӣ гумонбар мешаванд, давоми соли ахир қариб ду баробар зиёд шудааст

ДУШАНБЕ, 29  май — Sputnik. Дар Тоҷикистон рӯйхати шахсони воқеӣ ва ҳуқуқӣ, ки бо терроризм алоқаманданд, нав карда шуд, хабар медиҳад Департаменти мониторинги молиявии Бонки миллии Тоҷикистон.

Ҳамин тариқ, шумораи умумии афрод, ки дар робита бо террористон ва экстремист гумонбар мешаванд, нисбати соли гузашта қариб ду баробар зиёд шудааст. Агар як сол пеш 1356 нафар ба қайд гирифта шуда бошад, пас дар ҳоли ҳозир - 2647 нафар аст.

Моҳи апрели соли гузашта ин рӯйхат ду қисм, нахуст афроди воқеие, ки аз ҷониби Тоҷикистон ҳамчун “шахсони бо терроризм алоқадошта” ва дуввум “шахсони бо ифротгароӣ дастдошта” ҷудо шуда буд

Ҳамакнун, танҳо як рӯйхат вуҷуд дорад, ки ба он 15 созмону ташкилотҳои террористӣ ва экстремистиро, ки дар Тоҷикистон манъ карда шудаанд, шомиланд, ки аз ин қабиланд:

"Ал-Қоида", "Ихвон ул-Муслимин (Бародарони мусалмон)", "Лашкари-Тайиба", "Ҳаракати Толибон", "Ҳаракати исломии Ӯзбекистон", "Давлати исломии Ироқу Шом", "Ҷабҳат ан-Нусра", "Ҷамоати Ансоруллоҳ", "Ҳизби наҳзати исломии Тоҷикистон", "Ҷамъияти Исломӣ", "Паймони миллии Тоҷикистон", "Ҷамъияти Таблиғ", "Даъват ба ислом", "Тоҷикистони озод", "Гурӯҳи 24".

Қаблан Бонки миллии Тоҷикистон дар як баёнияи худ эълон кард, ки рӯйхати шахсони ба терроризм алоқамандро Бонк тартиб намедиҳад, чунки он аз ҷониби мақомоти дахлдоре, ки бар зидди терроризм мубориза мебрад муайян карда мешавад.

“Тартиб додани рӯйхати шахсони бо терроризм алоқаманд дар салоҳияти Бонки миллии Тоҷикистон нест”, - зикр намудааст бонки миллии Тоҷикистон.

Ҳамзамон БМТ қайд намудааст, ки Тартиб мутобиқи талаботҳои Қатъномаҳои Шурои Амнияти Созмони Милали Муттаҳид (ША СММ), Гурӯҳи тадбиқи чораҳои молиявӣ (ФАТФ), қонунҳои Ҷумҳурии Тоҷикистон “Дар бораи мубориза бар зидди терроризм” ва “Дар бораи муқовимат ба қонунигардонии (расмикунонии) даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом” ба роҳ монда шудааст.

 

1065
Жители Узбекистана в защитных масках

Афзоиши мубталоёни коронавирус дар Ӯзбекистон: ба чор ҳазо наздик шуд

0
Айни замон дар Ӯзбекистон 862 беморони гирифтори COVID-19 табобат мегиранд, нӯҳ нафари онҳо дар ҳолати вазнин ва як нафар дар ҳолати ниҳоят вазнин қарор дорад

ДУШАНБЕ, 5  июн — Sputnik. Дар ин кишвар давоми шабонарӯзи гузашта боз 26 ҳолати ҷадиди мубталошавӣ ба ин маризӣ сабт гардид, хабар медиҳад ситоди фаврии назди ҳукумати Ӯзбекистон.

Бо илова шудани 26 мавориди ҷадид, шумораи умуми дардмандон ба 3 965 нафар баробар шуд.

Гуфта  мешавад, ба қарибӣ дар ҷумҳурӣ 96 ҳолати нави COVID-19 ва снаи 3 июн - 83 нафар бо нишонаҳои ин беморӣ ба қайд гирифта шудааст.

Тибқи иттилои вазорати тандурустӣ, ҳоло дар Ӯзбекистон 862 беморони гирифтори COVID-19 табобат мегиранд, нӯҳ нафари онҳо дар ҳолати вазнин ва як нафар дар ҳолати ниҳоят вазнин қарор дорад

Ёдовар мешавем, ки аввалин ҳолати сироятёбӣ дар Узбакистон 15 март дар зане, ки аз Фаронса ба ватанаш баргашт, расман сабт шуд.

Ҳукумати Ӯзбекистон сар аз пайдоиши ин беморӣ дар ин кишвар чораҳи қатъӣ аз ҷумла қарантинаро роҳандозӣ кард.

Мубориза бо КОВИД-19: дар Бӯстон маҳлули хлор тақсим мекунанд

Ба наздикӣ мақомоти Узбакистон қарантинро дар ҷумҳурӣ то 15 июн тамдид карданд, аммо дар минтақаҳое шуюи коронавирус паст гаштанд аз 1 июн ба нуқтаҳои маишӣ ва гузаронидани тую маъракаҳо иҷозат дода шуд.

Ҳамчунин, аз 18 май инҷониб равуои нақлиёти мусофирбар байни Тошканд ва дигар минтақаҳои Узбакистон барқарор карда шуданд.

Аз 8 июн, дари мосоҷид ва дигар ибодатгоҳҳо ба рӯйи сокинон кушода хоҳад шуд.

0