Додгоҳ. Акс аз бойгонӣ

Панҷ узви “Ҳизби таҳрир” дар Хуҷанд зиндонӣ шуданд

12
Додгоҳи Хуҷанд панҷ узви созмони мамнуъшудаи “Ҳизби таҳрир”-ро дубора ба зиндон фиристод. Мақомот мегӯянд, ин афрод дар сӯҳбатҳои худ “амир”-и гурӯҳашонро “бобо” ва “ҳизби таҳрир”-ро “корхона” ном мебурдаанд.

ДУШАНБЕ, 10 апр — Sputnik. Панҷ узви собиқи "Ҳизби таҳрир" — яке аз маркази Суғд ва дуи дигар аз Исфараю Чкалов, аз сӯи Додгоҳи шаҳри Хуҷанд аз 3 то 3.5 сол аз озодӣ маҳрум шуданд, навиштааст "Радиои Озодӣ".

Манбаи "Озодӣ" дар додгоҳ гуфтааст, ин афрод дар солҳои 2001-2002 низ ба ҷурми узвият дар ин созмони мамнӯи динӣ боздошт ва зиндонӣ шуда, охиринашон ҳамагӣ шаш соли пеш раҳо шудааст.

Ба қавли манбаи радио, ин панҷ нафар соли 2013 дубора бо якдигар вохӯрда, барои "ҷоннок" кардани фаъолияташон дар "Ҳизби таҳрир" маслиҳат намудаанд.

"Онҳо барои пинҳон доштани асрори худ раҳбар ё "амир"-ашонро "бобо" ва "Ҳизби таҳрир"-ро "фирма" ё "корхона" хитоб мекардаанд", — гуфтааст манбаи радио.

Аъзои ин гурӯҳ моҳи ноябри соли 2014 аз сӯи маъмурони пулиси Суғд боздошт шудаанд. Додгоҳи Хуҷанд онҳоро бар асоси банди 207, иловаи 2, яъне "иштирок дар иттиҳоди экстремистӣ" айбдор дониста ва раҳбарашонро ба 3.5 сол ва боқимондаҳоро ба 3 солӣ маҳкум ба ҳабс кард.

Бино ба ҳукмномаи додгоҳи Хуҷанд, ин афрод аз 35 то 42 сол дошта, раҳбари гурӯҳ дорои маълумоти олии тиббӣ будааст. Яке дигар ронанда буда, боқимондаҳо ихтисосе надоштаанд. Замони боздошт онҳо дар ҷое кор намекардаанд. Ҳамагӣ оиладор будаанд.

"Ҳизби таҳрир" аз ҷумлаи созмонҳоест, ки фаъолияташон дар Тоҷикистон мамнуъ буда, ҳамчун созмони террористӣ эътироф шудааст.

12
Барчаспҳо:
муттаҳам, узвият, 3,5 сол ҳабс, иштирок дар иттиҳоди экстремистӣ", "корхона", "бобо", зиндонӣ, ҳабс, муҳокима, додгоҳи Хуҷанд, Хуҷанд
Пограничник на смотровой вышке на границе Кыргызстана. Архивное фото

Дастури Раҳмон барои тақвияти артиш ва марз: вазъи минтақа мураккаб

109
(Таҷдидшуда 15:26 26.01.2021)
Бо дарназардошти вазъи мураккаби минтақа ба таҳкими доимии ҳифзи сарҳад, махсусан, бо Афғонистон, Эмомалӣ Раҳмон дастур дода, ки барои пешгирӣ кардани қочоқи маводи мухаддир, силоҳ, адабиёти экстремистӣ ва дигар ҷиноятҳои фаромиллӣ тадбирҳои зарурӣ андешида шавад

ДУШАНБЕ, 26 январ - Sputnik. Тоҷикистон стратегияи миллии зидди терроризмро барои солҳои 2021-2025 таҳия хоҳад кард, гуфт президенти кишвар Эмомалӣ Раҳмон дар паёми солонааш ба парлумон.

Президент гуфт, тадбирҳо на танҳо ба ҳимояи манфиатҳои кишвари мо, балки ба оромиву суботи кишварҳои дуру наздик, бахусус, кишварҳои минтақа низ мусоидат менамоянд.

Вобаста ба ин, Кумитаи давлатии амнияти миллӣ вазифадор шудааст, ки дар ҳамкорӣ бо дигар сохторҳои низомӣ ва мақомоти ҳифзи ҳуқуқи кишвар, ҷиҳати ҳимояи устувори сарҳади давлатӣ ва дар сатҳи баланд нигоҳ доштани омодабошии ҷангии ҷузъу томҳои Қӯшунҳои сарҳадӣ пайваста чораҷӯӣ карда, назоратро дар ин самт боз ҳам ҷоннок намояд.

Раисиҷумҳури кишвар гуфт, вазъи имрӯзаи ҷаҳон ва минтақа моро водор месозад, ки ба масъалаи таъминоти Қувваҳои Мусаллаҳи кишвар беш аз ҳар вақти дигар таваҷҷуҳи ҷиддӣ диҳем.

Зеро вазифаи аз ҳама муҳим - ҳимояи марзу буми давлат, таъмини амнияти давлату миллат ва ҳифзи суботу оромии ҷомеа, пешгирӣ ва бартараф кардани ҳама гуна таҳдиду хатарҳои берунӣ, таъмини волоияти қонун ва тартиботи ҷамъиятӣ ба зиммаи Қувваҳои Мусаллаҳ ва мақомоти ҳифзи ҳуқуқ вогузор гардидааст.

Навигариҳои хизмати ҳарбӣ: хизмати пулакӣ, дипломдорҳо ҳам раванд, ба кор намегиранд

Тақвияти иқтидори мудофиавии кишвар ва омодабошии ҷангӣ аз тайёр кардани кадрҳои соҳибкасбу содиқ ба халқу давлати худ, рӯҳияи ватандӯстиву ватанпарастӣ ва худшиносиву худогоҳии хизматчиёни ҳарбӣ вобаста мебошад.

Эмомалӣ Раҳмон гуфт, моро зарур аст, ки бо дарназардошти шароити имрӯза Қувваҳои Мусаллаҳи худро азнавсозӣ кунем ва онҳоро бо техникаву лавозимоти пешрафтаи ҳарбӣ таъмин намоем.

“Таъкид месозам, ки дар ҳолати тайёрии доимии ҷангӣ қарор доштани Қувваҳои Мусаллаҳ кафолати воқеии ҳимоя кардани давлат аз ҳама гуна таҳдиду хатарҳо мебошад”,-гуфт, президент.

Кишвардори Тоҷикистон гуфт, Вазорати мудофиа барои таҳия ва роҳандозии барномаҳои давлатӣ оид ба рушди саноати мудофиаи кишвар, тақвият бахшидан ба фаъолияти корхонаҳои саноатӣ дар самти истеҳсоли амволи махсус ва таъмири техникаи ҳарбӣ, инчунин, таъмини артиш бо силоҳу лавозимоти муосири ҷангӣ бояд тадбирҳои зарурӣ амалӣ карда шаванд.

Қабули қонунҳо: хизмати ҳарбӣ барои кор дар гумрук, суд, додситонӣ ҳатмӣ шуд

Вазорати мудофиа, инчунин, вазифадор карда мешавад, ки корро бо захираҳои сафарбарии ҳайати эҳтиётӣ тақвият бахшида, омӯзонидани онҳоро аз рӯи ихтисосҳои қайди ҳарбӣ дар шаҳру ноҳияҳо ба роҳ монад ва ҷиҳати баланд бардоштани омодагии ҳарбии захираҳои сафарбарӣ, гузаронидани ҷамъомадҳои ҳарбӣ, таълими саҳроӣ ва машқҳои низомӣ бо истифода аз тарзу усулҳои муосир аҳаммияти аввалиндараҷа диҳад.

109
Барчаспҳо:
артиш, минтақа, марз, Эмомалӣ Раҳмон
Послание президента Таджикистана парламенту

Раҳмон аз хоинону нақшаҳояшон гуфт: мехоҳанд фарҳангу мазҳаби бегонаро таҳмил кунанд

236
(Таҷдидшуда 14:56 26.01.2021)
Раисиҷумҳури Тоҷикистон аз  вазъи тағйирёбандаи ҷаҳони имрӯза ва хусусияти устувор пайдо намудани зуҳуроти хатарноки замони муосир ёдовар шуда, аз мақомоти қудратии кишвар хост, ки ба масъалаи таъмини амният диққати ҷиддӣ диҳанд

ДУШАНБЕ, 26 янв — Sputnik. Эмомалӣ Раҳмон зимни ироаи паёми солона гуфт, зуҳуроти хатарноки замони муосир, аз ҷумла терроризму экстремизм, қочоқи силоҳ, гардиши ғайриқонунии маводи мухаддир, киберҷиноятҳо ва дигар ҷиноятҳои фаромиллӣ, ки башариятро ба ташвиш овардаанд, моро водор месозад, ки ба масъалаҳои таъмини амнияти кишварамон диққати аввалиндараҷа диҳем.

Зеро пайравони созмонҳои террористиву экстремистӣ барои ноором сохтани вазъият дар ҷомеа ва тафриқаандозиву барангехтани низоъҳои диниву мазҳабӣ кӯшиш карда, барои гумроҳ сохтани сокинони мамлакат, бахусус, ҷавонон ва ба созмонҳои манъшуда ҷалб намудани онҳо аз шабакаҳои интернетӣ васеъ истифода мебаранд, гуфт ӯ.

"Таъкид месозам, ки хоинони миллат ва хоҷаҳои хориҷии онҳо то ҳанӯз аз нақшаҳои нопоку ғаразноки худ, ки ибтидои солҳои 90 –ум доштанд, даст накашидаанд”,-афзуд, раисиҷумҳури кишвар.

Раҳмон пирӯзии Тоҷикистон бар коронавирусро эълон кард

Ба гуфти президент, онҳо то ба ҳол аз хориҷи кишвар бо тамоми роҳу воситаҳо кӯшиш карда истодаанд, ки ҷомеаи моро ноором сохта, фарҳангу мазҳаби бегонаро ба сари мардуми мо таҳмил кунанд.

Ӯ гуфт, фаъолияти чунин равияҳои экстремистӣ, радикалӣ ва хурофотпарастӣ яке аз омилҳои асосии хатарзо барои имрӯзу фардои Тоҷикистон ва дигар кишварҳои минтақа ба шумор меравад ва аз мо андешидани чораҳои муштаракро талаб менамояд ва ба ин хотир ӯ Прокуратураи генералировазифадор кард, ки лоиҳаи нави “Стратегияи миллии Ҷумҳурии Тоҷикистон оид ба муқовимат ба терроризм ва экстремизм барои солҳои 2021 – 2025”–ро таҳия кунад.

Мо борҳо эълон намудаем, ки Тоҷикистон дар арсаи мубориза бар зидди терроризму экстремизм, қочоқи силоҳ, маводи мухаддир, киберҷинояткорӣ ва дигар ҷиноятҳои муташаккили фаромиллӣ шарики табиии давлатҳо ва созмонҳои байналмилаливу минтақавӣ мебошад.

Эмомалӣ Раҳмон гуфт, чӣ тавр ба муҳоҷирати меҳнатӣ хотима дод

Аз ин рӯ, Прокуратураи генералӣ, вазорати корҳои дохилӣ ва Кумитаи давлатии амнияти миллиро зарур аст, ки ҳамкориро бо сохторҳои марбутаи давлатҳои хориҷӣ ва минтақавию байналмилалӣ дар ин самт тақвият бахшанд.

236
Барчаспҳо:
фарҳанг, нақша, терроризм, Эмомалӣ Раҳмон
Лампочка, архивное фото

Лимити барқ дар Тоҷикистон: Раҳмон аз Вазорати энергетика чӣ талаб кард

0
Президенти Тоҷикистон Эмомалӣ Раҳмон дар бастагӣ бо лимити барқ дар кишвар ба Вазорати энергетика чанд дастур дод

ДУШАНБЕ, 26 янв — Sputnik. Президенти Тоҷикистон Эмомалӣ Раҳмон талаб кард, ки талафоти барқ кам карда шавад.

Роҳбари давлат ёдрас шуд, ки ҳукумати кишвар ба расидан ба истиқлолияти энергетикӣ то ҳол кӯшиш мекунад.

Барои амалӣ шудани ин ҳадаф кишвар нақша дорад ояндаи наздик чанд нерӯгоҳ ифтитоҳ шавад.

Бо вуҷуди ин,-изҳор дошт президент,-дар самти таъмини доимиву устувори неруи барқ ҳанӯз як силсила масъалаҳои муҳими ҳалталаб вуҷуд доранд, ки истифодаи самараноку сарфакоронаи барқ аз ҷумлаи ҳамин масъалаҳо мебошад.

Вай таъкид кард, ки Вазорати энергетика вазифадор мешаванд, ки барқи истеҳсолшавандаро ҳисоб карда, талафоти онро кам кунанд.

Ба гуфтиа президент, имсол сохтмони хатти интиқоли барқи 500 – киловолта аз Неругоҳи барқи обии "Роғун" то зеристгоҳи конвертории "Сангтӯда шурӯъ гардида, Неругоҳи барқи обии “Сарбанд” ба маблағи беш аз 1,5 миллиард сомонӣ пурра таҷдид ва бо иқтидори 270 мегаватт- яъне аз иқтидори имрӯзааш 110 мегаватт зиёд ба истифода супорида шуд.

Лимити барқ нархи ангишт ва ҳезуму таппакро боло бурд

"Ккорҳо доир ба навсозӣ ҷиҳати кам кардани талафоти неруи барқ ва ҷорӣ намудани низоми муосири баҳисобгирии он дар шаҳрҳои Душанбе, Бохтар, Кӯлоб, Панҷакент, Истаравшан, Исфара, Конибодом, Бӯстон ва ноҳияи Данғара ба маблағи 2,4 миллиард сомонӣ оғоз мегарданд", - таъкид дошт раисҷумҳур.

 

0
Барчаспҳо:
Вазорати энергетика ва захираҳои об, лимит, барқ, Эмомалӣ Раҳмон, Тоҷикистон