Рӯйхатгирии мусофирон дар фурудгоҳи Домодедово. Акс аз бойгонӣ

Ҳавопаймои навбатии ҳомили шаҳрвандони Тоҷикистон аз Яман баргашт

9
(Таҷдидшуда 14:05 13.04.2015)
Дар дохили ҳавопаймоҳои Вазорати ҳолатҳои фавқулоддаи Русия, ки шаби душанбе аз Яман ба Маскав баргаштанд, на танҳо шаҳрвандони Русия, балки шаҳрвандони ИДМ, Булғористон, Сурия, Олмон, Миср, Лаҳистон (Полша) ва Индонезия низ буданд.

ДУШАНБЕ, 13 апр — Sputnik. Наздики 300 нафар мусофир, аз ҷумла шаҳрвандони Русияву Тоҷикистон, шаби душанбеи 13 апрел тавассути ду ҳавопаймо аз Яман ба Маскав оварда шуданд, хабар додааст РИА Новости.

Дар дохили ҳавопаймоҳои Вазорати ҳолатҳои изтирории Русия шаҳрвандони Русия, Тоҷикистон, Ӯзбакистон, Украина, Булғористон, Яман, Сурия, Олмон, Миср, Лаҳистон ва Индонезия ҳузур доштанд. Дақиқан чанд нафаре аз онҳо шарҳрвандони Тоҷикистонанд, иттилоъ дода намешавад.

То 9 апрел тариқи ҳавопаймоҳои ВҲИ Русия аз Яман 130 шаҳрванди Тоҷикистон берун оварда шуда буданд. Қаблан иттилоъ дода шуда буд, ки дар он кишвар тақрибан аз 100 то 150 шаҳрванди Тоҷикистон, ки ба мақсади кор рафтаанд, қарор доранд.

Дар интиҳои моҳи март неруҳои эътилоф бо раҳбарии Арабистони Саудӣ амалиёти ҷангиро алайҳи шӯришиёни ҳусии Яман шуруъ кард.

Шӯришиён чанде муқаддам пойтахти Яман шаҳри Санъоро зери нуфуз қарор дода, президенти ин кишварро маҷбур ба тарки Яман карданд.

Кишварҳои хориҷӣ ва созмонҳои байналмилалӣ, бо шумули СММ, шаҳрвандон ва кормандони худро аз Яман берун меоранд.

9
Барчаспҳо:
ҳусӣ, шӯришиён, 130 шаҳрванд, ҳавопаймо, кор, берунорӣ, табибон, шаҳрвандон, ҷанг, Вазорати ҳолатҳои изтирории Русия, Булғористон, Санъо, Яман, Тоҷикистон, Русия
Мавзуъ
17 тоҷикистонӣ аз Яман берун бароварда шуданд
Ҳавопаймои дуввум бо шаҳрвандони ҶТ аз Яман ба Подмоскове омад
Ил-62 мусофиронро аз Яман ба Маскав овард. Навор аз фурудгоҳ
Президент РФ В. Путин

Муфид аст: шарҳи Путин дар бораи ҳузури ИМА дар Афғонистон

105
(Таҷдидшуда 17:43 25.10.2020)
Владимир Путин, раисиҷумҳури Русия, ҳузури низомиёни амрикоиро дар Афғонистонро истиқбол карда, аз ҳамкории ду кишвар дар сатҳи хадамоти махсус тавсиф намуд

ДУШАНБЕ, 25 окт — Sputnik. Ҳузури нерӯҳои амрикоӣ дар Афғонистон аз нигоҳи амниятӣ муфид мебошад, изҳор дошт Владимир Путин, раисиҷумҳури Русия.

“Ҳузури ИМА дар Афғонистон барои амният муфид мебошад”, - гуфт роҳбари Русия.

Путин инчунин таъкид кардааст, ки Русия аз ҳамкорӣ бо ИМА дар бахши мубориза бо терроризм қаноатманд мебошад.

Ӯ афзуд, ки маълумоти ироанамудаи Вашингтон борҳо имкон дод, ки ҳамлаҳои террористӣ дар қаламрави Русия ҷилавгирӣ шаванд.

“Сарфи назар аз мухолифатҳои зиёд дар бахшҳои гуногун, ҳамоно ҳамкорӣ дар сатҳи хадамоти махсус идома дорад... Дар баробари ин амрикоиҳо ба мо маълумоти зиддитеррорро ироа мекунанд”, - илова намуд Путин.

Доналд Трамп, раисиҷумҳури ИМА, дар оғози моҳи марти соли равон дар бораи бидуни таъхир хориҷ кардани нерӯҳои амрикоӣ аз Афғонистон изҳорот дода буд. Аз ҷумла дар назар буд, ки теъдоди низомиёни амрикоӣ дар Афғонистон тайи 135 рӯз аз 12 ҳазор нафар то 8,6 ҳазор нафар коҳиш дода шавад. Интизор мерафт, ки то интихоботи раисиҷумҳури ИМА теъдоди сарбозони ин кишвар дар Афғонистон ба 4-5 ҳазор нафар баробар карда мешуд.

105
Барчаспҳо:
Владимир Путин, ИМА, Путин, Русия
Президент Республики Таджикистан Эмомали Рахмон встретился с командующим Центральным командованием вооруженных сил США генералом Кеннетом Ф. Маккензи

Раҳмон ва генерал Маккензӣ амнияти Тоҷикистону Афғонистонро баррасӣ карданд

382
(Таҷдидшуда 00:01 23.10.2020)
Ҷонибҳо атрофи вазъи кунунӣ дар Афғонистон мубодилаи афкор намуда, раванди музокироти сулҳро муҳокима карданд

ДУШАНБЕ, 22 окт – Sputnik. Президенти Тоҷикистон Эмомалӣ Раҳмон бо фармондеҳи Фармондеҳии Марказии Қувваҳои Мусаллаҳи ИМА генерал Кеннет Ф. Маккензӣ, ки бо сафари корӣ дар Тоҷикистон қарор дорад, дидору мулоқот кард.

Бино ба гузориши котиботи раисиҷумҳур, дар рафти мулоқот як қатор масъалаҳои ҳамкориҳои Тоҷикистону Иёлоти Муттаҳидаи Амрико, бахусус дар соҳаи амниятӣ, баррасӣ гардиданд.

Дар ин зимн ба мавзӯъҳои мубрами таъмини сулҳу суботи минтақавӣ ва хатару таҳдидҳои глобалии амниятӣ таваҷҷуҳи хосса зоҳир карда шуд.

Ҷонибҳо ҳамчунин атрофи вазъи кунунӣ дар Афғонистон мубодилаи афкор анҷом дода, раванди музокироти сулҳро дар ин кишвари ба мо ҳамҷавор муҳокима карданд.

Раҳмон таъкид карда, ки ҷараёни рушди вазъият дар Афғонистони ҳамсоя пайваста дар маркази диққат қарор дорад ва Тоҷикистон аз талошҳои Ҳукумати Афғонистон дар самти истиқрори сулҳу суботи пойдор дар кишвар ҳамеша ҷонибдорӣ менамояд.

Манбаъ афзуда, ки дар ҷараёни суҳбат ҷонибҳо, ҳамчунин, роҷеъ ба дигар ҷанбаҳои муносибатҳои Тоҷикистон ва Иёлоти Муттаҳидаи Амрико ибрози ақида намуда, алоқамандиашонро ба таҳкиму тақвияти ҳамкориҳояшон дар самти муборизаи муштарак алайҳи хатару таҳдидҳои муосир, аз ҷумла терроризм, ифротгароӣ, гардиши ғайриқонунии маводи мухаддир ва дигар ҷиноятҳои муташаккили фаромиллӣ қайд кардаанд.

382
Барчаспҳо:
Эмомалӣ Раҳмон, ИМА, мулоқот, дидор, Тоҷикистон
Пограничник на смотровой вышке на границе Кыргызстана. Архивное фото

Баҳс ва тирпаронӣ дар марзи Тоҷикистону Қирғизистон - шарҳи шоҳидон ва мақомоти қирғиз

270
(Таҷдидшуда 21:14 25.10.2020)
Хадамоти давлатии марзбонии Қирғизистон аз моҷаро дар марз бо Тоҷикистон ва тирпаронии сарҳадбонҳои қирғиз хабар дод

ДУШАНБЕ, 25 окт — Sputnik.  Хадамоти марзбонии Қирғизистон иттилоъ дод, ки баъди зуҳри 25 октябр, тақрибан соати 16:45, шаҳрвандони Тоҷикистон дар маҳаллаи Уч-Добои ноҳияи Бодканд лӯлаи об гузаронданӣ буданд, хабар додааст Sputnik Қирғизистон.

Манбаъ афзуд, ки ба ҷои ҳодиса ҳайати марзбонҳои қирғиз ҳозир шуда, аз шаҳрвандони Тоҷикистон хостаанд, ки корҳоро дар қисмати аломатгузоринашудаи марз қатъ кунанд.

Аммо сокинони деҳаи Хоҷа Аълои Тоҷикистон мегӯянд, ба иваз кардани лӯлаи куҳна бо нав дар назди хонаи омӯзгори маҳаллӣ машғул буданд, ки марзбонҳои қирғиз омада ба тирпаронӣ оғоз карданд. Дар навори нашркардаи корбарон, марзбонҳои қирғиз дар ҳоле тирпаронӣ мекунанд, ки марде дар хитоб ба онҳо мегӯяд, он ҷо сокинони мулкиянд.

Аммо ба иттилои Хадамоти марзбонии Қирғизистон, атбои Тоҷикистон ба талаботи марзбонҳо итоат накарда, бо онҳо вориди баҳси лафзӣ шудаанд.

“Бо мақсади ҳифзи ҳаёту саломатии низомиён ва ҷилавгирӣ аз шиддати вазъ марзбонҳо маҷбур шуданд ба ҳаво тирҳои огоҳкунандаро холӣ намоянд”, - тавзеҳ додааст Хадамоти марзбонии  Қирғизистон.

Манбаъ илова намудааст, ки феълан корҳо қатъ шуда, намояндагони Тоҷикистону Қирғизистон мулоқот гузаронда истодаанд.  Вазъ дар марз муътадил арзёбӣ мешавад.

Мақомоти Тоҷикистон то ҳол қазияи мазкурро шарҳ надодаанд.

270
Барчаспҳо:
тирпаронӣ, моҷаро, Қирғизистон, Тоҷикистон