КДАМ: дар Сурия ва Ироқ -344, дар Афғонистон-30 тоҷикистонӣ меҷанганд

© Sputnik / Мохаммад Алаеддин / Гузариш ба медиабонкАвзоъ дар Сурия. Акс аз бойгонӣ
Авзоъ дар Сурия. Акс аз бойгонӣ - Sputnik Тоҷикистон
Обуна шудан
Сардори Раёсати амнияти вилояти мухтори Кӯҳистони Бадахшон шумораи ҷангиён аз Тоҷикистон дар Афғонистон ва Ироқу Сурияро беш аз 400 нафар гуфтааст.

ДУШАНБЕ, 22 май — Sputnik. Сардори идораи Кумитаи давлатии амнияти миллии Тоҷикистон дар вилояти мухтори Кӯҳистони Бадахшон Нусратулло Мирзоев,  рӯзи 21 май дар як ҳамоиш  дар шаҳри Хоруғ иброз дошт, ки танҳо дар минтақаҳои бо Тоҷикистон ҳаммарзи Афғонистон 30 нафар аз шаҳрвандони Тоҷикистон ба сафи гурӯҳҳои ифротӣ пайвастаанд, иттилоъ медиҳад сомонаи ҳафтаномаи "Импулс".

Ҷаноби Мирзоев дар анҷумани илмию амалӣ дар мавзӯи "Таҳдиди терроризм ва ифротгароӣ ба амнияти ҷумҳурӣ ва роҳҳои ҷилавгирӣ аз он" ҳамчунин гуфт, то имрӯз шахсияти 344 шаҳрванди Тоҷикистон, ки дар Сурияву Ироқ меҷанганд, муайян карда шудааст.

Мақомот: дар ҷангҳои Сурия аз Хатлон 45 ҷавон ширкат дорад

"Ҷамъи шаҳрвандони Тоҷикистон дар он ду кишвари ҷангзадаи Ховари Миёна ба  377 нафар баробар аст",-афзуд ӯ.

Ба қавли Мирзоев, то имрӯз хабари ҳалокати 50 шаҳрванди Тоҷикистон дар ҷангҳои Сурияву Ироқ тасдиқ шудааст. "Дар вақташ маҳз ба хотири ҷилавгирӣ аз пайвастани шаҳрвандони тоҷик ба гурӯҳҳои террористиву ифротӣ беш аз 4100 муҳассили тоҷикро аз мадрасаҳои хориҷӣ баргардонданд",- илова кардааст вай.

Дар ҳамин ҳол, Радиои Озодӣ бо истинод ба ҳарфҳои Рамазон Раҳимзода, вазири корҳои дохилии Тоҷикистон менависад, тибқи умури фаврӣ — ҷустуҷӯӣ, 386 шаҳрванди Тоҷикистон ҳоло дар ҷангҳои Сурияву Ироқ,  Афғонистон ва Покистон меҷанганд ва аз ин теъдод, 40 нафарашон зану фарзандонашонро ҳамроҳ бо худ ба ин кишварҳо бурдаанд.  

Лентаи хабарҳо
0