Сафири Русия дар Тоҷикистон Игор Лякин-Фролов зимни таҷлили 72-солагии таъсиси базаи ҳарбии 201 Русия

Сафири Русия Пойгоҳи 201-ро кафили воқеии суботи Тоҷикистон номид

10
Игор Лякин-Фролов, сафири Русия дар Душанбе, 31 май эълон кард, ки дар шароити начандон соддаи кунунӣ пойгоҳи 201-и ин кишвар кафили воқеии субот ва амнияти Тоҷикистон аст.

ДУШАНБЕ, 1 июн — Sputnik. Игор Лякин-Фролов, сафири Русия дар Душанбе, пойгоҳи 201-и кишварашро кафили воқеии амният ва субот дар Тоҷикистон номид, менависад CA-News.

Вай афзудааст, сарбозону афсарони рус дар Тоҷикистон аз манофеи Маскаву Душанбе ва дигар аъзои ОДКБ ҳимоят мекунанд.

Фролов ин ҳарфҳоро рӯзи 31 май, дар ҷашни 72-солагии таъсиси пойгоҳи 201, баён дошт.

Ӯ гуфт, дар ҳоли ҳозир вазъият дар минтақа чандон содда нест ва ин шароит масъулияти нерӯҳои пойгоҳи 201 дар Тоҷикистонро боз ҳам боло мебарад.

"Дар шимоли Афғонистон узви гурӯҳҳои террористӣ сар боло мекунанд ва ҳамлаҳо идома дорад. Ин имкон вуҷуд дорад, ки онҳо талоши ба ин тарафи марз гузаштанро кунанд. Ин вазъяит масъулияти пойгоҳи 201 дар Тоҷикистонро боло хоҳад бурд", — таъкид доштааст Фролов.

Сафири Русия бо ишора ба ин ки ду ҳафтаи пеш тамрини якҷояи нерӯҳои Русия ва Тоҷикистон сурат гирифт, гуфт, "дӯсту душман ҳам алакай огоҳ шуданд, пойгоҳи 201 ба чӣ кор қодир аст".

Вай ​изҳор дошт, ки сарбозону афсарони рус якҷоя бо ҳамтоёни тоҷики худ имкони рафъи ҳамагуна ҳамлаҳоро доранд.

"Бисёр хушоянд аст, ки ду ҳафта пештар низомиёни пойгоҳи 201 дар тамрини муштарак бо ҳарбиёни тоҷик буданд. Ин, воқеан, нишон дод, ки мо дар якҷоягӣ метавонем ҳамагуна ҳамлаҳоро пас гардонем", — афзудааст вай.

Ҳафтаи гузашта дастгоҳҳои парвозкунандаи бесарнишини Русия бо номҳои "Гранат" ва "Застава" низ бори аввал дар кӯҳистонҳои Помири Тоҷикистон аз санҷиш гузаштанд. Ин бесарнишинҳо дар баландии 3,5 километр аз сатҳи баҳр дар шароити 50 дараҷаи болои сифр ё гармӣ "кор" кардаанд.

Воҳидҳои низомии пойгоҳи 201 Русия дар Тоҷикистон дар ин санҷишҳо ширкат доштанд ва онҳо аз Қурғонтеппа то ноҳияи Дарвоз 300 километр раҳпаймоӣ кардаанд ва ин дастгоҳҳои бесарнишинро санҷидаанд. Ҳамзамон роҳҳои ҳамкории воҳидҳои низомии вазорати дифои Тоҷикистон бо воҳидҳои пойгоҳи низомии Русия бо кӯмаки ин бесарнишинҳо ҳамоҳанг карда шуд.

Пойгоҳи 201-и артиши Русия дар Тоҷикистон бузургтарин пойгоҳи хориҷии нирӯҳои хушкигарди артиши он кишвар ба шумор меравад. Воҳидҳои ин пойгоҳ дар шаҳрҳои Душанбе, Кӯлоб ва Қӯрғонтеппа ҷойгир буда, соли 2012 бо имзои як қарордод замони ҳузури он дар Тоҷикистон то соли 2042 тамдид шуд. Мақомоти Русия мегӯянд, то чанд муддати дигар теъдоди сарбозону афсарони худ дар ин пойгоҳро то ба 9 ҳазор нафар хоҳанд расонд.

10
Барчаспҳо:
амният, субот, рафъи хатар, машқҳо, аскарон, афсарон, нерӯ, муқовимат, таҷлил, 72-солагӣ, пойгоҳи ҳарбии 201-уми Русия, Игор Лякин-Фролов, Русия, Тоҷикистон
Низомиёни ИМА дар ҳавопаймо, акс аз бойгонӣ

Чаро нерӯҳои ИМА дар Шимол мақар гирифта истодаанд?

207
(Таҷдидшуда 18:48 25.01.2021)
Вазифаи нерӯҳои хушкигарду дарёии ИМА омӯхтани тарзи амалиёти ҷангӣ дар шароити вазнини Арктика якҷоя бо низомини Норвегия мебоошад

ДУШАНБЕ, 25 янв — Sputnik. Николай Протопопов. Артиши ИМА ҷойгоҳи худро дар Норвегия, дар наздикии марзи Русия тақвият дода истодааст. Дар моҳи январ тақрибан ҳазор нафар ҷангиёни пиёдагарди баҳрӣ дар ин ҷо мақар гирифтанд. Дар айни замон, сиёсатмадорон ва генералҳои амрикоӣ дар бораи афзоиши шиддат дар Арктика мегӯянд, ки ба гуфтаи коршиносон, худи онҳо эҷод мекунанд.  Пентагон Норвегияро барои чӣ омода мекунад - дар маводи РИА Новости хонед.

Дар меҳмонии викингҳо

Ҷангиёни дарёӣ дар доираи ба истилоҳ ҷойивазкунӣ аз Каролинаи Шимолӣ ба Норвегия кӯчонда шуданд.  Амрикоиҳо чанд сол аст, ки ба ин найранг рӯ меоранд - баъзе қисмҳои низомиро қисмҳои дигар иваз мекунанд ва контингенти низомии ИМА амалан дар кишвар ҳамеша ҳузур дорад.

Вазифаи нерӯҳои дарёӣ омӯхтани тарзи амалиёти ҷангӣ дар шароити вазнини Арктика бо роҳбарии мураббиёни Норвегия ва ҳамкории зич бо ҳамкорон аз НАТО мебошад. Дар моҳи феврал амрикоиҳо, норвегҳо, инчунин ҳолландҳо ва бритониёиҳо – ҳудуди тақрибан даҳ ҳазор ҷанговар - дар размоиши васеъмиқёси муштараки Joint Viking 2021 ширкат меварзанд.

Аъзои НАТО ҳаракати сареъи нерӯҳо ба масофаҳои дарозро тамрин хоҳанд кард, усулҳои мубодилаи иттилоотро дар ҳама сатҳҳо азхуд намуда, якчанд амалиёти муштарак анҷом медиҳанд.

Машқҳои Joint Viking ҳамасола баргузор мешаванд. Қӯшунҳо - мошинҳои зиреҳпӯш, артиллерия, ҳавопаймоҳо, киштиҳо ва киштиҳои зериобӣ - амалиётҳои шадиди ҷангиро дар масоҳати чандсад километри мураббаъ, асосан дар минтақаҳои ҷангал ва кӯҳистон тарҳрезию тамрин мекунанд.

Коршиноси ҳарбӣ, Александр Жилин дар мусоҳиба бо РИА Новости қайд кард, ки мувофиқи доктринаи ҳарбии ИМА, артиши онҳо ҷангро асосан дар хориҷа меомӯзад.

"Аз ин рӯ, сиёсати давлат тавре сохта шудааст, ки низомиёни амрикоӣ ба таври доимӣ дар кишварҳои дигар пайдо мешаванд, то амалиётҳои ҳарбӣ, иктишофӣ, парвозҳои фурудгоҳҳо, убур аз роҳҳои баҳриро тамрин мекунанд. Диққати махсус ба амалиёти муштарак дода мешавад, чун амрикоиҳо одат кардаанд, ки бо дасти бегонаҳо ҷанг кунанд", - шарҳ медиҳад ӯ.

Ба гуфтаи коршинос, Пентагон вазъро ба таври сунъӣ шадидтар мекунад, зеро ИМА ва НАТО якравона аз даъвоҳои худ ба Арктика даст намекашанд.

"Машқҳои нерӯҳои дарёӣ на ҳимоявӣ, балки ҳамлаӣ хоҳанд буд. Онҳо инчунин амалҳои зидди Русияро таҳия хоҳанд кард. Агар ҳаракатҳои НАТО-ро дар Аврупо дар маҷмӯъ таҳлил кунем, маълум аст, ки онҳо талоши эҷоди минтақаҳои ташаннуҷ барои Маскавро доранд. Артиши мо наметавонад, аз ҷумла, он чизеро, ки дар Норвегия рух медиҳад, бе вокуниш гузорад.  Воҳима вуҷуд надорад, аммо қувваҳо ва воситаҳо ба размоишҳо таваҷҷуҳ хоҳанд кард. Мо бояд вазъро комилан назорат кунем, нагузорем, ки иғвоҳо сурат бигиранд", - изҳор дошт Жилин.

Пойгоҳи шимолӣ

Артем Куреев, коршиноси бошгоҳи таҳлилии “Валдай” қайд мекунад, ки амрикоиҳо дар Аляска инфрасохтори низомии худро доранд, то тактикаи ҷанг дар Арктикаро машқ кунанд, аммо онҳо ба ҳар ҳол авло медонанд, ки дар Норвегия тамрин кунанд.

"Онҳо ба ин ҳамчун пешсафони НАТО ниёз доранд. Норвегия қадимтарин узви паймон аст. Осло Русияро душмани эҳтимолӣ мешуморад. Ҳанӯз дар ҷанги сард норвегҳо инфрасохторро барои муқовимат бо Иттиҳоди Шӯравӣ дар Арктика эҷод карданд ва нигоҳ доштанд. Ин ҳоло ҳам идома дорад. Дар сурати шиддати вазъ, Норвегияи Шимолӣ фавран ба пойгоҳи асосии НАТО дар роҳ ба Мурмански Русия табдил хоҳад ёфт",- таъкид мекунад Куреев.

Хоҳиши Вашингтон барои пайдо кардани мавқеъ дар Арктика ва дигар кишварҳоро аз он ҷо танг кардан, аз стратегияи нави арктикии Флоти баҳрӣ ва Қувваҳои хушкигарди дарёии ин кишвар шаҳодат медиҳад. Аз ҷумла, дар он гуфта мешавад, ки "бидуни ҳузури баҳрии Амрико дар минтақаи Арктика, Русия ва Чин бештар ба сулҳ ва шукуфоӣ таҳдид мекунанд".  Тавре вазири нерӯҳои баҳрии ИМА Кеннет Брайтвайт қайд кард, Пентагон нақша дорад, ки киштиҳои ҷангӣ ва киштиҳои зериобиро доимо дар Арктика нигоҳ дорад, то минтақаи обии наздикии соҳилҳои Русияро посбонӣ кунад ва "ҳамлаи Маскав дар Шимоли Дур" -ро пешгирӣ намояд. Гузашта аз ин, нерӯҳои пуриқтидори заминӣ низ дар Арктика мутамарказ хоҳанд шуд.

Дар ҳама ҷабҳаҳо

Бояд қайд кард, ки Иёлоти Муттаҳида аллакай дар шимол ҷойи пойи ҷиддӣ ёфтааст ва Норвегия дар ин кор тақрибан нақши асоситарин мебозад.

Ҳамин тавр, дар моҳи сентябр хабар дода шуд, ки киштии зериобии ҳастаии гуруҳи Seawolf ба бандари Тромси Норвегия омадааст, ки вазифаи асосии он пайгирии хатсайрҳои киштиҳои зериобии Русия мебошад. Қаблан Иёлоти Муттаҳида "барои боздории Русия дар шимол" Флоти дуюмро барқарор кард, ки масъули Атлантика, як қисми Уқёнуси Ором, Уқёнуси Шимолӣ мебошад. Ин қисми флот барои сарфаи маблағҳои буҷа дар соли 2011 лағв шуда буд.

Акси садои дигари Ҷанги Сард пойгоҳи баҳрии зеризаминии Олавсверн дар Норвегия мебошад, ки ҳамагӣ 350 километр дуртар аз марзи Русия ҷойгир аст.

Дар як бункери азиме, ки дар солҳои 1960-ум сохта шуда, бо қабати 300-метраи сангу хок муҳофизат шудааст, киштиҳои зериобӣ ва киштиҳои НАТО ҷойгир буданд, бандарҳои таъмирӣ фаъолият мекарданд ва лавозимоти ҷангӣ захира мешуданд. Дар ҳар лаҳза, флоти эътилофи ғарбӣ метавонист роҳи дарёии киштиҳои шӯравиро ба баҳри Норвегия ва Атлантикаи Шимолӣ бандад. Дар охири солҳои 2000-ум, пойгоҳ ҳамчун иншооти дигар нолозим баста шуд, аммо ҳоло қасд доранд онро дубора фаъол кунанд.

Пентагон инчунин тақвияти нерӯҳои ҳавоӣ дар Арктикаро ҷиддӣ гирифт. Ҳамин тавр, дар соли гузашта машқҳои бузургмиқёси нерӯҳои ҳавоии Амрико ва Норвегия баргузор шуданд. Якбора шаш ҳавопаймои бомбаандози стратегии B-52 Stratofortress аз болои Қутби Шимол парвоз карданд ва якҷоя бо ҳавопаймоҳои ҷангандаи нерӯҳои ҳавоии Норвегия парвозҳои омӯзишӣ анҷом доданд. Чанде пеш маълум шуд, ки Пентагон дар моҳи феврал аз Техас ба пойгоҳи ҳавоии Эрланд чаҳор ҳавопаймои "стратегӣ"-и  B-1BLancer -и фаросавтиро интиқол медиҳад.

207
Барчаспҳо:
низомӣ, ИМА, Норвегия
Пограничники на Таджикско-афганской границе

Афзоиши тадбирҳои амниятии Чину Тоҷикистон дар марзҳои муштарак бо Афғонистон

289
(Таҷдидшуда 16:23 25.01.2021)
Нерӯҳои марзии Чину Тоҷикистон дар шимолу шарқи Афғонистон дар паи нигаронӣ аз ҳузури ҷангҷуёни хориҷӣ, тадбирҳои амниятиро пурзӯр карданд

ДУШАНБЕ, 25 янв — Sputnik. Посгоҳҳои амниятии Чину Тоҷикистон дар марзи вилояти Бадахшон дар шимолу шарқи Афғонистон афзоиш ёфта аст ва 400 нерӯи марзии афғон низ маъмурияти ҳифзи амнияти ин манотиқро ӯҳдадор ҳастанд, иттилоъ додааст радиои тоҷикии Садои Хуросон ба нақл аз телевизиюни Ориёнои Афғонистон.

Манбаъ қайд кардааст, ки бо ин ҳол нерӯҳои марзии Афғонистон бо камбуди таҷҳизоти ин кишвар дасту панҷа нарм мекунанд.

Усома Вардуҷӣ, яке аз нерӯҳои марзӣ дар вилояти Бадахшон мегӯяд: “Вақте сарбозони чину тоҷикистониро бо таҷҳизоти бисёр мебинем ва муқоиса мекунем комилан маъюс ме‌шавем”.

Манбаъ зикр кардааст, ки пеш аз ин давлати Чин хостори ташкили нерӯи муштарак барои барқарории амният дар марзҳои Афғонистон шуда буд, аммо бо мухолифати Амрико ин иқдом ба саранҷом нарасид.

Гуфта шудааст, ки кишварҳои Чин, Тоҷикистон ва Афғонистон ситоди муштараки муташаккил аз 150 нерӯро бо ҳимояти молии давлати Пекин дар марз доранд, ки вазифааш мудирият ва коҳиши таҳдидҳои марзӣ аст.

Вилояти Бадахшон дар шимолу шарқи Афғонистон даҳҳо километр марзи муштарак бо вилояти мусулмоннишини Уйғуристони Чин дорад, ки гурӯҳи исломгарои  Туркистони шарқӣ дар он фаъол ҳастанд  ва садҳо нафар аз онҷо ба гуруҳи террористии ДИИШ (маманӯъ дар Тоҷикистон) дар Ироқу Сурия пайвастаанд.

289
Барчаспҳо:
марз, пурзур, ҷангҷӯён, амният, Афғонистон, Тоҷикистон
Выборы президента Узбекистана

Санаи интихоботи президентӣ дар Ӯзбекистон эълон шуд

333
Мақомоти Узбакистон санаи пешбинишудаи интихоботи президентӣ дар ин кишварро эълон карданд

ДУШАНБЕ, 26 январ - Sputnik. Интихоботи навбатии президентӣ дар Узбакистон дар назар аст моҳи октябри соли равон баргузор шавад, менависад Sputnik Ӯзбекистон.

"Интихоботи президентӣ дар Ӯзбекистон метавонад рӯзи якшанбеи даҳаи сеюми октябр баргузор шавад",-менависад, агентӣ.

Таъкид шудааст, ки санаи интихобот дар ҷаласаи фраксияҳои ҳизбҳои сиёсӣ дар палатаи поёнӣ муҳокима карда шуд.

Ба иттилои манбаъ, як рӯз пеш дар Ӯзбекистон ҷаласаи Комиссияи марказии интихоботи ҷумҳурӣ баргузор гардид, ки дар он қайд карда шуд, ки ҳайати САҲА ва Бюро оид ба институтҳои демократӣ ва ҳуқуқи инсон, ки интихоботи парлумониро мушоҳида кард, як қатор тағйироти мусбатро дар системаи миллии интихоботии кишвар эътироф кардааст.

Бояд қайд кард, ки дар Узбакистон номзадҳои президентиро танҳо аз ҷониби ҳизбҳои сиёсӣ пешбарӣ кардан мумкин аст. Айни замон, дар кишвар панҷ ҳизби сиёсӣ сабти ном шудаанд.

Интихоботи президентӣ дар Ӯзбекистон ҳар панҷ сол як маротиба баргузор мешавад.

Натоиҷи интихоботи такрории Узбакистон эълон гардид: се вакил тоҷиктабор ҳастанд

4 декабри соли 2016 дар Ӯзбекистон интихоботи пеш аз муҳлат баргузор шуд, ки дар он Мирзиёев, ки сарвазир буд, пирӯз шуд. 88,61% интихобкунандагон ба ӯ овоз доданд.

Президент Ислом Каримов, ки аз соли 1989 инҷониб кишварро идора мекунад, 2 сентябри соли 2016 дар синни 78-солагӣ бар асари сактаи мағзӣ даргузашт.

333
Барчаспҳо:
парлумон, номзад, Шавкат Мирзиёев, Санаи интихоботи президентӣ дар Ӯзбакистон муайян шуд