Дабири кулли СПАД Николай Бордюжа

Бордюжа: СПАД ба ҳар гуна таҳдидҳо посухи муносиб дар ихтиёр дорад

7
Ба гуфтаи Николай Бордюжа СПАД нерӯҳҳои дуҷониба, Нерӯҳои муштараки вокуниши сареъ, Нерӯҳои ҳавоии муштарак ва нерӯҳои дигаре дар ихтиёр дорад, ки посухдиҳандаи таҳдидоти гуногун мебошанд.

ДУШАНБЕ, 19 июн — Sputnik. СПАД имкон дорад ба ҳар навъи таҳдидоте, ки дар қиболи аъзои ин созмон пайдо мешаванд, посух бидиҳад, изҳор дошт дабири кулли СПАД Николай Бордюжа рӯзи панҷшанбе дар нишасти матбӯъотӣ дар ХБИ "Русия имрӯз", хабар медиҳад сомонаи созмон.

"Ба ҳар таҳдидоте, ки дар қиболи кишварҳои узви СПАД пайдо мешаванд, ҳатман посухи муносиб пайдо мешавад", — гуфт вай.

Бордюжа бар ин назар аст, ки нерӯҳои СПАД зарфиятеро доро аст, ки ба ҳар гуна таҳдидҳо вокуниш нишон бидиҳад.

Эмомали Раҳмон аснои мулоқот бо Сергей Шойгу. Душанбе, 4 июни соли 2015
© Официальная страница пресс-службы президента РТ в Facebook.

"Мо нерӯҳҳои дуҷониба, Нерӯҳои муштараки вокуниши сареъ, Нерӯҳои ҳавоии муштарак ва нерӯҳои дигаре дар ихтиёр дорем, ки посухдиҳандаи таҳдидоти гуногун мебошанд", — гуфт вай ва изофа кард, ки муҳимтар истифода аз нерӯҳои ҷамъовардашуда мебошад.

Генерал-полковник зикр кард, ки СПАД ба тасмими ИМА барои тақвияти нерӯҳо дар Аврупо хушбин нест. Аз ҷумла, мақомоти амрикоӣ дар сададанд ба минтақа миқдоре аз ҳавопаймоҳои ҷангии давраи панҷуми F-22 Raptor мунтақил бидиҳад. Вай таъкид кард, ки ин амр ба амнияти кишварҳои узви Созмон авомили номатлуб дорад.

"Ба ҳар аъмоле дар мавриди тақвияти нерӯҳо дар марзҳои мо СПАД хушбин нест ва бар ин назарем, ки чунин иқдом ба амнияти кишварҳои мо таъсир мегузорад, вале то ҷое иттилоъ дорам ИМА дар ин робита ИМА тасмими ниҳоӣ содир накардааст", — гуфт Бордюжа.

Дабири кулли СПАД аз тақвияти фаъолияти кишварҳои НАТО, ки дар Аврупои Шарқӣ тамринот анҷом медиҳанд, шадидан интиқод кард.

"Ман ин ҳама изҳороти раҳбарони кишварҳои соҳили Балтикаро ҳамчун иғво медонам — ин як амали иғвоангезест барои ба даст овардани суд (маблағ ва таслиҳоти муъосир) аз шарикони бузург аст", — шарҳ дод вай изҳороти раҳбарони кишварҳои соҳили Балтикаро дар бораи таҳдидот аз сӯйи Русия.

Раҳбари СПАД ҳамчунин фаъолшавии "Давлати исломӣ", эҳтимоли тавсеъаи созмон, тамриноти ахири ногаҳонӣ, ки дар марзи Тоҷикистону Афғонистон сурат гирифтанд ва натоиҷи ҷаласаи вузарои хориҷӣ, дифоъ ва дабирони амниятиро шарҳ дод.

"Ба масоили ба сурати манфӣ рӯй овардани куллияи вазъи фаромиллӣ таваҷҷӯҳ зоҳир карда шуд", — хабар дод Бордюжа. Ин амр ҳам ба ҳаводиси Украина ва ҳам фаъолияти гурӯҳҳои тундрав рабт дорад.

Ба гуфтаи вай, омори шартие вуҷуд дорад, ки тибқи вай теъдоди зиёди атбоъи кишварҳои узви СПАД дар суфуфи ДИ меҷанганд, вале ин омор "имкон дорад на ба суди кишварҳои узви ин созмон истифода шавад".

Ба тавсеъаи ДИ, ба эътиқоди дабири кулл, адами ҳамкории зиддитеррористии воқеъии бозигарони байналмиллалӣ ба далели ҳаводиси Украина мусоъидат мекунад. Ин амр шароити муносибе барои фаъолияти гурӯҳҳои террористӣ фароҳам мекунад ва ҳамчунин имкон медиҳад, ки таблиғгарони тундгароҳо расонаҳо, шабакаҳои иҷтимоиро истифода карда ба таблиғи ҳар як фарди алоҳида шурӯъ кунанд.

Коҳиши хатароти тундгароӣ, ба эътиқоди Бордюжа, дар сурати танзими фаъолиятҳои созмонҳои ғайридавлатӣ дар қаламрави шаш кишвари СПАД, ки сармоягузории хориҷӣ дарёфт мекунанд, имконпазир аст.

Зимни шарҳи хатароти ношӣ аз Афғонистон Бордюжа гуфт, ки мақомоти Тоҷикистон ин хатаротро хеле ҷиддӣ мебинанд. Барои вокуниш ба ин хатарот тамриноти ногаҳонии неруӯҳои вокуниши сареъ дар моҳи май баргузор карда шуд. Барои бори нахуст Нерӯҳои вокуниши сареъи дар тӯли се шабонарӯз ба Тоҷикистон мунтақил шуданд: масирҳои гуногуни ҳамлу нақли низомиён истифода шуданд.

Дар маҷмӯъ дабири кулл тамриноти баргузоршуда қонеъкунанда донист, ҳарчанд дар мавриди ташкили раҳбарӣ, алоқа мушкилот боқӣ монда, бояд дар заминаи ширкати куллияи алоқамндон дар ин тамринот ва таъсиси раҳбарии воҳид бознигарӣ шавад ва пояҳои қонунии ҳамлу нақлро таҷдид кардан зарур аст.

7
Барчаспҳо:
нишасти матбӯъотӣ, СПАД, Николай Бордюжа, Тоҷикистон
Мавзуъ
Антонов дар бораи ҳамкории СПАД: мо ба касе таҳдид накардаем
Дар Душанбе натоиҷи тамриноти низомии СПАД баррасӣ мешаванд
Вазирони дифоъи кишварҳои узви СПАД ба Душанбе меоянд
СПАД: омодагии низомии артиши Тоҷикистон баланд аст
Члены движения Талибан (запрещено в РФ), Афганистан. Архивное фото

Сарҳади "гарм" - и Тоҷикистон: оё мешавад ба сулҳи Афғонистон эътимод кард

268
(Таҷдидшуда 19:13 10.08.2020)
Роҳи Афғонистон таҳти ҳуҷуми гурӯҳҳои терористӣ ба сӯи сулҳ бидуни Иёлоти Муттаҳидаи Амрико, яксон нахоҳад буд

ДУШАНБЕ, 10 авг – Sputnik, Александр Хроленко. Сулҳи Афғонистон метавонад сабаби муноқишаҳои нави мусаллаҳона гардад ва ба амнияти кишварҳои минтақа таҳдид кунад.

Оштӣ бо Толибон танҳо дар сухан

Воқеъияти Афғонистон ба пуррагӣ бо созишномаи сулҳ тавъам нест. Дар давоми панҷ моҳ пас аз имзои созишнома бо ИМА, "Толибон"  - (мамнӯъшуда дар Тоҷикистон) натавонист бо Кобул дар бораи оташбас ба мувофиқа расад. Ҷангҷӯён кӯшиш доранд бо ҳуҷум ба низомиёни давлатӣ минтақаҳои навро таҳти идораи худ қарор диҳанд. Дар авоили моҳи август 37 корманди мақомоти қудратӣ, 61 ҷангҷӯй ва 43 ғайринизомӣ ба ҳалокат расиданд.

Дар паи таркиши рӯзи 5 август дар музофоти шимолии Бағлон 12 кас ҷон бохт. Рӯзе пас "Толибон"  - (мамнӯъшуда дар Тоҷикистон) ду мошини бензинкашро сӯзониданд, ҳафт мошини дигарро аз худ карданд ва сӯзишвориро дар Пули Хумрӣ ба қиммати як литр 20 афғон фурӯхтанд. Барои ин тиҷорат муноқиша бо қувваҳои амниятии Афӯонистон низ садди роҳ нашуд.

Ҷангҷӯёни Давлати Исломӣ (мамнӯъшуда дар Тоҷикистон) низ нафаси тоза гирифтанд. Дар паи ҳуҷум ба зиндон дар Ҷалолобод 2 август 29 кас ҷон бохт (аз ҷумла 10 терорист), 800 маҳбус аз қабили ҷангҷӯёни ДИ ва Толибон фирор карданд.

Қадамҳо ба сӯи сулҳ эҳсоснашавандаанд. Мубодилаи зиндониён миёни "Толибон"  - (мамнӯъшуда дар Тоҷикистон) ва қудратиҳои Афғонистон қариб ба итмом расид.

Шумораи умумии намояндагони қувваҳои мусаллаҳ, ки ба озодӣ баромаданд ба 1 005 кас расид.  4 750 ҷангҷӯй аз зиндон баромад. Толибони озодшуда ӯҳдадор шуданд, ки ба амалҳои террористӣ барнамегарданд, вале аксари онҳо ба ваъдаашон вафо накарданд ва боз силоҳ ба даст гирифтанд.

Президенти Афғонистон Ашраф Ғанӣ аз озод кардани 400 модарони террористон худдорӣ кард ва пешниҳод намуд, ки ин масъаларо бо мардум матраҳ кунад. Вале  "Толибон"  - (мамнӯъшуда дар Тоҷикистон) рӯзи 5 август зидди баррасии мавзӯъ дар Ҷирга (Маҷлиси намояндагони мардумӣ), ки гӯё барои намояндагӣ аз мардуми Афғонистон сатҳи ҳуқуқиро надорад, баромад.

Ҳамин тавр, "Толибон"  - (мамнӯъшуда дар Тоҷикистон) худро аз Конститутсия ва Кодекси ҷиноии кишвар болотар меҳисобанд.

Сарҳади "гарм" - и шимол

Вазъият дар шимоли Афғонистон ноором аст. Марзи Тоҷикистону Афғонистон, музофоти шимолии Балх, авохири моҳи июл макони муқобилияти қувваҳои "Толибон"  - (мамнӯъшуда дар Тоҷикистон) ва низомиёни Афғонистон буд, аз нооромтарин нуқтаи кишвар шуд.

Дар ин росто дар Душанбе аз муташанниҷ шудани вазъият дар марз ишора мешавад. Президент Эмомалӣ Рахмон супориш дод, то марзи Тоҷикистон дар минтақаи Вилояти Мухтори Кӯҳистони Бадахшон таҳким бахшида шавад. 
Тоҷикистон доим бо кишварҳои шарик ва созмонҳои байналмиллалӣ масъалаи амнияти минтақавиро баррасӣ мекунад.

Мантиқи кор ин аст, ки дар сурати пирӯзии "Толибон"  - (мамнӯъшуда дар Тоҷикистон), ба ҷангҷӯён аз Осиёи Марказӣ метавонанд хайри хуш гӯянд - мувофиқи шартҳои созишнома бо ИМА. Бозгашти садҳо ҷангҷӯён метавонад вазъияти Тоҷикистону Ӯзбекистонро муташанниҷ гардонад. Чунин пешомадро танҳо дастҷамъона бо кумаки СПАД ва Русия мешавад пешгирӣ кард. Баъд чӣ мешавад?

Бояд дар хотир дошт, ки  "Толибон"  - (мамнӯъшуда дар Тоҷикистон) аз аввал тарҳи Покистон буд, ки метавонад дар ҳудуди Тоҷикистон, Ӯзбекистон ва дигар кишварҳои ҳамсоя "Баҳори Осиёимарказӣ" - ро роҳандоӣ намояд. Ҷангҷӯёни "Толибон"  - (мамнӯъшуда дар Тоҷикистон) — барои бозигарони хориҷӣ асбоби қулайи ҷангӣ ва нобудкунӣ мебошад.

Қонунигардонии байналмилалии ин даста хеле хавфнок аст.

Ҳатто тасдиқи ИМА барои ба қудрат омадани "Толибон"  - (мамнӯъшуда дар Тоҷикистон) барои мардуми Афғонистон ва кишварҳои ҳамсоя манбаъи хавфи ҳамешагии қочоқи маводи мухаддир ва терроризм мебошад.

"Толибикунонии" Афғонистон барои аҳолии 32-миллионаи Афғонистон маънои манъи омӯзишу фарҳанги ғайридиннӣ, телевизион, кинотетар, баста шудани мактотиби олӣ ва донишгоҳҳо, ҷудокунии занон аз ҷамъият, ба таври васеъ ҷорӣ кардани қатли ом барои хурдтарин иштибоҳро дорад (чунин низом соли 1996 замони дар қудрат будани толибон дар Афғонистон буд).

Ҷойи бадӣ

Далелан  "Толибон"  - (мамнӯъшуда дар Тоҷикистон) ба пирӯзии худ боварӣ дорад ва омодаанд, ҳукумати Афғонистонро пурра нест кунанд. Раҳбари  "Толибон"  - (мамнӯъшуда дар Тоҷикистон) Мавлавӣ Ҳибатулло Охунзода ҳафтаи гузашта изҳор дошт: "Ҷиҳоди мо аз аввал барои хотима бахшидан ба ишғол ва созмони ҳукумати тозаи исломӣ дар Афғонистон равона шуда буд".

Барои ҳамин ИМА ва созмонҳои байналмилалӣ бояд "созмони мушкилоти дигарро баст кунанд".

Изҳороти боҷуръат. Вале агар ба мушкилот рост нигоҳ кунӣ, таҳти қудрати толибон имрӯз 15 млн аҳолӣ, нисфи мардуми Афғонистон қарор доранд. Вақте ҳамин одамон субҳидам аз хона мебароянд, онҳо намедонанд оё зинда бозмегарданд ё не. Тибқи гузориши СММ оид ба ҷинояткорӣ ва маводи мухаддир, истеҳсоли афюн дар кишвар дар соли 2017 то 87% афзуда, 9 000 тоннаро ташкил дод, дар давоми ҳузури ИМА бошад дар кишвар истеҳсоли маводи мухаддир то 40 дарсад боло рафта ҳаҷми умумии қочоқ то 3 млрд доллар арзёбӣ мешавад.

Ва умуман чӣ гуна мешавад бо толибон бидуни қабули нақшаҳо ва тарҳҳои "Толибон"  - (мамнӯъшуда дар Тоҷикистон), агар онҳо бошанд, ба сулҳ расид? Пештар дар мусоҳиба бо Sputnik муовини аввали раиси сенати Афғонистон Муҳаммад Алам Эзидёр изҳор дошт: "Барои мардуми афғон муҳим аст дарк кардани ин ки толибон дар Афғонистон - гурӯҳи террористӣ аст. Ва мо дастгирии толибонро аз ҷониби ҳар кишвар қабул надорем... Мо миёни "Толибон"  - (мамнӯъшуда дар Тоҷикистон) ва Давлати Исломӣ""  - (мамнӯъшуда дар Тоҷикистон) ҳеҷ фарқиятеро намебинем". 

Сиёсатмадори бонуфуз ва собиқадори ҳаракати "муҷодиҳон" Эзидёр ҳамчунин қайд кард, ки ҳар гуна дастгирии  "Толибон"  - (мамнӯъшуда дар Тоҷикистон) барои муташанниҷ гардонидани авзоъи кишварҳои Осиёи Марказӣ манбаъе хоҳад шуд.

Комилан арзёбии солим. Дар Афғонистон чизе дигаргун нашудааст, ғайр аз нақшаҳои амрикоиҳо. 

Чанде пеш ИМА дар Афғонистон боз панҷ пойгоҳи худро дар музофотҳои Ҳилманд, Урузган, Пактика ва Лагман баст. Шумораи қувваҳои мусаллаҳи амрикоиҳо ба наздикӣ то 4 ҳазор кас ва то соли 2021 ба сифр баробар хоҳад шуд.

Акнун Дастгоҳи президенти ИМА Доналд Трамп ба гуфти котиби давлатии Амрико Майк Пампео барои ба эътидол даровардани вазъ ба дастгирии Кремл ниёз дорад. 

Русия пай дар пай сиёсати барқароркунинии Афғонистонро чун кишвари ором, соҳибихтиёр, рушдкунанда ва озод аз терроризм роҳандозӣ мекунад. 

Монеъи Русия ва дигар кишварҳои СПАД барои роҳандозии ин сиёсат ҳамон толибонанд. 

Ҳатто раҳбари ВКХ Афғонистон Ҳаниф Атмар дирӯз чунин изҳор дошт: "Дар бораи сулҳ бояд аз аввал фикр кардан лозим буд. Мо натавонистем ба онҳо интихоби хубе пешниҳод кунем ва маҷбур кардем, ки онҳо хоки Афғонистонро тарк кунанд. Ин сиёсати бад буд". Эҳтимолан Ҳаниф Атмар қасд дорад ба ҳукумати "тоза" пайвандад.

Дар баробари ин даъваои СПАД нисбати "Толибон"  - (мамнӯъшуда дар Тоҷикистон) ҳеҷ куҷо нашудааст. Ҷунбиш хушунати мусаллаҳона алайҳи ҳукумати қонуниро эътироф мекунад ва симбиозро бо Ал-Қоида (мамнӯъшуда дар Тоҷикистон) гум намекунад, қочоқи маводи мухаддирро истисмор мекунад ва ин танҳо оғози кор аст.

268
Барчаспҳо:
сарҳад, Тоҷикистон, сулҳ, Афғонистон
На таджикский-афганской границе, архивное фото

Раҳимзода дар бораи сафар ба ВМКБ ва вазъ дар марз гуфт

678
Вазири корҳои дохилаи Тоҷикистон Рамазон Раҳимзода дар бораи сафари кориаш ба Вилояти Мухтори Кӯҳистони Бадахшон нақл кард

ДУШАНБЕ, 3 авг — Sputnik. Вазири умури дохилаи Тоҷикистон Раҳимзода Рамазон Ҳамро дар нишасти матбуотӣ таъкид кард, ки ахиран ба ВМКБ сафари хидматӣ дошта аз вазъ дар сарҳад бо кишвари ҳамсоя Афғонистон огаҳӣ пайдо кардааст.

Ба гуфти Раҳимзода, ҳоло вазъ дар марз ором аст ва кормандони милитсия дар якҷоягӣ бо марзбонон ва дигар ниҳодҳои қудратии кишвар ба ҳимояи марз машғул ҳастанд.

Дарозии марзи муштараки Тоҷикистону Афғонистон 1 ҳазору 370 километрро ташкил дода, аксари он аз манотиқи куҳӣ убур мекунад, ки назорату нигоҳубини онро мушкил менамояд.

Вазъият дар умум дар кишвари ҳамсояи Афғонистон ҳамоно муташанниҷ боқӣ мемонад. Дар кишвар зуд зуд миёни низомиёни давлатӣ ва ҷангҷӯёни гурӯҳи "Толибон" (мамнӯъ дар Тоҷикистон) ҳамлаҳои мусаллаҳона сар мезанад. Дар баробари ин вақтҳои охир дар Афғонистон аъзоёни гурӯҳи террористии ба ном "Давлати исломӣ" (мамнӯъ дар Тоҷикистон) фаъол шудаанд.

Фармондеҳони марзии ИДМ дар Самарқанд вазъи Афғонистонро баррасӣ карданд

Ёдрас мешавем, ки ахиран президенти Тоҷикистон Эмомалӣ Раҳмон дар ҷаласаи Шӯрои амният ба аъзои Шӯрои амнияти Ҷумҳурии Тоҷикистон, роҳбарони сохторҳои низомӣ, мақомоти ҳифзи ҳуқуқу тартибот супориш доданд, ки барои таъмини амнияти давлату миллат дар минтақаи сарҳади давлатии ҳамҷавори Тоҷикистон бо Афғонистон тадбирҳои мушаххас андешанд.

678
Барчаспҳо:
вазъият, марз, Рамазон Раҳимзода Ҳамроҳ, Тоҷикистон, ВКД ҶТ
Арест, архивное фото

Занозании ҷавонмарду духтари ҳомила дар роҳ: пулис якеро ҳабс карду дигареро ҷарима -навор

202
(Таҷдидшуда 15:47 14.08.2020)
Раёсати умури дохилаи Тоҷикистон дар робита ба навори дастраскарда оиди латукӯби ду нафар дар ҷойи ҷамъиятӣ, онҳоро боздошт намуд

ДУШАНБЕ, 14 авг — Sputnik. Ба суроғаи электронии РВУД дар шаҳри Душанбе наворе ирсол гардидааст, ки ду нафар дар ҷойи ҷамъиятӣ ҳамдигарро дашномҳои қабеҳ зада, мавриди латукӯб қарор доданд.

Котиботи Раёсати умури дохила дар пойтахт хабар медиҳад, дар навор муноқишаи як ҷавонмарду духтар инъикос ёфтааст, ки мард ронандаи таксии Ширкати "1111" мебошад ва ҷавондухтар шояд мусофири ӯ бошад.

 Манбаъ аз нафарони боздоштшуда Зиёратзода Билолиддини 21- сола ва Муминова Табассуми 33 - сола ном бурда, изҳор дошт, ки муноқишаи онҳо дар кӯчаи Р.Набиев назди бозори собиқи "Ҷал-Ҷам" рух додааст.

"Дар заминаи баҳси бамиёномада ҳамдигарро дашному ҳақоратҳои қабеҳ намуда, тартиботу оромиро дар мавзеи ҷамъиятӣ вайрон намуданд", - таъкид мешавад дар хабар.

Ҷавоне, ки тағо ва ҷияни маъюбашро ба талбандагӣ водор мекард, боздошту ҳабс шуд - акс

Зимнан, нисбати онҳо тибқи талаботи моддаи 460 Кодекси ҳуқуқвайронкунии Тоҷикистон парвандаи маъмурӣ тартиб дода шуд.

Бо қарори суд, Зиёратзода Билолиддин ба мӯҳлати 5 шабонаруз ба ҳабси маъмурӣ гирифта шуда, ҷавонзан бинобар ҳомиладор будан ба андозаи 10 нишондиҳанда барои ҳисоб ҷаримабандӣ шуд.

202
Барчаспҳо:
навор, ҷарима, ҳабс, духтар, ҷавон, муноқиша