Фаъолияти пулиси роҳи Калининград бо истифода аз таҷҳизоти вижа

Ҳамакнун ба ронандаҳои сархуш дар Русия ду соли зиндон таҳдид мекунад

1
(Таҷдидшуда 14:24 30.06.2015)
Ислоҳи қонуни ҷазои Русия муҷозот барои сарпечии такрорӣ аз бозрасии пизишкии ронандаҳоро, ки қаблан низ барои ҷурми мушобеҳ ҷазои маъмурӣ гирифта буд, ташдид мекунад.

ДУШАНБЕ, 30 июн — Sputnik. Тибқи тағйироти ҷадиди Қонуни ҷиноии Русия аз 1 июл ронандаҳое, ки муҷаддадан ба ҳангоми сархушӣ зимни идораи василаи нақлиёт боздошт мешаванд, ду соли зиндон интизор аст, менависад РИА Новости.

Бо истинод ба муъовини раиси раёсати пулиси роҳи ВКД Русия Александр Биков хабар дода мешавад, ки муҷозоти ронандаҳо дар сурати кушта шудани пиёдагардон ба ҷурми ронандаҳо низ ташдид шудааст.

"Ҳамакнун мизони маҳрумият аз озодӣ на камтар аз ду ва ё чаҳор сол вобаста ба сангинии пайёмадҳои тасодум мешавад", — иқтибос овардааст хабаргузорӣ аз суханони Биков.

Дар миёни навовариҳои дар қонуни ҷазои ФР ҳамчунин ташдиди муҷозот барои сарпечии муҷаддад аз бозрасии пизишкӣ аз сӯйи ронанда, агар қаблан низ вай бо ҷурми мушобеҳ ҷазои маъмурӣ гирифта бошад, пешбинӣ шудааст.

Ба навиштаи хабаргузорӣ, Биков ҳамчунин изофа кардааст, ки муттаҳам аз рӯзе муртакиби ҷароим дониста мешавад, ки тасмими расмӣ қувваи қонунӣ пайдо мекунад, аммо ба унвони мисол агар мӯҳлати соқит донистани муҷҷавиз анҷом ёфтаву ҷарима пардохт нашуда бошад, мӯҳлати ҷазо дар тӯли як соли баъд аз лаҳзаи пардохти ҷарима ҳисобида мешавад, на мӯҳлати анҷоми ҷазо.

1
Барчаспҳо:
ронандаҳои сархуш, мӯҳлати анҷоми ҷазо, сарнишинҳо, ташдиди муҷозот барои ронандаҳои сархуш, пулиси роҳи Русия, Александр Биков, Русия
Мавзуъ
ВКД Русия: муҷозот барои фиреб дар тиҷоратро бояд тақвият дод
Поисковая экспедиция на месте где были бои во время Великой Отечественной войны 1941-45 годов, архивное фото

Ҷасади Раҷабов, куҳансарбози тоҷик, дар Калининград ёфт шуд: кӣ мешиносад?-видео

1146
(Таҷдидшуда 15:51 09.07.2020)
Ҷасади боз як сарбози Ҷанги Бузурги Ватанӣ дар ноҳияи Зеленоград пайдо карда шуд, ки ба гуфтаи ҷустуҷӯгарон аз Тоҷикистон мебошад

ДУШАНБЕ, 9 июл — Sputnik. Гуруҳҳои ҷустуҷӯии "Совест" дар минтақаҳое, ки ҳангоми амалиёти Пруссияи шарқӣ задухӯрдҳо сурат гирифтаанд, кор карда,  дар ноҳияи Зеленоград ҷасади боз як сарбози ҶБВ-ро пайдо намуданд, хабар дод шабакаи телевизионии  "Вести-Калининград".

Муайян шудааст, ки сарбози ҳалокгардида Каримҷон Раҷабов аз Тоҷикистон будааст.

Сарбозони 100 – солаи ҶБВ аз Тоҷикистон: кӣ 75 – умин солгарди Ғалабаро ҷашн мегирад?

“Раҷабов зодаи Тоҷикистон мебошад. Феълан ба макони таваллуд ва даъваташ дархостҳо равон карда шудаанд. Умедворем, ки наздиконаш пайдо шаванду мо тавонем мукофоти ҷангияшро ба онҳо супорем. Шояд онҳо бихоҳанд, ки боқимондаҳо дар ватан ба хок супорида шаванд”, - изҳор дошт Руслан Хисамов, роҳбари гуруҳи ҷустуҷӯӣ дар гузориши телевизионӣ.

Қаблан дар ин минтақа ҷасади 7 сарбозеро пайдо карданд, ки аз пораҳои гулӯлаҳои  артиллерӣ ба ҳалокат расидаанд.

1146
Барчаспҳо:
сарбоз, Ҷанги Бузурги Ватанӣ, Тоҷикистон
Пистолет

27 ҳазор сомонӣ - хариди таппонча бо садохомӯшкунак дар Хуҷанд-видео

1229
(Таҷдидшуда 21:30 19.06.2020)
Вазорати умури дохилии Тоҷикистон аз боздошти марди 57-сола дар шаҳри Хуҷанд хабар додаст, ки дар фурӯши силоҳи ҷангӣ муттаҳам мешавад

ДУШАНБЕ, 19 июн — Sputnik.  Тибқи гузориши ВУД Тоҷикистон, дар пайи як амалиёти шартӣ аз марди муттаҳам ба ивази 27 ҳазор сомонӣ таппончаи Макаров бо таҷҳизоти садохомӯшкунак харида шуд.

Муайян гардид, ки муттаҳами 57-сола, зодаи шаҳри Конибодом ва сокини шаҳри Хуҷанд, санаи 25-уми майи соли равон аз афроди номаълум таппончаро гирифтааст.

ВУД таъкид кард, ки шахсияти айбдоршаванда ба далели халал нарасондан ба тафтишот феълан ифшо намешавад.

Мирвосид Давлатализода, муфаттиши мақомот, дар гузориш изҳор дошт, ки таппончаи мусодирашуда, соли истеҳсолаш 1987 буда, коршоям мебошад.

ВУД афзуд, ки феълан истифодаи силоҳи ҷангии мазкур дар дигар ҷиноятҳо ташхис мешавад.

1229
Барчаспҳо:
қочоқи нафт, силоҳ, Тоҷикистон
Сотрудники санитарных служб проводят обработку улиц

Кӯчаву хиёбонҳои шаҳри Хуҷанд дубора безарар гардонида мешаванд

0
(Таҷдидшуда 19:45 12.07.2020)
Кӯчаву хиёбонҳои шаҳри Хуҷанд дубора поккорӣ мешаванд. Ин поккорӣ ба хотири пешгирӣ аз паҳншавии бемории коронавируси навъи COVID - 19 гузаронида мешавад

ДУШАНБЕ, 12 июл – Sputnik. Гурӯҳи безараргардонӣ ва пешнигрӣ аз сироят ба коронаирус СOVID-19 фаъолиятҳои поккорӣ дар иншооту муассисаҳо ва кӯчаву хиёбонҳои шаҳри Хучандро аз сар гирифт.

Бино ба гузориши КҲФ, ин гурӯҳ, ки аз аввали авҷи вируси корона дар Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикисон дар вилояти Суғд амал мекард, зарфи ду рӯзи охир ба фаъолиятҳои худ идома дод.

Ёдгор Файзов гуфт, ки чигуна Тоҷикистон тавонист коронавирусро пешгирӣ кунад

Дастаи имдод дар ин ду рӯз дар Беморхонаи клиникии вилояти Суғд ба номи С. Қутфиддинов ва даромадгоҳҳои биноҳои 5-9-ошёнаи истиқоматии маҳаллаи 12-умро бо истифода аз дорупошакҳои муҳаррикдор, маҳлули гипохлорид натрий поксозӯ карданд.

"Дар як рӯз аз ҷониби гурӯҳ беш аз 20 бино безарар гардонида мешаванд", - омадааст дар хабарнома.

Манбаъ афзуда, ки корҳои безараргардонӣ дар вилояти Суғд идома доранд.

Тибқи иттилои Вазорати беҳдошти ҶТ шумораи умумии гирифторон ба маризии коронавирус аз 30 - юми апрел то 11 - уми июл ба 6 505 нафар баробар аст.

Дар кишвар 5176 нафар ё худ 79,5 дарсади гирифторони COVID-19 шифо ёфтаанд.

0
Барчаспҳо:
пешгирӣ, поксозӣ, вируси нав, Суғд
Мавзуҳо:
Пайомадҳои COVID-19 дар Тоҷикистон ва ҷаҳон