Тахриби бинои маркази омӯзишии низомӣ дар вилояти Омск

Тахриби бинои хобгоҳи низомӣ дар Омск бузургтарин қазия дар артиш аст

9
(Таҷдидшуда 16:28 13.07.2015)
Қазияи чаҳоруми изтирорӣ дар артиши рус аз авоили тобистон бузургтарин ҳодиса буда авомили онро комиссияи вижаи таъсисшуда таҳқиқ мекунад ва аз умури наҷот раиси ҷумҳури Русия Владимир Путинро пайваста огаҳ месозанд.

ДУШАНБЕ, 13 июл — Sputnik. Зери харобаҳои хобгоҳи низомии Нерӯҳои ҳавоиву чатрбозони Русия дар Омск 23 нафар ҷони худро аз даст дода боз 19 нафари дигар ҷароҳатҳо бардоштаанд ва ҳоло ба бемористон мунтақил шудаанд.

Намояндаи расмии вазорати дифоъи Русия Игор Конашенков рӯзи душанбе ба хабарнигорон гуфт, ки алаккай аз зери харобаҳо 41 нафар низомӣ берун кашида шудаанд ва "осебдидаҳои сангин" тавассути ҳавопаймоҳо ба Москав мунтақил шудаанд.

Вазорати дифоъ даъват кардааст, ки дар бораи авомили ин фоҷеъа ҳадс назананд ва поёни фаъолияти комиссияи вижаро интизор шаванд. Тибқи иттилоъи муқаддамотӣ далели ин тахрибшавӣ метавонад нақзи муқаррароти наҳваи сохтмон бошад, аммо дар "Спетстрой" муътақид сохтанд, ки зимни анҷом ва мавриди истифода қарор додани ин бино ҳеҷ як мушкиле дар сохтмони табақаҳои бино ошкор нашудааст.

Аз авоили моҳи июн ин алаккай шашумин тасодуми бузург дар нерӯҳои мусаллаҳи Русия аст: то ин замон пайваста садама ва ё парвоз накардани ҳавопаймоҳои ҷангии Русия мушоҳида шудаанд. Аз ҷумла, қазия бо ҳавопаймои Су-24М дар кишвари Хабаровск (6 июл), Миг-29 дар Куӣан (3 июл), Ту-95 дар кишвари назди Амур (8 июн), Су-34 дар наздикии Воронеж ва Миг-29 дар вилояти Астрахан (ҳар ду 4 июн). Натиҷаи ғамангез — ду нафар кушта ва чанд тани захмӣ.

Сутунҳои миёнтабақӣ шабона тахриб шуданд

Фоҷеъа дар Омск шаби 12 июл рух дод: дар хобгоҳи низомии чаҳортабақа дар шаҳраки Светлий фаршҳои миёнтабақа замоне тахриб шуданд, ки дар он ҷо 337 нафар низомӣ мехобиданд. Манбаъи РИА Новости дар ниҳодҳои изтирории шаҳр гуфт, ки "миёнфаршҳо аз табақаи чаҳорум то якум тахриб шудаанд… дар паҳнои ду тиреза".

"То соати 10.00 субҳ 42 нафар низомие, ки зери харобаҳо қарор доштанд, ошкор шудаанд. Аз онҳо 23 нафар фавтидаанд", — хулоса кард Конашенков.

Ба гуфтаи вай 19 нафар низомӣ ба муъассисоти пизишкӣ мунтақил шудаанд ва се нафари дигар дар бунгоҳи пизишкии маркази омӯзишӣ ҷой дода шудаанд, зеро онҳо худ бо ҷароҳатҳои сабук ба он ҷо муроҷиъа кардаанд.

Назорати раиси ҷумҳур

Бо дастури вазири дифоъи Русия генерали артиш Сергей Шойгу комиссияи вижа барои таҳқиқи авомили тахрибшавии хобгоҳи низомӣ таъсис шудааст. Ҳамчунин ба Омск комиссияи вазорати дифоъи Русия ба раҳбарии иҷрокунандаи фармондеҳии нерӯҳои ҳавоиву чатрбозӣ генерал Николай Игнатов эъзом шудааст.

Сергей Шойгу таътили худро ба таъвиқ дароварда ба Маркази миллии раҳбарӣ омада ҳар ним соат раиси ҷумҳурро дар бораи вазъият дар Омск огаҳ месозад. Вазир алаккай дастур дод, ки куллияи биноҳои бозсозишуда дар шаҳраки низомии Омск, ки дар он ҷо хобгоҳ тахриб шудааст, бозрасӣ карда шаванд.

Сухангӯйи раҳбари Русия Дмитрий Песков таъйид кард, ки фармондеҳи олӣ пайваста аз вазири дифоъи кишвар гузоришҳо дар бораи умури наҷотро дарёфт мекунад.

Ба гуфтаи вай Владимир Путин ба пайвандон ва наздикони кушташудагон изҳори тасаллият карда дастур додааст, ки ба куллияи осебдидагон кӯмаки зарурии пизишкӣ ироъа шавад.

Ниҳодҳои наҷот

Барои рафъи авоқиби ин ҳодисаи изтирорӣ гурӯҳи бузурге ҷалб шудааст — беш аз 900 нафар кормандони ниҳодҳои наҷот ва изтирорӣ ва 150 адад таҷҳизоти фаннӣ, хабар медиҳад вазорати умури изтирории Русия.

Барои ироъаи кӯмак ба осебдидагон ба маҳалли ҳодиса "гурӯҳи вокуниши сареъи пизишкӣ" эъзом шудааст — гурӯҳи таъйиноти махсуси Минтақаи марказии низомӣ бо панҷ гурӯҳи иборат аз пизишкон ва хоҳарони шафқат.

Нахустин ҳавопаймои борбари низомӣ бо 10 нафар низомиёни осебдида аз Омск ба самти Москав парвоз кард ва ҳоло ҳавопаймои дуввумӣ бо ҳафт нафар захмиҳо омодаи парвоз аст. Дар пойтах, дар бемористонҳои низомии Вишневский ва Бурденко утоқҳо барои пазироии осебдидагон омода шудаанд. Бемористони низомии Петербург низ барои қабули захмиён омода мебошад.

© RUPTLY
Таҷҳизоти вижа ба маҳалли тахриби хобгоҳи низомӣ омаданд. Аксҳо аз маҳалли ҳодиса
9
Барчаспҳо:
тахриби хобгоҳи низомӣ, вазорати дифоъи Русия, Владимир Путин, Дмитрий Песков, Сергей Шойгу, Игор Конашенков, Омск, Русия
Мавзуҳо:
Фоҷеъа дар Омск- бузургтарин рухдоди номатлуби артиш дар тобистон (4)
Мавзуъ
Дар Омск хобгоҳи низомиён тахриб шуда кушташудагон низ ҳастанд
Военный парад в Хороге по случаю приезда президента Таджикистана

Коршинос гуфт, чаро бештари ҷавонони тоҷик майли аскарӣ надоранд: роҳи ҳалро нишон дод

33
(Таҷдидшуда 16:46 24.01.2021)
Қонуни навсозӣ гумон аст, ки мавқеи артишро дар Тоҷикистон беҳтар кунад, мегӯяд Сергей Кривенко, мудири ғайринизомӣ, артиш

ДУШАНБЕ, 24 янв – Sputnik. Палатаи поёнии парлумони Тоҷикистон рӯзи 20 январ таҳрири нави қонун "Дар бораи ӯҳдадории ҳарбӣ ва хизмати ҳарбӣ" -ро тасдиқ кард.

Тахмин меравад, ки қоидаҳо як қатор масъалаҳои муҳимро, ки ҳоло бо артиши кишвар алоқаманданд, ҳал мекунад.

Ҳамин тариқ, муқаррароти нав на танҳо аз фасод, балки аз найрангҳои маккоронаи ҷавонон барои саркашӣ аз хидмат ҷилавгирӣ хоҳанд кард.

Ба гуфтаи Сергей Кривенко, директори "Гражданин. Армия. Право"-и ҳуқуқи башар ва узви собиқи шӯрои гурӯҳи корӣ оид ба ҳифзи ҳуқуқи хизматчиёни ҳарбии шӯрои президент оид ба ҳуқуқи инсон, Тоҷикистон бояд масъалаи ҷорӣ кардани артиши шартномавиро баррасӣ кунад. 

Танку тӯпу зиреҳпӯш: қудрати ҳарбии Тоҷикистон дар рақамҳо

Роҳҳои кунунии ислоҳот, ба гуфтаи коршинос, саволҳои зиёдеро ба миён меоранд.

"Дар ҷаҳони муосир ба ҷуз артиши шартномавӣ, ки вазъи ҳам даъват ба артишу худи артиш, коҳиш додани сатҳи ҷиноятҳои зӯроварӣ чизе беҳтар андешида нашудааст. Масири асосӣ, ба мисли Русия ва дар бисёр кишварҳои дигар, гузариш ба артиши шартномавӣ аст", - гуфт Кривенко дар мусоҳиба бо Sputnik Тоҷикистон.

Ниёз ба артиши тавоно: Ғаффоров хост, дар хизмат адабиёт таълим дода шавад

Ин гузариш метавонад дарозтар ё кӯтоҳтар бошад. Артиши шартномавӣ ҷавононро ҳавасманд мекунад ва мушкилоти зиёдеро бартараф мекунад, гуфт коршинос.

"Бо чунин сатҳи рушди технология, сатҳи омодагии зарурии ҷангӣ, ки ба артиши муосир пешниҳод карда мешавад, тайёр кардани сарбози касбӣ дар муддати камтар аз 2 ё 3 сол ғайриимкон аст", - қайд кард Кривенко.

Аммо Тоҷикистон, ба гуфтаи коршинос, ин роҳро пеш намегирад, усули даъватро тарк мекунад ва амалан чизе ислоҳ намекунад.

"То ҷое ки ман дидам, чандин гузоришҳо аз созмонҳои ҳифзи ҳуқуқ мавҷуданд, ки дар артиш мушкилии калон сари шиканҷа (дедовшина) аст, бинобар ин, бисёр бачаҳо аз рафтан метарсанд",- гуфт мутахассис.

Навигариҳои хизмати ҳарбӣ: хизмати пулакӣ, дипломдорҳо ҳам раванд, ба кор намегиранд

Навоварие, ки хидмати яксолаи донишҷӯёнро дар баробари сарбозони оддӣ пешбинӣ мекунад, ба омезиши ҷараёни ду категорияи кормандони низомӣ мусоидат хоҳад кард.

"Ин аксар вақт боиси афзоиши ҷинояткорӣ мегардад. Ин ҷараёнҳоро ҷудо кардан лозим аст",- гуфт Кривенко.

"Пас барои комиссариати ҳарбӣ интихоб пайдо мешавад, ки чунин имкониятро фароҳам орад ё не. Мо бояд бубинем, ки дар инҷо ҳеҷ гуна имкониятҳои тавлиди фасод вуҷуд надорад. Агар ин роҳро сабук кунад, хатари дигаре ба миён меояд. Артиш метавонад ба "артиши камбизоатон" табдил ёбад, зеро он қишрҳои аҳолӣ ба он ҷо хоҳанд рафт, ки пардохт карда наметавонад",-таъкид кард Кривенко.

Ғайр аз ин, дар Тоҷикистон то ҳол қонун дар бораи хидмати алтернативии шаҳрвандӣ вуҷуд надорад, ки тақрибан дар ҳамаи кишварҳои минтақаи пасошӯравӣ ҳаст.

Ин ба сабук кардани вазъи он ҷавононе, ки хидмати ҳарбиро барои эътиқоди худ қабул намекунанд, кӯмак мекунад, хулоса кард коршинос.

Ҷой доштани муносибатҳои ғайриоинномавиро Шералӣ Мирзо, вазири мудофиаи кишвар низ дар посух ба пурсиши вакили парлумон Саидҷаъфар Усмонзода, тасдиқ кард.

Тоҷикистон дар радабандии байналмилалии қудрати низомӣ: Ӯзбекистон қавитар аз ҳама дар ОМ

" Мутаассифона, чунин ҳолат ҷой дорад. Вазорати мудофиа ҳама чораро меандешад, ки ба чунин вазъ хотима диҳад. Ҳарчанд теъдоди чунин вайронкуниҳо тӯли солҳои охир ду — се маротиба кам шудааст, вале то ҳол он хотима наёфтааст", - изҳори нигаронӣ кардааст вай.

Шералӣ Мизо афзуд, бо қабули қонун дар таҳрири нав ба масъалаи зикршуда боз ҳам бештар диққат дода хоҳад шуд.

33
Барчаспҳо:
хизмат, шиканҷа, сарбоз, артиши миллӣ, вазорати мудофиаи ҶТ
Гаффоров Абдухалим

Ниёз ба артиши тавоно: Ғаффоров хост, дар хизмат адабиёт таълим дода шавад

71
(Таҷдидшуда 12:45 24.01.2021)
Абдуҳалим Ғаффоров, вакили парлумон ва раиси Ҳизби сотсиалистии Тоҷикистон пешниҳод кард, ки дар артиш ба ҷадвали дарсҳо фанни адабиёт ворид карда шавад

ДУШАНБЕ, 24 янв— Sputnik. Ғаффоров дар ҷаласаи ахири парлумон гуфт, пешниҳод менамоям, ки дар қисмҳои ҳарбӣ дарси адабиёт, баробар бо дарсҳои техникӣ, ба ҷадвали дарсӣ ворид карда шавад.

Тибқи гузориши нашрияи “Садои мардум”, Ғаффоров ҳадафи пешниҳодро дар он гуфт, ки ҷавонон донишро дар бораи адабиёти давраи классикию муосир ҳар чӣ бештар сайқал диҳанд ва бо эҳсоси баланди ифтихор аз кишвари маҳбуб, дӯст доштани Ватан ҳамеша омодаи хид­мат дар ҳифзи Ватан бошанд. Ӯ байти ҳаким Фирдавсиро зикр кардааст, ки "Пароканда лашкар наояд ба кор, дусад марди ҷангӣ беҳ аз сад ҳазор".

Раиси Ҳизби сотсиалистӣ хотиррасон намуд, ки Тоҷикистон  бо  Афғонистон беш аз 1400 километр ва бо Қирғизистон беш аз 900 километр хати марз дошта, ин ҳолати воқеӣ тақозо менамояд, ки артиши миллии тавоно дошта бошем.

“Маҳз мавҷудияти ҳисси баланди ватандӯстӣ имкон медиҳад, ки ҷавонон, ки дар сафи Қувваҳои Мусаллаҳ хизмати Ватанро ба ҷой меоранд, дар дифои кишвар ҳамеша омода бошанд”, - таъкид намуд Ғаффоров.

71
Барчаспҳо:
адабиёт, хизмати ҳарбӣ, Тоҷикистон