Ҳероин. Акс аз бойгонӣ

Дар Душанбе се шаҳрванд бо як килограмм ҳероин боздошт шуданд

9
Маъмурони милитсияи пойтахт се нафар ҷинояткорро бо миқдори бузурги маводди мухаддир боздошт карда бозрасон бозпурсии ин афрод барои ошкор кардани манбаъи вуруди ин миқдор ҳероин ба кишварро идома медиҳанд.

ДУШАНБЕ, 20 июл — Sputnik. Ба иттиҳоми қочоқи маводди мухаддир дар пойтахти Тоҷикистон се марди ҷавон боздошт шудаанд, хабар медиҳад ВКД ҶТ.

Ду нафар аз онҳо — сокинони 19 ва 20 солаи пойтахт қаблан низ барои ғоратгарӣ муҷозот шудаанд.

"Ҳангоми боздошт аз ин ду нафар 864 грамм ҳероин кашф ва мусодира шуд. Ба ҷуз аз ин дар пайи амалиёти ҷустуҷӯӣ ҳамон рӯз фарди севвуми шарики онҳо боздошт шуд — сокини 32 солаи ноҳияи Шаҳринав боздошт шуда ва аз ӯ 108 грамм ҳероин мусодира шуд", — омадааст дар хабари ин ниҳод.

Зикр шудааст, ки боздоштшудаи севвум низ қаблан бо моддаи 237 (тахрибкорӣ) ҷонуни ҷиноӣ муҷозот шудааст.

Дар пайи ин ҳодиса парвандаи ҷиноӣ боз шуда таҳқиқи он идома дорад.

9
Барчаспҳо:
боздошти қочоқчиёни ҳероин, ВКД, Тоҷикистон
Мавзуъ
Се атбоъи тоҷик ба иттиҳоми ҳероин дар вилояти Москав боздошт шуданд
Ду табаъайи тоҷик дар Русия барои 16 кг ҳероин муҷозот шуданд
Боздошти як сокини Душанбе бо 4 кило ҳероин
Дар АНМН “Масири ҳероин” баррасӣ шуд
Боздошти як тоҷикистонӣ дар Маскав бо 70 кг ҳероин
Додгоҳи Дубай барои 13 килограмм ҳероин 10 соли зиндонро раво дид
Шаҳрвандони ҶТ бо 10 кг ҳероин дар вилояти Маскав боздошт шуданд
Мусодираи ҳероин аснои амалиёти муштараки хадамоти ҶТ ва ҶҚ
Пистолет

27 ҳазор сомонӣ - хариди таппонча бо садохомӯшкунак дар Хуҷанд-видео

1218
(Таҷдидшуда 21:30 19.06.2020)
Вазорати умури дохилии Тоҷикистон аз боздошти марди 57-сола дар шаҳри Хуҷанд хабар додаст, ки дар фурӯши силоҳи ҷангӣ муттаҳам мешавад

ДУШАНБЕ, 19 июн — Sputnik.  Тибқи гузориши ВУД Тоҷикистон, дар пайи як амалиёти шартӣ аз марди муттаҳам ба ивази 27 ҳазор сомонӣ таппончаи Макаров бо таҷҳизоти садохомӯшкунак харида шуд.

Муайян гардид, ки муттаҳами 57-сола, зодаи шаҳри Конибодом ва сокини шаҳри Хуҷанд, санаи 25-уми майи соли равон аз афроди номаълум таппончаро гирифтааст.

ВУД таъкид кард, ки шахсияти айбдоршаванда ба далели халал нарасондан ба тафтишот феълан ифшо намешавад.

Мирвосид Давлатализода, муфаттиши мақомот, дар гузориш изҳор дошт, ки таппончаи мусодирашуда, соли истеҳсолаш 1987 буда, коршоям мебошад.

ВУД афзуд, ки феълан истифодаи силоҳи ҷангии мазкур дар дигар ҷиноятҳо ташхис мешавад.

1218
Барчаспҳо:
қочоқи нафт, силоҳ, Тоҷикистон
Генерал-лейтенанти милитсия Аламшозода Абдураҳмон Аламшо, муовини якуми вазири корҳои дохилӣ, сардори РВКД дар ВМКБ

Баррасии гирдиҳамоиҳо дар ҷаласаи оперативии Ситоди таъмини амният дар ВМКБ-видео

5551
(Таҷдидшуда 17:16 19.06.2020)
Гирдиҳамоиҳо, ки чанд рӯзи қабл дар ноҳияи Рӯшон сурат гирифтанд, яке аз мавзӯъҳои меҳварии ҷаласаи оперативии Ситоди байниидоравии таъмини амният дар ВМКБ таҳти раёсати генерал Абдураҳмон Аламшозода буданд

ДУШАНБЕ, 19 июн — Sputnik.  Генерал Абдураҳмон Аламшозода, сардори Ситоди байниидоравии таъмини амнияту тартибот дар ВМКБ, зимни ҷаласаи оперативӣ-хизматӣ таъкид кардааст, ки маъмурин бо мардум хушмуомила бошанд.

Тибқи гузориши телевизиони “Бадахшон”, Ситоди байниидоравии таъмини амнияту тартибот минбаъд низ фаъолияташро дар вилоят идома хоҳад дод.

Манбаъ афзуд, ки дар ҷаласаи оперативӣ масъалаи гирдиҳамоиҳои ғайриқонунӣ, тартибот дар роҳҳо, пешгирии фурӯши нӯшокиҳои ғайристандартӣ ва дигар масъалаҳо баррасӣ шуданд.

Бар асоси гузориши ТВ Бадахшон, Ситоди байниидоравии таъмини тарбтибот, аз фаъолону зиёиён даъват кардааст, ки ҷавононро бо роҳи дуруст ҳидоят намоянд, аз таъсири гуруҳҳои манфиатҷуӯй, иштирок дар гирдиҳамоӣ ва даст задан ба бетартибиҳо пешгирӣ намоянд.

Анҷоми ҳамоишҳо дар Рӯшон

Баррасии ин масоил аз ҷониби Ситод дар ҳолест, ки ҳамоиши ахир дар пайи боздошти Ёдгор Ғуломҳайдаров ва ҳамроҳаш дар Рӯшон сурат гирифт, ки ба иддаои гуруҳи сокинони Рӯшон, рабте ба қазияи қочоқи маводи мухаддир надоранду тайи чанд соати боздошт латукӯб шудаанд.  Гуруҳи эътирозгарон боздоштшудаҳоро озод карда, тайи чанд рӯз даст ба ҳамоиши эътирозӣ зада буданд.

Феълан сокинон мегӯянд, ин қазия бо он, ки гуруҳи наздик ба 10-нафарӣ барои нақзи тартибот ҷаримабандӣ мешаванд, анҷом ёфт. Дар мавриди муҷозоти маъмурине, ки ба иддаои бархе сокинон даст ба латукӯб задаанд, феълан иттилое ироа нашудааст.

Мақомоти Тоҷикистон расман ин қазияро шарҳ надоданд, танҳо котиботи ҳукумати ВМКБ қаблан эътироз дар Хоруғ дар ҳамраъйӣ бо сокинони Рӯшонро рад карда, наворе нашр намуда буд.

5551
Барчаспҳо:
Рӯшон, Тоҷикистон, ҳамоиш, ВМКБ, телевизион, гузориш
Грузовик с газом, архивное фото

Гази моеъ дар Тоҷикистон гарон шуд

0
ар замони шуюи корона қиммати ҳар литр сухт ҳудуди 2 сомонию 8 дирам ва қиммати ҳар литр гози моеъ низ ҳудуди 3 сомонию 8 дирам расид.

ДУШАНБЕ, 6 июл — Sputnik. Қиммати гази табии моеъ дар Тоҷикистон таи як ҳафтаи гузашта 35 дар сад афзоиш ёфт, гузориш медиҳад "Парс тудэй".

Ба гузориши мандаъ, бархе коршиносон иллати афзоиши қимматро поёни қарантина ва афзоиши тараддуди теъдоди мошинҳо эълом мекунад.

Қиммати гози табии моеъ дар ҷойгоҳҳои сухти Тоҷикистон тайи як ҳафтаи гузашта 35 дар сад афзоиш ёфт.

Дар замони шуюи корона қиммати ҳар литр сухт ҳудуди 2 сомонию 8 дирам ва қиммати ҳар литр гози моеъ низ ҳудуди 3 сомонию 8 дирам расид. 

"Вақте ки карантин сар шуд, нархи бензин тақрибан 50 дарсад коҳиш ёфт (2 сомонию 50 дирам), аммо ҳоло, ки мошинҳои зиёд дар кӯчаҳо мераванд, талабот ба сӯзишворӣ афзоиш ёфтааст" - гуфт коршиноси соҳаи энергетика Дмитрий Газафов.

Паравандаи ҷиноӣ алайҳи Юрий Долгов барои қочоқи гази моеъ аз Қирғизистон ба Тоҷикистон

У афзуд: Дар ҳоли ҳозир, сухти масрафии бештари васоили нақлия дар Тоҷикистон гази табии моеъ (LNG) ва арзонтар аз бензин аст. Соли гузашта Тоҷикистон 430 ҳазор тонна гази табии моеъ, ҳудуди 180 ҳазор тонна бензин ва ҳудуди 250 ҳазор тонна дизел ворид кард.

Тоҷикистон сухти мавриди ниёзи худро аз Русия ва Қазоқистон ворид мекунад

0