Озодӣ: дар марзи Туркия бо Сурия имсол 6 атбоъи тоҷик боздошт шудаанд

© Sputnik / Сергей ВенявскийБоздошт. Акс аз бойгонӣ
Боздошт. Акс аз бойгонӣ - Sputnik Тоҷикистон
Обуна шудан
Ниҳодҳои интизомии Туркия теъдоди атбоъи хориҷии боздоштшудаеро эълом карданд, ки қасди убур аз марз бо Сурияро доштанд ва миёни онҳо теъдоди чиниҳои уйғуртабор бештар аст.

ДУШАНБЕ, 24 июл — Sputnik. Аз авоили соли ҷорӣ ниҳодҳои интизомии Туркия дар марз бо Сурия 468 нафар атбоъи хориҷӣ аз 36 кишварро боздошт кардаанд, ки 6 нафари онҳо шаҳрвандони Тоҷикистон мебошанд, хабар медиҳад Радиои Озодӣ бо истинод ба вазорати дифоъи Туркия.

Ба навиштаи Озодӣ ҳамаи онҳо қасд доштанд ба суфуфи террористон дар Сурия, аз ҷумла ба гурӯҳи "Давлати исломӣ" бипайванданд.

Озодӣ: ИМА мегӯяд, Тоҷикистон дар мубориза бо терроризм “суст” шудааст

Радио навиштааст, ки 241 нафари боздоштшуда атбои Чин буда маъмулан уйғуртаборанд ва 56 нафар шаҳрвандони Русия мебошанд. Аз Осиёи Марказӣ бештар аз ҳама атбоъи Туркманистон будаанд — 29 нафар.

Дар сафорати Тоҷикистон дар Туркия аз посух ба ин суоли Озодӣ худдорӣ карда, вале сухангӯйи ВКХ Абдулфайз Атоев гуфтааст, ки то ҳол дар ин мавзӯъ аз ҷониби Анқара иттилоъе дарёфт накардаанд.

Лентаи хабарҳо
0