Симхор

КДАМ ҶТ: мақомоти маҳаллии Қирғизистон дар даргирӣ мунҷар аст

23
(Таҷдидшуда 09:26 05.08.2015)
Феълан вазъ дар манотиқи марзии Тоҷикистону Қирғизистон таҳти назорати ниҳодҳои низомӣ ва интизомии ду кишвар қарор дорад.

ДУШАНБЕ, 4 авг — Sputnik. Мақомоти ҳокимияти рустои Кок-Тоши вилояти Ботканд дар ташаннуҷи авзоъ дар марзи миёни Тоҷикистон ва Қирғизистон мунҷар мебошанд, навиштааст хабаргузории Авеста бо истинод ба маркази матбуотии КДАМ.

Дар баёнияи нерӯҳои марзбонии КДАМ ҶТ омадааст, ки 25 июли соли ҷорӣ соати 11.30 сокинони рустои Сомониёни ҷамоати Чоркӯҳ дар соҳили рӯдхонаи Исфара барои кандани ҷӯй таҷаммӯъ мекунанд. Ин лаҳза ба назди онҳо сокинони рустои Кок-Тоши ҷамоати Оқсойи ноҳияи Ботканди Қирғизистон ба раҳбарии раиси ҷамоат Разия Осорова меоянд.

Дар баёния зикр мешавад, ки Осорова ҳамватанони худро алайҳи шаҳрвандони Тоҷикистон тавтеъа карда, ҳамроҳи худ ҳудуди 130-150 сокини рустои Кок-Тошро овардааст. Онҳо тақозо кардаанд, ки ба Қирғизистон пайраҳаи пиёдагарди Мазор дода шавад, ки ба самти қабристони муштарак мебараду дар қаламрави Тоҷикистон воқеъ аст.

Баъд аз хархашаи лафзии сокинон ба маҳалли ҳодиса раисони навоҳии Исфара ва Ботканд- Даврони Зоҳидзода ва Кэниш Салихов меоянду тавофуқ мекунанд, ки то 28 июл мавзӯъи кашидани ҷӯйбори об ҳалл мешавад.

Аммо, омадааст дар баёния, ин мавзӯъ ҳалли худро наёфт ва 3 август ин қазия ба даргирӣ кашида шуд ва дар пайи он ҷонибҳо ҳамдигарро сангборон карданд.

Ин ниҳод зикр мекунад, ки 4 август соъати 12.30 аз сӯйи сокинони рустои Кок-Тоши Қирғизистон ба самти сокинони рустои Сомониён аз туфанги шикорӣ тирпарронӣ сурат гирифт.

Гуфта шудааст, ки сокинони рустои қирғизӣ ҳамчунин аз "котейли Молотов" истифода кардаанд. Дар натиҷа аз ҷониби Тоҷикистон 6 нафар ҷароҳатҳои гуногун бардоштанд. Вазъи ду нафари онҳо вахим арзёбӣ мешавад.

Дар ҳамин ҳол Идораи давлатии марзбонии Қирғизистон иддаъо дорад, ки марзбонони ин кишвар дар қазияи муноқишаи миёни сокинони ду кишвар аз аслиҳа истифода накардаанд.

Зикр шудааст, ки феълан вазъ дар манотиқи марзии миёни Қирғизистон ва Тоҷикистон таҳти назорати ниҳодҳои низомӣ ва интизомии ду кишвар қарор дорад.

"Намояндагони марзбонии Қирғизистон ва Тоҷикистон вазъро назорат карда муштаракан бо ниҳодҳои интизомии ҳар ду кишвар дар миёни сокинони манотиқи наздимарзӣ умури таблиғотӣ анҷом медиҳанд", — таъкид мекунанд марзбонони қирғиз.

Куллияи матолиб дар ин робитаро ин ҷо бихонед>>

23
Барчаспҳо:
марзи муштараки Тоҷикистону Қирғизистон ноором аст, даргирӣ дар сарҳад, изҳороти КДАМ, баёния, КДАМ ҶТ, Разия Осорова, Кэниш Салихов, Даврон Зоҳидзода, Чоркӯҳ, Ботканд, Қирғизистон, Тоҷикистон
Мавзуҳо:
Дар марзи Тоҷикистону Қирғизистон вазъ печида аст (6)
Мавзуъ
Душанбе ва Бишкек музокироти марзиро идома медиҳанд
Таҳқиқи муноқиша дар марз аз сӯи Душанбеву Бишкек
Пистолет

27 ҳазор сомонӣ - хариди таппонча бо садохомӯшкунак дар Хуҷанд-видео

1219
(Таҷдидшуда 21:30 19.06.2020)
Вазорати умури дохилии Тоҷикистон аз боздошти марди 57-сола дар шаҳри Хуҷанд хабар додаст, ки дар фурӯши силоҳи ҷангӣ муттаҳам мешавад

ДУШАНБЕ, 19 июн — Sputnik.  Тибқи гузориши ВУД Тоҷикистон, дар пайи як амалиёти шартӣ аз марди муттаҳам ба ивази 27 ҳазор сомонӣ таппончаи Макаров бо таҷҳизоти садохомӯшкунак харида шуд.

Муайян гардид, ки муттаҳами 57-сола, зодаи шаҳри Конибодом ва сокини шаҳри Хуҷанд, санаи 25-уми майи соли равон аз афроди номаълум таппончаро гирифтааст.

ВУД таъкид кард, ки шахсияти айбдоршаванда ба далели халал нарасондан ба тафтишот феълан ифшо намешавад.

Мирвосид Давлатализода, муфаттиши мақомот, дар гузориш изҳор дошт, ки таппончаи мусодирашуда, соли истеҳсолаш 1987 буда, коршоям мебошад.

ВУД афзуд, ки феълан истифодаи силоҳи ҷангии мазкур дар дигар ҷиноятҳо ташхис мешавад.

1219
Барчаспҳо:
қочоқи нафт, силоҳ, Тоҷикистон
Генерал-лейтенанти милитсия Аламшозода Абдураҳмон Аламшо, муовини якуми вазири корҳои дохилӣ, сардори РВКД дар ВМКБ

Баррасии гирдиҳамоиҳо дар ҷаласаи оперативии Ситоди таъмини амният дар ВМКБ-видео

5551
(Таҷдидшуда 17:16 19.06.2020)
Гирдиҳамоиҳо, ки чанд рӯзи қабл дар ноҳияи Рӯшон сурат гирифтанд, яке аз мавзӯъҳои меҳварии ҷаласаи оперативии Ситоди байниидоравии таъмини амният дар ВМКБ таҳти раёсати генерал Абдураҳмон Аламшозода буданд

ДУШАНБЕ, 19 июн — Sputnik.  Генерал Абдураҳмон Аламшозода, сардори Ситоди байниидоравии таъмини амнияту тартибот дар ВМКБ, зимни ҷаласаи оперативӣ-хизматӣ таъкид кардааст, ки маъмурин бо мардум хушмуомила бошанд.

Тибқи гузориши телевизиони “Бадахшон”, Ситоди байниидоравии таъмини амнияту тартибот минбаъд низ фаъолияташро дар вилоят идома хоҳад дод.

Манбаъ афзуд, ки дар ҷаласаи оперативӣ масъалаи гирдиҳамоиҳои ғайриқонунӣ, тартибот дар роҳҳо, пешгирии фурӯши нӯшокиҳои ғайристандартӣ ва дигар масъалаҳо баррасӣ шуданд.

Бар асоси гузориши ТВ Бадахшон, Ситоди байниидоравии таъмини тарбтибот, аз фаъолону зиёиён даъват кардааст, ки ҷавононро бо роҳи дуруст ҳидоят намоянд, аз таъсири гуруҳҳои манфиатҷуӯй, иштирок дар гирдиҳамоӣ ва даст задан ба бетартибиҳо пешгирӣ намоянд.

Анҷоми ҳамоишҳо дар Рӯшон

Баррасии ин масоил аз ҷониби Ситод дар ҳолест, ки ҳамоиши ахир дар пайи боздошти Ёдгор Ғуломҳайдаров ва ҳамроҳаш дар Рӯшон сурат гирифт, ки ба иддаои гуруҳи сокинони Рӯшон, рабте ба қазияи қочоқи маводи мухаддир надоранду тайи чанд соати боздошт латукӯб шудаанд.  Гуруҳи эътирозгарон боздоштшудаҳоро озод карда, тайи чанд рӯз даст ба ҳамоиши эътирозӣ зада буданд.

Феълан сокинон мегӯянд, ин қазия бо он, ки гуруҳи наздик ба 10-нафарӣ барои нақзи тартибот ҷаримабандӣ мешаванд, анҷом ёфт. Дар мавриди муҷозоти маъмурине, ки ба иддаои бархе сокинон даст ба латукӯб задаанд, феълан иттилое ироа нашудааст.

Мақомоти Тоҷикистон расман ин қазияро шарҳ надоданд, танҳо котиботи ҳукумати ВМКБ қаблан эътироз дар Хоруғ дар ҳамраъйӣ бо сокинони Рӯшонро рад карда, наворе нашр намуда буд.

5551
Барчаспҳо:
Рӯшон, Тоҷикистон, ҳамоиш, ВМКБ, телевизион, гузориш
Зеристгоҳ, акс аз бойгонӣ

Ҳалокати сокини ноҳияи Бобоҷон Ғафуров аз зарбаи барқ

0
Як сокини ҷамоати деҳоти Унҷии ноҳияи ба номи Бобоҷон Ғафуров аз расиши қувваи барқ ба ҳалокат расидааст

ДУШАНБЕ, 7 июл – Sputnik. Раёсати корҳои дохилӣ дар вилояти Суғд иттилоъ дод, ки субҳи 6 июл як сокини ноҳияи Бобоҷон Ғафуров аз зарби барқ ба ҳалокат расидааст.

“Санаи 6-уми июл, тахминан соатҳои 7: 30 дақиқа, Б. А., сокини ҷамоати Унҷии ноҳияи Бобоҷон Ғафуров дар вақти пайваст намудани нерӯи зеристгоҳи барқӣ, аз сабаби расиши қувваи барқ ҷароҳати ҷисмонӣ бардошта, ба ҳалокат расидааст”, иттилоъ дод масъули матбуотии РВКД дар Суғд ба Sputnik Тоҷикистон.

Ба иттилои манбаъ нафари ба ҳалокат расида ҷавони 31 сола будааст. Ҳодисаи фоҷиабор дар зеристгоҳи барқӣ дар дар деҳаи Қурғончаи ноҳияи Бобоҷон Ғафуров рух додааст.

Манбаъ тавзеҳ дод, ки эҳтимол дар вақти пайваст намудани ноқилҳои барқӣ дар зеристгоҳ техникаи бехатарӣ риоя нагардидааст. Дар бораи шуғли аслии нафари ҳалокшуда маълумот ироа нашудааст, ки оё ӯ барқчӣ аст ва ё як корманди кироя, ки барои насб намудани қувваи барқ ҷалб шудааст.

0
Барчаспҳо:
барқ, Тоҷикистон