Садама. Акс аз бойгонӣ

Дар ҷоддаҳои Тоҷикистон дар як шабонарӯз панҷ нафар фавтиданд

8
(Таҷдидшуда 12:54 05.08.2015)
Дар минтақаи Чошти ноҳияи Тавилдара мошини навъи "Hyundai galloper" ба ҷарии 500 метрӣ сарозер шуда ронанда ва мусофири ин худрав ҷароҳатҳо бардоштанду дар маҳалли ҳодиса ҷони худро аз даст доданд.

ДУШАНБЕ, 5 авг — Sputnik. Дар ҷоддаҳои Тоҷикистон дар пайи ду садамаи нақлиётӣ панҷ нафар кушта шудаанд, хабар медиҳад сомонаи ВКД ҶТ.

Рӯзи сешанбе сокини 30-солаи ноҳияи Тавилдара дар минтақаи Чошт бо мошини худ "Hyundai galloper" аз ҷодда берун шуд. Мошин ба ҷарии 500 метрӣ сарозер шуд ва дар натиҷа ронанда ва мусофири 29-сола, сокини маҳаллӣ ҷароҳатҳо бардошта дар ҷойи ҳодиса ҷони худро аз даст доданд.

Мусофирони дигари ин мошин — марди 27-сола, писарбачаи 7-сола ва навҷавони 17-сола бо ҷароҳатҳои мухталиф ба бемористон мунтақил шудаанд.

Дар ҳамин рӯз, дар ноҳияи Рӯдакӣ сокини 63-солаи маҳаллӣ идораи мошини "Mercedes-Benz"-ро аз даст дода ба ду раҳгузар — марди 29 сола ва кӯдаки 2 сола бархӯрда, сипас ба самти муқобили ҷодда баромада сарозер шудааст.

Дар пайи ин ҳодиса ронанда, мусофири 60-сола ва кӯдаки дусола ҷароҳатҳои сангин бардошта дар бемористон ҷони худро аз даст додаанд. Пиёдагарди 29-сола ва мусофири дигари 59-солаи ин мошин ҷароҳатҳо бардошта ба бемористон мунтақил шудаанд.

8
Барчаспҳо:
ҳалокати панҷ нафар дар як рӯз, садамаҳо, ВКД, ноҳияи Рӯдакӣ, Тавилдара, Тоҷикистон
Мавзуъ
Собиқ муовини вазири умури дохила дар садама ба ҳалокат расид
Дар ноҳияи Айнӣ бар асари садама 4 нафар ҷон бохтанд
Дар як шабонарӯз 8 кас дар садамаҳои нақлиётӣ ҳалок шудаанд
Ду нафар дар садамаҳои нақлиётӣ ҳалок шуданд
Фавти чор нафар дар пайи садамаҳои нақлиётии як шабонарӯзи гузашта
Мулоқоти Эмомалӣ Раҳмон, раисиҷумҳури Тоҷикистон, бо Муҳаммад Ҳаниф Атмар, сарпарасти Вазорати корҳои хориҷии Афғонистон

Раҳмон ҷонибдорияш аз музокироти байниафғониро баён дошт

226
(Таҷдидшуда 20:46 17.09.2020)
Эмомалӣ Раҳмон, раисиҷумҳури Тоҷикистон, дар шаҳри Душанбе бо Муҳаммад Ҳаниф Атмар, сарпарасти Вазорати корҳои хориҷии Афғонистон вазъи имрӯзаи амниятӣ ва оғози музокироти сулҳи байниафғониро баррасӣ кард

ДУШАНБЕ, 17 сен — Sputnik. Ба иттилои котиботи раисиҷумҳури Тоҷикистон, дар мавриди яке аз равандҳои калидии фазои сиёсии Афғонистон, ки имрӯзҳо диққати ҷомеаи ҷаҳониро ба худ ҷалб кардааст, яъне музокироти сулҳи Афғонистон, Эмомалӣ Раҳмон изҳор дошт, ки  Тоҷикистон мавқеи Ҳукумати Афғонистонро дар таъмини амният ва сулҳу суботи пойдор ҳамеша ҷонибдорӣ карда, аз ҳар иқдоме, ки ба ҳалли мусолиҳатомези қазияи Афғонистон мусоидат мекунад, истиқбол менамояд.  

“Дар ин робита қайд гардид, ки Тоҷикистон бо истифода аз ҳама зарфиятҳо ва имконоти мавҷуда минбаъд ҳам саъйю талош хоҳад кард, то  ҷиҳати  мусоидат ба ҳалли мушкилоти Афғонистон ва рушди иқтисодиву иҷтимоии он дар ростои манофеи мардуми бародари он саҳми худро гузорад”, - омадааст дар иттилоияи котибот.

Тибқи иттилои котиботи раисиҷумҳури Тоҷикистон, Эмомалӣ Раҳмон таъкид кард, ки  ҳамкорӣ бо Афғонистон дар сохтори сиёсати хориҷии Тоҷикистон яке аз самтҳои авлавиятнок муқаррар шудааст ва ҷониби мо ба густариши ҳамкориҳо бо ин кишвари ҳамҷавор  пайваста таваҷҷуҳи ҷиддӣ зоҳир менамояд.

Дар ҷараёни мулоқот ҷонибҳо ҳамчунин аҳаммияти пайгирии минбаъдаи масъалаҳои вобаста ба татбиқи лоиҳаҳои зерсохторӣ ва энергетикии минтақавиро, ки омили  ҷалби васеи Афғонистон ба раванди ҳамкориҳои минтақавӣ маҳсуб меёбанд, баррасӣ намудаанд.  

Баъди ҳамла: мулоқоти Ятимов бо Амруллоҳ Солеҳ ва Абдулло Абдулло дар Кобул

Ҷонибҳо инчунин зарурати таҳкиму тақвияти ҳамкориҳояшро дар самти муборизаи муштарак алайҳи хатару таҳдидҳои муосир, аз ҷумла терроризм, ифротгароӣ, гардиши ғайриқонунии маводи мухаддир ва дигар ҷиноятҳои муташаккили фаромиллӣ, инчунин дар ҷодаи мубориза бо ҳамагирии КОВИД-19 ва рафъи оқибатҳои он  қайд намудаанд.

226
Председатель ГКНБ РТ Саймумин Ятимов, архивное фото

Баъди ҳамла: мулоқоти Ятимов бо Амруллоҳ Солеҳ ва Абдулло Абдулло дар Кобул

945
Саймумин Ятимов, раиси Кумитаи давлатии амнияти милли Тоҷикистон бо мақомдорҳои баландпояи Афғонистон мулоқот кардааст

ДУШАНБЕ, 11 сен — Sputnik. Сафари раиси Кумитаи давлатии амнияти миллии Тоҷикистон аз 9 то 11 сентябр дар Кобул ҷараён дошт, хабар медиҳад “Ховар”.

Ба иттилои манбаъ, Ятимов дар сафари корияш бо муовини аввали президенти Афғонистон Амруллоҳи Солеҳ, Раиси Шӯрои Олии мусолиҳаи миллӣ Абдуллоҳи Абдулло, Раиси Парлумон Мирраҳмон Раҳмонӣ, Мушовири амнияти президент Ҳамдуллоҳи Муҳиб, раиси Раёсати умумии амнияти миллӣ Аҳмад Зиё Сироҷ, вазири корҳои хориҷӣ Ҳаниф Атмар, вазири дифоъ Асадуллои Холид ва вазири умури дохилаи Ҷумҳурии исломии Афғонистон Масъуди Андаробӣ оид ба муносибатҳои мутақобилан судманд дидору мулоқот кардааст.

Ба иттилои манбаъ, дар мулоқотҳо оид ба вазъи амнияти ду кишвари дӯст ва минтақа, ҳифзи боэътимоди сарҳади давлатӣ, мубориза бо терроризм ва экстремизм, қочоқи силоҳ ва маводи мухаддир, инчунин таъмини амнияти коммуникатсионӣ ва тарҳҳои энергетикиву иқтисодӣ мубодилаи афкори судманд сурат гирифт.

Ҷонибҳо изҳор доштаанд, омодаанд, ҳамгироӣ ва муносибатҳоро дар самтҳои сиёсӣ, иқтисодӣ, фарҳангӣ ва амниятӣ тақвият ва тавсеа бахшида, ба ин васила ба сулҳу субот ва оромию осудагӣ дар минтақа мусоидат намоянд.

Таъкид шудааст, ки хотимаи ҷанг дар Афғонистон ва пешгирӣ аз фаъолияти тахрибии хадамотҳои махсус ва доираҳои манфиатдори сиёсии баъзе аз кишварҳо бо истифода аз гурӯҳҳои байналмилалии террористӣ, аз омилҳои муҳимтарини таъмини амният маҳсуб мегарданд.

Тоҷикистон ҳамла ба Амрулло Солеҳ, ноиби президенти Афғонистонро шадидан маҳкум кард

Ҷонибҳо бо ишора ба зарурати сифатии беҳтар сохтан ва ба сатҳи зарурӣ боло бурдани ҳамкории дуҷониба омодагии комили хешро ҷиҳати амалисозии тадбирҳои муассир ва мушаххас дар ин раванд изҳор доштанд.

Мулоқоти Амруллоҳи Солеҳ бо Ятимов дар ҳоле баргузор шуд, ки ду рӯзи қабл Солеҳ ҳадафи ҳамлаи террористӣ қарор гирифт. Ҳамла ба Амруллоҳ Солеҳ субҳи рӯзи 9 сентябр дар майдони Таймани Кобул сурат гирифт, ки аз он ҷон ба саломат бурд. 

Ҳукумати Тоҷикистон низ бо нашри як изҳорот ин ҳамларо шадидан маҳкум кард.

945
Барчаспҳо:
мулоқот, Моҳира Ятимова, Афғонистон, Тоҷикистон
Парламентские выборы в Таджикистане

Мастчоҳ ба интихоботи президентӣ омодааст: ифтитоҳи 35 участкаи интихоботӣ дар ноҳия

0
(Таҷдидшуда 19:39 18.09.2020)
Мақомоти ноҳияи Мастчоҳ ҷидди ба интихоботи президентӣ омодагӣ гирифтааст. Дар ноҳия 35 участкаи интихоботӣ таъсис дода шудааст

ДУШАНБЕ, 18 сен — Sputnik. Бино бар иттилои дафтари матбуоти мақомоти вилояти Суғд, дар ноҳияи Куҳистони Мастчоҳ ба баргузории интихоботи Президенти Тоҷикистон, ки санаи 11-уми октябри соли 2020 баргузор мегардад, омодагӣ гирифтааст.

Президент Таджикистана Эмомали Рахмон
© Официальная страница пресс-службы президента РТ в Facebook.

Бино ба иттилои​ Ҳотамбек Аҳмадзода, роҳбари дастгоҳи раиси ноҳияи Кӯҳистони Мастчоҳ​ омодагиҳо ба интихоботи президентӣ дар сатҳи зарурӣ ба роҳ монда шуда, маводи иттилоотӣ дастраси аҳолӣ ва шиору овезаҳо дар гӯшаву роҳравҳо ва ҷойҳои ҷамъиятӣ насб гардидаанд.

Гуфта шудааст, ки дар ноҳияи Куҳистони Мастчоҳ як ҳавза ва 35​ участкаи интихоботӣ таъсис дода шудааст.

Шумораи умумии интихобкунандагон дар ҳавзаи №39-и ноҳияи Кўҳистони Мастчоҳ 14987 нафар буда, аз инҳо 429 нафарашон бори аввал дар интихобот ширкат мекунанд.

Мутобиқи қарори муштараки Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон аз 6 августи соли 2020 интихобот дар Тоҷикистон 11 октябри соли ҷорӣ баргузор хоҳад шуд.

0
Барчаспҳо:
мақомот, таъсис, участкаҳо, Интихоботи президентӣ, интихобот, Тоҷикистон