Деҳаи Кок-Тоши ноҳияи Ботканди Қирғизистон. Августи соли 2015

Идомаи музокироти марзбонони тоҷику қирғиз дар Исфара

19
(Таҷдидшуда 10:29 06.08.2015)
Ҳайатҳои сарҳадбонии Тоҷикистону Қирғизистон ба манзури баррасии ихтилофи марзии сокинони рустоҳои Сомониён ва Кок-Тош дар Исфара ҷамъ шуда, дар маҳалли низоъ бо вазъ ошно гардида, харитаи мавзеи баҳсиро ташхис карданд ва аз манзилҳои тахрибшуда дидан намуданд.

ДУШАНБЕ, 6 авг — Sputnik. Шоми рӯзи гузашта музокироти раҳбарони хадамоти марзбонии Тоҷикистону Қирғизистон ба анҷом расида, қарор аст, имрӯз, 6 август идома ёбанд, иттилоъ медиҳад Радиои Озодӣ.

Дар сӯҳбат бо ин расона сардори Раёсати иттиллооти Хадамоти давлатии марзбонии Қирғизистон Гулмира Борубоева гуфтааст, мавзӯи меҳварии сӯҳбатҳо марбут ба тадбирҳои ба эътидол овардани вазъ дар сарҳади муштарак буд ва ҷонибҳо чораҳои мӯътадилкунандаро дар маҳалли моҷаро қонеъкунанда арзёбӣ карданд.

"Қарор аст музокирот шашуми август идома кунад ва дар ин гуфтугӯҳо сухан аз роҳҳои бартарафсозии решаҳои ин низоъ хоҳад рафт",- афзудааст бону Борубоева.

Ба иттилоъи манбаъ, интизор меравад дар поёни нишаст ҷузъиёти бештар ба даст хоҳад омад ва дар музокирот танҳо моҷарои мушаххаси ду рӯзи гузашта баррасӣ мешавад.

Рӯзи чаҳоршанбеи гузашта, ҳайатҳои сарҳадбонии Тоҷикистону Қирғизистон ба манзури баррасии ихтилофи марзии сокинони рустоҳои Сомониён ва Кок-Тош дар Исфара ҷамъ шуда, дар маҳалли низоъ бо вазъ ошно гардида, харитаи мавзеи баҳсиро ташхис карданд ва аз манзилҳои тахрибшуда дидан намуданд. Ин ҳайат дар мулоқот бо сокинон ваъда кардаанд, ки вазъи ба амал омадаро баррасӣ карда ва аз натиҷаи музокирот онҳоро дар ҷараён хоҳанд гузошт. Ҷониби Тоҷикистонро дар ин музокирот Раҷабалӣ Пираков, муовини фармондеҳи Сарраёсати неруҳои марзбонӣ, Ҳотам Дадобоев, муовини сардори раёсати корҳои дохилии вилояти Суғд ва Даврон Зоҳидзода, раиси шаҳри Исфара намояндагӣ доранд.

Муноқишаи навбатӣ миёни сокинони рустоҳои ҳаммарз 3 август рух дод. Ба иттилоъи нерӯҳои марзбонии Қирғизистон атбоъи тоҷик ҷодда барои сокинони рустои Кок-Тоши Қирғизистон, ки ба самти қабристон мебарад, масдуд мекунанд. Ҷодда ба қабристон аз рустои Майское убур мекунад, ки дар он ҷо хонаводаҳои тоҷик ба сар мебаранд.

Дар посух ба ин амр атбоъи Қирғизистон интиқоли об тавассути ҷӯй ба рустои Чоркӯҳро масдуд карданд. Ин амр боъис шуд, ки ҳудуди 120 атбоъи тоҷик 80 нафар шаҳрвандони Қирғизистон дар пайи муноқиша ба ҳамдигар сангпартоӣ карданд.

Зимнан, рӯзи сешанбеи чоруми август Сарраёсати неруҳои марзбонии КДАМ изҳоротеро пахш кард, ки тафсилоти бештари моҷароро бозгӯӣ мекунад ва мавқеъи шаҳрвандони сокини манотиқи наздимарзиро рӯшан месозад.

Ҷузъиёти бештарро дар бораи низоъи навбатӣ дар марзи муштараки Қирғизистону Тоҷикистон ва бартарафсозии оқибатҳои он, инчунин талоши масъулин барои ҳалли мушкилро аз ин нишонӣ дарёфт карда метавонед>>

19
Барчаспҳо:
баҳси об, моҷаро дар Сомониёну Кок-Тош, идомаи музокирот дар марзи Тоҷикистону Қирғизистон, марз, Хадамоти давлатии марзбонии Қирғизистон, неруҳои марзбонии Тоҷикистон, Гулмира Борубоева, Ҳотам Дадобоев, Раҷабалӣ Пираков, Даврон Зоҳидзода, Кок-Тош, Ботканд, Чоркӯҳ, Исфара, Қирғизистон, Тоҷикистон
Мавзуҳо:
Дар марзи Тоҷикистону Қирғизистон вазъ печида аст (6)
Поисковая экспедиция на месте где были бои во время Великой Отечественной войны 1941-45 годов, архивное фото

Ҷасади Раҷабов, куҳансарбози тоҷик, дар Калининград ёфт шуд: кӣ мешиносад?-видео

1153
(Таҷдидшуда 15:51 09.07.2020)
Ҷасади боз як сарбози Ҷанги Бузурги Ватанӣ дар ноҳияи Зеленоград пайдо карда шуд, ки ба гуфтаи ҷустуҷӯгарон аз Тоҷикистон мебошад

ДУШАНБЕ, 9 июл — Sputnik. Гуруҳҳои ҷустуҷӯии "Совест" дар минтақаҳое, ки ҳангоми амалиёти Пруссияи шарқӣ задухӯрдҳо сурат гирифтаанд, кор карда,  дар ноҳияи Зеленоград ҷасади боз як сарбози ҶБВ-ро пайдо намуданд, хабар дод шабакаи телевизионии  "Вести-Калининград".

Муайян шудааст, ки сарбози ҳалокгардида Каримҷон Раҷабов аз Тоҷикистон будааст.

Сарбозони 100 – солаи ҶБВ аз Тоҷикистон: кӣ 75 – умин солгарди Ғалабаро ҷашн мегирад?

“Раҷабов зодаи Тоҷикистон мебошад. Феълан ба макони таваллуд ва даъваташ дархостҳо равон карда шудаанд. Умедворем, ки наздиконаш пайдо шаванду мо тавонем мукофоти ҷангияшро ба онҳо супорем. Шояд онҳо бихоҳанд, ки боқимондаҳо дар ватан ба хок супорида шаванд”, - изҳор дошт Руслан Хисамов, роҳбари гуруҳи ҷустуҷӯӣ дар гузориши телевизионӣ.

Қаблан дар ин минтақа ҷасади 7 сарбозеро пайдо карданд, ки аз пораҳои гулӯлаҳои  артиллерӣ ба ҳалокат расидаанд.

1153
Барчаспҳо:
сарбоз, Ҷанги Бузурги Ватанӣ, Тоҷикистон
Пистолет

27 ҳазор сомонӣ - хариди таппонча бо садохомӯшкунак дар Хуҷанд-видео

1229
(Таҷдидшуда 21:30 19.06.2020)
Вазорати умури дохилии Тоҷикистон аз боздошти марди 57-сола дар шаҳри Хуҷанд хабар додаст, ки дар фурӯши силоҳи ҷангӣ муттаҳам мешавад

ДУШАНБЕ, 19 июн — Sputnik.  Тибқи гузориши ВУД Тоҷикистон, дар пайи як амалиёти шартӣ аз марди муттаҳам ба ивази 27 ҳазор сомонӣ таппончаи Макаров бо таҷҳизоти садохомӯшкунак харида шуд.

Муайян гардид, ки муттаҳами 57-сола, зодаи шаҳри Конибодом ва сокини шаҳри Хуҷанд, санаи 25-уми майи соли равон аз афроди номаълум таппончаро гирифтааст.

ВУД таъкид кард, ки шахсияти айбдоршаванда ба далели халал нарасондан ба тафтишот феълан ифшо намешавад.

Мирвосид Давлатализода, муфаттиши мақомот, дар гузориш изҳор дошт, ки таппончаи мусодирашуда, соли истеҳсолаш 1987 буда, коршоям мебошад.

ВУД афзуд, ки феълан истифодаи силоҳи ҷангии мазкур дар дигар ҷиноятҳо ташхис мешавад.

1229
Барчаспҳо:
қочоқи нафт, силоҳ, Тоҷикистон
Президент Республики Таджикистан Эмомали Рахмон

Ҷаласаи Ҳукумат: аз коронавирус то омодагӣ ба зимистон баррасӣ шуд

0
(Таҷдидшуда 21:05 13.07.2020)
Эмомалӣ Раҳмон, раисиҷумҳури Тоҷикистон, бо баргузории ҷаласаи Ҳукумат, масъалаҳои таъмини амнияти озуқаворӣ, ҷамъоварии ҳосил, кишти такрорӣ, чораҳои санитарӣ - гигиенӣ алайҳи коронавирус ва омодагӣ ба зимистони солҳои 2020-2021-ро баррасӣ кард

ДУШАНБЕ, 13 июл — Sputnik. Тибқи иттилои котиботи раисиҷумҳури Тоҷикистон, Эмомалӣ Раҳмон таваҷҷуҳи аъзои Ҳукумати кишвар, роҳбарони вазорату идораҳо ва шаҳру ноҳияҳоро ба вазъи имрӯзаи ҷомеаи ҷаҳонӣ, таъсири омилҳои беруна ба иқтисоди миллӣ, хатари пандемияи коронавирус дар ҷаҳон ва таъсири манфии он ба рушди иҷтимоиву иқтисодии кишварҳои олам ҷалб кард.

Раисиҷумҳур ба Ҳукумати кишвар, мақомоти шаҳру ноҳияҳо, роҳбарони вазорату идораҳо супориш додаст, ки бо мақсади фаъолияти босуботи иқтисоди миллӣ, ҷиҳати кам кардани таъсири манфии хавфҳои беруна ба он ва таъмини фаъолияти мунтазами тамоми соҳаҳои иқтисодиёт, чораҳои таъхирнопазир андешанд.

Ба Вазорати тандурустӣ ва ҳифзи иҷтимоӣ ҷиҳати тарғиби тарзи ҳаёти солим, пешниҳоди тавсияи мутахассисони соҳа барои риояи қоидаҳои санитарӣ-гигиенӣ, таъмини марказҳои саломатӣ бо маводи доруворӣ дастуру супоришҳо дода шуд, таъкид кард котиботи раисиҷумҳур.

"Инчунин тамоми роҳбарони мақомоти марказӣ ва маҳаллии ҳокимияти давлатӣ вазифадор шуданд, ки захираву имкониятҳоро вобаста ба ғамхорӣ нисбат ба табақаҳои ниёзманд, беҳтаргардонии хизматрасониҳои тиббӣ ва пешгирӣ кардани бемории сироятии коронавирус ва пешбурди корҳои фаҳмондадиҳӣ дар байни аҳолӣ оид ба тозаву озода нигоҳ доштани муҳиту маҳалли зист, коргоҳу, иншоот ва риояи қоидаҳои беҳдоштӣ (гигиенаи шахсӣ) ба таври самаранок истифода баранд", - омадааст дар иттилоия.

Кумитаи телевизион ва радиои назди Ҳукумат ва дигар расонаҳои иттилоотии кишвар супориш гирифтаанд, ки дар бораи истифодаи самараноки заминҳои наздиҳавлигӣ ва хоҷагиҳои ёрирасон, бо истифода аз имкониятҳои ҳар як оила коркарди хонагии меваю сабзавот ва захираи зарурии маводи хуроквориро дар хонаҳо бештар тарғиб намоянд.

Дар охири кори маҷлис Эмомалӣ Раҳмон ба Ҳукумати кишвар ва мақомоти иҷроияи ҳокимияти давлатӣ барои дар сатҳи зарурӣ доир кардани маъракаи зимистонгузаронӣ, истифодаи сарфаркоронаи неруи барқ дар шароити камобӣ, омода намудани иншооти соҳаҳои иҷтимоию иқтисодӣ ба давраи зимистон, захираи кофии маводи хӯрокворӣ, захираи ангишт ва дигар сӯзишворӣ, таъмини барқу гармӣ ба муассисаҳо ва аҳолӣ дар фасли зимистон, омода кардани марказҳои барқу гармидиҳӣ, тайёр кардани муассисаҳои миёна ва олии таълимии кишвар, аз ҷумла донишгоҳу донишкадаҳо, литсейю коллеҷҳо ва омӯзишгоҳҳо ба соли хониши 2020-2021, оид ба вусъати корҳои ободониву бунёдкорӣ бахшида ба ҷашни 30-солагии Истиқлолияти давлатӣ, супоришҳои мушаххас додаст.

0
Барчаспҳо:
зимистон, Ҳукумат, Эмомалӣ Раҳмон, Тоҷикистон