Ҷангиёни Давлати исломӣ. Акс аз бойгонӣ

Озодӣ: аз ҷамоати Язгуломи Ванҷ 18 тан ба “Давлати исломӣ” пайвастааст

58
(Таҷдидшуда 10:56 02.09.2015)
Як гурӯҳи ҷавонони ҷамоати Язгуломи ноҳияи Ванҷ эҳтимолан ба сафи гурӯҳи “Давлати Исломӣ” пайвастаанд.

ДУШАНБЕ, 2 сен — Sputnik. Як узви эҳтимолии "Давлати исломӣ" бо пахши навори видеоие дар Интернет иддао кардааст, ки ба ҳайати ин гурӯҳ ҷавонҳое аз Язгулом низ ҳамроҳ шудаанд, менависад Радиои Озодӣ.

Дар ҳоле, ки санҷидани дурустии ин иддао феълан имкон надорад, мақомоти ноҳияи Ванҷ, эҳтимоли ҳузури 18 сокини ин минтақаро дар ҷангҳои Сурияву Ироқ тасдиқ кардаанд. Хабарҳое, ки то ҳол дар бораи узвияти шаҳрвандони Тоҷикистон дар гурӯҳи "Давлати исломӣ" пахш мешуд, бештар ба сокинони манотиқи ҷанубу шимоли Тоҷикистон рабт дошт.

Дод Эркаев, мудири бахши кор бо дин ва танзими анъанаи ноҳияи Ванҷ рӯзи 1 сентябр дар сӯҳбат бо Озодӣ гуфтааст, воқеан, аз ин минтақа 18 ҷавон ба Сурия ва Ироқ рафтаанд. Ӯ мегӯяд, ки мақомот барои пешгирии ҷавонҳои дигар аз гумроҳӣ талош карданд, аммо бинобар харобкориҳои офати табиӣ дар моҳи июли соли равон, таваҷҷӯҳи мақомот бештар ба корҳои бозсохт равона шуд. Эркаев афзудааст, ки ҳоло корҳои сохтмониву барқарорсозӣ бештар авлавият доранд, зеро мардуми осебдида бояд то тирамоҳ бо хонаҳои нав таъмин шаванд.

"Аз ин рӯ, дигар мо вақти машғул шудан ба корҳои тарғибу ташвиқотиро надорем", — илова кардааст Эркаев.

Ба иттилои ин мақом, онҳо хабар доранд, ки шумори зиёди ҷавонҳое, ки аз Тоҷикистон ба Сурия барои ширкат дар ҷангҳо рафта, худро "ҳамчун язғуломӣ ва ванҷӣ" муаррифӣ мекунанд, аз хонаводаҳои муҳоҷирони собиқи бадахшонианд, ки волидонашон дар солҳои мухталиф дар қаламрави вилояти Хатлон зиндагӣ ихтиёр кардаанд.

"Аз миёни он ванҷиҳое, ки дар ҷангҳо иштирок мекунанду худро аз ин маҳал муаррифӣ мекунанд, шояд 20-30 фоизашон аз Ванҷ бошанд, дигарҳо аз ноҳияҳои вилояти Хатлон рафтаанд", — илова кардааст Эркаев.

Бар асоси иттилои расмӣ, то кунун аз 18 ҷавони язғуломӣ 5 нафарашон дар ҷангҳои Сурия ва Ироқ кушта шудаанд. Дарвеш Муҳаммадов, як сокини ҷамоати Язғулом ба Озодӣ гуфтааст, ки сабаби аслии пайвастани ин ҷавонон ба гурӯҳҳои ифротӣ бекорӣ аст.

"Туту зардолу хушк мекунем ва асосан аз ҳамин ҳисоб зиндагиамонро пеш мебарем. Мардум дигар шуғл надоранд ва ба ҳар гурӯҳ мепайванданд", — илова кардааст ҷаноби Маҳмадов.

Язғулом, як ҷамоати ноҳияи Ванҷи вилояти Бадахшон буда, бошандагонаш тоҷикони суннимазҳабанд. Онҳо асосан дар деҳоти Мотравн, Бдун, Андарбак ва Жамак зиндагӣ мекунанд. Бори аввал аст, ки аз ширкати 18 ҷавони бадахшонӣ дар ҷангҳои Сурия ва Ироқ хабар пахш мешавад.

Ба ҳисоби мақомоти Тоҷикистон, дар маҷмӯъ 519 нафар аз ин кишвар барои ширкат дар "ҷиҳод" ба Сурия ё Ироқ рафта ва асосан ба гурӯҳҳои тундраве, чун "Давлати исломӣ" пайвастаанд. Мақомот мегӯянд, то кунун хабари марги беш аз 150 тани онҳо таъйид шудааст.

58
Барчаспҳо:
18 ҷавон, ҷонибдорони ДИ, ҷанг дар Ироқ, ҷанг дар Сурия, пайвастан, ҳукумати ноҳияи Ванҷ, "Давлати Исломӣ", Дод Эркаев, Язгулом, Помир, Ироқ, Сурия, Бадахшон, Тоҷикистон
Афганский офицер безопасности

Ҳамлаи Толибон ба низомиён дар наздикии марзи Афғонистон бо Тоҷикистон

817
(Таҷдидшуда 14:17 19.01.2021)
Нерӯҳои амниятии Афғонистон дар шабонарӯзи гузашта ҳадафи як қатор ҳамлаҳои гуруҳи тундрави Толибон қарор гирифтаанд, яке аз онҳо дар наздикии марзи Афғонистон бо Тоҷикистон рух додааст

ДУШАНБЕ, 19 янв — Sputnik. Ҷангиёни гуруҳи мамнӯи Толибон шаби гузашта дар ноҳияи Хоҷаи Ғори вилояти Тахор, ки ҳаммарз бо Тоҷикистон аст, низомиёнро ҳадафи ҳамла қарор додаанд.

Тибқи иттилои Вазорати мудофиаи Афғонистон, нерӯҳои давлатӣ тавонистанд, ҳамлаи Толибонро* пас гардонанд. Манбаъ афзуд, зимни даргирӣ ҳашт нафар толиб кушта шуда, ҳафт нафари дигар маҷруҳ гардидаанд.

Таъкид шудааст, ки аз ҷониби нерӯҳои амниятӣ танҳо як нафар маҷруҳ шудааст.

Ба иттилои Вазорат, ҷангиёни толиб ҷасади ҳамроҳонашонро гирифта ба волусволии Дашти Арчӣ ақибнишинӣ кардаанд.

Дар баробари ин Вазорати мудофиаи Русия аз 5 ҳамлаи дигари Толибон хабар додааст, ки аз сӯи нерӯҳои амниятӣ пас гардонда шудааст. Дар маҷмуъ таъкид шудааст, ки тайи як шабонарӯз ҳудуди 60 толиб кушта шуда, 42 нафари дигар маҷруҳ гардиданд.

*созмони мамнӯъ дар Тоҷикистон ва Русия

817
Барчаспҳо:
Толибон, ҳамла, Афғонистон, Тоҷикистон
Хобгоҳи сарбозон, акс аз бойгонӣ

Қонуни нави хизмати ҳарбӣ: маблағу тартибро Ҳукумат муайян мекунад

2412
(Таҷдидшуда 12:26 19.01.2021)
Шӯрои Маҷлиси намояндагони Тоҷикистон лоиҳаи қонуни нав “Дар бораи уҳдадории ҳарбӣ ва хизмати ҳарбӣ”-ро ҷонибдорӣ кард

ДУШАНБЕ, 18 янв — Sputnik. Рустам Шомурод, раиси кумитаи Маҷлиси намояндагон оид ба тартиботи ҳуқуқӣ, мудофиа ва амният зимни ҷаласаи Шӯро аз ҳадафҳои қонуни нав гуфт.

“Уҳдадории ҳарбиро шаҳрвандони ҷинси марди Ҷумҳурии Тоҷикистон, қатъи назар аз миллат, нажод, забон, эътиқоди динӣ, мавқеи сиёсӣ, вазъи иҷтимоӣ, таҳсилот ва молу мулк, ки аз ҷиҳати саломатӣ ва инкишофи ҷисмонӣ қобили адои хизмат мебошанд, инчунин шаҳрвандони ҷинси зани Ҷумҳурии Тоҷикистон, ки ба талаботи муқарраршуда ҷавобгӯ буда, аз рӯи ихтисосҳо барои Қувваҳои Мусаллаҳи Ҷумҳурии Тоҷикистон, қӯшунҳо ва воҳидҳои дигари ҳарбӣ ихтиёран тайёрии заруриро гирифтаанд, иҷро мекунанд”, - изҳор доштааст Шомурод.

Ба иттилои котиботи Маҷлиси намояндагон, лоиҳи қонуни мазкур бо мақсади пурра ба танзим даровардани муносибатҳои хизмати ҳарбӣ, аз ҷумла даъвати шаҳрвандон ба хизмати ҳарбӣ, таҳия ва пешниҳод гардидааст.

“Дар лоиҳаи Қонун тартиби нави хизмати ҳарбӣ дар ҳайати захираҳои даъвати сафарбарӣ пешбинӣ гардидааст. Айни ҳол шаҳрвандони дар ҳайати эҳтиётӣ қарордошта сол ба сол бинобар синну соли ниҳоии дар ҳайати эҳтиётӣ будан кам шуда истодаанд, ки ҳангоми сафарбарӣ ё ҳолати ҷангӣ пуррагардонӣ ба Қувваҳои Мусаллаҳи Ҷумҳурии Тоҷикистон бо мақсади таъмини амнияти кишвар мушкилиро ба миён меорад”, - омадааст дар иттилоия.

Таъкид шудааст, ки татбиқ намудани чунин намуди хизмати ҳарбӣ ба зиёд гардидани шаҳрвандони ҳайати эҳтиётӣ ва ҷалби бештари ҷавонон мусоидат намуда, саркашии онҳо аз иҷрои вазифаи конститутсионӣ бартараф мегардад. Тартиб ва андозаи маблағи хизмати ҳарбии мазкурро Ҳукумати Ҷумҳурии Тоҷикистон муайян мекунад, афзудааст котиботи Маҷлиси намояндагон.

“Зимнан, дар лоиҳаи Қонуни мазкур ҷиҳати басанда будани афсарони ҳайати эҳтиётӣ ва ба танзим даровардани фаъолияти кафедраҳои ҳарбии назди муассисаҳои таълимии давлатии таҳсилоти олӣ, ба хатмкунандагони кафедраҳои ҳарбӣ додани рутбаи ҳарбии афсарӣ пас аз адои 12 моҳи хизмати ҳарбии ҳатмии муҳлатнок пешбинӣ карда шудааст”, - омадааст дар иттилоия.

2412
Барчаспҳо:
қонун, хизмати ҳарбӣ, Тоҷикистон
Тими наврасони Тоҷикистон (U-17)

Рақибони тими наврасони тоҷик дар "Ҷоми Иттиҳод" муайян шуданд

0
(Таҷдидшуда 20:41 20.01.2021)
Кумитаи миллии олимпии Тоҷикистон рақибони дастаи мунтахаби наврасони ҷумҳурӣ оид ба футбол – “U-17”-ро дар мусобиқаи байналмилалии “Ҷоми рушд-2021” номбар кард

ДУШАНБЕ, 20 янв — Sputnik. Тибқи иттилои Кумитаи миллии олимпӣ, футболбозони то 17-солаи тоҷик дар “Ҷоми рушд-2021” бо тимҳои мунтахаби наврасони Белорус, Қазоқистон ва Молдова рақобат мекунад.

“Тими мунтахаби наврасони Тоҷикистон (U-17) бо роҳбарии сармураббӣ Аҳлиддин Турдиев дар 17-ум мусобиқаи байналмилалии “Ҷоми рушд-2021”, ки аз 31 январ то 6 феврал дар пойтахти Белорус – шаҳри Минск доир мегардад, иштирок мекунад”,  - омадааст дар иттилоия.

Манбаъ афзуд, барои пирӯзӣ дар ин мусобиқа 4 дастаи мунтахаби наврасони соли таваллудашон на бештар аз 2004 талош мекунанд. Дар “Ҷоми рушд-2021” дар Минск футболбозони навраси тоҷик бо ҳамсолонашон аз Қазоқистон (31 январ), Молдова (3 феврал) ва Белорус (6 феврал) бозӣ хоҳанд кард.

Футбол: бозиҳои ниҳоии Ҷоми Тоҷикистон-2020 маълум шуд

Мусобиқаи анъанавии зимистона дар толори футболи Минск тибқи системаи даврӣ дар як давр баргузор мешавад. Ғолиб аз рӯи холҳои бадастоварда муайян мегардад, тавзещ дод Кумитаи олимпӣ.

0
Барчаспҳо:
Ҷом, Футбол, Тоҷикистон