Бинои Кунгура дар Вашингтон

Сенатор: барномаҳои тамрини мухолифини Сурия кумак ба ДИИШ аст

15
(Таҷдидшуда 22:08 12.10.2015)
Сенатори амрикоӣ аз он нигарон аст, ки натиҷаи ин ҳама кӯмаки ғайричашмдошт ва мусоидат ба гуруҳҳои террористӣ, аз ҷумла ал-Қоида хоҳад шуд.

ДУШАНБЕ, 7 окт — Sputnik. Барномаи Пентагон барои омӯзиш ва таъмини мухолифони Сурия бо силоҳ "кӯмаки ғайричашмдошт" ба террористҳо хоҳад шуд, гуфтааст, сенатори амрикоӣ Крис Мерфи дар суҳбат бо Sputnik

"Нигаронии ман аз он аст, ки натиҷаи ин ҳама кӯмаки ғайричашмдошт ва мусоидат ба гуруҳҳои террористӣ, аз ҷумла ал-Қоида хоҳад шуд", навиштааст, хабаргузорӣ аз қавли сенатори амрикоӣ. Ӯ ибрози тассуф кардааст, ки нигарониҳояш ба ҳақиқат пайвастанд.

Хабаргузорӣ менависад, тибқи иттилои ВАО, ҷангиёни неруҳои мухолифини Сурия, ки Амрико онҳоро тамрини низомӣ додааст, ба саффи гуруҳҳои марбут ба "Давлати исломӣ" ва "Ҷабҳат ун Нусра" пайвастаанд.

Тибқи иттилои расонаҳои хабарӣ, Пентагон барои тамрини низомии неруҳои мухолифини Сурия 42 миллион доллари амрикоӣ сарф кардааст. Наздик ба 7 ҳазор довталаб тибқи стандартҳои Амрико тамрини низомӣ мебинанд. Амрико қаблан гуфта буд, ки ҳамасола дар пойгоҳҳои Туркия, Қатар, Урдун ва Арабистони Саудӣ то 5 ҳазор довталабро тамрини низомӣ медиҳад.

Қаблан ҳам расонаҳо хабар дода буданд, ки як гуруҳи 50-нафарии мухолифини сурӣ, ки аз сӯи мақомоти Амрико тамрини низомӣ дида буданд, моҳи июли соли равон тавассути неруҳои бахши "ал-Қоида" дар Сурия пароканда шуданд.

Моҳи сентябр Пентагон ҳам иқрор кард, ки барномаи 500-миллион доларии онҳо барои омӯзиш ва тамрини низомии 500 ҳазор ҷангҷӯ, натиҷае дод, ки ҳамагӣ 5 ё 4 нафари таҳсилгирифта дар доираи он ба таври воқеӣ дар Сурия меҷангад.

Баъд аз ин ИМА аз интиқоли 70 ҷангии дигар ба қаламрави Сурия хабар дод, ки "неруҳои нави сурӣ" ном бурда мешуд. Бархе аз сенаторҳои амрикоӣ ҳам Пентагонро барои барномаҳои ғайриқаноатбахш иҷрошудааш зери тозиёнаи танқид қарор доданд.

15
Барчаспҳо:
мухолифини Сурия, Ҷабҳа ан-Нусра, ДИИШ, тамрин, Ҷабҳа ан-Нусра, ДИИШ, Тукрия, Қатар, ИМА
Дворец нации

Президенти Тоҷикистон 1 март бо Мирраҳмон Раҳмонӣ мулоқот мекунад

1226
Мулоқоти Эмомалӣ Раҳмон, раисиҷумҳури Тоҷикистон ва Мирраҳмон Раҳмонӣ, раиси Вулуси Ҷиргаи Афғонистон 1 март дар назар аст

ДУШАНБЕ, 27 фев — Sputnik. Маҷлиси намояндагони Тоҷикистон мегӯяд, нимаи дуюми имрӯз раиси Вулуси Ҷиргаи Шӯрои миллӣ - парлумони Ҷумурии Исломии Афғонистон Мирраҳмон Раҳмонӣ ба Тоҷикистон меояд.

Ба иттилои котиботи Маҷлиси намояндагон, дар назар аст, ки имрӯз Раҳмонӣ бо Сироҷиддин Муҳриддин, вазири умури хориҷии Тоҷикистон мулоқот кунад.

Мулоқоти раиси парлумони Афғонистон бо раисиҷумҳури Тоҷикистон 1 март дар назар аст.

Гуфтушунид бо Маҳмадтоир Зокирзода, раиси Маҷлиси намояндагон, Завқӣ Завқизода, вазири рушди иқтисод ва савдо ва Юсуф Раҳмон, додситони кулли Тоҷикистон аз бандҳои дигари барномаи сафари Мирраҳмон Раҳмонӣ ба Тоҷикистон мебошад.

Хабаргузории "Ховар" аз қавли котиботи Маҷлиси намояндагон хабар додааст, ки дар доираи сафари расмӣ ҳайати меҳмонон аз Осорхонаи миллии Тоҷикистон ва Кохи Наврӯз низ дидан хоҳанд кард.

Ин сафар дар ҳолест, ки масоили амниятӣ аз мавзӯъҳои меҳварии муносиботи Тоҷикистону Афғонистон мебошанд. Дар пасманзари таҷаммӯи бархе аз гуруҳҳои ҷангҷӯён дар шимоли Афғонистон мақомоти тоҷик азм доранд, ҳифзи марз бо ин кишварро таҳким бахшанд.

1226
Барчаспҳо:
амният, Афғонистон, парлумон, низомиён, Тоҷикистон

Ҳамлаи ҳавоии ИМА ба Сурия бо фармони Байден: талафот ҳаст

695
(Таҷдидшуда 12:46 26.02.2021)
Президенти ИМА, Ҷо Байден дар посух ба се ҳамлаи ҷангиён ба иншооти истифодашавандаи ИМА амр дод ба ҳадафҳои гурӯҳҳои тарафдори Эрон дар Сурия зарбаи мушакӣ занад

ДУШАНБЕ, 26 фев - Sputnik. Амрико ба Сурия ҳамлаи ҳавоӣ ба як бинои марбут ба низомиёни тарафдори эрониро, ки аз Димишқ пуштибонӣ мекунад, оғоз кард, навиштааст Politico бо такя ба сухангӯи Вазорати дифои ин кишвар.

Маълум шудааст, ки фармони партоби мушакро худи президент Ҷозеф Байден додааст.

Рӯзномаи Washington Post бо такя ба як манбааш дар маъмурияти Амрико хабар медиҳад, ки дар натиҷаи ҳамлаи ҳавоӣ чанд нафар кушта шуданд.

Вазири мудофиаи ИМА Ллойд Остин гуфт, ки низомиёни ИМА ба маълумоти иктишофии ҷониби Ироқ такя мекунанд ва ба дурустии зарба эътимод доранд.

Манбаъ қайд кард, ки ин зарба характери мудофиавӣ дошт ва посух ба се ҳамла ба артиши ИМА аз ҷониби ҷангиён дар моҳи феврали соли 2021 буд.

Гуфта мешавад, амалиёти низомӣ ба пешгирии ҳамлаҳои оянда ба пойгоҳи ИМА равона шуда, он бидуни ширкати шарикони Вашингтон дар эътилофи низомӣ гузашт.

"Мо онҳоро нодида гирифтем": Ғарб комёбии низомии Русияро дар Сурия эътироф кард

Дар навбати худ, сухангӯи Пентагон Ҷон Кирби гуфт, ки ҳадафи ҳамлаи амрикоиҳо объектҳои гузаргоҳи марзӣ дар шарқи Сурия буд, ки онро гурӯҳҳои мусаллаҳ истифода кардаанд.

"Ҳамла паёми возеҳе медиҳад, ки президент Байден барои ҳимояи контингенти амрикоӣ ва шарикони эътилофи мо амал хоҳад кард",-гуфт Кирби.

Дар ҷараёни амалиёт ҷангҷӯёни амрикоӣ ба ҳафт ҳадаф бомбаи дақиқи 500-фунтӣ партофтаанд.

695
Барчаспҳо:
фармон, Ҷо Байден, ҳамла, ИМА, Сурия
Пост БДА в Хороге, архивное фото

Табибон вазъи Маҳмадбоқиров, аз лидерони ғайрирасмии Бадахшонро шарҳ доданд

0
(Таҷдидшуда 20:23 01.03.2021)
Маҳмадбоқир Маҳмадбоқиров, ки аз лидерони ғайрирасмӣ дар Вилояти Мухтори Куҳистони Бадахшон ном бурда мешавад, феълан дар Маркази тиббии Оқохон дар шаҳри Хоруғ зери назорати табибон қарор дорад

ДУШАНБЕ, 1 мар – Sputnik. Маҳмадбоқиров, ки ҳафтаи дуюм дар шифохонаи Оқохон дар Хоруғ табобат мегирад, феълан мушкили ҷиддие бо саломатӣ надорад ва рӯзҳои наздик мураххас хоҳад шуд.

“Вазъаш хуб аст, ният буд, имрӯз аз беморхона ҷавоб дода шавад, аммо боз тасмим гирифтем, ки чанд муддати дигар зери назорат бимонад. Рӯзҳои наздик аз беморхона ҷавоб дода мешавад”, - изҳор дошт манбаъи Sputnik Тоҷикистон.

Манбаъ афзуд, ки Маҳмадбоқиров бо таби баланд ба беморхона оварда шуд ва вазъаш баъди табобат беҳбуд ёфт. Коронавирус дар баданаш ошкор нашудааст ва айни ҳол мушкили ҷиддие бо саломатӣ надорад, таъкид кард мусоҳиб.

Дар мавриди сарусадо дар бораи эҳтимоли заҳролудшавии Маҳмадбоқиров, мусоҳиб таъкид намуд, ки ҳеч чунин нишонаеро дар баданаш ошкор накардаанд. Аммо наздиконаш мегӯянд, бархе осори заҳролудшавии Маҳмадбоқиров дар марҳилаи аввали бадшавии вазъияташ ба назар мерасиданд. 

Қаблан мақомоти Тоҷикистон  аз Маҳмадбоқиров Маҳмадбоқир ва 6 нафари дигар “саркардаҳои гуруҳи ҷиноӣ” дар ВМКБ ном бурда, иттилоъ доданд, ки дар алоҳидагӣ нисбати ҳар яки онҳо огоҳии расмӣ эълон карда шуд.

0
Барчаспҳо:
Тоҷикистон