Хидматрасонии фаннии таслиҳоти низомии пойгоҳи 201

Русия ба Тоҷикистон кӯмаки низомӣ мекунад

30
(Таҷдидшуда 16:14 03.02.2016)
Русия ба артиши Тоҷикистон дар амри таъмини силоҳ ва муҳиммоти ҷангӣ кӯмак карда, бо ин аз вуруди гуруҳҳои ифротӣ аз Афғонистон ба қалмрави кишвар ҷилавгирӣ менамояд.

ДУШАНБЕ, 3 фев — Sputnik. Мавзӯъи тамрини низомиёни тоҷик, кӯмаки низомӣ ва таҳкими марз бо Афғонистон, тақвияти ҳамкориҳои низомӣ ва амсоли ин аз сӯҳбатҳои аслии вазири дифоъи Тоҷикистон Шералӣ Мирзо ва муовини вазири мудофиаи ФР Анатолий Антонов маҳсуб меёфт.

"Дӯстону бародарони тоҷики мо имрӯз бо хатару таҳдидҳое аз Афғонистон рӯбарӯ ҳастанд. Мо барои кӯмак ба ҳамтоёнамон омодаем. Русия дар дохили пойгоҳи низомии худ мустақар дар Тоҷикистон, ба тамрини низомиёни тоҷик ба хотири муқобила бо гурӯҳҳои ифротӣ оғоз кардааст",- гуфт Антонов.

Маврид ба тазаккур аст, ки Русия ду сол қабл аз ин эълон намуда буд, ки нерӯҳои мусаллаҳи Тоҷикистонро кӯмаки низомӣ карда, дар таҷдиду навсозии артиши Тоҷикистон кӯмак мерасонад. Фаридун Маҳмадалиев мегӯяд, тамрини низомиён як ҷузъи ҳамин барнома ҳаст ва ҳоло дар назар аст, ки Русия дар таъмини артиши Тоҷикистон бо силоҳҳои замонавӣ низ кӯмак кунад.

Дар ҳамин ҳол, пойгоҳи низомии 201-уми Федератсияи Русия мустақар дар Тоҷикистон такягоҳи аслии ҳимоявии СПАД дар минтақа маҳсуб меёбад.

"Ба назари мо, агар вазъ дар Тоҷикистон ором бошад, дар Русия низ авзоъ ором хоҳад буд, аз ин дидгоҳ ба кӯмаки Душанбе омодаем",- илова кард муовини вазири дифоъи Русия.

Навсозии таслиҳоти артиши Тоҷикистон аз ҷумлаи ваъдаҳои Маскав дар ивази тамдиди замони будубоши пойгоҳи 201 мебошад. Русия дар бораи тезондани замони иҷрои ин созишнома рӯзи 23 декабри соли гузашта дар ҷараёни мулоқоти Сергей Шойгу ва Шералӣ Мирзо, вазирони дифоъи ҳар ду кишвар дар Маскав ваъда дода буд.

30
Барчаспҳо:
тамрини ҳарбӣ, таълими сарбозон, таслиҳоти ҳарбӣ, кӯмаки низомӣ ба Тоҷикистон, Вазорати мудофиаи Ҷумҳурии Тоҷикистон, Вазорати мудофиаи Русия, СПАД, Сергей Шойгу, Шералӣ Мирзо, Анатолий Антонов, Маскав, Тоҷикистон, Душанбе
Мавзуъ
Антонов: Русия аз фаъолшавии ДИИШ дар марз бо Тоҷикистон нигарон аст
Военные учения России и Таджикистана, архивное фото

Тоҷикистон дар радабандии байналмилалии қудрати низомӣ: Ӯзбекистон қавитар аз ҳама дар ОМ

595
(Таҷдидшуда 20:33 16.01.2021)
Тоҷикистон дар радабандии байналмилалии қудрати низомӣ мавқеашро бетағйир гузоштааст

ДУШАНБЕ, 16 янв – Sputnik. “Global Firepower” (GFP), як пойгоҳи таҳлилӣ, ки қудрати низомии кишварҳои дунёро пайгирӣ мекунад, дар радабандии ахираш нерӯҳои мусаллаҳи Тоҷикистонро миёни 138 кишвари дунё бетағйир дар мақоми 99-ум гузоштааст.

Соли гузашта низ Тоҷикистон дар ин радабандӣ дар ин мақом менишаст ва давоми як сол тағйироте ба вуҷуд наовардааст.

Гузоришгарон  ҳайати низомии кишварро 9 ҳазор арзёбӣ карда, гуфтаанд,  маблағгузорӣ ба артиш дарТоҷикистон солона 79 миллион долларо ташкил медиҳад.

Қайд карда мешавад, ки Тоҷикистон бо 20 чархбол, 253 тонк, 400 техникаи зиреҳпӯш, 80 тӯбхона ва 125 проекторҳои мушакӣ мусаллаҳ аст. Аз сабаби набудани роҳи мустақим ба баҳр, ҷумҳурӣ флоти баҳрӣ надорад.

Дар Осиёи Марказӣ қавитарин артиш аз Ӯзбекистон унвон шудааст, ки дар зинаи 51 нишаста, ҳайати низомии он 50 ҳазор ва харҷи солонааш 15 миллиард гуфта мешавад.

Қазоқистон бошад бо 125 ҳазор низомию 4 миллиард доллар хароҷоти солона ба ин соҳа дар ҷойи 62, Туркманистон  дар зинаи 86 ва Қирғизистон дар ҷойи 93 нишастаанд.

Гуфта мешавад, ҳайати шахсии Туркманистон 22 ҳазор буда, солона ба ин соҳа 800 миллион сарф мекунад ва Қирғизистон бошад 11 ҳазор низомӣ дошта харҷи солонааш 20 миллион доллар гуфта мешавад.

Мувофиқи радабандӣ ҷойи авалро Амрико, ҷойи дувумро Русия ва ҷойи севумро Чин гирифтаанд.

Ба даҳгонаи бузургтарин артишҳои ҷаҳон Ҳиндустон, Фаронса, Ҷопон, Кореяи Ҷанубӣ, Бритониёи Кабир, Туркия, Олмон, дохил шуданд. Дар радабандӣ 137 кишвари ҷаҳон баррасӣ шудаанд. Гузоришгарон, ҳангоми тартиб додани феҳрист 55 омил ба назар гирифтаанд.

Баъди артиш дохилшавӣ ба донишгоҳ осонтар мешавад: имтиёзи ММТ ба хизматкардаҳо

Қайд мешавад, ки на танҳо шумораи силоҳ, балки намудҳои он қудрати онҳо низ ҳисоб  шудаанд.

Ҳамчунин дар тартиб додани радабандӣ мавқеи ҷуғроофӣ, имкониятҳои воситаҳои нақлиётӣ, иктишофи захираҳои табиӣ, саноати маҳаллӣ ва шумораи низомиён ба назар гирфита шудааст.

Қавию дурпарвоз: силоҳи нави ҳавоии Русия чӣ гуна хоҳад буд

Артиши  Тоҷикистон дар радабандӣ соли 2019 ҷойи 94 ва қабл аз он зинаи 96-умро соҳиб шуда буд.

595
Разбитые армянские гаубицы у дороги в Физули

Арманистон сабаби шикасташ дар Қарабоғи Кӯҳиро гуфт

592
(Таҷдидшуда 20:46 14.01.2021)
Сабабҳои асосии шикасти Арманистон дар ҷанг бо Озарбойҷон дар Қарабоғи Кӯҳӣ эълон шуданд

Номзади мухолифин ба мансаби сарвазирии Арманистон, Вазген Манукян гуфт, ки чаро ин кишвар дар муноқишаи мусаллаҳона бо Озарбойҷон дар Қарабоғи Кӯҳӣ пирӯз нашуд.

Яке аз хатогиҳои калидӣ, ба гуфтаи Манукян, амали нодурусти сарвазири кунунии Арманистон Никол Пашинян буд.

Ӯ қайд кард, ки сарвазир дар бораи вазъияти фронт тасаввуроти зиёде надошт. Вай имкон дошт, ки на танҳо муноқишаро пешгирӣ кунад, балки мавқеи асосии худро нигоҳ дорад, гуфт Манукян дар сӯҳбат бо РБК.

Вай натиҷаи муноқишаи солҳои 1992-1994 дар Қарабоғи Кӯҳиро ёдовар шуд.

"Дар солҳои ҷанги якуми Қарабоғ, солҳои 1992-1994, вақте ки мо Озарбойҷонро шикаст додем, ин ба мо кӯмак кард, ки Абулфаз Элчибей сарварӣ кунад. Он гоҳ истилоҳи "инқилоби ранга" вуҷуд надошт, аммо ӯ шахсе буд, ки маҳз ба чунин ақидаҳо пойбанд буд", - гуфт мухолиф.

Ба гуфтаи ӯ, ҳоло "Озарбойҷон аз он истифода кард, ки мо Элчибейи худро дорем".

Манукян аз номувофиқии мансаб ба сарвазири кунунии Арманистон гуфт.

Алиев гуфт, ки кӯшиши вайрон кардани созишномаи Қарабоғ вуҷуд дорад

"Дар пайи "инқилобҳои ранга" асосан одамони қобилиятнок ба қудрат меоянд, ки барои сарварии ҳукумат омода нестанд",- гуфт ӯ ва илова кард, ки Пашинян ҷомеаро ба "гузашта ва ҳозира" тақсим кард.

Амалиёти мусаллаҳона дар Қарабоғи Кӯҳӣ аз соли 1987 инҷониб авҷ гирифтааст.

Ахиран он 27 сентябри 2020 дубора миёни Арманистону Озарбойҷон сар зад. Маълум нест, ки кадом кишвар аввалин шуда ҷангро оғоз кардааст, аммо давлатҳо бо иттиҳоми тирпарронӣ ҳамдигарро муттаҳам мекунанд.

Муноқишаи ахир беш аз як моҳ давом кард ва бо дахолати президенти Русия Владимир Путин боздошта шуд.

Тадбири асосии оташбас имзои созишномае буд, ки баргардонидани қаламравҳои ишғолкардаи Арманистон ба Озарбойҷонро пешбинӣ мекунад.

Ин санад шаби 9 ба 10 ноябр имзо шуд ва аз ҳамон лаҳза амалиёти ҷангӣ дар Қарабоғи Кӯҳӣ қатъ шуд.

Шартҳои риояи созишномаҳоро посдорони сулҳи Русия назорат мекунанд.

Метр ба метр: чӣ гуна посдорони сулҳи Русия Степанакертро бехатар мекунанд - видео

Онҳо инчунин ба гурезагон кӯмак мерасонанд, корҳои безараргардонии минаро анҷом медиҳанд ва инфрасохтори шаҳрҳои маҳаллиро барқарор мекунанд.

592
Вакцинация против COVID-19 в Москве

Марги 55 нафар дар Амрико пас аз гирифтани ваксина

0
(Таҷдидшуда 15:56 17.01.2021)
Тибқи иттилои расмӣ, даҳҳо нафар дар Амрико пас аз м гирифтан алайҳи маризии вирус ҷони худро аз даст доданд

ДУШАНБЕ, 17 янв — Sputnik. Системаи ҳисоботдиҳии федералии ваксинаҳои Vaccine Adverse Event Reporting System гузориш медиҳад, ки 55 нафар пас аз ваксинаи Moderna ва Pfizer гирифтан, фавтидаанд.

Дар байни фавтҳо, онҳое низ сабт шуданд, ки пас аз ду соат ваксина гирифтанд. Марги як пизишки амрикоӣ бошад, ки  низ ваксина гирифта буд, резонанс шуд.

Доктор Григорий Майкл рӯзи 18 декабр эм карда шуд ва пас аз се рӯз дастҳо ва пойҳояш бо доғҳои сурх пӯшида шуданд. Пас аз муоина маълум шуд, ки ӯ гирифтори бемории Верлхоф шудааст, яъне вақте организм ба тромбоситҳо ҳамла карда, онҳоро хаёли ҷисмҳои бегона мекунад. Ба ҳамин минвол, пизишк 3 январ аз хунравии мағзӣ даргузашт.

Дар ҳамин ҳол, хадамоти матбуоти Pfizer таъкид кард, ки онҳо ин қазияро таҳқиқ мекунанд, аммо то ҳол иртиботи мустақим байни ваксина ва марги табибро дақиқ накардаанд.

Ваксинаи Трамп: чаро дар нокомиҳои тибби ИМА президенти равандаро айбдор мекунанд

Нашрияи исроилии Ynet бо такя ба Вазорати тандурустии кишвар, дар бораи аломати нохуш пас аз эмкунӣ бо Pfizer хабар дод.

Пас аз ворид кардани ваксина, 13 исроилӣ ба фалаҷи рӯй гирифтор шуданд. Таъсири манфии дору пас аз чанд соат хотима ёфт, гарчанде ки дар якчанд нафар он бештар аз як рӯз тӯл кашид.

0
Мавзуҳо:
Пайомадҳои COVID-19 дар Тоҷикистон ва ҷаҳон