Фармондеҳи Қӯшунҳои таъиноти махсуси ИМА ба Душанбе омад

© Официальный сайт армии СШАДарси Роҷерс (аз рост). Акс аз бойгонӣ
Дарси Роҷерс (аз рост). Акс аз бойгонӣ - Sputnik Тоҷикистон
Обуна шудан
Генерал-майор Дарси Роҷерс бо Элизабет Миллард, сафири ИМА дар Тоҷикистон вохӯрда, ҳамкории Қӯшунҳои таъиноти махсусии Фармондеҳии марказиро бо қувваҳои махсуси Осиёи Марказӣ баррасӣ карданд.

ДУШАНБЕ, 18 апр — Sputnik. Фармондеҳи Қӯшунҳои таъиноти махсуси Фармондеҳии марказии ИМА генерал-майор Дарси Д. Роҷерс ба кишварҳои Осиёи Марказӣ ташриф овард ва дар як қатор мулоқот бо шахсони расмии олирутбаи Иёлоти Муттаҳидаи Амрико, Тоҷикистон ва Узбекистон ширкат варзида, бо онҳо масоили ҳамкории дуҷониба ва минтақавӣ оид ба масъалаҳои амниятро матраҳ намуд.

Фармондеҳи Артиши Покистон дар ҳузури президенти Тоҷикистон

Ба иттилоъи Сафорати ИМА дар Душанбе, дар ҷараёни сафари худ, генерал-майор Роҷерс бо Элизабет Миллард, сафири ИМА дар Тоҷикистон ва Памела Спратлен, сафири ИМА дар Узбакистон вохӯриҳо гузаронида, бо онҳо масъалаи ҳамкориҳои давомдори низомӣ байни Иёлоти Муттаҳида ва кишварҳои Осиёи Марказӣ, аз ҷумла ҳамкории Қӯшунҳои таъиноти махсусии Фармондеҳии марказиро бо қувваҳои махсуси Тоҷикистону Узбакистон матраҳ намуд.

Ҳамчунин, генерал-майор Роҷерс, бо мақомдорони аршади низомии кишварҳо мулоқот намуда, аҳамияти идомаи ҳамкориҳо ва кӯмаки Қӯшунҳои таъиноти махсусии Фармондеҳии марказиро барои таъмини сулҳу субот ва амният дар Осиёи Марказӣ қайд намуд.

Лентаи хабарҳо
0