Заседание суда по делу об убийстве Андрея Гошта и его семьи

Зодаи Осиёи Марказӣ дар Самара мақсади ташкили амалиёти террорстӣ дошт

13
(Таҷдидшуда 17:32 19.08.2016)
Аз дастгиршуда ноутбук ва даҳҳо сим кортҳо мусодира намуданд. Эҳтимол меравад, ки вай бо ёрии онҳо бо аъзоёни ДИ муошират мекард. Ҳоло вай мард гуноҳи худро иқрор шуда истодааст ва бо тафтишот ҳамкорӣ карда истодааст.

ДУШАНБЕ, 19 авг — Sputnik.  Марде, ки дар Самара дастгир шуд, зодаи Осиёи Марказӣ буда, 34 сола аст. Вай бо шаҳрвандони Русия ва ИДМ, ки дар ҳудуди гурӯҳи  бо ном ДИ (фаъолияташ дар Тоҷикистон мамнӯъ) ҷанг карда истодаанд,  алоқа доштааст, хабар додааст ба  РИА Новости манбаи мақомоти ҳифзи ҳуқуқи минтақа.

"Мувофиқи маълумотҳои мо, дастгиршуда бо шаҳрвандони Русия ва ИДМ, ки дар дастаи ДИ ҷанг карда истодаанд,  алоқа доштааст. Ҳоло шахсияти аъзоёни ДИ, ки мард бо онҳо муносибат дошт, муайян карда шуда истодааст",- шарҳ дод, корманди оҷонсӣ.

Мувофиқи маълумоти манба кормандони РХФАР(Раёсати хадамоти бехатарии амнияти Русия) дар вилояти Самара аз марди гумонбаршудаи  34 сола ғайр аз маводи тарканда ва милтиқи Калашников шиносномаҳои давлатҳои гуногун дарёфт намуданд. Ҳамаи онҳо сохта мебошанд. Ҳамчунин аз дастгиршуда ноутбук ва даҳҳо сим-корт мусодира шуд. Гумон меравад, ки ӯ бо аъзоёни гурӯҳи муташаккил тавассути  ин сим-кортҳо ба алоқа мебаромад.

Чуноне ки манбаъ ба РИА Новости хабар додааст, ҳоло мард гуноҳи худро ба гардан гирифта бо тафтишот ҳамкорӣ карда истодааст. Бо далели дарёфти силоҳи оташфишон ва лавозимоти ҷангӣ парванда ҷиноӣ кушода шуда истодааст. Санаи гузаронидани ташхис муайян карда шуда,  санҷиши пешакӣ гузаронида шуда истодааст.

Пештар хабар дода шуда буд, ки санаи 18-уми август кормандони ХФАР аз марди 34 солаи зодаи Осиёи Марказӣ, истиқоматкунандаи шаҳри Самара оташфишонҳо ба вазни 1,8 кг, автомати Калашников, адабиёти ифродгароӣ ва савганд ба роҳбари ДИ гирифта шудааст.  Мувофиқи маълумотҳои манбаъ мард тибқи парвандаи кӯшиши гузаронидани амалиёти террористӣ дар яке аз шаҳрҳои Ноҳияи федералии Волга дастгир шудааст. Тахминан вай фармоишгари тахрибкорӣ аст. Вобаста ба ин парванда дигар аъзоёни гурӯҳи ҷинояткор низ дастгир шуданд.

13
Барчаспҳо:
вилояти Самара, Русия
Мавзуъ
ХАМ: “ДИ” дар Ӯзбакистон амалиёти террористӣ анҷом доданӣ буд
Национальный банк Таджикистана

Рӯйхати "сиёҳи" Бонки миллӣ нав шуд: киҳо ва кадом созмонҳо шомиланд

1000
(Таҷдидшуда 10:18 29.05.2020)
Теъдоди умумии афроде, ки дар иртибот бо терророризм ва ифротгароӣ гумонбар мешаванд, давоми соли ахир қариб ду баробар зиёд шудааст

ДУШАНБЕ, 29  май — Sputnik. Дар Тоҷикистон рӯйхати шахсони воқеӣ ва ҳуқуқӣ, ки бо терроризм алоқаманданд, нав карда шуд, хабар медиҳад Департаменти мониторинги молиявии Бонки миллии Тоҷикистон.

Ҳамин тариқ, шумораи умумии афрод, ки дар робита бо террористон ва экстремист гумонбар мешаванд, нисбати соли гузашта қариб ду баробар зиёд шудааст. Агар як сол пеш 1356 нафар ба қайд гирифта шуда бошад, пас дар ҳоли ҳозир - 2647 нафар аст.

Моҳи апрели соли гузашта ин рӯйхат ду қисм, нахуст афроди воқеие, ки аз ҷониби Тоҷикистон ҳамчун “шахсони бо терроризм алоқадошта” ва дуввум “шахсони бо ифротгароӣ дастдошта” ҷудо шуда буд

Ҳамакнун, танҳо як рӯйхат вуҷуд дорад, ки ба он 15 созмону ташкилотҳои террористӣ ва экстремистиро, ки дар Тоҷикистон манъ карда шудаанд, шомиланд, ки аз ин қабиланд:

"Ал-Қоида", "Ихвон ул-Муслимин (Бародарони мусалмон)", "Лашкари-Тайиба", "Ҳаракати Толибон", "Ҳаракати исломии Ӯзбекистон", "Давлати исломии Ироқу Шом", "Ҷабҳат ан-Нусра", "Ҷамоати Ансоруллоҳ", "Ҳизби наҳзати исломии Тоҷикистон", "Ҷамъияти Исломӣ", "Паймони миллии Тоҷикистон", "Ҷамъияти Таблиғ", "Даъват ба ислом", "Тоҷикистони озод", "Гурӯҳи 24".

Қаблан Бонки миллии Тоҷикистон дар як баёнияи худ эълон кард, ки рӯйхати шахсони ба терроризм алоқамандро Бонк тартиб намедиҳад, чунки он аз ҷониби мақомоти дахлдоре, ки бар зидди терроризм мубориза мебрад муайян карда мешавад.

“Тартиб додани рӯйхати шахсони бо терроризм алоқаманд дар салоҳияти Бонки миллии Тоҷикистон нест”, - зикр намудааст бонки миллии Тоҷикистон.

Ҳамзамон БМТ қайд намудааст, ки Тартиб мутобиқи талаботҳои Қатъномаҳои Шурои Амнияти Созмони Милали Муттаҳид (ША СММ), Гурӯҳи тадбиқи чораҳои молиявӣ (ФАТФ), қонунҳои Ҷумҳурии Тоҷикистон “Дар бораи мубориза бар зидди терроризм” ва “Дар бораи муқовимат ба қонунигардонии (расмикунонии) даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом” ба роҳ монда шудааст.

 

1000
Открытие нового здания хирургии в районе Шахристан, архивное фото

Талоши табибони Исфара барои ҳифзи саломатии Шукрона, ки дар марз тир хурд

557
(Таҷдидшуда 19:35 28.05.2020)
Табибони бемористони марказии шаҳри Исфара талош доранд, дар пайи роҳандозӣ намудани ҷарроҳӣ захмҳои аз тир бардоштаи Шукрона Шароповаро тадовӣ кунанд

ДУШАНБЕ, 28 май – Sputnik. Ба гуфтаи манобеъ, Шаропова аз дирӯз ба ин тараф дар шуъбаи эҳёгарии бемористон қарор дорад ва дар назар аст табибони шаҳри Исфара барои наҷоти ӯ аз захми тир имрӯз то пагоҳ амалиёти ҷарроҳиро ба иҷро расонанд.

Бино ба хабари расмӣ Шукрона Шаропова (Муътабархонуми Зуҳриддин) сокини 25 солаи маҳаллаи Қақири ҷамоати деҳоти Чоркӯҳ мебошад, ки дирӯз соати 11:55 дақиқа аз сӯи шаҳрванди Қирғизистон дар марз аз зарби тир маҷруҳ шуд.

Ба иттилоъи манобеъи Sputnik Тоҷикистон ин ҷавонзани тоҷик аз ноҳияи рости тахтапушташ захмин шудааст. Маркази матбуоти Қӯшунҳои сарҳадии Кумитаи давлатии амнияти миллии Тоҷикистон низ дирӯз бо нашри як изҳорот рухдоди тирпарронӣ дар марзро шарҳ дода, гуфтааст, ки дар ин кор шаҳрванди Қирғизистон Бахтибеков Соат, сокини деҳаи Куктоши ҷамоати деҳоти Оқсой муқассир аст.

"Ин амали иғвоангезонаи сокини ҶҚ нишонаи кӯшиши ба таври сунъӣ ноором кардани вазъият дар хати сарҳади давлатӣ арзёбӣ мегардад, ки метавонад вокуниши ҷавобиро аз ҷониби сокинони наздисарҳадӣ дар ин минтақаи ҳассос барангезад", - омадааст дар иттилоия.

Баъди рухдоди ҳодиса, дирӯз мақомоти расмии ду давлат дар ҷойи ҳодиса қарор дошта, барои мушаххас намудани ҷузъиёти қазияи бамиёномада миёни аҳолӣ корҳои фаҳмондадиҳӣ гузаронидаанд.

Шукрона Шаропова ҳоло дуюмин нафарест, дар сарҳади миёни Исфара бо Қирғизистон захмин шуда ва зери тадовии духтурон қарор дорад. Қушунҳои сарҳадии КДАМТ рӯзи 24-уми май аз захмин шудани пойи сарбози қаторӣ Зоиров Давлатёр Миронбекович, соли таваллудаш 2001 дар пайи як муноқиша бо сарҳадбонони қирғиз дар ҳудуди деҳаи Пули Офтобрӯяи ҷамоати деҳоти Ворухи шаҳри Исфара хабар дода буд.

Вышка на пограничном посту Максат в Лейлекском районе Баткенской области.
© Фото / пресс-служба правительства / Алишер Алиев

Бар пояи иттилоъи мақомоти Тоҷикистон, ин муноқиша тавре рух додааст, ки шуморе аз қирғизҳо бар хилофи созишномаҳои қаблан ба имзо расида вориди минтақаи то ҳол аломатгузоринашудаи қаламрави Тоҷикистон шуда, бо сокинони наздимарзии шаҳри Исфара ҷанҷол барангехтаанд.

"Ҷониби қирғиз ба ҷойи риояи иҷрои созишномаҳои дуҷониба, ки аломатгузориро дар минтақаҳои баҳснок мушаххас мекунад, ба маҳалли ҳодиса қувваҳои иловагии сарҳадбононро сафарбар карда, ба сӯи сокинони бесилоҳи деҳаи Пули Офтобрӯя аз яроқи оташфишон тирпаронӣ намуд. Дар натиҷаи тирпаронии сарҳадбонони қирғиз, сарбози қаторӣ Зоиров Давлатёр Миронбекович, соли таваллудаш 2001 аз пояш захм бардоштааст", - омадааст дар изҳороти КДАМ.

Ба иттилоъи манобеъи Sputnik Тоҷикистон, ҳоло вазъи саломатии ин сарбози тоҷик хуб шуда, ӯ аз шуъбаи эҳё ба шуъбаи осебшиносии бемористон интиқол ёфтааст. Ҳоло ин чандумин мавриди захминшавии сокинон дар муноқишаҳои чанд вақти охир дар марзи Тоҷикистону Қирғизистон ба ҳисоб меравад.

Фазлиддин Фозилови 37 сола ҳам яке дигар аз сокинони ҷамоати Чоркӯҳ аст, ки то рухсат шудан ба манзилаш, чанд рӯзро барои тадовии захмҳояш дар бемористон сипарӣ кард. Ӯ дар муноқишаи марзии рӯзи 8-уми май аз тири яроқи шикории марзбонони қирғиз захм бардошта ба бемористон интиқол дода шуд.

Дар ин рӯз ба ҳисоби Фозилов, Аёмиддин Шарипов сокини 49 солаи Чоркӯҳ ҳам ҳадафи сангпартоии қирғизҳо қарор гирифту чанд ҷои сараш аз зарби сангандозии қирғизҳо лат бардошт ва баъди интиқолёбӣ дар бемористон осори санг дар баданаш бартараф шудааст.

Тавре қаблан, Иқбол Тешаев, сухангӯи ҳукумати шаҳри Исфара дар суҳбат ба Sputnik Тоҷикистон гуфта буд, ин ихтилоф дар марз бо қирғизҳо дар ҳоле сар мезанад, ки сокинони маҳаллаи Чеки ноҳияи Бодканд "худсарона ва дидаву дониста" ба марзи Тоҷикистон, заминҳои саҳроии маҳаллаи Қуммазори ҷамоати деҳоти Чоркӯҳ ворид шуда, 60 сотих замини як қитъаи 4 гектараро, ки ҷуворимакка кишт шуда буд, ғасб кардаанд.

Дар идомаи муноқиша, ба қавли ҳамсӯҳбати мо, тақрибан соати 17. 05 – и бегоҳии рӯзи 8 май, аввалан миёни сокинони маҳаллаҳои наздисарҳадӣ ҷанҷоли лафзӣ сурат гирифт, ки баъдан ба сангпартоӣ табдил ёфт ва дар натиҷа Саймиддин Шаропов аз сар ҷароҳати сахт бардошта, ба шифохона интиқол ёфт.

"Аммо дар як фурсати кам зиёда аз 80 сокини ноҳияи Бодканд таҳти пуштибонии неруҳои марзбонии Қирғизистон ва 10 милитсионери қирғиз муноқишаро тақвият бахшида, бо истифода аз силоҳи шикорӣ ба сӯи сокинони Қуммазори Исфара тир кушоданд. Дар натиҷа Фазлиддин Фозилов ҷароҳати вазнин бардошта, ба беморхонаи шаҳри Исфара интиқол дода шуд”, - гуфта буд, Иқбол Тешаев.

Тайибаю Шукрона ҳамсинфони ҳамтақдир: ҳар ду дар марз тир хурдаанд.

Аммо тирхурии Шукрона дар пайи муноқишаи марзӣ дар ҳолест, ки ахиран Тайиба Сафарова, як ҷавонзан ва ҳамсинфи мактабии ӯ низ дар моҳи декабри соли 2019 аз тири шикории ҷониби қирғизҳо маҷрӯҳ шуда буд.

Дар шарҳи ҳодисаи захминшавии ин сокини он замон 24 солаи деҳаи Сомониёни ҷамоати Чоркӯҳи Исфара мақомот гуфта буданд, ки "Тайиба Сафарова тақрибан соати 9:45 дақиқа аз хона барои овардани об баромада, ҳадафи тири камони шикорӣ қарор гирифтаст. Тир аз хонаи Файзулло Назаров, сокини деҳаи Қоқ-тоши Қирғизистон холӣ карда шудаст".

Тайиба Сафарова ҳамроҳ бо Шукрона Шаропова дар мактаби таҳсилоти миёнаи умумии № 25 и ҷамоати Чоркӯҳ таҳсил кардаанд. Аз он замон то ин ҷониб рухдоди муноқишаҳои марзиро як амали иғвобарангезонаи ҷониби қирғизҳо маънидод мекунанд.

Тоҷикистону Қирғизистон ду ҳамсоякишвар, ки то ба ҳол ба тақсими одилонаи хатти марз комёб нашудаанд. Даҳҳо километри марз миёни ин ду кишвар то ба ҳол муайян ва аломатгузорӣ нашуда боқӣ мондааст. Чунин номуайянӣ, то ин дам ба рухдоди муноқишаву танишҳо бар сари тақсими замину об дар марз боис шудааст.

557
Барчаспҳо:
саломатӣ, Исфара, марз, тир, Хуҷанд
Мавзуҳо:
То кай?: танишҳои марзӣ миёни Тоҷикистону Қирғизистон
Душанбе, архивное фото

Борони суст: пешбинии дақиқи ҳавошиносон барои имрӯз

0
(Таҷдидшуда 11:35 03.06.2020)
Имрӯз дар Тоҷикистон ҳавои камабр ва тағйирёбанда дар назар буда, эҳтимоли бориши нисбатан сусти борон пешбинӣ шудааст

ДУШАНБЕ, 3 июн - Sputnik. Бино ба гузориши Ожонси ҳавошиносӣ, имрӯз дар Вилояти Мухтори Кӯҳистони Бадахшон ҳаво тағйирёбанда шуда, дар ноҳияҳои алоҳида борони кӯтоҳмуддат меборад. Бод аз сӯи шарқ бо суръати 2-7 метр дар як сония мевазад.

Ҳаво дар ғарби вилоят   шабона 9+14 ва рӯзона 24+29 дараҷа гарм  мешавад. Дар  шарқи вилоят  ҳаво шабона аз 1  дараҷа хунук то 4 дараҷа гарм ва рӯзона 10+15 дараҷа гарм мешавад, хабар медиҳад АМИТ "Ховар" аз қавли Ожонс.

Ҳаво дар вилояти Суғд  камабр ва тағйирёбанда шуда,  дар водиҳо эҳтимоли бориши нисбатан сусти марҳилавӣ (0-0,5мм) дар назар аст. Дар ноҳияҳои алоҳидаи кӯҳӣ ва доманакӯҳӣ борони кӯтоҳмуддат борида, дар баъзе ноҳияҳо раъду барқ ба амал меояд. Шамол аз самти шарқ бо суръати 3-8 метр дар як сония мевазад. Ҳаво  дар водиҳо шабона 18+23 ва рӯзона 34+39 дараҷа гарм  мешавад. Дар ноҳияҳои кӯҳӣ ҳаво шабона 4+9  ва рӯзона 20+25 дараҷа гарм мешавад.

Дар вилояти Хатлон  ҳаво камабр ва тағйирёбанда шуда,  эҳтимоли бориши нисбатан сусти марҳилавӣ дар назар аст. Дар ноҳияҳои алоҳидаи доманакӯҳӣ борони кӯтоҳмуддат борида, дар баъзе ноҳияҳо раъду барқ ба амал меояд. Шамол аз самти шарқ бо суръати  3-8 метр дар як сония мевазад. Ҳаво дар водиҳо шабона 17+22 ва рӯзона 35+40 дараҷа гарм мешавад. Дар  доманакӯҳҳо ҳаво шабона 12+17 ва рӯзона 25+30  дараҷа гарм мешавад.

Дар шаҳру ноҳияҳои тобеи марказ ҳаво камабр ва тағйирёбанда шуда, дар ноҳияҳои алоҳида борони кӯтоҳмуддат меборад. Раъду барқ ба амал меояд.  Шамол аз самти шарқ бо суръати 3-8 метр дар як сония  мевазад.  Ҳаво  дар водиҳо  шабона 13+18 ва рӯзона 31+36 дараҷа гарм мешавад.  Дар ноҳияҳои кӯҳӣ ҳаво шабона 9+14 ва рӯзона 24+29 дараҷа  гарм мешавад.

Дар  шаҳри Душанбе ҳаво тағйирёбандаи бебориш мешавад. Шамол аз самти шарқ бо суръати 3-8  метр дар як сония   мевазад. Ҳаво шабона 14+16 ва  рӯзона 33+35 дараҷа гарм мешавад.

0
Барчаспҳо:
Ожонси обуҳавошиносӣ, Боду ҳаво, Тоҷикистон