Шаҳзри Душанбе. Акс аз бойгонӣ

150 "террорист" ба Тоҷикистон баргардонида шуданд

30
(Таҷдидшуда 13:33 20.09.2016)
Бисёре аз шаҳрвандони иштироккунандаи нозоъҳои мусаллаҳона дар Сурия ва Ироқ дар охир дарк намуданд, ки онҳо аз тарафи ҷонояткорон бо роҳи бор намудани ақидаҳои бегона гумроҳ карда шуда буданд.

ДУШАНБЕ, 20 сен — Sputnik. Дар 8 моҳи охир зиёда аз 150 шаҳрвандони Тоҷикистон, ки дар даст задан ба ҷиноятҳои ифродгароиву террористӣ гунаҳкор дониста мешуданд, ба ватан бар гардонида шуданд, хабар медиҳад дафтари матбуоти ВКД кишвар.

"Ин афрод аъзоёни фаъоли ташкилотҳои террористӣ, чун "Давлати исломӣ"(ДИ, мамнӯъ дар Тоҷикистон)-133 нафар, "Ҷамоатун Насруллоҳ" — панҷ нафар,  "Ҳизбут Таҳрир", "ҲИӮ"(Ҳаракати исломии Ӯзбекистон), "Салафия", "Гурӯҳи 24", "Ҷамоати таблиғ" ва гурӯҳҳои муташаккили ҷиноӣ мебошанд",- гуфт вазири ВКД Тоҷикистон Рамазон Раҳимзода дар вохӯрии байналмиллалии иштирокчиёни лоиҳаи Интерпол "Калкан".

Дар хадамоти матбуот қайд намуданд, ки вазири ВКД Тоҷикистон ба мақомотҳои полис ва амнияти Туркия, Русия, Қирғизистон, Қазоқистон, Озарбойҷон, Афғонистон ва дигар кишварҳо барои мусоидат дар ошкор, муайян ва  дастгир намудани айбдоршавандагон  изҳори миннатдорӣ баён намуд.

"Таҷрибаи тафтишотҳои парвандаҳои ҷиноӣ нишон доданд, ки қисми зиёди шаҳрвандони Тоҷикистон, ки  дар низоъҳои мусаллаҳонаи Сурия ва Ироқ  ширкат варзидаанд, дар оянда дарк мекунанд, ки сӯиистифода аз гумроҳии онҳо ва ба воситаи ваъдаҳои дурӯғини динӣ ва моддӣ ба онҳо ақидаҳои бегона бор карда шуда буд",- гуфт вазир.

Ӯ ба иштирокдорони вохӯрӣ хабар дод, ки "аз сабаби муҳим будани масъалаи мазкур, бо ибтикори ВКД ба сифати меъёрҳои ҳавасмандкунанда ба Кодекси ҷиноии ҷумҳурӣ иловаҳо ворид карда шуд. Мувофиқи он ҷинояткороне, ки ихтиёран аз иштирок дар низоъҳои мусаллаҳонаи ғайриқонунӣ  даст мекашанд, аз ҷавобгарии ҷиноӣ озод карда мешаванд",- гуфт вазир.

Ба гуфтаи вай, ВКД доиман чорабиниҳои пешгирикунанда,  доир ба маҳв кардани ҷалби ҷавонон ба гурӯҳҳо ва равияҳои гуногун гузаронида мешавад.  Ғайр аз ин дар байни аҳолӣ ва хешовандони афроде, ки барои иштирок дар низоъҳои мусаллаҳона ҷалб карда шудаанд,  ин меъёри қонун фаҳмонида дода мешавад.

"Дар натиҷаи чорабиниҳои дар соли 2015 ва ҳашт моҳи соли 2016 андешидашуда, 75 нафар шаҳрвандони Тоҷикистон, аз карда пушаймон гашта, ихтиёран аз иштирок дар низоҳои мусаллаҳона даст кашидаанд ва изҳори хоҳиши бар гаштан ба ватан намуданд ",- қайд кард Рамазон Раҳимзода.

Ҳамагӣ мувофиқи маълумотҳои Прокуратураи генералии Тоҷикистон  қариб 2 ҳзр. шаҳрвандони кишвар дар ҷониби ДИИШ дар Сурия  ва Ироқ меҷанганд, зиёда аз 200 нафари дигар  бошанд қурбони ин ҳаракатҳои ҷангӣ гаштаанд.

Тоҷикистон моҳи октябри соли 2004 ба Интерпол қабул карда шуд. Бюрои маркази миллии Интерполи ВКД Тоҷикистон бо чунин мақомотҳои кишварҳои узви Интерпол дар мубориза бо ҷинояти байналмиллалӣ бо риоя намудани қонунгузориҳои миллӣ ва қонунҳои умумӣ оид ба ҳуқуқ ва озодии  инсон, ҳамкорӣ мекунад.

Лоиҳаи "Калкан" аз тарафи Котиби генералии Ингтерпол амалӣ карда мешавад ва дастгирии муҳиме дар мубориза бо терроризм аст. Лоиҳаи мазкур намунаи ҳамкории полиси байналмиллалӣ дар бисёере аз соҳаҳо мебошад.

30
Барчаспҳо:
Вохӯрии байналмиллалии иштирокчиёни лоиҳаи Интерпол, ВКД Тоҷикистон, Интерпол, Рамазон Раҳимзода Ҳамроҳ, Душанбе, Тоҷикистон
Мавзуъ
Шаҳрванди Тоҷикистон, аъзои гурӯҳи ДИИШ дар Афғонистон дастгир гардид
Хадамоти кашфи ИМА: шумораи ҷангиёни ДИИШ дар Ироқ ва Сурия кам шудаст
Афганский офицер безопасности

Ҳамлаи Толибон ба низомиён дар наздикии марзи Афғонистон бо Тоҷикистон

826
(Таҷдидшуда 14:17 19.01.2021)
Нерӯҳои амниятии Афғонистон дар шабонарӯзи гузашта ҳадафи як қатор ҳамлаҳои гуруҳи тундрави Толибон қарор гирифтаанд, яке аз онҳо дар наздикии марзи Афғонистон бо Тоҷикистон рух додааст

ДУШАНБЕ, 19 янв — Sputnik. Ҷангиёни гуруҳи мамнӯи Толибон шаби гузашта дар ноҳияи Хоҷаи Ғори вилояти Тахор, ки ҳаммарз бо Тоҷикистон аст, низомиёнро ҳадафи ҳамла қарор додаанд.

Тибқи иттилои Вазорати мудофиаи Афғонистон, нерӯҳои давлатӣ тавонистанд, ҳамлаи Толибонро* пас гардонанд. Манбаъ афзуд, зимни даргирӣ ҳашт нафар толиб кушта шуда, ҳафт нафари дигар маҷруҳ гардидаанд.

Таъкид шудааст, ки аз ҷониби нерӯҳои амниятӣ танҳо як нафар маҷруҳ шудааст.

Ба иттилои Вазорат, ҷангиёни толиб ҷасади ҳамроҳонашонро гирифта ба волусволии Дашти Арчӣ ақибнишинӣ кардаанд.

Дар баробари ин Вазорати мудофиаи Русия аз 5 ҳамлаи дигари Толибон хабар додааст, ки аз сӯи нерӯҳои амниятӣ пас гардонда шудааст. Дар маҷмуъ таъкид шудааст, ки тайи як шабонарӯз ҳудуди 60 толиб кушта шуда, 42 нафари дигар маҷруҳ гардиданд.

*созмони мамнӯъ дар Тоҷикистон ва Русия

826
Барчаспҳо:
Толибон, ҳамла, Афғонистон, Тоҷикистон
Хобгоҳи сарбозон, акс аз бойгонӣ

Қонуни нави хизмати ҳарбӣ: маблағу тартибро Ҳукумат муайян мекунад

2518
(Таҷдидшуда 12:26 19.01.2021)
Шӯрои Маҷлиси намояндагони Тоҷикистон лоиҳаи қонуни нав “Дар бораи уҳдадории ҳарбӣ ва хизмати ҳарбӣ”-ро ҷонибдорӣ кард

ДУШАНБЕ, 18 янв — Sputnik. Рустам Шомурод, раиси кумитаи Маҷлиси намояндагон оид ба тартиботи ҳуқуқӣ, мудофиа ва амният зимни ҷаласаи Шӯро аз ҳадафҳои қонуни нав гуфт.

“Уҳдадории ҳарбиро шаҳрвандони ҷинси марди Ҷумҳурии Тоҷикистон, қатъи назар аз миллат, нажод, забон, эътиқоди динӣ, мавқеи сиёсӣ, вазъи иҷтимоӣ, таҳсилот ва молу мулк, ки аз ҷиҳати саломатӣ ва инкишофи ҷисмонӣ қобили адои хизмат мебошанд, инчунин шаҳрвандони ҷинси зани Ҷумҳурии Тоҷикистон, ки ба талаботи муқарраршуда ҷавобгӯ буда, аз рӯи ихтисосҳо барои Қувваҳои Мусаллаҳи Ҷумҳурии Тоҷикистон, қӯшунҳо ва воҳидҳои дигари ҳарбӣ ихтиёран тайёрии заруриро гирифтаанд, иҷро мекунанд”, - изҳор доштааст Шомурод.

Ба иттилои котиботи Маҷлиси намояндагон, лоиҳи қонуни мазкур бо мақсади пурра ба танзим даровардани муносибатҳои хизмати ҳарбӣ, аз ҷумла даъвати шаҳрвандон ба хизмати ҳарбӣ, таҳия ва пешниҳод гардидааст.

“Дар лоиҳаи Қонун тартиби нави хизмати ҳарбӣ дар ҳайати захираҳои даъвати сафарбарӣ пешбинӣ гардидааст. Айни ҳол шаҳрвандони дар ҳайати эҳтиётӣ қарордошта сол ба сол бинобар синну соли ниҳоии дар ҳайати эҳтиётӣ будан кам шуда истодаанд, ки ҳангоми сафарбарӣ ё ҳолати ҷангӣ пуррагардонӣ ба Қувваҳои Мусаллаҳи Ҷумҳурии Тоҷикистон бо мақсади таъмини амнияти кишвар мушкилиро ба миён меорад”, - омадааст дар иттилоия.

Таъкид шудааст, ки татбиқ намудани чунин намуди хизмати ҳарбӣ ба зиёд гардидани шаҳрвандони ҳайати эҳтиётӣ ва ҷалби бештари ҷавонон мусоидат намуда, саркашии онҳо аз иҷрои вазифаи конститутсионӣ бартараф мегардад. Тартиб ва андозаи маблағи хизмати ҳарбии мазкурро Ҳукумати Ҷумҳурии Тоҷикистон муайян мекунад, афзудааст котиботи Маҷлиси намояндагон.

“Зимнан, дар лоиҳаи Қонуни мазкур ҷиҳати басанда будани афсарони ҳайати эҳтиётӣ ва ба танзим даровардани фаъолияти кафедраҳои ҳарбии назди муассисаҳои таълимии давлатии таҳсилоти олӣ, ба хатмкунандагони кафедраҳои ҳарбӣ додани рутбаи ҳарбии афсарӣ пас аз адои 12 моҳи хизмати ҳарбии ҳатмии муҳлатнок пешбинӣ карда шудааст”, - омадааст дар иттилоия.

2518
Барчаспҳо:
қонун, хизмати ҳарбӣ, Тоҷикистон
Ирландский боец без правил Конор Макгрегор, архивное фото

Набарди ҷавобии Макгрегор ва Поре: мусобиқоти UFC 257 дар АМА. Пахши мустақим

0
Кадоме аз размикорони кунунӣ дар вазни суб - Конор Макгрегор ё Дастин Пуэре пирӯз хоҳад шуд, ба зудӣ маълум мешавад

ДУШАНБЕ, 24 янв — Sputnik. Имороти Муттаҳидаи Араб аввалин мусобиқаро имсол дар “Ҷазираи муҳорибаҳо” дар наздикии Абу-Даби баргузор мекунад.

Диққати аксари тамошобинон ба бозии ҷавобии Конор Макгрегор ва Дастин Паре нигаронида шудааст.

Ҳарду варзишгар 32 сол доранд. Ҳарду паҳлавон тақрибан як вазн нишон доданд: Поре 70,7 кило ва Конор бошад 70,3 кило.

Интизор меравад, ки сабқати асосии UFC 257 байни МакГрегор ва Поре тақрибан аз соати 8:00 то 8:30 субҳи 24 январ ба вақти Маскав оғоз шавад.

Ин нахустин қувваозмоии Макгрегор ва Поре дар майдон нест. Сентябри соли 2014 Макгрегор дар даври аввал Пореро ба нокаут фиристод.
Бояд гуфт, ки дар размҳои омехта Макгрегор 26 сабқат гузаронд, ки аз он 22 ададашро бурид. Дар чор қувваозмоӣ бохт.

Дар маҷмуъ Поре 32 сабқат гузарондааст, ки 26 ададашро бо пирӯзӣ ва 6 ададро бо шикаст анҷом додааст. Поре на танҳо дар қувваозмоиҳои UFC, балки WEC низ иштирок мекунад.

 

0
Барчаспҳо:
рақиб, рақобат, АМА, муҳориба, Макгрегор