Нерӯҳои вижаи Русия дар марзи Тоҷикистону Афғонистон ҷангҷӯёнро “меҷӯянд”

© SputnikРоссийско-таджикские учения на полигоне Фахрабад
Российско-таджикские учения на полигоне Фахрабад - Sputnik Тоҷикистон
Обуна шудан
Дар паи пайдо кардани маҳалли тамаркузи ҷангҷӯён нерӯҳои ҳавоӣ ва тӯпхона бар онҳо ҳамла мекунанд

ДУШАНБЕ, 30 май — Sputnik. Равобити умумии Минтақаи низомии марказии Русия иттилоъ медиҳад, ки низомиёни ягонҳои нерӯҳои вижаи Русия дар марзи Тоҷикистону Афғонистон размоиш баргузор мекунанд.

Бино бар барномаи ин размоиш, нерӯҳои вижа аз ҳавопаймо партоб шуда бо чатр дар размоишгоҳи кӯҳистонии "Ҳарбмайдон" фурӯд омадаанд ва амалиёти ҷустуҷӯи гурӯҳҳои теруристӣ, ошкорсозии роҳҳои қочоқи ҷангафзору маводи мухаддир ва урдугоҳҳову анборҳои душманро оғоз карданд.

Машқҳои низомӣ. Акс аз бойгонӣ - Sputnik Тоҷикистон
Ҳарбиёни рус дар Помир чормағзро нишон гирифтанд

Дар паи пайдо кардани маҳалли тамаркузи ҷангҷӯён ва даргир шудани нерӯҳои вижа, нерӯҳои ҳавоӣ ва тӯпхонаву ракетандозҳо ба ёрияшон мешитобанд.

Ба гуфти намояндаи расмии МНМ Русия Ярослав Рошупкин, дар размоиши муштарак 2 ҳазор низомии рус ширкат карда, беш аз 300 зимреҳпӯшу ракетандозу дигар ҷангафзорҳо ба кор бурда мешавад.

Ёдовар мешавем, ки ҳафтаи гузашта дар қаламрави шаш кишвари ИДМ марҳилаи нахусти размоиши зиддитеруристии "Душанбе — Антитеррор — 2017" шуруъ шуд.

Размоиш дар ду марҳила баргузор мешавад ва шаш рӯз давом меёбад.

Марҳилаи дувуми размоиш аз 31 май то 1 июн дар Тоҷикистон баргузор мешавад.

Лентаи хабарҳо
0