ДУШАНБЕ, 21 июн — Sputnik. Бино ба иттилоъи равобити умумии ВКД ҶТ, дар дидори Муҳаммад Килёсхонов, намояндаи ВКД Русия, бо Рамазон Раҳимзода ва Шерхон Салимзода роҳҳои тақвияти ҳамкориии ду кишвар дар мубориза бо қочоқи маводи мухаддир баррасӣ шуд.
Дар ин мулоқот намояндаҳои нерӯҳои интизомии Тоҷикистон ва Русия дар мавзуъҳои мубориза бо гардиши ғайриқонунии маводи мухаддир, равишҳои мубодилаи иттилоъоти бозҷустӣ, пешгирӣ аз қочоқи маводи мухаддир ва муборизаи муштарак бо табаҳкориҳои созмонёфтаи фаромиллӣ табодули афкор карданд.
Дар ин мулоқот ҳамчунин омодагии тарафҳо ба нишасти Шурои Вазирони корҳои дохилии Кишварҳои ҳамсуд, ки қарор аст дар шаҳри Душанбе баргузор шавад, баррасӣ шуд.
