Озода Раҳмон, архивное фото

Ниҳодҳои амниятии ҶТ аз шабакаҳои иҷтимоъӣ иттилоъ хоҳанд гирифт

77
(Таҷдидшуда 21:18 13.07.2017)
Маҷлиси миллии Тоҷикистон пешнависи қонунеро тасвиб кард, ки сохторҳои амниятиро иҷоза медиҳад фаъолияти шаҳрвандонро дар шабакаҳои иҷтимоъӣ пайгирӣ кунанд

ДУШАНБЕ, 13 июл — Sputnik. Маҷлиси миллӣ ислоҳияе дар Қонун "Дар бораи фаъолияти оперативӣ-ҷустуҷӯӣ" ворид кард, ки бар асоси он кормандони ниҳодҳои интизомӣ ва амниятӣ ҳаққ хоҳанд дошт дар раванди баргузории амалиёти бозҷӯӣ аз роёнаҳо ва вебгоҳу шабакаҳои иҷтимоъӣ иттилоъ ҷамъоварӣ кунанд.

Ин ислоҳияро Озода Раҳмон, раиси Кумитаи таъмини асосҳои конситутсионӣ, ҳуқуқу озодиҳои инсон, шаҳрванд ва қонунияти  Маҷлиси миллӣ, рӯзи 12 июл дар иҷлосияи ахири ин ниҳод пешниҳод кард.

Аз ин пас ниҳодҳои амниятиву интизомии ҶТ иттилоъотеро ба даст хоҳанд овард, ки нишон медиҳад адом шаҳрванд кай, аз куҷо ва ба кадом вебгоҳ даромада ва чи хондаву навишта ва ё тамошо кардааст.

Ба гуфти Ҷӯрахон Маҷидзода, вакили Маҷлиси намояндагон, шаҳрвандони Тоҷикистон ҳаррӯза то 90 ҳазор паём аз тундравону ифротгароён дарёфт мекунанд, ки онҳоро ба пайвастан ба созмонҳои мамнуъ фаро мехонанд. Ба ин далел вай хостори пайгирии фаъолиятҳои корбарони шабакаҳои иҷтимоъӣ шуд.

Нуриддин Қаршибоев, раиси Анҷумани миллии расонаҳои мустақили Тоҷикистон, чунин чораҳое бояд дар мубориза бо ҳаросафканӣ ва ифротгароӣ корсоз бошанд.

"Ниҳодҳои масъулин пеш аз ин ҳам вебгоҳҳои шубҳабарангезро поишу фаробинӣ (мониторинг) мекарданд, вале акнун метавонанд додаҳо аз шабакаҳоро чун шавоҳид дар додгоҳ ба кор баранд", — тавзеҳ дод вай дар суҳбат бо Sputnik Тоҷикистон.

Қаршибоев ҳамчунин гуфт, ки боздид аз ҳаргуна вебгоҳе коре нописанду ношоист нест. Мушкил замоне сар мезанад, ки корвар нишонии вебгоҳи "бадеро" барои дигарон мефиристад, яъне амалан бо ин кораш даст ба пароканиши ақидаҳои ҳаросафканона дар шабака мезанад.   

Гуфтанист, Маҷлиси миллӣ ҳама ислоҳияҳо ба чаҳор қонуни ҷории кишвар, аз ҷумла Кодекси иҷрои ҷазои ҷиноятӣ, Кодекси ҳуқуқвайронкунии маъмурӣ, Қонунҳо "Дар бораи милитсия" ва "Фаъолияти оперативӣ-ҷустуҷӯӣ"-ро, ки Озода Раҳмон дар ин иҷлосия муаррифӣ кард, бо аксари кулли оро тасвиб карданд.

77
Барчаспҳо:
ниҳодҳои амниятӣ ва интизомӣ, поишу фаробинӣ, қонунгузорӣ, ислоҳия, қонунгузорӣ, Маҷлиси миллӣ, Озода Раҳмон, Тоҷикистон
Мавзуъ
Озода Раҳмон пайомадҳои таблиғи тамоку ва алкул дар телевизюнро тавзеҳ дод
Маҷлис қонунгузорӣ дар заминаи фасодзудоӣ ва хидмати низомиро ислоҳ кард
Маҷлиси Тоҷикистон ширкатҳои гардишгариро аз пардохти молиёт озод кард

Нигаронии Маҳмудзода аз вазъи ноороми Қарабоғи Кӯҳӣ

262
(Таҷдидшуда 21:00 29.09.2020)
Котиби Шӯрои амнияти Ҷумҳурии Тоҷикистон Насрулло Маҳмудзода дар робита ба вазъияти Қарабоғи Кӯҳӣ изҳори нигаронӣ кард

ДУШАНБЕ, 29 сен — Sputnik. Котиби Шӯрои амнияти Ҷумҳурии Тоҷикистон Насрулло Маҳмудзода ва Котиби Шӯрои амнияти Арманистон Армен Григорян телефонӣ суҳбат карданд, хабар медиҳад, хадамоти Шӯрои амнияти кишвар.

Ҳамин тавр, Котиби Шӯрои амнияти Ҷумҳурии Тоҷикистон Насрулло Маҳмудзода дар робита ба вазъияти Қарабоғи Кӯҳӣ изҳори нигаронӣ кард. Маҳмудзода ҳалли мусолиматомези вазъи Қарабоғро таъкид кард.

Дар навбати худ, Григорян таъсири манфии Туркияро ба амнияти минтақавӣ қайд кард.

Вазъияти Қарабоғи Кӯҳӣ

Аз саҳнаи даргириҳои низомӣ дар Қарабоғи Кӯҳӣ, маълумоти зиддунақиз мерасад.

Озарбойҷон ва Арманистон якдигарро дар аввали даргирӣ гунаҳкор мекунанд.

Дар ин росто, рӯзи душанбе дар Озарбойҷон омодагии пурраи ҳарбӣ эъло шуда, Илҳом Алиев президенти ин кишвар дар як қатор шаҳру ноҳияҳои ҷумҳурӣ вазъи ҳарбӣ ҷорӣ кард.

Дар Арманистон як рӯз пеш вазъияти низомӣ эълон карда шуд.

Даргириҳо дар ин манотиқ рӯзи 27 сентябр оғоз шуд.

262
Барчаспҳо:
баррасӣ, даргирӣ, вазъият, Қарабоғи Кӯҳӣ

Миёнаравии Русия барои қатъи мухолифати мусаллаҳонаи Арманистону Озорбойҷон

327
Вазорати умури хориҷии Русия тамоми талошашро равона мекунад, то мухолифати мусаллаҳона миёни Озарбойҷону Арманистон бартараф карда шавад

ДУШАНБЕ, 27 сен — Sputnik. Сергей Лавров, вазири умури хориҷии Русия, гуфтушунидҳо дорад, то Арманистону Озарбойҷон сари мизи музокирот нишинанд, хабар дод намояндаи расмии ВУХ Русия, Мария Захарова.

Лавров аллакай бо ҳамтоёнаш аз Арманистону Туркия гуфтушунид карда, дар назар аст, чунин як суҳбат бо ҷониби Озорбойҷон низ анҷом дода шаавад. Манбаъ афзуд, Русия миёнаравияшро барои ба эътидол овардани вазъ миёни Озорбойҷону Арманистонро идома медиҳад.

То ҳол ҷонибҳоро борҳо ба қатъи даргириҳои мусаллаҳона даъват карда буданд. Аз ҷумла бо чунин даъватҳо ба ҷониби Арманистону Озорбойҷон намояндагони Австрия, Фаронса, Олмон, Гурҷистон ва инчунин намояндаҳои Шӯрои Аврупо, СААД ва САҲА муроҷиат карда буданд.

Ба ҷонибҳои даргир инчунин Попи Рум зимни мавъизаи анъанавияш муроҷиат намуда, даъват кард, ки қадамҳои мушаххас сӯи бародарӣ ва ҳалли мушкилоти мавҷуда бидуни истифода нерӯ, гузошта шавад.

Шаби гузашта мухолифати мусаллаҳона миёни Арманистону Озорбойҷон рух дод. Ҳарду ҷониб якдигарро дар шиддат гирифтани мухолифат муттаҳам карданд.Ин даргирӣ миёни аҳолии осоишта низ маҷруҳ ва ҳалокшудаҳо барҷой гузошт.

Роҳбари ҷумҳурии эътирофнашудаи Қарабоғи куҳӣ ҳолати низомӣ эълон кардааст. Ҳукумати Арманистон низ дар кишвар ҳолати низомӣ эълон намудааст.  

327
Барчаспҳо:
Озарбойҷон, Арманистон, Русия
В.Путин принимает участие в четвертом Каспийском саммите

Рӯҳонӣ: дахолати хориҷӣ дар муноқишаи Боку ва Ереван авзоъро печидатар мекунад

0
(Таҷдидшуда 21:53 30.09.2020)
Раисҷумҳурии Эрон бо ибрози нигаронӣ аз даргирии ахир байни Арманистон ва Озарбойҷон, ҳаргуна дахолати хориҷӣ дар ин моҷароро мӯҷиби печидатар шудани авзоъ донист

ДУШАНБЕ, 30 сен — Sputnik. Ҳасани Рӯҳонӣ, раисҷумҳури Эрон ахиран дар тамоси телефонӣ бо Никол Пашиниян, нахуствазири Арманистон бо таъкид бар аҳамияти сулҳ, суботу амният дар минтақа афзуд, ки минтақаи Ғарби Осиё тавони бесуботӣ ва ҷанги ҷадидро надорад, иттилоъ додааст хабаргузории "Парстудей".

Тавре манбаъ қайд намудааст, Рӯҳонӣ бо баёни ин ки бояд барои ҳаллу фасли масъалаи Қарабоғ дар чорчӯби муқаррароти байналмиллалӣ ва тамомияти арзӣ роҳи ҳалле ёфт шавад таъкид кард, ки таваққуфи ин даргириҳо барои Эрон муҳим аст ва Теҳрон интизор дорад Арманистон ва Озарбойҷон бо дироят ва хештандорӣ дар ин масир гом бардоранд.

Раисҷумҳури Эрон бо таъкид бар ин ки ҷанг роҳи ҳалли бартараф кардани мушкилоту танишҳо ва ихтилофот нест гуфт, ки ҳаргуна дахолати хориҷӣ дар ин моҷаро на танҳо ба ҳаллу фасли мушкил кумак намекунад балки даргириҳо ва танишҳоро тӯлонитар ва авзоъро печидатар хоҳад кард.

Рӯҳонӣ  ҳамчунин бо ишора ба аҳамият ва собиқаи тӯлонии равобити Эрон бо Ҷумҳурии Озарбойҷон ва Арманистон, омодагии Теҳронро барои ифои ҳаргуна нақши созанда, ки мавриди назари ду кишвари дӯсту ҳамсоя бошад, эълом кард.

Никол Пашиниян низ бо ишора ба таҳаввулоти ахири ношӣ аз даргириҳои низомии Арманистон бо Озарбойҷон, танишу даргириро ба зиёни ҳамаи кишварҳои минтақа донисту аз ҳаргуна ибтикори амале барои таваққуфи хушунатҳо истиқбол кард.

Нахуствазири Арманистон ҳамчунин аз мудохилаи хориҷӣ дар масъалаи ихтилофоти Арманистон бо Озарбойҷон ибрози нигаронӣ кард.

0
Барчаспҳо:
Ереван, Боку, муноқиша, даргирӣ, моҷаро, хориҷӣ, Озарбойҷон, Арманистон, Эрон