Раҷаббой Аҳмадзода. Архивное фото

Аҳмадзода: ихтилофоти марзӣ миёни Тоҷикистону Узбакистон ҳалл шудаанд

237
(Таҷдидшуда 20:04 17.07.2017)
Миёни Тоҷикистон ва Узбакистон камубеш 93 килуметр хатти марзи баҳсӣ боқӣ мондааст ва рӯзҳои наздик музокироти коргурӯҳи вижаи байнидавлатӣ дар ин замина оғоз ба кор мекунад

ДУШАНБЕ, 17 июл — Sputnik. Тоҷикистон дар назар дорад, ки аломатгузории марз бо Узбакистонро дар наздиктарин замон ба поён бирасонад, гуфт раиси Кумитаи давлатии идораи замин ва геодезии ҶТ Раҷаббой Аҳмадзода.

Ба гуфти вай, миёни Тоҷикистон ва Узбакистон камубеш 93 килуметр хати марзи баҳсӣ боқӣ монда, ки музокирот дар борааш дар наздиктарин замон баргузор хоҳад шуд.

"Дар солҳои 2000 — 2002 ду кишвар 1 104 килуметр аз марзашонро аломатгузорӣ карда буданд. Санади ин марзбандиро сарони Тоҷикистону Узбакистон 5 октябри 2002 имзо карда буданд", — ёдоварӣ кард Аҳмадзода.

Коргурӯҳҳои ҳайъатҳои расмии Тоҷикистону Узбакистон аввали июн дар шаҳри Душанбе масоили аломатгузории марзро баррасӣ карда буданд. Интизор мерафт, ки дар он нишаст ихтилофоти марзиро ҳаллу фасл кунанд.

Марзбандӣ миёни Тоҷикистону Узбакистон яке аз муҳимтарин масоили равобити ду кишвар дар бисту чанд соли гузашта будааст. Ин ду кишвар марзе ба дарозои 1332,9 килуметр доранд.

237
Барчаспҳо:
марзбандӣ, аломатгузорӣ, Кумитаи давлатии идораи замин ва геодезии ҶТ, Раҷаббой Аҳмадзода, Тоҷикистон-Узбакистон
Мавзуҳо:
То кай?: танишҳои марзӣ миёни Тоҷикистону Қирғизистон (92)
Мавзуъ
Тоҷикистону Узбакистон марзашонро аломатгузорӣ карданд
Президент РФ В. Путин

Муфид аст: шарҳи Путин дар бораи ҳузури ИМА дар Афғонистон

263
(Таҷдидшуда 17:43 25.10.2020)
Владимир Путин, раисиҷумҳури Русия, ҳузури низомиёни амрикоиро дар Афғонистонро истиқбол карда, аз ҳамкории ду кишвар дар сатҳи хадамоти махсус тавсиф намуд

ДУШАНБЕ, 25 окт — Sputnik. Ҳузури нерӯҳои амрикоӣ дар Афғонистон аз нигоҳи амниятӣ муфид мебошад, изҳор дошт Владимир Путин, раисиҷумҳури Русия.

“Ҳузури ИМА дар Афғонистон барои амният муфид мебошад”, - гуфт роҳбари Русия.

Путин инчунин таъкид кардааст, ки Русия аз ҳамкорӣ бо ИМА дар бахши мубориза бо терроризм қаноатманд мебошад.

Ӯ афзуд, ки маълумоти ироанамудаи Вашингтон борҳо имкон дод, ки ҳамлаҳои террористӣ дар қаламрави Русия ҷилавгирӣ шаванд.

“Сарфи назар аз мухолифатҳои зиёд дар бахшҳои гуногун, ҳамоно ҳамкорӣ дар сатҳи хадамоти махсус идома дорад... Дар баробари ин амрикоиҳо ба мо маълумоти зиддитеррорро ироа мекунанд”, - илова намуд Путин.

Доналд Трамп, раисиҷумҳури ИМА, дар оғози моҳи марти соли равон дар бораи бидуни таъхир хориҷ кардани нерӯҳои амрикоӣ аз Афғонистон изҳорот дода буд. Аз ҷумла дар назар буд, ки теъдоди низомиёни амрикоӣ дар Афғонистон тайи 135 рӯз аз 12 ҳазор нафар то 8,6 ҳазор нафар коҳиш дода шавад. Интизор мерафт, ки то интихоботи раисиҷумҳури ИМА теъдоди сарбозони ин кишвар дар Афғонистон ба 4-5 ҳазор нафар баробар карда мешуд.

263
Барчаспҳо:
Владимир Путин, ИМА, Путин, Русия
Президент Республики Таджикистан Эмомали Рахмон встретился с командующим Центральным командованием вооруженных сил США генералом Кеннетом Ф. Маккензи

Раҳмон ва генерал Маккензӣ амнияти Тоҷикистону Афғонистонро баррасӣ карданд

386
(Таҷдидшуда 00:01 23.10.2020)
Ҷонибҳо атрофи вазъи кунунӣ дар Афғонистон мубодилаи афкор намуда, раванди музокироти сулҳро муҳокима карданд

ДУШАНБЕ, 22 окт – Sputnik. Президенти Тоҷикистон Эмомалӣ Раҳмон бо фармондеҳи Фармондеҳии Марказии Қувваҳои Мусаллаҳи ИМА генерал Кеннет Ф. Маккензӣ, ки бо сафари корӣ дар Тоҷикистон қарор дорад, дидору мулоқот кард.

Бино ба гузориши котиботи раисиҷумҳур, дар рафти мулоқот як қатор масъалаҳои ҳамкориҳои Тоҷикистону Иёлоти Муттаҳидаи Амрико, бахусус дар соҳаи амниятӣ, баррасӣ гардиданд.

Дар ин зимн ба мавзӯъҳои мубрами таъмини сулҳу суботи минтақавӣ ва хатару таҳдидҳои глобалии амниятӣ таваҷҷуҳи хосса зоҳир карда шуд.

Ҷонибҳо ҳамчунин атрофи вазъи кунунӣ дар Афғонистон мубодилаи афкор анҷом дода, раванди музокироти сулҳро дар ин кишвари ба мо ҳамҷавор муҳокима карданд.

Раҳмон таъкид карда, ки ҷараёни рушди вазъият дар Афғонистони ҳамсоя пайваста дар маркази диққат қарор дорад ва Тоҷикистон аз талошҳои Ҳукумати Афғонистон дар самти истиқрори сулҳу суботи пойдор дар кишвар ҳамеша ҷонибдорӣ менамояд.

Манбаъ афзуда, ки дар ҷараёни суҳбат ҷонибҳо, ҳамчунин, роҷеъ ба дигар ҷанбаҳои муносибатҳои Тоҷикистон ва Иёлоти Муттаҳидаи Амрико ибрози ақида намуда, алоқамандиашонро ба таҳкиму тақвияти ҳамкориҳояшон дар самти муборизаи муштарак алайҳи хатару таҳдидҳои муосир, аз ҷумла терроризм, ифротгароӣ, гардиши ғайриқонунии маводи мухаддир ва дигар ҷиноятҳои муташаккили фаромиллӣ қайд кардаанд.

386
Барчаспҳо:
Эмомалӣ Раҳмон, ИМА, мулоқот, дидор, Тоҷикистон
На фабрике по производству тканей, архивное фото

Дар Тоҷикистон давоми сол беш аз 20 корхонаи ватанӣ ба кор шурӯъ кард

0
(Таҷдидшуда 10:18 29.10.2020)
Тибқи нақшаи саноатикунонии барвақтӣ дар Тоҷикистон, сарфи назар аз пандемия, зиёда аз бист корхонаи саноати сабук бо ҷойҳои нави корӣ бомуваффақият ба кор шурӯъ карданд

ДУШАНБЕ, 29 окт - Sputnik. Давоми соли ҷорӣ дар Тоҷикистон 26 корхона ва коргоҳҳои нави соҳаи саноати сабук ба кор шурӯъ карданд, хабар медиҳад Вазорати саноат ва технологияҳои нави кишвар.

Ба иттилои манбаъ, дар нӯҳ моҳи соли 2020, ба туфайли ифтитоҳи ин адад корхонаҳо, зиёда аз 490 нафар бо кор таъмин карда шуданд.

Манбаъ мегӯяд, қариб ҳамаи онҳо ба коркарди пахта, дӯхтани либосҳои гуногун, ҷӯробҳо, халтаҳои полипропиленӣ ва кӯрпаҳои пахта ихтисос додашудаанд.

Ҳамзамон корхонаҳои истеҳсоли пойафзол ва мебел низ мавҷуданд.

Тибқи маълумоти вазорат, соли ҷорӣ дар мамлакат корхонаҳои саноатии “Ваҳдат Текстайл” бо иқтидори солонаи истеҳсоли 19,2 миллион ҷуфт ҷӯробҳои гуногун, ҶДММ “Тоҷтекс” бо иқтидори 20 ҳазор дона маҳсулоти дӯзандагӣ дар як шабонарӯз дар шаҳри Душанбе ба кор оғоз карданд.

Дар Данғара марҳилаи дуюми ҶДММ "Фарм Текс" барои истеҳсоли докаи тиббӣ ба истифода дода шуд. Дар Хуҷанд дар заминаи "Сано" ва "Нассоҷи Хуҷанд" коргоҳҳои дӯзандагӣ боз шуданд.

Чунин корхонаҳои саноати сабук дар шаҳри Хоруғ, Ҳисор, ноҳияи Шаҳринавский низ пайдо шуданд.

Дар Тоҷикистон 83 корхонаи нав ифтитоҳ ёфту 124 корхона аз фаъолият бозмонд

Хабар дода мешавад, ки дар 9 моҳи соли равон барои васеъ кардани иқтидори истеҳсолӣ ва баланд бардоштани сифати маҳсулот дар корхонаҳои саноати сабук ба маблағи 85 миллион сомонӣ (8,2 миллион доллар) барои қолинбофӣ, гулдӯзӣ ва дӯзандагӣ таҷҳизот насб карда шудааст.

0