Сафорати Тоҷикистон намедонад, ки ФСБ киро дастгир кардааст

© Sputnik / Игорь Зарембо / Гузариш ба медиабонкСотрудник правоохранительных органов производит арест
Сотрудник правоохранительных органов производит арест - Sputnik Тоҷикистон
Обуна шудан
Сафорати Тоҷикистон дар Русия гуфт, аз ҳувият ва миллияти касоне, ки Созмони амнияти федероли Русия ба иттиҳоми омодасозии амалиёти терурстӣ дар шаҳру вилояти Маскав дастгир кардааст, иттилоъ надорад

ДУШАНБЕ, 31 авг — Sputnik. Дар сафоратҳои дигар кишварҳои Осиёи Марказӣ дар Маскав низ гуфтанд, аз ҳувият ва миллияти теруристҳое, ки Созмони амнияти федероли Русия имрӯз дастгир кардааст, иттилоъ надоранд.

Дафтари равобити умумии ФСБ имрӯз аз дастгир шудани ду ҷангҷӯи "Давлати исломӣ" аз Осиёи Марказӣ ба иттиҳоми омодасозии амалиёти теруристӣ дар шаҳру вилояти Маскав дар 1 сентябр хабар дод.

Задержание подозреваемых, архивное фото - Sputnik Тоҷикистон
ФСБ боз ду теруристи ДОИШ аз Осиёи Марказиро дастгир кард

"Мо иттилоъ дорем, ки ФСБ касонеро имрӯз дастгир кардааст, вале то кунун иттилоъе надорем, ки оё дар миёнашон шаҳрвандони Тоҷикистон ҳастанд ё нестанд", — гуфт намояндаи сафорати Тоҷикистон дар Маскав ба Sputnik Тоҷикистон.

Алишер Усмонов, вобастаи расонаии сафорати Узбакистон дар Маскав, низ гуфт, ки сафорат чунин иттилоъе дар даст надорад.

Сухангӯи сафорати Қазоқистон дар Маскав Жанар Кӯлчабоева низ дақиқан ҳамин посухро дод.

Гулбарчин Бойимбетова, сухангӯи сафорати Қирғизистон низ гуфт, ҳануз намедонанд, ки оё шаҳрвандони ин кишвар дастгир шудаанд ё на.

Лентаи хабарҳо
0