Марзбонҳои Тоҷикистон аз қочоқи 64 килуграм маводи мухаддир пешгирӣ карданд

© Sputnik / Хушнуд Рахматуллаев / Гузариш ба медиабонкВ районе Пянджского погранотряда на таджикско-афганской границе
В районе Пянджского погранотряда на таджикско-афганской границе - Sputnik Тоҷикистон
Обуна шудан
Нерӯҳои марзбонии Кумитаи амнияти миллии Тоҷикистон аз қочоқи 64 килуграм маводи мухаддир аз қаламрави Афғонистон пешгирӣ карда ва ду қочоқбарро нобуд кардаанд

ДУШАНБЕ, 18 сен — Sputnik. Сухангӯи Нерӯҳои марзбонии КАМ ҶТ Муҳаммад Улуғхоҷаев аз хунсо кардани ду маврид кӯшиши қочоқи маводи мухаддир аз Афғонистон ба Тоҷикистон хабар дод.

В районе Пянджского погранотряда на таджикско-афганской границе - Sputnik Тоҷикистон
Задухӯрди шабона: аз кушта шудани ду қочоқбари афғон то боздошти сокини Ҳамадонӣ

"Сарбозони Подгони марзбонии Панҷ 14 сентябр бо гурӯҳе аз қочоқбарон даргир шуда ва дар ин задухӯрд як қочоқбарро аз пой дароварда ва дигаронро ба қаламрави Афғонистон пас гардондаанд. Аз ин қочоқбарон 50 килуграм ҳашиш, як ҷангафзори "Калашников" бо панҷ тирдон ва 82 тир, 2 норанҷак ситонда шуд", — гузориш дод Улуғхоҷаев.

Вай ҳамчунин афзуд, ки марзбонҳо ҳамроҳ бо нерӯҳои Ожонси мубориза бо муомилоти ғайриқонунии маводи мухаддир 15 сентябр дар ноҳияи Ҳамадонӣ низ бо гурӯҳе аз қочоқбарон даргир шудаанд, ки дар он задухӯрд низ яке аз қочоқбарон кушта шудааст.

"Аз ин гурӯҳ низ 13 килуграм афюн, 1 килуграм бангдона, як ҷангафзори "Калашников" бо 5 тирдон, 132 дона тир, як норанҷакандози зермилӣ бо 3 дона норанҷак ситонда шуд", — афзуд вай.

Бино ба гузориши Нерӯҳои марзбонии Тоҷикистон, аз оғози соли 2017 то кунун 15 марзшикани мусаллаҳ дар марз бо Афғонистон кушта шудааст.

Лентаи хабарҳо
0