Аскар Нуралиев

Як масъули Вазорати иқтисоди ҶТ бо 500 ҳазор дулор ришва дастгир шуд

340
(Таҷдидшуда 11:40 04.10.2017)
Ожонси мубориза бо фасод Аскар Нурализода, сардори Раёсати таҳияи барномаҳои давлатии сармоягузориҳои Вазорати рушди иқтисод ва савдо, узви Маҷлиси вакилони халқи шаҳри Душанберо ба иттиҳоми ришваситонӣ боздошт кард

ДУШАНБЕ, 3 окт — Sputnik. Ба гузориши вебгоҳи расмии Ожонси назорати давлатии молӣ ва мубориза бо фасод, 28 сентябр шаҳрванд "А" аз муовини сардори Сарраёсат, сардори Раёсати таҳияи барномаҳои давлатии сармоягузориҳои Вазорати рушди иқтисод ва савдои ҶТ Аскар Нурализода ба ин ниҳод шикоят бурдааст.

Бино бар ин гузориш, Нурализода аз шаҳрванд "А" барои гунҷондани тарҳи ташкилу густариши соҳаи мурғпарварӣ дар ноҳияи Ҷалолиддини Балхӣ дар барномаи давлатии сармоягузориҳо барои солҳои 2016-2020 ва мусоидат дар дарёфти грант ба маблағи 10 милюн дулор барои ин кор, аз ӯ 10 дарсад аз ин маблағ, яъне 1 милюн дулорро ришва хостааст.

Шаҳрванд "А" дар шикояташ гуфта, ки бо Нурализода маслиҳат кардааст, ки аз он маблағ 500 ҳазор дулорашро пешпардохт карда ва бақияро пас аз расидан ба хостаҳояш ба Нурализода хоҳад дод.

Дар гузориш оварда шуда, ки Нурализода ҳамчунин аз шаҳрванд "А" барои ҳамсараш Савринисо Холиқова дар сохтмоне дар шаҳри Душанбе як хонаи сеутоқӣ ба нархи 69 360 дулор ришва хостааст. Дар ин замина байни ширкати сохтмонии "В" ва Савринисо Холиқова дар торихи 22.08.2017 қарордоди саҳмгузорӣ имзо шуда, ки бар асоси он шаҳрванж "А" маблағи 115 030 сомонӣ баробар ба 13 222 дулорро ба ширкати сохтмонии "В" ба номи Савринисо Холиқова пардохт кардааст.

Ожонс ҳамчунин гузориш дода, ки Аскар Нурализода аз шаҳрванд "А" дар моҳҳои август ва сентябри соли 2017 маблағи 3200 сомонӣ ва 10 ҳазор дулор ришва ситонда ва афзун бар он, ба баҳонаи мусоидат дар дарёфти грант аз шаҳрванд "А" боз 500 ҳазор дулор ришва низ талаб кардааст.

Саранҷом дар паи баргузории амалиёти бозҷӯӣ дар торихи 28 сентябр Аскар Нурализода ҳангоми дарёфти ришва ба маблағи 490 ҳазор дулор аз шаҳрванд "А" дастгир шуд.

Афзун бар ин маблағ, аз манзил ва дафтари кори Аскар Нурализода боз 10 ҳазор дулоре, ки қаблан барои ин амал гирифта буд, қарордоди саҳмгузорӣ барои хариди манзили иқоматӣ аз 22.08.2017 ва расид ба маблағи 115 030 сомонӣ баробар ба 13 222 дулор, ки шаҳрванд "А" ба ширкати сохтмонии "В" ба номи Савринисо Холиқова пардохт кардааст, ёфт ва гирифта шудаст.

Ожонси мубориза бо фасод барои бозҷӯии шароити ришваситонии Аскар Нурализода 28 сентябр бар асоси моддаи 319 қисми 4 бандҳои «в, г» Қонуни ҷиноии ҶТ парванда оғоз кардаву бозҷӯиро идома медиҳад.

340
Барчаспҳо:
пора, фасод, ришвастонӣ, Ожонси назорати молӣ ва мубориза бо фасод, Аскар Нурализода, Тоҷикистон
Мавзуъ
Ожонс: ходими калони илмӣ бо ваъдаи дохил кардан ба донишгоҳ 12 ҳазор сомонӣ пора гирифт
Додгоҳи Тоҷикистон корманди пешини Ожонси мубориза бо фасодро 15 сол зиндонӣ кард
Муъовини пешини раиси Ожонси мубориза бо фасод ба 10 солу 7 моҳи зиндон маҳкум шуд
Эмомалӣ Раҳмон, раисиҷумҳури Тоҷикистон ва Надим Раза, сардори Ситоди артиши Покистон

Раҳмон бо генерали покистонӣ аз сулҳи Афғонистон ва мавқеъҳои наздик гуфт

252
(Таҷдидшуда 20:16 26.11.2020)
Эмомалӣ Раҳмон, раисиҷумҳури Тоҷикистон, бо сардори Ситоди муттаҳидаи Артиши Ҷумҳурии Исломии Покистон генерал Надим Раза мулоқот кард

ДУШАНБЕ, 26 ноя – Sputnik. Тибқи иттилои котиботи раисиҷумҳур, зимни мулоқот вазъ ва дурнамои муносибатҳои дӯстона ва ҳамкориҳои гуногунҷанбаи Тоҷикистону Покистон мавриди баррасӣ қарор дода шуд.

Таъкид шудааст, ки робитаҳои феълии Тоҷикистон ва Покистон фарогири соҳаҳои сиёсӣ, тиҷорату иқтисод, фарҳанг, илм, маориф, амният ва дигар арсаҳои мавриди таваҷҷуҳи тарафайн буда, бо назардошти имконияти мавҷуда, ба рушду густариши онҳо таваҷҷуҳи зиёд зоҳир карда мешавад.

Манбаъ афзуд, Эмомалӣ Раҳмон изҳор дошт, ки Тоҷикистону Покистон нисбати аксари масъалаҳои умдаи минтақавию ҷаҳонӣ мавқеи ба ҳам наздик доранд ва ин мавқеъгириҳо имкон медиҳад, ки ду давлат дар ҳамоҳангӣ ба ҳалли мушкилоти минтақавию байналмилалӣ мусоидат намоянд.

Мулоқоти Раҳмон бо Халилзод, аз ҳамкорӣ то музокироти сулҳи байниафғонӣ

“Дар мулоқот муҳимияти тақвияти ҳамкориҳои амниятӣ ва мудофиавӣ дар мубориза бар зидди терроризм, ифротгароӣ, истеҳсол ва гардиши ғайриқонунии маводи мухаддир, ҷинояткории фаромиллӣ ва мусоидат ба таҳкими сулҳу субот дар Афғонистон таъкид гардида, доир ба ҳолати кунунӣ ва дурнамои вазъи минтақа ва ҷаҳон дар давраи паҳншавии бемории сироятии коронавирус ва дигар мавзӯъҳои мавриди таваҷҷуҳ табодули афкор сурат гирифт”, - омадааст дар иттилоия.

252
Барчаспҳо:
генерал, Русия, Тоҷикистон
Специалисты противоминного центра Минобороны РФ приступили к работе в Карабахе

Дурнамои тозасозии Қарабоғ аз минаҳо

53
(Таҷдидшуда 18:34 25.11.2020)
Майдонҳои минагузоришуда, лавозимоти нотаркида, дастгоҳи худсохти таркишӣ мушкили асосии ҳар минтақа баъди даргирӣ ба ҳисоб мераванд

ДУШАНБЕ, 25 ноя – Sputnik. Александр Хроленко. Безараргардонии манотиқи амалиёти ахири низомӣ ва дигар навоҳии Қарабоғи Куҳӣ садҳо километри мураббаъро фаро мегирад. Ин кор захираҳои молии бузург ва даҳсолаҳо меҳнатро талаб дорад, то заминҳои мазкур ба гардиши хоҷагидорӣ ворид карда шаванд.  

Далели хатари пайваста дар ин кор таркиши 23 ноябр дар наздикии деҳаи Мадагиз мебошад, ки низомиёни Озорбойҷон, Русия ва кормандони Кумитаи ҳолатҳои фавқулоддаи ҷумҳурии эътирофнашудаи Қарабоғи куҳӣ ба он дучор гардиданд. Чунин хатарҳо ҳамарӯза дар сари роҳи сулҳбонҳо, безараргардонҳо ва наҷотдиҳандагон мебошанд.

Ба фурудгоҳҳои шаҳри Ераван рӯзи гузашта беш аз 100 низомии Маркази байналмилалии зиддиминии Вазорати дифои Русия ва 13 адад техникаи низомию махсус интиқол дода шуданд. Муҳандисони ин воҳид имрӯз масири Ереван - Горис – Степанакертро аз назар мегузаронанд.

Воҳидҳои пешоҳанги сапёрҳо аллакай 23 ноябр ба безараргардонии маҳал, роҳ ва иншоот дар Қарабоғи куҳӣ  оғоз карданд. Вазифаи аввалиндараҷа тозасозии мақари низомиён, масири ҳаракати сулҳбонҳо миёни постгоҳҳо ва инффрасохторҳои алоҳида мебошанд.

Танҳо дар як қисмат сапёрҳои Русия ҳудуди 30 минаи зиддитанкиро безарар гардонданд. Тибқи маъмул, лавозимоти кашфшуда дар майдони махсус ё дар ҷои ёфтшуда тарконда мешаванд.

Ба кори вазнин мутахассисони Маркази зиддиминавии артиши Русия тибқи меъёрҳои муқарраркардаи СММ омода карда шуда, дорои техникаи муосир, минаҷӯйҳои ИМП-С2, низомҳои роботии "Уран-6" мебошанд. Дастгоҳҳои муосири ҷустуҷӯ хатар барои ҷони низомиёни Русия дар Қарабоғи куҳиро кам мекунанд, аммо бартараф не.

Мушкилоти амалиёт

Даргириҳои муосири маҳаллию минтақавӣ бо хусусиятҳои хоси истифодаи минаҳо, аз ҷумла қапқонҳои минаӣ, фугасҳои наздироҳӣ ва ва дигар “сюрприз”-ҳо дар минтақаи амалиёти фаврӣ фарқ мекунад.

Ба далели камбуди артишу лавозимот барои ташкили тактикии мудофиа барои мисол дар масофаи беш аз 100 километрии ҷабҳа, ҷонибҳои даргир таваҷҷуҳи асосиро дар минтақаҳои алоҳида мутамарказ мекунанду “холигоҳ”-ҳоро бо мина пур месозанд.

Дар Қарабоғи куҳӣ асосан минаҳои зиддитанкии сохти шӯравӣ ТМ-62, зидди пиёдагардон ПМН-2 истифода шудаанд. Дар зимн харитаи ҷойгиршавии онҳо дар бештари ҳолатҳо ба истилоҳ “сари зону” таҳия мешаванд зиёд гум мешаванд. Зери таъсири табиат майдонҳо минаӣ корношоям мешаванд ва навсозӣ мегарданд.

Эҳтимол майдонҳои минаии ҷадидро ҷонибҳои даргир зуд тоза мекунанд, аммо макони дақиқи ҳамаи миназорҳоро тайи солҳои тӯлонии мухолифат дар минтақа касе намедонад. Мушкили дигар, ин гулӯлаҳои артиллерии нотаркида ва ё монда дар ҳолати ҳарбӣ мебошанд.

Дар замини Қарабоғ ҳазорҳо ашёи тарканда мавҷуд аст. Барои ин даҳсола кори сапёрҳои Русия, ҷалби захоири СММ ва ташкилотҳои башардӯстонаи дигар зарур аст, то минтақа аз ҷанг пок карда шавад.

Қаблан роҳбари Ожонси миллии безараргардонии қаламрави Озорбойҷон аз минаҳо,  (ANAMA) Газанфар Аҳмедов тозасозии пурраи минтақае, ки ба зери назорати Боку газашт, баш аз 10 солро талаб мекунад.

Дар Сурия ҳайати башардӯстонаи Арманистон дар ҳайати 83 нафар тайи 6 моҳи соли 2019 аз мина, бомбаҳои ҳавоӣ ва гулӯлаю дастгоҳҳои дигари тарканда ҳудуди 20 гектарро тоза карда буд.

Таҷрибаи баъдиҷангии безараргардонӣ дар Абхазистон ва Қарабоғи ҷанубӣ далели дигари хеле зиёд будани кор дар Қарабоғ мебошад.

Талоши муштарак

Хадамоти СММ дар масоили тозасозӣ аз мина  (UNMAS)  танҳо дар соли гузашта дар 19 кишвари ҷаҳон, аз ҷумла Ироқ, Сурия ва Афғонистон ҳудуди 495 миллион доллари амрикоиро сарф кард. Шояд қисме аз маблағҳо барои безараргардонӣ дар Қарабоғи куҳӣ равона шаванд.  Ба иттилои UNMAS, ҳайат корашро дар ин ҷо аввали моҳи декабр оғоз мекунад.

Пеш аз ҳама мутахассисон ҳаҷми корҳо дар шароити мураккаби куҳу ҷангал арзёбӣ мекунанд. Ба эҳтимоли зиёд кори муштараки сапёрҳои байналмилалӣ имкон медиҳад, ки гурезаҳо ҳарчи зудтар ба маҳалли иқоматашон баргарданд.

Мавзеъгирии Антониу Гутерриш, дабири кулли СММ низ умедбахш аст, ки гуфт, қатъи даргирӣ имкон медиҳад, ки созмонҳои башардӯстонаи байналмилалӣ ба аҳолии осоишта дастрасӣ пайдо намоянд, ки дар натиҷаи мухолифат зарар диданд. Ӯ ба омодагӣ барои ҳамкорӣ бо Русия дар масъалаи Қарабоғи куҳӣ таъкид намуд.

53
Барчаспҳо:
мина, ҷанг дар Қарабоғ, Қарабоғи Кӯҳӣ, Русия
Туман в Душанбе, архивное фото

Ҳавои беборишу тағирёбанда: дар Душанбе меғ мефарояд

0
(Таҷдидшуда 10:18 27.11.2020)
Ожонсии обуҳавошиносии Тоҷикистон эълон кардааст, ки имрӯз дар ҷумҳурӣ ҳаво тағйирёбандаи бебориш хоҳад шуд

ДУШАНБЕ, 27 ноя – Sputnik. Бино бар иттилои Ожонсии обуҳавошиносӣ, имрӯз дар  шаҳри Душанбе ҳаво тағйирёбандаи бебориш шуда, туман мефарояд. Ҳарорати ҳаво шабона 1+3 дараҷа гарм ва рӯзона 13+15 дараҷа гарм мешавад.

Дар шаҳру ноҳияҳои тобеи марказ низ ҳаво тағйирёбандаи бебориш мешавад.  Дар ноҳияҳо туман мефарояд Ҳаво  дар водиҳо  шабона аз 1 дараҷа хунук то 4 дараҷа гарм ва рӯзона 10+15 дараҷа гарм мешавад.  Дар ноҳияҳои кӯҳӣ ҳаво шабона 1-6 дараҷа хунук ва рӯзона 5+10  дараҷа гарм мешавад.

Дар Вилояти Мухтори Кӯҳистони Бадахшон ҳаво ҳамчунин тағйирёбанда шуда, эҳтимоли бориши нисбатан сусти марҳилавӣ (0-0,5мм) дар назар аст. Ҳаво дар ғарби вилоят   шабона 0-5 дараҷа хунук мешавад. Рӯзона ҳаво  4+9 дараҷа гарм мешавад. Дар  шарқи вилоят  ҳаво шабона 16-21 дараҷа хунук ва рӯзона  4-9   дараҷа хунук мешавад.

Ҳаво дар вилояти Суғд  тағйирёбандаи бебориш шуда, дар баъзе ноҳияҳо туман мефарояд. Ҳаво  дар водиҳо шабона аз 2 дараҷа  хунук то 3 дараҷа гарм ва рӯзона 7+12 дараҷа гарм мешавад. Дар ноҳияҳои кӯҳӣ ҳаво шабона  2-7 дараҷа  хунук ва рӯзона 3+8 дараҷа гарм мешавад.

Дар вилояти Хатлон  ҳаво тағйирёбандаи бебориш шуда, дар ноҳияҳо туман мефарояд.  Ҳаво дар водиҳо шабона 0+5 дараҷа гарм ва рӯзона 12+17 дараҷа  гарм  мешавад. Дар  доманакӯҳҳо ҳаво шабона аз 2 дараҷа хунук  то 3 дараҷа гарм ва рӯзона 3+8  дараҷа гарм мешавад.

0
Барчаспҳо:
ҳаво, меғ мефарояд, Душанбе, Ожонси обуҳавошиносӣ, Тоҷикистон