Глава Духовного собрания мусульман (ДСМ) России муфтий Москвы Альбир Крганов, архивное фото

Муфтии Маскав: дар марзи Афғонистон бо Тоҷикистон гурӯҳи ифротгарои наве шакл мегирад

218
(Таҷдидшуда 13:24 17.10.2017)
Имрӯзҳо дар марзҳои Афғонистон бо Тоҷикистон ва Туркманистон гурӯҳи нави тундраву ифротии "Хуросон" дар ҳоли шакл гирифтан аст, мегӯяд раиси Ҷамъияти динии мусулмонони Русия муфтӣ Албир Қурғонов

ДУШАНБЕ, 17 окт — Sputnik. Муфтии шаҳри Маскав Албир Қурғонов аз хатари ифротгаро шудани муҳоҷирони тоҷикистонӣ дар Русия ва таҳдидҳои гурӯҳи нави теруристие, ки дар марзҳои Афғонистон бо Тоҷикистон ва Туркманистон ташаккул меёбад ҳушдор медиҳад.

"Мутаассифона шоҳиди ифротӣ шудани муҳоҷиронамон ҳастем. Ин раванд чандин далел дорад, ки яке аз онҳо бегумон таблиғоти ифротгароён дар миёни ин шаҳрвандон аст, ки бисёр осебпазиранд", — гуфт муфтӣ Қурғонов дар нишасти расонаӣ дар хабаргузории "Россия сегодня".

Вай гуфт, ки Ҷамъияти динии мусулмонони Русия барои мубориза бо ифротгароӣ дар миёни муҳоҷирон бо Узбакистон ҳамкории ҷиддӣ роҳандозӣ карда, аз ҷон ҷумла бо муфтиёти он кишвар қарордоди ҳамкорӣ имзо шуда ва тарафи узбакӣ ҳам аз ифротгарову терурист шудани шаҳрвандон бо ҳар роҳу чорае пешгирӣ мекунад. Вале Тоҷикистон дар ин замина камкорӣ мекунад, гуфт ӯ.

"Аз Тоҷикистон дар Русия муҳоҷир бисёр аст. Имрӯзҳо дар марзҳои Афғонистон бо Тоҷикистон ва Туркманистон "Хуросон" ном гурӯҳи нави тундраву ифротие дар ҳоли шакл гирифтан аст, ки чандин ҳазор ҷангҷӯ дорад. Бо таваҷҷуҳ ба ин ки, марзи Тоҷикистон бо Афғонистон бисёр осебпазир аст, эҳтимоли ин хатар кам нест, ки он ифротиён бо бисёре аз тоҷиконе, ки дар Русия муҳоҷиранд, пайванд ёбанд. Аз ин рӯ, мо кӯшиш дорем ҳам бо муфтиёти Тоҷикистон ва ҳам бо дигар сохторҳо ҳамкорӣ меҷӯем", — гуфт муфтӣ Қурғонов.

"Аммо, мутаассифона, мусулмонони Русия то кунун аз ниҳодҳои тоҷикӣ таваҷҷуҳ ва посухи муносибе дарёфт накардаанд", — таъкид кард вай.

"Дар ин замина бояд ҳамкорӣ кард ва бояд ниҳодҳои тоҷикӣ худ ба ин масъала таваҷҷуҳ кунанд. Ифротӣ шудани муҳоҷирон ба зиёни мост, заро пеш аз ҳама ба амнияту субот дар ҷомеъа ва кишвари мо хатар дорад. Ин масъаларо ниҳодҳои Тоҷикистон бояд дарк кунанд, аз ин рӯ, сафорату дигар ниҳодҳои он кишвар, ки дар Русия кору кунише доранд, бояд дар ин замина ҷиддитар кор кунанд. То кунун мо чунин коре аз онҳо надидаем", — гила кард Қурғонов.

Вай эҳтимол медиҳад, ки гурӯҳи "Хуросон" ҷойгузини созмони теруристии "Давлати исломӣ" хоҳад шуд.

218
Барчаспҳо:
"вилояти Хуросон", ҳаросафканӣ, ифротгароӣ, гурӯҳи теруристии "Хуросон", Ҷамъияти динии мусулмонони Русия, Албир Қурғонов, Тоҷикистон-Афғонистон
Мавзуъ
“Давлати исломӣ” амири Хуросонро таъин кард
Абдуллоҳ: пуштибонӣ аз Толибон роҳи мубориза бо ДОИШ дар Афғонистон нест
Нерӯҳои ҳавоии Русия дар Сурия як бунгоҳи фармондеҳии ДОИШ-ро нобуд карданд
Толибон: ҳаргиз бо ДОИШ ҳамсӯ намешавем
Сурия Амрикоро муттаҳам ба ҳамдастӣ бо ДОИШ кард
ДОИШ дар Сурия 7 фармондеҳу беш аз 300 ҷангҷӯяшро аз даст дод
ДОИШ масъулияти тирандозӣ дар Лас-Вегасро бар уҳда гирифт
Пуштибонӣ аз Толибон барои Русияву Эрон чи суде дорад?
Национальный банк Таджикистана

Рӯйхати "сиёҳи" Бонки миллӣ нав шуд: киҳо ва кадом созмонҳо шомиланд

996
(Таҷдидшуда 10:18 29.05.2020)
Теъдоди умумии афроде, ки дар иртибот бо терророризм ва ифротгароӣ гумонбар мешаванд, давоми соли ахир қариб ду баробар зиёд шудааст

ДУШАНБЕ, 29  май — Sputnik. Дар Тоҷикистон рӯйхати шахсони воқеӣ ва ҳуқуқӣ, ки бо терроризм алоқаманданд, нав карда шуд, хабар медиҳад Департаменти мониторинги молиявии Бонки миллии Тоҷикистон.

Ҳамин тариқ, шумораи умумии афрод, ки дар робита бо террористон ва экстремист гумонбар мешаванд, нисбати соли гузашта қариб ду баробар зиёд шудааст. Агар як сол пеш 1356 нафар ба қайд гирифта шуда бошад, пас дар ҳоли ҳозир - 2647 нафар аст.

Моҳи апрели соли гузашта ин рӯйхат ду қисм, нахуст афроди воқеие, ки аз ҷониби Тоҷикистон ҳамчун “шахсони бо терроризм алоқадошта” ва дуввум “шахсони бо ифротгароӣ дастдошта” ҷудо шуда буд

Ҳамакнун, танҳо як рӯйхат вуҷуд дорад, ки ба он 15 созмону ташкилотҳои террористӣ ва экстремистиро, ки дар Тоҷикистон манъ карда шудаанд, шомиланд, ки аз ин қабиланд:

"Ал-Қоида", "Ихвон ул-Муслимин (Бародарони мусалмон)", "Лашкари-Тайиба", "Ҳаракати Толибон", "Ҳаракати исломии Ӯзбекистон", "Давлати исломии Ироқу Шом", "Ҷабҳат ан-Нусра", "Ҷамоати Ансоруллоҳ", "Ҳизби наҳзати исломии Тоҷикистон", "Ҷамъияти Исломӣ", "Паймони миллии Тоҷикистон", "Ҷамъияти Таблиғ", "Даъват ба ислом", "Тоҷикистони озод", "Гурӯҳи 24".

Қаблан Бонки миллии Тоҷикистон дар як баёнияи худ эълон кард, ки рӯйхати шахсони ба терроризм алоқамандро Бонк тартиб намедиҳад, чунки он аз ҷониби мақомоти дахлдоре, ки бар зидди терроризм мубориза мебрад муайян карда мешавад.

“Тартиб додани рӯйхати шахсони бо терроризм алоқаманд дар салоҳияти Бонки миллии Тоҷикистон нест”, - зикр намудааст бонки миллии Тоҷикистон.

Ҳамзамон БМТ қайд намудааст, ки Тартиб мутобиқи талаботҳои Қатъномаҳои Шурои Амнияти Созмони Милали Муттаҳид (ША СММ), Гурӯҳи тадбиқи чораҳои молиявӣ (ФАТФ), қонунҳои Ҷумҳурии Тоҷикистон “Дар бораи мубориза бар зидди терроризм” ва “Дар бораи муқовимат ба қонунигардонии (расмикунонии) даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом” ба роҳ монда шудааст.

 

996
Открытие нового здания хирургии в районе Шахристан, архивное фото

Талоши табибони Исфара барои ҳифзи саломатии Шукрона, ки дар марз тир хурд

557
(Таҷдидшуда 19:35 28.05.2020)
Табибони бемористони марказии шаҳри Исфара талош доранд, дар пайи роҳандозӣ намудани ҷарроҳӣ захмҳои аз тир бардоштаи Шукрона Шароповаро тадовӣ кунанд

ДУШАНБЕ, 28 май – Sputnik. Ба гуфтаи манобеъ, Шаропова аз дирӯз ба ин тараф дар шуъбаи эҳёгарии бемористон қарор дорад ва дар назар аст табибони шаҳри Исфара барои наҷоти ӯ аз захми тир имрӯз то пагоҳ амалиёти ҷарроҳиро ба иҷро расонанд.

Бино ба хабари расмӣ Шукрона Шаропова (Муътабархонуми Зуҳриддин) сокини 25 солаи маҳаллаи Қақири ҷамоати деҳоти Чоркӯҳ мебошад, ки дирӯз соати 11:55 дақиқа аз сӯи шаҳрванди Қирғизистон дар марз аз зарби тир маҷруҳ шуд.

Ба иттилоъи манобеъи Sputnik Тоҷикистон ин ҷавонзани тоҷик аз ноҳияи рости тахтапушташ захмин шудааст. Маркази матбуоти Қӯшунҳои сарҳадии Кумитаи давлатии амнияти миллии Тоҷикистон низ дирӯз бо нашри як изҳорот рухдоди тирпарронӣ дар марзро шарҳ дода, гуфтааст, ки дар ин кор шаҳрванди Қирғизистон Бахтибеков Соат, сокини деҳаи Куктоши ҷамоати деҳоти Оқсой муқассир аст.

"Ин амали иғвоангезонаи сокини ҶҚ нишонаи кӯшиши ба таври сунъӣ ноором кардани вазъият дар хати сарҳади давлатӣ арзёбӣ мегардад, ки метавонад вокуниши ҷавобиро аз ҷониби сокинони наздисарҳадӣ дар ин минтақаи ҳассос барангезад", - омадааст дар иттилоия.

Баъди рухдоди ҳодиса, дирӯз мақомоти расмии ду давлат дар ҷойи ҳодиса қарор дошта, барои мушаххас намудани ҷузъиёти қазияи бамиёномада миёни аҳолӣ корҳои фаҳмондадиҳӣ гузаронидаанд.

Шукрона Шаропова ҳоло дуюмин нафарест, дар сарҳади миёни Исфара бо Қирғизистон захмин шуда ва зери тадовии духтурон қарор дорад. Қушунҳои сарҳадии КДАМТ рӯзи 24-уми май аз захмин шудани пойи сарбози қаторӣ Зоиров Давлатёр Миронбекович, соли таваллудаш 2001 дар пайи як муноқиша бо сарҳадбонони қирғиз дар ҳудуди деҳаи Пули Офтобрӯяи ҷамоати деҳоти Ворухи шаҳри Исфара хабар дода буд.

Вышка на пограничном посту Максат в Лейлекском районе Баткенской области.
© Фото / пресс-служба правительства / Алишер Алиев

Бар пояи иттилоъи мақомоти Тоҷикистон, ин муноқиша тавре рух додааст, ки шуморе аз қирғизҳо бар хилофи созишномаҳои қаблан ба имзо расида вориди минтақаи то ҳол аломатгузоринашудаи қаламрави Тоҷикистон шуда, бо сокинони наздимарзии шаҳри Исфара ҷанҷол барангехтаанд.

"Ҷониби қирғиз ба ҷойи риояи иҷрои созишномаҳои дуҷониба, ки аломатгузориро дар минтақаҳои баҳснок мушаххас мекунад, ба маҳалли ҳодиса қувваҳои иловагии сарҳадбононро сафарбар карда, ба сӯи сокинони бесилоҳи деҳаи Пули Офтобрӯя аз яроқи оташфишон тирпаронӣ намуд. Дар натиҷаи тирпаронии сарҳадбонони қирғиз, сарбози қаторӣ Зоиров Давлатёр Миронбекович, соли таваллудаш 2001 аз пояш захм бардоштааст", - омадааст дар изҳороти КДАМ.

Ба иттилоъи манобеъи Sputnik Тоҷикистон, ҳоло вазъи саломатии ин сарбози тоҷик хуб шуда, ӯ аз шуъбаи эҳё ба шуъбаи осебшиносии бемористон интиқол ёфтааст. Ҳоло ин чандумин мавриди захминшавии сокинон дар муноқишаҳои чанд вақти охир дар марзи Тоҷикистону Қирғизистон ба ҳисоб меравад.

Фазлиддин Фозилови 37 сола ҳам яке дигар аз сокинони ҷамоати Чоркӯҳ аст, ки то рухсат шудан ба манзилаш, чанд рӯзро барои тадовии захмҳояш дар бемористон сипарӣ кард. Ӯ дар муноқишаи марзии рӯзи 8-уми май аз тири яроқи шикории марзбонони қирғиз захм бардошта ба бемористон интиқол дода шуд.

Дар ин рӯз ба ҳисоби Фозилов, Аёмиддин Шарипов сокини 49 солаи Чоркӯҳ ҳам ҳадафи сангпартоии қирғизҳо қарор гирифту чанд ҷои сараш аз зарби сангандозии қирғизҳо лат бардошт ва баъди интиқолёбӣ дар бемористон осори санг дар баданаш бартараф шудааст.

Тавре қаблан, Иқбол Тешаев, сухангӯи ҳукумати шаҳри Исфара дар суҳбат ба Sputnik Тоҷикистон гуфта буд, ин ихтилоф дар марз бо қирғизҳо дар ҳоле сар мезанад, ки сокинони маҳаллаи Чеки ноҳияи Бодканд "худсарона ва дидаву дониста" ба марзи Тоҷикистон, заминҳои саҳроии маҳаллаи Қуммазори ҷамоати деҳоти Чоркӯҳ ворид шуда, 60 сотих замини як қитъаи 4 гектараро, ки ҷуворимакка кишт шуда буд, ғасб кардаанд.

Дар идомаи муноқиша, ба қавли ҳамсӯҳбати мо, тақрибан соати 17. 05 – и бегоҳии рӯзи 8 май, аввалан миёни сокинони маҳаллаҳои наздисарҳадӣ ҷанҷоли лафзӣ сурат гирифт, ки баъдан ба сангпартоӣ табдил ёфт ва дар натиҷа Саймиддин Шаропов аз сар ҷароҳати сахт бардошта, ба шифохона интиқол ёфт.

"Аммо дар як фурсати кам зиёда аз 80 сокини ноҳияи Бодканд таҳти пуштибонии неруҳои марзбонии Қирғизистон ва 10 милитсионери қирғиз муноқишаро тақвият бахшида, бо истифода аз силоҳи шикорӣ ба сӯи сокинони Қуммазори Исфара тир кушоданд. Дар натиҷа Фазлиддин Фозилов ҷароҳати вазнин бардошта, ба беморхонаи шаҳри Исфара интиқол дода шуд”, - гуфта буд, Иқбол Тешаев.

Тайибаю Шукрона ҳамсинфони ҳамтақдир: ҳар ду дар марз тир хурдаанд.

Аммо тирхурии Шукрона дар пайи муноқишаи марзӣ дар ҳолест, ки ахиран Тайиба Сафарова, як ҷавонзан ва ҳамсинфи мактабии ӯ низ дар моҳи декабри соли 2019 аз тири шикории ҷониби қирғизҳо маҷрӯҳ шуда буд.

Дар шарҳи ҳодисаи захминшавии ин сокини он замон 24 солаи деҳаи Сомониёни ҷамоати Чоркӯҳи Исфара мақомот гуфта буданд, ки "Тайиба Сафарова тақрибан соати 9:45 дақиқа аз хона барои овардани об баромада, ҳадафи тири камони шикорӣ қарор гирифтаст. Тир аз хонаи Файзулло Назаров, сокини деҳаи Қоқ-тоши Қирғизистон холӣ карда шудаст".

Тайиба Сафарова ҳамроҳ бо Шукрона Шаропова дар мактаби таҳсилоти миёнаи умумии № 25 и ҷамоати Чоркӯҳ таҳсил кардаанд. Аз он замон то ин ҷониб рухдоди муноқишаҳои марзиро як амали иғвобарангезонаи ҷониби қирғизҳо маънидод мекунанд.

Тоҷикистону Қирғизистон ду ҳамсоякишвар, ки то ба ҳол ба тақсими одилонаи хатти марз комёб нашудаанд. Даҳҳо километри марз миёни ин ду кишвар то ба ҳол муайян ва аломатгузорӣ нашуда боқӣ мондааст. Чунин номуайянӣ, то ин дам ба рухдоди муноқишаву танишҳо бар сари тақсими замину об дар марз боис шудааст.

557
Барчаспҳо:
саломатӣ, Исфара, марз, тир, Хуҷанд
Мавзуҳо:
То кай?: танишҳои марзӣ миёни Тоҷикистону Қирғизистон

Омори 7 рӯзи охири баҳор дар Хуҷанд: тасфу “илтиҳоби шуш” кам шудааст

0
(Таҷдидшуда 00:51 03.06.2020)
Маркази ёрии таъҷилии тиббии шаҳри Хуҷанд, омори табъи баланду хуруҷи бемории “илтиҳоби шуш” дар охирин рӯзҳои фасли баҳорро ироа кард

ДУШАНБЕ, 2 июн – Sputnik. Мирзонабӣ Мирзоҳошимов, сартабиби Маркази ёрии таъҷилии тиббӣ дар шаҳри Хуҷанд дар суҳбат ба Sputnik Тоҷикистон гуфт, рӯзҳои охири фасли баҳор, мавридҳои баландшавии ҳарорати бадан ва хуруҷи "илтиҳоби шуш" дар миёни сокинон коҳиш ёфтааст.

"Давоми як ҳафта, яъне аз рӯзи 25 то 31 - уми май дар умум ба сатансияҳои Маркази ёрии таъҷилии тиббии шаҳри Хуҷанд 52 муроҷиати сокинон бо аломатҳои бемории "илтиҳоби шуш" ба қайд гирифта шудааст. Дар ин шумор занону мардон қариб, ки баробар буда, ҳамаи онҳо барои табобат ба беморхонаи клиникавии Суғд интиқол дода шудаанд", - гуфт Мирзоҳошимов.

Бино ба иттилои сартабиб, давоми ҳафт рӯзи охири баҳори имсол ҷамъан 746 сокин аз ду тарфи соҳили дарёи Сир дар Хуҷанд бо аломатҳои мухталифи беморӣ аз ҷумла фишорбаландӣ, шамолхӯрдагӣ ва бемориҳои қанду қалбӣ барои расонидани ёри фаврии тиббӣ ба онҳо муроҷиат кардаанд, ки аз ин шумор бештар аз 120 ҳолати нотобшавиҳо аз баландшавии табъ будааст.

Мирзонабӣ Мирзоҳошимов зикр намуд, ки аз рӯи муроҷиати сокинон, мушоҳида мешавад, ки дар рӯзҳои нахустини фасли тобистон суръати сироятёбӣ ба "илтиҳоби шуш" назар ба моҳҳои фасли баҳор хеле поён поён рафтааст.

"Рӯзҳои аввали моҳи май то 70 – 80 нафар муроҷиати сокинон танҳо бо ҳолати баландшавии тасф ва гирифторӣ ба бемории "илтиҳоби шуш" дар як шабонарӯз ба қайд гирифта мешуд. Хушбахтона дар оғози фасли тобистон сабти ин қабил маризӣ дар миёни сокинони шаҳр то ба 8 – 10 ҳолатӣ кам шудааст", - иброз намуд сартабиб.

Сартабиби Маркази ёрии таъҷилии тиббӣ мегӯяд, ба роҳ мондани табобати бемории илтиҳоби шуш дар марказҳои саломатӣ дар маҳалҳо ва ҳам гузаронидани корҳои тарғиботии пешгирии бемориҳои сироятӣ  ба коҳишёбии шиддати авҷи ин маризӣ таъсири амиқ расонидааст. Аммо табибон таъкид меварзанд, ки ки барои пурра нобуд шудани "илтиҳоби шуш" боз ҳам нақши сокинон муҳим ва  минбаъд ҳам набояд риояи гигиенаи тиббӣ сарфи назар шавад.

Маркази ёрии таъҷилии тиббии Хуҷанд ҳоло аз 15 бригада ва беш аз 80 табибу ҳамшираву ронанда иборат буда, онҳо ба аҳолии наздик ба 185 ҳазор нафараи маркази вилояти Суғд ёрии тиббӣ мерасонанд.

0
Барчаспҳо:
мошин, ёрии таъҷилӣ, Тоҷикистон