Представитель Армении генерал-полковник Юрий Хачатуров, архивное фото

СПАД аз таҳдидҳои Толибону ДОИШ ба Тоҷикистон ҳушдор медиҳад

97
(Таҷдидшуда 13:36 20.10.2017)
Дар шимоли Афғонистон камобеш 7 ҳазор ҷангҷӯи гурӯҳҳои теруристии "Толибон" ва "Давлати исломӣ" ҷамъ омадаанд, ҳушдор медиҳад дабири кулли Созмони Паймони амнияти дастҷамъӣ Юрий Хачатуров

ДУШАНБЕ, 20 окт — Sputnik. СПАД пешбинӣ мекунад, ки бо фаро расидани баҳор таҳдидҳои теруристӣ аз шимоли Афғонистон ба марзҳои ҷанубии қаламрави дифоъии ин созмон бештар хоҳад шуд, гуфт дабири кулли СПАД Юрий Хачатуров.

Вай таъкид кард, ки СПАД бояд барои пешгирӣ аз вуруди онҳо ба қаламрави худ омода бошанд.

"Дар шимоли Афғонистон нерӯҳои бисёру ҷиддии "Толибон" ҷамъ омада истодаанд. Афзун бар он, ҷангҷӯёни "Давлати исломӣ" (ДОИШ — созмони теруристии мамнуъшуда дар Русия ва Тоҷикистон) низ онҷо камин гирифтаанд. Теъдодашонро мо камубеш 7 ҳазор ҷангҷӯ баровард кардаем. Ин падидаро бояд бисёр ҷиддӣ гирифт", — гуфт Хачатуров дар ҳамоиши ҷавонони СПАД дар Белград.

Вай гуфт, ҳамакнун кӯҳсори Тоҷикистон барфпӯш шудаанд ва "теруристҳо наметавонанд онҷо коре аз пеш бибаранд".

"Вале то фаро расидани баҳор бояд омода буд. аз ин рӯ, мо дар ин рӯзҳо размоишҳо баргузор мекунем то душман бидонад, ки агар хоста бошад ба қаламрави Ҷумҳурии Тоҷикистон, ки узви СПАД аст, тохт оварад, мо омода ҳастем онро пас бизанем ва шикасташ бидиҳем", — таъкид кард Хачатуров.

Ёдоварӣ мекунем, ки чанде пеш дар шаҳри Душанбе нишасти Шурои вазирони дифоъи кишварҳои ҳамсуд баргузор шуда буд. Дар ин нишаст вазири дифоъи Русия аз вазъ дар марзи Тоҷикистон бо Афғонистон нигаронӣ кард. Гуфта мешавад, ки ин авохир ҷангҷӯёни шикастхӯрдаи ДОИШ аз Сурия ва Ироқ ба Афғонистон мегурезанд.

97
Барчаспҳо:
теруризм, таҳдид, амният, ДОИШ, Толибон, СПАД, Юрий Хачатуров, Тоҷикистон-Афғонистон
Мавзуъ
Абдуллоҳ: пуштибонӣ аз Толибон роҳи мубориза бо ДОИШ дар Афғонистон нест
Пуштибонӣ аз Толибон барои Русияву Эрон чи суде дорад?
Толибон: ҳаргиз бо ДОИШ ҳамсӯ намешавем
Кишварҳои ИДМ Роҳкори муқобила бо сармоягузории теруризмро тасвиб карданд
Вазирони хориҷаи кишварҳои узви СПАД барои пайкор бо теруризм баёния тасвиб карданд
Пистолет

27 ҳазор сомонӣ - хариди таппонча бо садохомӯшкунак дар Хуҷанд-видео

1214
(Таҷдидшуда 21:30 19.06.2020)
Вазорати умури дохилии Тоҷикистон аз боздошти марди 57-сола дар шаҳри Хуҷанд хабар додаст, ки дар фурӯши силоҳи ҷангӣ муттаҳам мешавад

ДУШАНБЕ, 19 июн — Sputnik.  Тибқи гузориши ВУД Тоҷикистон, дар пайи як амалиёти шартӣ аз марди муттаҳам ба ивази 27 ҳазор сомонӣ таппончаи Макаров бо таҷҳизоти садохомӯшкунак харида шуд.

Муайян гардид, ки муттаҳами 57-сола, зодаи шаҳри Конибодом ва сокини шаҳри Хуҷанд, санаи 25-уми майи соли равон аз афроди номаълум таппончаро гирифтааст.

ВУД таъкид кард, ки шахсияти айбдоршаванда ба далели халал нарасондан ба тафтишот феълан ифшо намешавад.

Мирвосид Давлатализода, муфаттиши мақомот, дар гузориш изҳор дошт, ки таппончаи мусодирашуда, соли истеҳсолаш 1987 буда, коршоям мебошад.

ВУД афзуд, ки феълан истифодаи силоҳи ҷангии мазкур дар дигар ҷиноятҳо ташхис мешавад.

1214
Барчаспҳо:
қочоқи нафт, силоҳ, Тоҷикистон
Генерал-лейтенанти милитсия Аламшозода Абдураҳмон Аламшо, муовини якуми вазири корҳои дохилӣ, сардори РВКД дар ВМКБ

Баррасии гирдиҳамоиҳо дар ҷаласаи оперативии Ситоди таъмини амният дар ВМКБ-видео

5549
(Таҷдидшуда 17:16 19.06.2020)
Гирдиҳамоиҳо, ки чанд рӯзи қабл дар ноҳияи Рӯшон сурат гирифтанд, яке аз мавзӯъҳои меҳварии ҷаласаи оперативии Ситоди байниидоравии таъмини амният дар ВМКБ таҳти раёсати генерал Абдураҳмон Аламшозода буданд

ДУШАНБЕ, 19 июн — Sputnik.  Генерал Абдураҳмон Аламшозода, сардори Ситоди байниидоравии таъмини амнияту тартибот дар ВМКБ, зимни ҷаласаи оперативӣ-хизматӣ таъкид кардааст, ки маъмурин бо мардум хушмуомила бошанд.

Тибқи гузориши телевизиони “Бадахшон”, Ситоди байниидоравии таъмини амнияту тартибот минбаъд низ фаъолияташро дар вилоят идома хоҳад дод.

Манбаъ афзуд, ки дар ҷаласаи оперативӣ масъалаи гирдиҳамоиҳои ғайриқонунӣ, тартибот дар роҳҳо, пешгирии фурӯши нӯшокиҳои ғайристандартӣ ва дигар масъалаҳо баррасӣ шуданд.

Бар асоси гузориши ТВ Бадахшон, Ситоди байниидоравии таъмини тарбтибот, аз фаъолону зиёиён даъват кардааст, ки ҷавононро бо роҳи дуруст ҳидоят намоянд, аз таъсири гуруҳҳои манфиатҷуӯй, иштирок дар гирдиҳамоӣ ва даст задан ба бетартибиҳо пешгирӣ намоянд.

Анҷоми ҳамоишҳо дар Рӯшон

Баррасии ин масоил аз ҷониби Ситод дар ҳолест, ки ҳамоиши ахир дар пайи боздошти Ёдгор Ғуломҳайдаров ва ҳамроҳаш дар Рӯшон сурат гирифт, ки ба иддаои гуруҳи сокинони Рӯшон, рабте ба қазияи қочоқи маводи мухаддир надоранду тайи чанд соати боздошт латукӯб шудаанд.  Гуруҳи эътирозгарон боздоштшудаҳоро озод карда, тайи чанд рӯз даст ба ҳамоиши эътирозӣ зада буданд.

Феълан сокинон мегӯянд, ин қазия бо он, ки гуруҳи наздик ба 10-нафарӣ барои нақзи тартибот ҷаримабандӣ мешаванд, анҷом ёфт. Дар мавриди муҷозоти маъмурине, ки ба иддаои бархе сокинон даст ба латукӯб задаанд, феълан иттилое ироа нашудааст.

Мақомоти Тоҷикистон расман ин қазияро шарҳ надоданд, танҳо котиботи ҳукумати ВМКБ қаблан эътироз дар Хоруғ дар ҳамраъйӣ бо сокинони Рӯшонро рад карда, наворе нашр намуда буд.

5549
Барчаспҳо:
Рӯшон, Тоҷикистон, ҳамоиш, ВМКБ, телевизион, гузориш
Девушка с зонтиком

Ҳавои камабру бебориш: гармӣ дар пойтахти Тоҷикистон то 36 дараҷа мерасад

0
(Таҷдидшуда 10:48 02.07.2020)
Маркази обуҳавошиносии Тоҷикистон хабар додааст, ки имрӯз дар ҳудуди ҷумҳурӣ ҳаво камабру бебориш мешавад

ДУШАНБЕ, 2 июл — Sputnik. Бино бар иттилои Ожонсии обуҳавошиносии Тоҷикистон, дар шаҳри Душанбе ҳаво камабри бебориш мешавад. Ҳаво шабона 16+18  ва  рӯзона 34+36 дараҷа гарм мешавад.

Дар шаҳру ноҳияҳои тобеи марказ ҳаво тағйирёбанда шуда, эҳтимоли бориши нисбатан сусти марҳилавӣ дар назар аст. Ҳаво  дар водиҳо  шабона 15+20 ва рӯзона 32+37 дараҷа гарм мешавад.  Дар ноҳияҳои кӯҳӣ ҳаво шабона 10+15 ва рӯзона 25+30 дараҷа  гарм мешавад.

Дар Вилояти Мухтори Кӯҳистони Бадахшон бошад ҳаво камабр  ва тағйирёбанда шуда, эҳтимоли борони кӯтоҳмуддат дар назар аст. Ҳаво дар ғарби вилоят   шабона 10+15 ва рӯзона 24+29 дараҷа гарм  мешавад. Дар  шарқи вилоят  ҳаво шабона аз 0+5 дараҷа гарм ва рӯзона 13+18 дараҷа гарм мешавад.

Ҳаво дар вилояти Суғд камабр ва тағйирёбанда шуда, дар баъзе ноҳияҳо эҳтимолияти боришоти нисбатан сусти марҳилавӣ дар назар аст.   Ҳаво  дар водиҳо шабона 18+23 ва рӯзона 29+34 дараҷа гарм  мешавад. Дар ноҳияҳои кӯҳӣ ҳаво шабона 6+11 ва рӯзона 20+25 дараҷа гарм мешавад.

Дар вилояти Хатлон ҳаво камабри бебориш мешавад. Ҳаво дар водиҳо шабона 19+24 ва рӯзона 35+40 дараҷа гарм мешавад. Дар  доманакӯҳҳо ҳаво шабона 15+20 ва рӯзона 27+32 дараҷа гарм мешавад.

 

0
Барчаспҳо:
гарм, гармо, бебориш, камабр, обу ҳаво, Ожонси обуҳавошиносӣ, Тоҷикистон