Остона. Акс аз бойгонӣ

Дабирони шуроҳои амнияти Тоҷикистону Қазоқистон авзоъи Афғонистонро баррасӣ карданд

17
(Таҷдидшуда 17:07 26.10.2017)
Тоҷикистону Қазоқистон қарор доданд, ки аз ин пас таҷрубаашон дар заминаи амнияти иттилоъотиро бо якдигар табодул кунанд ва мулоқоти кории коршиносони амниятии ду кишварро баргузор кунанд

ДУШАНБЕ, 26 окт — Sputnik. Дабири Шурои амнияти Тоҷикистон Абдураҳим Қаҳҳоров ва ҳамтои қазоқаш Владимир Ҷумъахонов дар дидору ройзании дуҷониба роҳу чораҳои мубориза бо теруризм, қочоқи маводи мухаддир ва авзоъ дар Афғонистонро баррасӣ карданд.

Дар ин ройзанӣ бархе аз масъулини ниҳодҳои давлатии ду кишвар низ ширкат доштанд.

"Дар ин дидор роҳу чораҳои густариши ҳамкориҳои Қазоқистону Тоҷикистон дар заминаи мубориза бо теруризму ифротгароии динӣ, пешгирӣ аз муҳоҷирати қонуншиканона баррасӣ шуданд. Ҳамчунин тарафҳо авзоъи низомиву сиёсии Афғонистон ва роҳу чораҳои рӯёрӯӣ бо таҳдидҳо аз он кишварро баррасӣ карданд", — гуфта мешавад дар иттилоъияе, ки дафтари иттилоърасонии раисҷумҳури Қазоқистон мунташир кардааст.

Дабирони шуроҳои амнияти ду кишвар ҳамчунин бар зарурати ҳамкорӣ дар мубориза бо табаҳкориҳои созмонёфтаи фаромарзӣ ва гардиши қонуншиканонаи маводи мухаддир таъкид карданд.

Ин ниҳодҳо қарор доданд, ки аз ин пас таҷрубаашон дар заминаи амнияти иттилоъотиро бо якдигар табодул кунанд ва мулоқоти кории коршиносони амниятии ду кишварро баргузор кунанд.

Чанде пеш Аҳад Мукашев, муовини мудии иҷроии Сохтори минтақаии подҳаросафкании (СМП) Созмони ҳамкории Шонгҳой, гуфта буд, ки гурӯҳҳои теруристии Ховари Наздик ва Афғонистон ҳарчанд талафоти сангин додаанд, вале тавони размиашонро нигаҳ доштаанд.

Вай гуфта буд, ки СМП ин арзёбии коршиносони байналмилалиро мепазирад, ки гурӯҳҳои теруристии фаъол дар Ховари Наздик ва Афғонистонро "таҳдиди аслӣ ба ҷаҳони имрӯз ва амнияти байналмилалӣ" мешуморанд.

"Ин гурӯҳҳо ҳарчанд талафоти сангин додаанд, аммо тавони размиашонро нигаҳ доштаанд ва омода ҳастанд ҳамалаҳои теруристиро чи дар он минтақа чи берун аз он барномарезӣ ва роҳандозӣ кунанд", — гуфта буд Мукашев.

17
Барчаспҳо:
подҳаросафканӣ, ифротгароӣ, теруризм, Шурои амният, Владимир Ҷумъахонов, Абдураҳим Қаҳҳоров, Тоҷикистон-Қазоқистон-Афғонистон
Мавзуъ
Кишварҳои ИДМ Роҳкори муқобила бо сармоягузории теруризмро тасвиб карданд
Вазирони хориҷаи кишварҳои узви СПАД барои пайкор бо теруризм баёния тасвиб карданд
Додгоҳ як шаҳрванди Узбакистонро ба иттиҳоми теруризм боздошт кард
Додгоҳи Маскав се тоҷикро ба иттиҳоми теруризм боздошт кард
Гутерриш вазирони тоҷику узбаку қирғизу қазоқро дар мубориза бо теруризм ҳамдаст кард