Шералӣ Мирзо: Нерӯҳои мусаллаҳи ҶТ тавони пас задани ҳамлаи ДОИШ-ро доранд

© SputnikМинистр обороны РТ Шерали Мирзо на полигоне Фахрабад
Министр обороны РТ Шерали Мирзо на полигоне Фахрабад - Sputnik Тоҷикистон
Обуна шудан
Нерӯҳои низомӣ ва интизомии Тоҷикистон тавони размии басанда барои посух додан ба таҳдидҳои гурӯҳи теруристии "Давлати исломӣ" аз сӯи Афғонистонро доранд

ДУШАНБЕ, 17 ноя — Sputnik. Гурӯҳи ҳаросафкани "Давлати исломӣ" қасд дорад вазъи сиёсиву иҷтимоъии Афғонистонро бесубот карда дар он кишвар пойгоҳ бигирад, гуфт вазири дифоъи Тоҷикистон Шералӣ Мирзо.

"Рухдодҳои моҳҳои ахир гувоҳ бар ин аст, ки ДОИШ ва дигар гурӯҳҳои тундрав бо истифода аз ҳаргуна василаву имконе вазъи сиёсиву иҷтимоъии Афғонистонро ноамну бесубот мекунанд ва бо ин равиш мехоҳанд дар қаламрави он кишвар пойдор шаванд", — гуфт вай дар маросими поёни размоиши Нерӯҳои муштараки СПАД дар Тоҷикистон.

Ба гуфти Шералӣ Мирзо, муҳимтарин мавзуъ барои Тоҷикистон ҳамакнун тағйиру таҳаввули вазъи сиёсиву низомӣ ва амниятӣ дар Афғонистон ва асару таъсири он бар амният дар кишварҳои Осиёи Марказӣ аст.

Чрезвычайный и полномочный посол Российской Федерации в Республике Таджикистан Игорь Лякин-Фролов - Sputnik Тоҷикистон
Сафири Русия аз ҳамлаи теруристҳо аз Афғонистон ба Тоҷикистон ҳушдор дод

"Бо таваҷҷуҳ ба бархе аз авомил, хатароту таҳдидҳои аслӣ ба амнияти ин кишварҳо аз сӯи Афғонистон аст, ки имрӯзҳо дар вилоятҳои шимолии он кишвар ҷангҷӯёни созмонҳову ҷунбишҳои тундраву теруристӣ ҷамъ омада ва тамаркуз меёбанд", — тавзеҳ дод вай.

"Аммо нерӯҳои низомӣ ва интизомии Тоҷикистон тавони размии басанда барои посух додан ба таҳдиду ҳамлаҳоро доранд", — таъкид кард вазири дифоъ.

Имрӯз дар Тоҷикистон марҳилаи ниҳоии размоиши Нерӯҳои муштараки зудвокуниши Созмони Паймони амнияти дастҷамъӣ "Бародарии размӣ — 2017" ба поён расид.

Дар ин размоиш, ки ҳамзамон дар панҷ размоишгоҳи Вазорати дифоъи Тоҷикистон наздик ба марз бо Афғонистон баргузор шуд, равишҳои ҷангу набард бо корбурди ҷангафзорҳои сангин, ҳавопаймоҳо ва нерӯҳои падофанди ҳавоӣ тамрин шуданд.

Марҳилаи ниҳоии ин размоиш дар размоишгоҳи "Ҳарбмайдон" баргузор шуд ва дар он нерӯҳои ҳавоӣ ва тӯпхона, аз ҷумла сомонаи пешрафтаи мушакии "Искандар", ба кор бурда шуданд.

Дар ин размоиш беш аз 5 ҳазор сарбозу афсар аз Арманистон, Белорус, Қазоқистон, Қирғизистон, Русия ва Тоҷикистон ширкат кард ва 60 ҳавопаймову чархбол, беш аз 1500 ҷангафзори сабуку сангин, аз ҷумла сомонаи мушакии "Искандар", 40 ҳавопаймо, аз ҷумла бумбафканҳои Су-24М, ҷангандаҳои Су-25СМ, ҳавопаймоҳои таробарии Ан-124 ва чархболҳои низомии Mи-8 ва Mи-24 ва паҳподҳо (ҳавопаймоҳои ҳидоятшаванда аз дур) ба кор бурда шуд.

Лентаи хабарҳо
0