Советник президента Афганистана по национальной безопасности Ханиф Атмар, архивное фото

Афғонистон аз Русия ёрӣ хост то ДОИШ-ро саркӯб кунад

158
(Таҷдидшуда 19:04 23.11.2017)
Дар дидори дабири Шурои амнияти Русия Николай Патрушев ва мушовири амниятии раисҷумҳури Афғонистон Муҳаммадҳаниф Атмар бар ҳамкории ду кишвар дар мубориза бо ДОИШ таъкид шуд

ДУШАНБЕ, 23 ноя — Sputnik. Дар ин дидор, ки имрӯз дар Маскав баргузор шуд, Николай Патрушев ва Муҳаммадҳаниф Атмар роҳу чораҳои густариши равобити ду кишвар дар заминаҳои амниятӣ, мубориза бо теруризм ва ҳамкориҳои фаннӣ — низомиро баҳсу баррасӣ карданд.

Дафтари дабири Шурои амнияти Русия эълом карда, ки пештар ду кишвар дар мавзуъҳои густариши равобити иқтисодӣ, низомӣ ва мубориза бо теруризм ба тавофуқоте расида буданд ва дар ин дидор заминаи иҷроии онҳо низ баррасӣ шуд.

Атмар дар ин дидор хостори ройзании раҳбарони созмонҳои амниятиву иттилоъотии Русия ва кишварҳои Осиёи Марказӣ шуд.

"Мубориза бо теруризм ва қочоқи маводи мухаддирро наметавон бе ҳамкории созмонҳои иттилоъотӣ амалӣ кард. Мо чунин ҳамкориеро ҳам дар сатҳи дуҷониба ва ҳам чандҷониба пешниҳод додем", — гуфт вай пас аз дидор бо Патрушев.

Ба гуфти ӯ, Кобул ҳамчунин хостори баргузории ҳамоиши раҳбарони созмонҳои амниятиву иттилоъотӣ ё дар Афғонистон, ё дар яке аз кишварҳои Осиёи Марказӣ аст то ин масоилро баҳсу баррасӣ кунанд.

"Оқои Патрушев ва дигар ширкаткунандагон дар ин ҷаласа аз ин пешниҳод истиқбол карданд. Қарор шуд, ки мо ин пешниҳодро ба сурати катбӣ ироя диҳем то ҷузъиёташ баррасӣ шавад. Ин иқдом ҳануз дар мароиҳи оғозинаш аст, вале Афғонистон омода аст дар ин замина ҳамкорӣ кунад", — тавзеҳ дод Атмар.

Вай ҳамчунин афзуд, ки "Афғонистон иттилоъоти муҳимме дар бораи фаъолияти теруристҳо ва роҳу равишҳои сарбозгириву баргузории амалиёти интиҳорияшон дар ихтиёри созмонҳои амниятии Русия ва кишварҳои Осиёи Марказӣ қарор додааст".

Чанде пеш Муҳаммадашраф Ҳайдарӣ, раиси Идораи умури сиёсӣ ва барономарезии роҳбурдии ВУХ Афғонистон, дар сафараш ба Маскав аз давлати Русия хоҳони кумакҳои низомӣ, ирояи хадамоти таъмиру нигаҳдории ҷангафзорҳо ва омӯзиши кормандони нерӯҳои низомӣ ва интизомӣ шуда буд.

158
Барчаспҳо:
амният, ДОИШ, Муҳаммадҳаниф Атмар, Николай Патрушев, Афғонистон-Русия
Мавзуъ
Намояндаи Тоҷикистон дар СММ аз вазъи Афғонистон ба ҷомеъаи ҷаҳонӣ гуфт
Дар Афғонистон мардум худ ба ҷанг бо ДОИШ бархост
Сафири Русия аз ҳамлаи теруристҳо аз Афғонистон ба Тоҷикистон ҳушдор дод
Муовини раисҷумҳур: Афғонистон аз кишварҳои Осиёи Марказӣ барои пуштибонӣ сипосгузор аст
Кумитаи амнияти миллии ҶТ: мақомоти Афғонистон дурӯғ мегӯянд
Муовини вазири дифоъи ҶТ: Душанбе аз камингирии ҷангҷӯён дар шимоли Афғонистон нигарон аст
Амрико ба намояндагони Маҷлиси Афғонистон раводид намедиҳад
Вазорати нақлиёти Афғонистон: омодаем бо Тоҷикистон ҳамкорӣ кунем