Покупатели на новом рынке Мехргон, архивное фото

КДАМ ҶТ аз Хадамоти зиддиинҳисорӣ далоили гарон шудани нархи хӯроквориро ҷӯё шуд

211
(Таҷдидшуда 21:14 11.01.2018)
Кумитаи давлатии амнияти миллии Тоҷикистон аз Хадамоти зиддиинҳисорӣ хостааст, ки далоили гарон шудани нархи хӯрокворӣ дар кишварро рӯшан кунад

ДУШАНБЕ, 11 янв — Sputnik. Кумитаи давлатии амнияти миллии Тоҷикистон дар номае аз Хадамоти танзимкунандаи рақобат дархост кардааст, ки далоил ва авомили гарон шудани нархи хӯрокворӣ дар кишварро тавзеҳ диҳад.

Ин ниҳод дар посух овардааст, ки баҳори соли 2017 нархи сабзавот 57 дарсад, шакар 13 дарсад, тухм 12 дарсад ва гӯшти гов 8 дасад гаронтар аз баҳори соли 2016 шудаанд. Аммо ин нархҳо то поёни соли 2017 тағйир ёфта ва бархе аз хӯрокворӣ арзонтару бархе дигар гаронтар аз он шудаанд.

Гуфта мешавад, ки ин пайгирии КДАМ аз нархи хӯрокворӣ дар Тоҷикистон рухдоде бесобиқа аст. Бархе аз коршиносон эҳтимол додаанд, ки ин ниҳод аз гарон шудани нархи хӯрокворӣ ба ин далел нигарон шудааст, ки метавонад нооромиҳои иҷтимоъиро дар пай дошта бошад.

Аммо Хадамоти зиддиинҳисории Тоҷикистон гуфта, ки нархи хӯрокворӣ дар паи тағйири табиъии нархҳо дар бозор гарон шудааст.

Ҳамзамон Бонки миллии Тоҷикистон дар навтарин гузоришаш эълом карда, ки мизони таваррум дар бахши истеъмолии Тоҷикистон дар моҳи декабр 0,3 дарсадро ташкил дода ва куллан дар соли 2017 нарху таърифҳо то 6,7 дарсад гаронтар шудаанд.

Бино ба гузориши Бонки миллии Тоҷикистон, саҳми хӯрокворӣ дар таварруми солона 4,3 дарсад, колоҳо 1,2 дарсад ва хадамот низ 1,2 дарсад будааст.

Далели чандон боло набудани мизони тавррумро Бонки миллӣ ба сиёсати фаъоли таваррумзудоии пулӣ, мизони муътадили талаботи дохилӣ, нисбатан ба эътидол омадани арзиши пули миллӣ ва коҳиши интизориҳои таваррумӣ дар нимаи дувуми сол нисбат додааст.

211
Барчаспҳо:
гаронии нарх, Кумитаи давлатии амнияти миллии Тоҷикистон, Хадамоти зиддиинҳисорӣ, Тоҷикистон
Мавзуъ
Тағйироти кадрӣ дар сохторҳои КДАМ ва Вазорати дифоъ дар Кӯҳистони Бадахшон ва Хатлон
Раҳмон дар Хатлон бинои маъмурии шуъбаи Раёсати КДАМ-ро ифтитоҳ кард
Ҳамла ба корманди КДАМ дар шаҳри Кӯлоб
КДАМ: 71 кг маводи мухаддир мусодира шуд, ҷинояткорони афғон паноҳ бурданд
Военные учения России и Таджикистана, архивное фото

Тоҷикистон дар радабандии байналмилалии қудрати низомӣ: Ӯзбекистон қавитар аз ҳама дар ОМ

619
(Таҷдидшуда 20:33 16.01.2021)
Тоҷикистон дар радабандии байналмилалии қудрати низомӣ мавқеашро бетағйир гузоштааст

ДУШАНБЕ, 16 янв – Sputnik. “Global Firepower” (GFP), як пойгоҳи таҳлилӣ, ки қудрати низомии кишварҳои дунёро пайгирӣ мекунад, дар радабандии ахираш нерӯҳои мусаллаҳи Тоҷикистонро миёни 138 кишвари дунё бетағйир дар мақоми 99-ум гузоштааст.

Соли гузашта низ Тоҷикистон дар ин радабандӣ дар ин мақом менишаст ва давоми як сол тағйироте ба вуҷуд наовардааст.

Гузоришгарон  ҳайати низомии кишварро 9 ҳазор арзёбӣ карда, гуфтаанд,  маблағгузорӣ ба артиш дарТоҷикистон солона 79 миллион долларо ташкил медиҳад.

Қайд карда мешавад, ки Тоҷикистон бо 20 чархбол, 253 тонк, 400 техникаи зиреҳпӯш, 80 тӯбхона ва 125 проекторҳои мушакӣ мусаллаҳ аст. Аз сабаби набудани роҳи мустақим ба баҳр, ҷумҳурӣ флоти баҳрӣ надорад.

Дар Осиёи Марказӣ қавитарин артиш аз Ӯзбекистон унвон шудааст, ки дар зинаи 51 нишаста, ҳайати низомии он 50 ҳазор ва харҷи солонааш 15 миллиард гуфта мешавад.

Қазоқистон бошад бо 125 ҳазор низомию 4 миллиард доллар хароҷоти солона ба ин соҳа дар ҷойи 62, Туркманистон  дар зинаи 86 ва Қирғизистон дар ҷойи 93 нишастаанд.

Гуфта мешавад, ҳайати шахсии Туркманистон 22 ҳазор буда, солона ба ин соҳа 800 миллион сарф мекунад ва Қирғизистон бошад 11 ҳазор низомӣ дошта харҷи солонааш 20 миллион доллар гуфта мешавад.

Мувофиқи радабандӣ ҷойи авалро Амрико, ҷойи дувумро Русия ва ҷойи севумро Чин гирифтаанд.

Ба даҳгонаи бузургтарин артишҳои ҷаҳон Ҳиндустон, Фаронса, Ҷопон, Кореяи Ҷанубӣ, Бритониёи Кабир, Туркия, Олмон, дохил шуданд. Дар радабандӣ 137 кишвари ҷаҳон баррасӣ шудаанд. Гузоришгарон, ҳангоми тартиб додани феҳрист 55 омил ба назар гирифтаанд.

Баъди артиш дохилшавӣ ба донишгоҳ осонтар мешавад: имтиёзи ММТ ба хизматкардаҳо

Қайд мешавад, ки на танҳо шумораи силоҳ, балки намудҳои он қудрати онҳо низ ҳисоб  шудаанд.

Ҳамчунин дар тартиб додани радабандӣ мавқеи ҷуғроофӣ, имкониятҳои воситаҳои нақлиётӣ, иктишофи захираҳои табиӣ, саноати маҳаллӣ ва шумораи низомиён ба назар гирфита шудааст.

Қавию дурпарвоз: силоҳи нави ҳавоии Русия чӣ гуна хоҳад буд

Артиши  Тоҷикистон дар радабандӣ соли 2019 ҷойи 94 ва қабл аз он зинаи 96-умро соҳиб шуда буд.

619
Разбитые армянские гаубицы у дороги в Физули

Арманистон сабаби шикасташ дар Қарабоғи Кӯҳиро гуфт

596
(Таҷдидшуда 20:46 14.01.2021)
Сабабҳои асосии шикасти Арманистон дар ҷанг бо Озарбойҷон дар Қарабоғи Кӯҳӣ эълон шуданд

Номзади мухолифин ба мансаби сарвазирии Арманистон, Вазген Манукян гуфт, ки чаро ин кишвар дар муноқишаи мусаллаҳона бо Озарбойҷон дар Қарабоғи Кӯҳӣ пирӯз нашуд.

Яке аз хатогиҳои калидӣ, ба гуфтаи Манукян, амали нодурусти сарвазири кунунии Арманистон Никол Пашинян буд.

Ӯ қайд кард, ки сарвазир дар бораи вазъияти фронт тасаввуроти зиёде надошт. Вай имкон дошт, ки на танҳо муноқишаро пешгирӣ кунад, балки мавқеи асосии худро нигоҳ дорад, гуфт Манукян дар сӯҳбат бо РБК.

Вай натиҷаи муноқишаи солҳои 1992-1994 дар Қарабоғи Кӯҳиро ёдовар шуд.

"Дар солҳои ҷанги якуми Қарабоғ, солҳои 1992-1994, вақте ки мо Озарбойҷонро шикаст додем, ин ба мо кӯмак кард, ки Абулфаз Элчибей сарварӣ кунад. Он гоҳ истилоҳи "инқилоби ранга" вуҷуд надошт, аммо ӯ шахсе буд, ки маҳз ба чунин ақидаҳо пойбанд буд", - гуфт мухолиф.

Ба гуфтаи ӯ, ҳоло "Озарбойҷон аз он истифода кард, ки мо Элчибейи худро дорем".

Манукян аз номувофиқии мансаб ба сарвазири кунунии Арманистон гуфт.

Алиев гуфт, ки кӯшиши вайрон кардани созишномаи Қарабоғ вуҷуд дорад

"Дар пайи "инқилобҳои ранга" асосан одамони қобилиятнок ба қудрат меоянд, ки барои сарварии ҳукумат омода нестанд",- гуфт ӯ ва илова кард, ки Пашинян ҷомеаро ба "гузашта ва ҳозира" тақсим кард.

Амалиёти мусаллаҳона дар Қарабоғи Кӯҳӣ аз соли 1987 инҷониб авҷ гирифтааст.

Ахиран он 27 сентябри 2020 дубора миёни Арманистону Озарбойҷон сар зад. Маълум нест, ки кадом кишвар аввалин шуда ҷангро оғоз кардааст, аммо давлатҳо бо иттиҳоми тирпарронӣ ҳамдигарро муттаҳам мекунанд.

Муноқишаи ахир беш аз як моҳ давом кард ва бо дахолати президенти Русия Владимир Путин боздошта шуд.

Тадбири асосии оташбас имзои созишномае буд, ки баргардонидани қаламравҳои ишғолкардаи Арманистон ба Озарбойҷонро пешбинӣ мекунад.

Ин санад шаби 9 ба 10 ноябр имзо шуд ва аз ҳамон лаҳза амалиёти ҷангӣ дар Қарабоғи Кӯҳӣ қатъ шуд.

Шартҳои риояи созишномаҳоро посдорони сулҳи Русия назорат мекунанд.

Метр ба метр: чӣ гуна посдорони сулҳи Русия Степанакертро бехатар мекунанд - видео

Онҳо инчунин ба гурезагон кӯмак мерасонанд, корҳои безараргардонии минаро анҷом медиҳанд ва инфрасохтори шаҳрҳои маҳаллиро барқарор мекунанд.

596

Ройгон ва худхоҳишӣ: дар Русия эмгузаронии оммавӣ шурӯъ шуд

0
Дар Русия сар аз имрӯз эмгузаронии оммавӣ шурӯъ шуд. Чунин супоришро ҳафтаи гузашта Владимир Путин ба мақомотҳои марбута дода буд

ДУШАНБЕ, 18 янв — Sputnik. Шурӯъ аз рӯзи душанбеи 18 январ дар Русия бо супориши Владимир Путин маъракаи эмгузаронии оммавӣ шурӯъ шуд, хабар медиҳад РИА Новости.

Ба иттилои манбаъ, шаҳрвандони Русия метавонанд бевосита аз миёни ду ваксинае, ки дар Русия раман сабти ном шудаанд якеро интихоб карда, эм гиранд.

Бори нахуст: мубталошавии 20 000 нафар дар Русия ба коронавирус давоми як рӯз

Гуфта мешавад,  маъракаи эмгузаронӣ комилан ройгон аст.

Ҳукумати Русия ҳанӯз моҳи декабри соли гузашта эълон намуд, ки нахуст пизишкону муаллимон, кормандони хизматрасонии иҷтимоӣ ва ҳамчунин нафароне, ки маризи қанду дил ва фарбеҳӣ доранд, эм мешаванд.

Рӯзҳои истироҳатӣ ҳам: идомаи эмкунии сартосарӣ аз коронавирус дар Русия - навор

Зимнан, рӯзи 13 январ кишвардори Русия Владимир Путин супориш дод, ки дар минтақаҳо шумораи нуқтаҳои эмгузаронӣ афзун карда шавад.

Бояд таъкид намуд, ки дар Русия расман ваксинаи "Спутник V" аз маркази  Гамалея ва “ЭпиВакКорона"- и ”Вектор” расман сабти ном шуданд.

0
Барчаспҳо:
эмгузаронӣ, Русия