Намояндагони ВКД дар Фаронса

Милисаи тоҷик дар Фаронса суханронӣ кард

158
(Таҷдидшуда 16:01 29.03.2018)
Намояндагони ВКД Тоҷикистон барои ширкат дар ҷаласаи Гурӯҳи корӣ оид ба лоиҳаи "Калкан"-и Интерпол "Дастовардҳо, корҳои амалишуда ва вазифаҳо барои соли 2018" ба шаҳри Леони Фаронса рафтаанд

ДУШАНБЕ, 29 мар— Sputnik. Дар ҷаласа намояндагони ВКД: сардори Шуъбаи милитсия оид ба масъалаҳои экологӣ Ализода Анварҷон Ҷума ва сардори Шуъбаи Раёсати мубориза бар зидди ҷиноятҳои муташаккил Оев Толиб ширкат карда истодаанд, хабар медиҳад равобити умумии Вазорати корҳои дохилии Тоҷикистон.

Ҷаласаи Гурӯҳи кориро котиби кулли "Интерпол" Юрген Сток ҳусни оғоз бахшида, қайд кардааст, ки лоиҳаи "Калкан" намунаи беҳтарини ҳамкориҳои политсияи байналмилалӣ дар бисёр соҳаҳо мебошад.

Дар ҷараёни ҷаласаи Гурӯҳи корӣ сардори Шуъбаи милитсия оид ба масъалаҳои экологии ВКД Анварҷон Ализода баромад намуда, гуфтааст, ки "таҳдиду хатарҳои замони муосир, аз қабили терроризм, экстремизм, киберҷиноятҳо ва ҷинояткориҳои фаромиллӣ ҷомеаи ҷаҳониро ба он водор месозад, ки дар ҳамбастагию ҳамкорӣ бар зидди онҳо мубориза баранд".

Манбаъ афзуда, ки дар идомаи вохӯрӣ нақши "Интерпол" ва лоиҳаи "Калкан" дар самти таъмини амнияти байналмилалӣ ва минтақавӣ муҳим ва ҳалкунанда арзёбӣ гардида, барои таҳким бахшидани ҳамкориҳо ва ноил гардидан ба дастовардҳои назаррас як қатор таклифу пешниҳодҳои судманд ироа гардидаанд.

Гуфта мешавад, ки ҷаласаи гурӯҳи корӣ тайи ду рӯз идома ёфта, дар он намояндагони Тоҷикистон, Шри-Ланка, Туркманистон, Украина, Эрон, Қазоқистон, Қирғизистон, Узбакистон, Покистон, Ироқ, Ҳиндустон, Гурҷистон, Бангладеш, Афғонистон, Арманистон, Озарбойҷон, Япония ва дигар давлатҳо фаъолона ширкат мекунанд.

158
Барчаспҳо:
суханронӣ, ВКД-и Тоҷикистон, Тоҷикистон, Фаронса
Поисковая экспедиция на месте где были бои во время Великой Отечественной войны 1941-45 годов, архивное фото

Ҷасади Раҷабов, куҳансарбози тоҷик, дар Калининград ёфт шуд: кӣ мешиносад?-видео

1146
(Таҷдидшуда 15:51 09.07.2020)
Ҷасади боз як сарбози Ҷанги Бузурги Ватанӣ дар ноҳияи Зеленоград пайдо карда шуд, ки ба гуфтаи ҷустуҷӯгарон аз Тоҷикистон мебошад

ДУШАНБЕ, 9 июл — Sputnik. Гуруҳҳои ҷустуҷӯии "Совест" дар минтақаҳое, ки ҳангоми амалиёти Пруссияи шарқӣ задухӯрдҳо сурат гирифтаанд, кор карда,  дар ноҳияи Зеленоград ҷасади боз як сарбози ҶБВ-ро пайдо намуданд, хабар дод шабакаи телевизионии  "Вести-Калининград".

Муайян шудааст, ки сарбози ҳалокгардида Каримҷон Раҷабов аз Тоҷикистон будааст.

Сарбозони 100 – солаи ҶБВ аз Тоҷикистон: кӣ 75 – умин солгарди Ғалабаро ҷашн мегирад?

“Раҷабов зодаи Тоҷикистон мебошад. Феълан ба макони таваллуд ва даъваташ дархостҳо равон карда шудаанд. Умедворем, ки наздиконаш пайдо шаванду мо тавонем мукофоти ҷангияшро ба онҳо супорем. Шояд онҳо бихоҳанд, ки боқимондаҳо дар ватан ба хок супорида шаванд”, - изҳор дошт Руслан Хисамов, роҳбари гуруҳи ҷустуҷӯӣ дар гузориши телевизионӣ.

Қаблан дар ин минтақа ҷасади 7 сарбозеро пайдо карданд, ки аз пораҳои гулӯлаҳои  артиллерӣ ба ҳалокат расидаанд.

1146
Барчаспҳо:
сарбоз, Ҷанги Бузурги Ватанӣ, Тоҷикистон
Пистолет

27 ҳазор сомонӣ - хариди таппонча бо садохомӯшкунак дар Хуҷанд-видео

1229
(Таҷдидшуда 21:30 19.06.2020)
Вазорати умури дохилии Тоҷикистон аз боздошти марди 57-сола дар шаҳри Хуҷанд хабар додаст, ки дар фурӯши силоҳи ҷангӣ муттаҳам мешавад

ДУШАНБЕ, 19 июн — Sputnik.  Тибқи гузориши ВУД Тоҷикистон, дар пайи як амалиёти шартӣ аз марди муттаҳам ба ивази 27 ҳазор сомонӣ таппончаи Макаров бо таҷҳизоти садохомӯшкунак харида шуд.

Муайян гардид, ки муттаҳами 57-сола, зодаи шаҳри Конибодом ва сокини шаҳри Хуҷанд, санаи 25-уми майи соли равон аз афроди номаълум таппончаро гирифтааст.

ВУД таъкид кард, ки шахсияти айбдоршаванда ба далели халал нарасондан ба тафтишот феълан ифшо намешавад.

Мирвосид Давлатализода, муфаттиши мақомот, дар гузориш изҳор дошт, ки таппончаи мусодирашуда, соли истеҳсолаш 1987 буда, коршоям мебошад.

ВУД афзуд, ки феълан истифодаи силоҳи ҷангии мазкур дар дигар ҷиноятҳо ташхис мешавад.

1229
Барчаспҳо:
қочоқи нафт, силоҳ, Тоҷикистон
Сотрудники санитарных служб проводят обработку улиц

Кӯчаву хиёбонҳои шаҳри Хуҷанд дубора безарар гардонида мешаванд

0
(Таҷдидшуда 19:45 12.07.2020)
Кӯчаву хиёбонҳои шаҳри Хуҷанд дубора поккорӣ мешаванд. Ин поккорӣ ба хотири пешгирӣ аз паҳншавии бемории коронавируси навъи COVID - 19 гузаронида мешавад

ДУШАНБЕ, 12 июл – Sputnik. Гурӯҳи безараргардонӣ ва пешнигрӣ аз сироят ба коронаирус СOVID-19 фаъолиятҳои поккорӣ дар иншооту муассисаҳо ва кӯчаву хиёбонҳои шаҳри Хучандро аз сар гирифт.

Бино ба гузориши КҲФ, ин гурӯҳ, ки аз аввали авҷи вируси корона дар Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикисон дар вилояти Суғд амал мекард, зарфи ду рӯзи охир ба фаъолиятҳои худ идома дод.

Ёдгор Файзов гуфт, ки чигуна Тоҷикистон тавонист коронавирусро пешгирӣ кунад

Дастаи имдод дар ин ду рӯз дар Беморхонаи клиникии вилояти Суғд ба номи С. Қутфиддинов ва даромадгоҳҳои биноҳои 5-9-ошёнаи истиқоматии маҳаллаи 12-умро бо истифода аз дорупошакҳои муҳаррикдор, маҳлули гипохлорид натрий поксозӯ карданд.

"Дар як рӯз аз ҷониби гурӯҳ беш аз 20 бино безарар гардонида мешаванд", - омадааст дар хабарнома.

Манбаъ афзуда, ки корҳои безараргардонӣ дар вилояти Суғд идома доранд.

Тибқи иттилои Вазорати беҳдошти ҶТ шумораи умумии гирифторон ба маризии коронавирус аз 30 - юми апрел то 11 - уми июл ба 6 505 нафар баробар аст.

Дар кишвар 5176 нафар ё худ 79,5 дарсади гирифторони COVID-19 шифо ёфтаанд.

0
Барчаспҳо:
пешгирӣ, поксозӣ, вируси нав, Суғд
Мавзуҳо:
Пайомадҳои COVID-19 дар Тоҷикистон ва ҷаҳон