Кормандони милиса дар Душанбе, акс аз бойгонӣ

Ман милиса: Чӣ гуна Темур дар Ёвон ғоратгарӣ кардааст?

303
Ҷавони судшудае дар Ёвон ҳамчун милиса бар сари сокинон зӯроварӣ кардааст

ДУШАНБЕ, 13 июл — Sputnik. Марди ҷавоне дар ноҳияи Ёвон худро милиса муаррифӣ карда, даст ба ғоратгарӣ задааст.

Тибқи иттилои шуъбаи корҳои дохилии ноҳияи Ёвон ба ин ниҳод, марди 55-сола, сокини деҳаи Бешбулоқи ноҳияи мазкур муроҷиат намуда, аз нафари ғоратгар шикоят кардааст. Ҷабрдида арз доштааст, ки охирҳои моҳи январи соли 2018, “Темур” ном шахс худро корманди оперативӣ муаррифӣ намуда, бо роҳи зӯроварӣ аз дасти писари 13-солааш телефони тамғаи “ZTE”, ки арзишаш 300 сомониро ташкил медиҳад, тасарруф кардааст.

Ба иттилои манбаъ дар пайи кофтукоб муттаҳам дар ин ҷиноят, марди 21-сола, сокини кӯчаи А.Ҷомии ноҳияи Ёвон боздошт гардид. Тибқи иттилои мақомоти умури дохилӣ таҳқиқи парвандаи ҷиноӣ алайҳи боздоштшуда, ки қаблан низ бо моддаи 244-и Кодекси ҷиноӣ суд шудааст, идома дорад.

303
Барчаспҳо:
милисаи қалбакӣ, мақомоти милиса, милисаҳои тоҷик, ғорати мардум, Ёвон, Тоҷикистон
Пистолет

27 ҳазор сомонӣ - хариди таппонча бо садохомӯшкунак дар Хуҷанд-видео

1215
(Таҷдидшуда 21:30 19.06.2020)
Вазорати умури дохилии Тоҷикистон аз боздошти марди 57-сола дар шаҳри Хуҷанд хабар додаст, ки дар фурӯши силоҳи ҷангӣ муттаҳам мешавад

ДУШАНБЕ, 19 июн — Sputnik.  Тибқи гузориши ВУД Тоҷикистон, дар пайи як амалиёти шартӣ аз марди муттаҳам ба ивази 27 ҳазор сомонӣ таппончаи Макаров бо таҷҳизоти садохомӯшкунак харида шуд.

Муайян гардид, ки муттаҳами 57-сола, зодаи шаҳри Конибодом ва сокини шаҳри Хуҷанд, санаи 25-уми майи соли равон аз афроди номаълум таппончаро гирифтааст.

ВУД таъкид кард, ки шахсияти айбдоршаванда ба далели халал нарасондан ба тафтишот феълан ифшо намешавад.

Мирвосид Давлатализода, муфаттиши мақомот, дар гузориш изҳор дошт, ки таппончаи мусодирашуда, соли истеҳсолаш 1987 буда, коршоям мебошад.

ВУД афзуд, ки феълан истифодаи силоҳи ҷангии мазкур дар дигар ҷиноятҳо ташхис мешавад.

1215
Барчаспҳо:
қочоқи нафт, силоҳ, Тоҷикистон
Генерал-лейтенанти милитсия Аламшозода Абдураҳмон Аламшо, муовини якуми вазири корҳои дохилӣ, сардори РВКД дар ВМКБ

Баррасии гирдиҳамоиҳо дар ҷаласаи оперативии Ситоди таъмини амният дар ВМКБ-видео

5550
(Таҷдидшуда 17:16 19.06.2020)
Гирдиҳамоиҳо, ки чанд рӯзи қабл дар ноҳияи Рӯшон сурат гирифтанд, яке аз мавзӯъҳои меҳварии ҷаласаи оперативии Ситоди байниидоравии таъмини амният дар ВМКБ таҳти раёсати генерал Абдураҳмон Аламшозода буданд

ДУШАНБЕ, 19 июн — Sputnik.  Генерал Абдураҳмон Аламшозода, сардори Ситоди байниидоравии таъмини амнияту тартибот дар ВМКБ, зимни ҷаласаи оперативӣ-хизматӣ таъкид кардааст, ки маъмурин бо мардум хушмуомила бошанд.

Тибқи гузориши телевизиони “Бадахшон”, Ситоди байниидоравии таъмини амнияту тартибот минбаъд низ фаъолияташро дар вилоят идома хоҳад дод.

Манбаъ афзуд, ки дар ҷаласаи оперативӣ масъалаи гирдиҳамоиҳои ғайриқонунӣ, тартибот дар роҳҳо, пешгирии фурӯши нӯшокиҳои ғайристандартӣ ва дигар масъалаҳо баррасӣ шуданд.

Бар асоси гузориши ТВ Бадахшон, Ситоди байниидоравии таъмини тарбтибот, аз фаъолону зиёиён даъват кардааст, ки ҷавононро бо роҳи дуруст ҳидоят намоянд, аз таъсири гуруҳҳои манфиатҷуӯй, иштирок дар гирдиҳамоӣ ва даст задан ба бетартибиҳо пешгирӣ намоянд.

Анҷоми ҳамоишҳо дар Рӯшон

Баррасии ин масоил аз ҷониби Ситод дар ҳолест, ки ҳамоиши ахир дар пайи боздошти Ёдгор Ғуломҳайдаров ва ҳамроҳаш дар Рӯшон сурат гирифт, ки ба иддаои гуруҳи сокинони Рӯшон, рабте ба қазияи қочоқи маводи мухаддир надоранду тайи чанд соати боздошт латукӯб шудаанд.  Гуруҳи эътирозгарон боздоштшудаҳоро озод карда, тайи чанд рӯз даст ба ҳамоиши эътирозӣ зада буданд.

Феълан сокинон мегӯянд, ин қазия бо он, ки гуруҳи наздик ба 10-нафарӣ барои нақзи тартибот ҷаримабандӣ мешаванд, анҷом ёфт. Дар мавриди муҷозоти маъмурине, ки ба иддаои бархе сокинон даст ба латукӯб задаанд, феълан иттилое ироа нашудааст.

Мақомоти Тоҷикистон расман ин қазияро шарҳ надоданд, танҳо котиботи ҳукумати ВМКБ қаблан эътироз дар Хоруғ дар ҳамраъйӣ бо сокинони Рӯшонро рад карда, наворе нашр намуда буд.

5550
Барчаспҳо:
Рӯшон, Тоҷикистон, ҳамоиш, ВМКБ, телевизион, гузориш
Қурбон Ҳакимзода, раиси вилояти Хатлон

Раиси Хатлон хост, кишоварзон корро аз Абдукаримов омӯзанд-акс

0
(Таҷдидшуда 20:44 03.07.2020)
Қурбон Ҳакимзода, раиси вилояти Хатлон, кори раиси хоҷагии деҳқонии "Саховат", Қиёмиддин Абдукаримовро намунаи ибрат хонд

ДУШАНБЕ, 3 июл — Sputnik. Ҳакимзода аз рафти кишти такрорӣ ва намоиши маҳсулоти кишоварзӣ дар хоҷагии деҳқонии "Саховат", воқеъ дар деҳоти ба номи Г. Юсуфоваи ноҳияи Ёвон боздид кард.

Тибқи иттилои котиботи ҳукумати Хатлон, Қиёмиддин Абдукаримов, раиси  "Саховат" ба Ҳакимзода хабар дод, ки шумораи саҳмдорони хоҷагӣ ба 20 нафар мерасад.

"Майдони умумии замини хоҷагӣ 18,3 га (корами обӣ) буда, дар 6 гектари он пахта, дар 3 гектар гандум, 1,4 гектар боғ, 7 гектар беда, 0,5 гектар маккаи дон, 0,5 гектар пиёзу дигар анвои сабзавот парвариш карда мешавад", - омадааст дар иттилоия.

Манбаъ афзуд, саҳмдорони хоҷагии деҳқонии "Саховат" ҳамасола тавассути истифодаи оқилонаи заминҳои дар ихтиёрдоштаашон ҳосили хуб ба даст оварда, хароҷоти рӯзгори худро таъмин менамоянд ва як қисмати онро ба фурӯш мебароранд.

Раиси вилоят аз фаъолияти бисёрсола ва таҷрибаи ғании Қиёмиддин Абдукаримов дар соҳаи кишоварзӣ ситоиш карда, дар мулоқот бо саҳмдорон ва деҳқонон онҳоро ба коромӯзӣ аз Абдукаримов даъват намуд.

Ба иттилои котибот, Қурбон Ҳакимзода дар ин мавзеъ ҳамчунин аз намоиши маҳсулоти кишоварзии оростаи деҳқонони хоҷагӣ дидан кард.

0
Барчаспҳо:
хоҷагиҳои деҳқонӣ, кишоварзӣ, Хатлон, Тоҷикистон