Шерхон Салимзода, директори Ожонси назорати маводи нашъаовари назди раисиҷумҳур, акс аз бойгонӣ

Посухи Ожонсӣ ба Кучай: мавҷудияти "мафия" дар Тоҷикистон имкон надорад

583
Ожонси назорати маводи нашъаовари назди раисиҷумҳури Тоҷикистон, изҳороти Абдулқаюми Кӯчай, сафири Афғонистон дар Русияро дар бораи мавҷудияти мафияи нашъаҷаллоб ва интиқоли маводи мухаддир тариқи Тоҷикистонро рад кардааст

ДУШАНБЕ, 6 сен — Sputnik. Ожонси назорати маводи нашъаовари назди раисиҷумҳур изҳор доштааст, ки низоми давлатдории Тоҷикистон барои фаъолияти мафия имкон намедиҳад ва қисми хеле кам, — 10 фоизи маводи мухаддир аз Афғонистон тариқи шимол интиқол меёбад.

Ожонсӣ аз ду нуктаи изҳороти Кучай, ки гуфт, мафияи байналмилалӣ дар кишварҳои гуногун, аз ҷумла Тоҷикистон ҳам вуҷуд дораду  маводи мухаддир аз Афғонистон тариқи Тоҷикистон ба кишварҳои дигари Осиёи Марказӣ ва баъдан ба Русияю Аврупо интиқол меёбад, изҳори норозигӣ кардааст.

Масъулини Ожонсӣ изҳор медоранд, ки Тоҷикистон дар хати қочоқи маводи нашъаовар садди устувор гузоштааст.

"Ҳамасола аз 4 то 7 тонна маводи мухаддири дар Афғонистон истеҳсолшуда аз ҷониби мақомоти ваколатдори Тоҷикистон мусодира карда мешавад, ки ин нисбат ба дигар давлатҳои дар масири Шимол қарор дошта якчанд маротиба зиёдтар мебошад", — таъкид шудааст дар иттилоия.

Ин ниҳод ҳамчунин таъкид кардааст, ки ягон шаҳрванди Тоҷикистон дар ду соли охир бо ҷурми интиқоли маводи нашъаовар дар ҳудуди Афғонистон дастгир нагардидааст.

"Баръакс дар ин давра афзоиши дастгиршавии шаҳрвандони Афғонистон дар ҳудуди Тоҷикистон ва ба миқдори зиёд аз онҳо мусодира гардидани маводи нашъаовар бақайд гирифта шудааст", — посух додаст Ожонсӣ ба Кучай.

Ниҳоди мубориза бо маводи мухаддири Тоҷикистон таъкид намудааст, ки танҳо дар якуним соли охир фаъолияти зиёда аз 16 гуруҳи ҷиноятпешаи нашъаҷаллоб ошкор ва қатъ гардонида шудааст.

"Дар ду соли охир аз тариқи нақлиёти ҳавоӣ ва роҳи оҳани Тоҷикистон ягон ҳолати интиқоли ғайриқонунии маводи нашъаовар дар хориҷи кишвар ошкор ва бақайд гирифта нашуданд ва дар ин замина дастгиршавии шаҳрвандони Тоҷикистон дар хориҷи кишвар, аз ҷумла дар давлатҳои ҳамсоя ва Русия 36 фоиз кам гардидааст", — омадааст дар изҳороти Ожонси назорати маводи нашъаовари Тоҷикистон.

Ба иттилои манбаъ талошҳои Тоҷикистон боис шудааст, ки феълан тариқи масири Шимол қисми ками маводи нашъадори ғайриқонунӣ дар Афғонистон истеҳсолшаванда интиқол меёбад.

"Бо иқрори худи мақомоти ваколатдори Афғонистон ва коршиносони созмонҳои байналмилалӣ, ҳамчунин таҳлилҳои мо нишон медиҳанд, ки танҳо 10 фоизи маводи нашъаовари истеҳсоли Афғонистон тариқи масири Шимол интиқол меёбаду халос. Қисми боқимонда, яъне 90 фоиз маводи мухаддири афғонӣ тавассути дигар масирҳо интиқол меёбанд", — омадааст дар иттилоия.

Ожонсӣ таъкид намудааст, ки низоми давлатдорӣ ва мақомоти ҳифзи ҳуқуқи Тоҷикистон устувор ва самаранок фаъолият доранд, ки ба мавҷудият ва фаъолияти ягон мафия дар кишвар имкон намедиҳанд.

 

583
Барчаспҳо:
сафир, Ожонсӣ, нашъа, Тоҷикистон
Президент РФ В. Путин

Муфид аст: шарҳи Путин дар бораи ҳузури ИМА дар Афғонистон

154
(Таҷдидшуда 17:43 25.10.2020)
Владимир Путин, раисиҷумҳури Русия, ҳузури низомиёни амрикоиро дар Афғонистонро истиқбол карда, аз ҳамкории ду кишвар дар сатҳи хадамоти махсус тавсиф намуд

ДУШАНБЕ, 25 окт — Sputnik. Ҳузури нерӯҳои амрикоӣ дар Афғонистон аз нигоҳи амниятӣ муфид мебошад, изҳор дошт Владимир Путин, раисиҷумҳури Русия.

“Ҳузури ИМА дар Афғонистон барои амният муфид мебошад”, - гуфт роҳбари Русия.

Путин инчунин таъкид кардааст, ки Русия аз ҳамкорӣ бо ИМА дар бахши мубориза бо терроризм қаноатманд мебошад.

Ӯ афзуд, ки маълумоти ироанамудаи Вашингтон борҳо имкон дод, ки ҳамлаҳои террористӣ дар қаламрави Русия ҷилавгирӣ шаванд.

“Сарфи назар аз мухолифатҳои зиёд дар бахшҳои гуногун, ҳамоно ҳамкорӣ дар сатҳи хадамоти махсус идома дорад... Дар баробари ин амрикоиҳо ба мо маълумоти зиддитеррорро ироа мекунанд”, - илова намуд Путин.

Доналд Трамп, раисиҷумҳури ИМА, дар оғози моҳи марти соли равон дар бораи бидуни таъхир хориҷ кардани нерӯҳои амрикоӣ аз Афғонистон изҳорот дода буд. Аз ҷумла дар назар буд, ки теъдоди низомиёни амрикоӣ дар Афғонистон тайи 135 рӯз аз 12 ҳазор нафар то 8,6 ҳазор нафар коҳиш дода шавад. Интизор мерафт, ки то интихоботи раисиҷумҳури ИМА теъдоди сарбозони ин кишвар дар Афғонистон ба 4-5 ҳазор нафар баробар карда мешуд.

154
Барчаспҳо:
Владимир Путин, ИМА, Путин, Русия
Президент Республики Таджикистан Эмомали Рахмон встретился с командующим Центральным командованием вооруженных сил США генералом Кеннетом Ф. Маккензи

Раҳмон ва генерал Маккензӣ амнияти Тоҷикистону Афғонистонро баррасӣ карданд

383
(Таҷдидшуда 00:01 23.10.2020)
Ҷонибҳо атрофи вазъи кунунӣ дар Афғонистон мубодилаи афкор намуда, раванди музокироти сулҳро муҳокима карданд

ДУШАНБЕ, 22 окт – Sputnik. Президенти Тоҷикистон Эмомалӣ Раҳмон бо фармондеҳи Фармондеҳии Марказии Қувваҳои Мусаллаҳи ИМА генерал Кеннет Ф. Маккензӣ, ки бо сафари корӣ дар Тоҷикистон қарор дорад, дидору мулоқот кард.

Бино ба гузориши котиботи раисиҷумҳур, дар рафти мулоқот як қатор масъалаҳои ҳамкориҳои Тоҷикистону Иёлоти Муттаҳидаи Амрико, бахусус дар соҳаи амниятӣ, баррасӣ гардиданд.

Дар ин зимн ба мавзӯъҳои мубрами таъмини сулҳу суботи минтақавӣ ва хатару таҳдидҳои глобалии амниятӣ таваҷҷуҳи хосса зоҳир карда шуд.

Ҷонибҳо ҳамчунин атрофи вазъи кунунӣ дар Афғонистон мубодилаи афкор анҷом дода, раванди музокироти сулҳро дар ин кишвари ба мо ҳамҷавор муҳокима карданд.

Раҳмон таъкид карда, ки ҷараёни рушди вазъият дар Афғонистони ҳамсоя пайваста дар маркази диққат қарор дорад ва Тоҷикистон аз талошҳои Ҳукумати Афғонистон дар самти истиқрори сулҳу суботи пойдор дар кишвар ҳамеша ҷонибдорӣ менамояд.

Манбаъ афзуда, ки дар ҷараёни суҳбат ҷонибҳо, ҳамчунин, роҷеъ ба дигар ҷанбаҳои муносибатҳои Тоҷикистон ва Иёлоти Муттаҳидаи Амрико ибрози ақида намуда, алоқамандиашонро ба таҳкиму тақвияти ҳамкориҳояшон дар самти муборизаи муштарак алайҳи хатару таҳдидҳои муосир, аз ҷумла терроризм, ифротгароӣ, гардиши ғайриқонунии маводи мухаддир ва дигар ҷиноятҳои муташаккили фаромиллӣ қайд кардаанд.

383
Барчаспҳо:
Эмомалӣ Раҳмон, ИМА, мулоқот, дидор, Тоҷикистон

Ҷашнҳои рӯзи 26 октябр дар Тоҷикистон ва ҷаҳон

0
(Таҷдидшуда 22:20 25.10.2020)
Рӯзи 26 октябр рӯзи пайдоиши футбол (1863) буда, рӯзи миллии Озарбойҷон мебошад. Дар ин рӯз ҳунармандони халқии Тоҷикистон Давлатманд Холов ва Мастона Эргашева ба дунё омадаанд

Рӯзи 26 октябр дар ҷаҳон чӣ рух дод

Соли 1861 олими немис Филипп Рейс дар Франкфурт ихтирои худро ба намоиш гузошт ва минбаъд онро телефон номид.

 

Телефон в центре управления остановленного третьего реактора на Чернобыльской атомной электростанции
© REUTERS / Gleb Garanich
Телефон в центре управления остановленного третьего реактора на Чернобыльской атомной электростанции

 

Соли 1863 дар шаҳри Лондон Ассотсиатсияи футболи Англия таъсис дода шуд.Соли 1900 дар Ню-Йорк аввалин хатти метрополитен кушода шуд.

 

Стадион Уэмбли в Лондоне
© Sputnik / Антон Денисов
Стадион "Уэмбли" в Лондоне

 

Соли 1932 Иосиф Сталин нависандагонро "муҳандисони қалби инсонҳо" унвон кард.Соли 1956 Агентии байналхалқӣ оид ба энергияи атомӣ таъсис ёфт.

 

Иосиф Виссарионович Сталин (Джугашвили), Генеральный секретарь ЦК ВКП (б)
© Sputnik / РИА Новости
Иосиф Виссарионович Сталин (Джугашвили), Генеральный секретарь ЦК ВКП (б)

 

Соли 1978 Созмони ҷаҳонии тандурустӣ эълон дошт, ки барангезандаи бемории нағзак (оспа) дар табиат маҳв карда шуд.

Соли 1990 Шон Шеннони канадагӣ барои дар 26 сония хондани монологи Гамлет «Будан ё набудан» рекорди ҷаҳонӣ гузошт.

© Sputnik / Стас Этвеш / Вишнякова Мария

Соли 2015 дар натиҷаи заминҷунбии 7,5-балла дар Афғонистон ва Покистон беш аз садҳо нафар ҷони худро аз даст доданд.

Рӯзи 26 октябр дар Тоҷикистон чӣ рух дод

Соли 2009 Президенти Ҷумҳурии Тоҷикистон Эмомалӣ Раҳмон Фармондеҳи вақти Қувваҳои марказии Иёлоти Муттаҳидаи Америка  Дэвид Петреусро ба ҳузур пазируфт.

Соли 2011 Клуби футболи "Регар-ТадАЗ" — и шаҳри Турсунзада  барандаи Ҷоми футболи Тоҷикистон дар соли 2011 гардид.Соли 2011 Эмомалӣ Раҳмон бо муовини аввали раисҷумҳури вақти Ҷумҳурии Исломии Афғонистон маршал Муҳаммад Қасим Фаҳимхон масоили кунанӣ ва дурнамои рушди муносибатҳои дуҷонибаро баррасӣ намуд.

Ҷашнҳои рӯзи 23 октябр дар Тоҷикистон ва ҷаҳон

Соли 2016 дар Қасри миллат Раҳмон Мушовири Девони Амири Давлати Кувайт, Раиси Фонди байналмилалии хайрияи исломӣ, Намояндаи Дабири Кулли Созмони Милали Муттаҳид оид ба корҳои башардӯстӣ доктор Абдуллоҳ Маътуқ ал — Маътуқро ба ҳузур пазируфт.

Ҷашнҳои рӯзи 26 октябр

Рӯзи пайдоиши футбол (1863).
Рӯзи миллии Озарбойҷон.

Рӯзи 26 октябр дар Тоҷикистон кӣ ба дунё омадааст

Соли 1945 – доктори илмҳои иқтисодӣ профессор Ҳоҷимуҳаммад Умаров.

Соли 1945 – Ҳунарпешаи шоистаи театри лӯхтаки Тоҷикистон Зафар Ҷаводов

Соли 1950 – ҳунарманди халқии Тоҷикистон Давлатманд Холов.

Народный артист Таджикистана, исполнитель фалака Давлатманд Холов
Amir Isaev
Народный артист Таджикистана, исполнитель фалака Давлатманд Холов


Соли 1952 – Ҳунарманди халқии Мастона Эргашева.

Соли 1953 – композитор Борис Пиговат.

Соли 1978 – журналист Олга Тутубалина.

0
Барчаспҳо:
ҷаҳон, ҷашн, Тоҷикистон