Боинг 737 авиакомпании Сомон Эйр, архивное фото

Мақомдорони баландпоя нигаронӣ кардаанд: “Сомон Эйр” аз “Boeing 737 MAX” даст кашид

1024
(Таҷдидшуда 16:44 30.06.2019)
Ширкати “Сомон Эйр” аз нақшааш барои иҷораи “Boeing 737 MAX” даст кашида, онро ба коҳиши эътимоди омма ба ин навъи ҳавопаймо ва номуайянии замони баргардондани дубораи он ба парвозҳо гуфтааст

ДУШАНБЕ, 30 июн — Sputnik. Томас Ҳаллам, мудири кулли “Сомон Эйр” тасдиқ кардааст, ки нақшаи иҷораи “Boeing 737 MAX”-ро аз ширкати “Air Lease Corporation” – “ALC”, ки бояд имсол амалӣ мешуд, лағв кардаанд, хабар додааст маҷаллаи “Forbes”.

Муаллифи мақола таъкид кардааст, ки ин ақибнишинӣ ба дафтари фармоишҳои  Boeing асаре надорад, чун ширкати иҷорадеҳ аллакай ҳавопаймои мавриди назарро харидааст. Аммо ин дасткашӣ далели коҳиши эътимод ба “Boeing 737 MAX” баъди суқути ин навъи ҳавопаймоҳо дар Индонезия ва Эфиопия мебошад, ки 346 кушта барҷой гузоштанд, навиштааст маҷалла.

Мудири кулли “Сомон Эйр” изҳор доштааст, ки дар пайи ин ҳодисаҳо мақомдорони баландпояи Тоҷикистон аз эҳтимоли корбурди ин навъи ҳавопаймо дар кишвар изҳори нигаронӣ карданд.

“Шӯрои мудирон дастур дод, ки мутаваққиф шавад”, - изҳор доштааст мудири “Сомон Эйр” ва афзудааст, ки далели ин дастур шунидаҳо атрофи “Boeing 737 MAX” мебошанд, ки мусбат нестанд.  Ӯ таъкид намудааст, ки наметавонад бо “Boeing 737 MAX” иқдоме кунад, то замоне, ки ин навъи ҳавопаймоҳо дубора ба парвоз баргарданду собиқаи боварибахшро касб кунанд.

Ба навиштаи “Forbes”, ширкати “Сомон Эйр” хусусӣ буда, бо Ҳукумат равобити зич дорад. Феълан ин ширкат танҳо ҳавопаймоҳои навъи Boeing, аз ҷумла ду 737-900ER, ду 737-800 ва ду 737-300-ро дорад.

Маҷалла афзудааст, ки “Сомон  Эйр” ният дошт, бо ҷалби ҳавопаймоҳои МАХ, онҳоро барои парвоз ба Шарқи дуру Аврупои ғарбӣ истифода барад.

Манбаъ аз камшавии эътимод ба МАХ навишта, афзудааст, ки то ҳол ширкати Garuda-и Индонезия 49 фармоишашро лағв карда, ширкати ҳавопаймоии Озарбойҷон низ 10 фармоиши худ аз ин навъи ҳавопайморо ихтисор кардааст.

“Forbes” таъкид намудааст, ки ин танҳо қисми ками фармоишҳо буда, феълан дар маҷмуъ 5 ҳазор адад аз чунин ҳавопаймоҳо фармоиш дода шудааст.

1024
Сулҳбони Русия дар долони Лочин

Аз Ангола то Тоҷикистону Югославия: сулҳбонҳои Русия дар куҷо хидмат мекунанд?

180
(Таҷдидшуда 15:36 23.11.2020)
Ҳузури низомиёни Русия дар Қарабоғи куҳӣ эҳтимолияти ҳалли низомии масъаларо ба сифр баробар карда, имкон медиҳад, ки роҳбарияти Озарбойҷону Арманистон ба мизи музокирот ва аҳолӣ ба хонаҳояшон баргарданд

ДУШАНБЕ, 23 ноя – Sputnik. Александр Хроленко. Ин далели самаранокии сиёсати хориҷии Русия ва ташкили хуби омодагии ҷангии қувваҳои мусаллаҳи Русия мебошад.

Нерӯҳои ҳомии сулҳ дар минтақаи даргир эҳтимоли амалиёти низомии ҷонибҳоро бартараф месозад. Ҳавопаймоҳои низомии қувваҳои ҳавоӣ-кайҳонии Русия интиқоли низомиён ва техникаи бригадаи савораи тирандози 15-умро идома дода истодаанд, ки кафили субот дар Қафқози ҷанубӣ мебошанд.

Дар пайи оғози амалиёт дар Степанакерт ва дигар маҳалҳои аҳолинишини Қарабоғи куҳӣ беш аз 4 ҳазор гуреза аз қаламрави Арманистон баргаштанд. Танҳо 19 ноябр бо 27 автобус зери ҳимояи сулҳбонҳо беш аз 1200 гуреза баргаштанд.

Барои ҳалли маҷмӯи масоили гуманитарӣ дар Қарабоғи куҳӣ дар ҳайати Маркази байниидоравӣ, гуруҳи Вазорати ҳолатҳои фавқулоддаи Русия ва 5 сохтори махсусгардондидашуда – тозасозӣ аз минаҳо, тиббӣ, нақлиётӣ, таъминоти тиҷорию маишӣ ва оштисозии ҷонибҳои даргир амал мекунанд.

Дидбонгоҳҳо, пайроҳадорӣ ва вазифаҳои пулис дар минтақаҳои бехатарии “Север” ва “Юг” чашмрасанд. Сулҳбонҳои Русия амнияти ҳаракати нақлиёт дар долони Лочинро таъмин мекунанд, мошинҳоро тафтиш ва интиқоли силоҳро пешгирӣ менамоянд. Бисёри вазифаҳо, сохтор ва тарзу алгоритми амалиёти Русия дар Қарабоғи куҳӣ аз чашмҳо ноаёнанд. Вазъияти Қарабоғ дар таърих бесобиқа аст ва аз низомиёни бригадаи 15-ум талаботи сангин дорад.

Хадамоти федералии амният – “ФСБ”-и Русия таъмини ҳаракати нақлиёт тариқи Арманистон миёни навоҳии ғарбии Озорбойҷон ва ҷумҳурии мухтори Нахичевонро назорат мекунад. Ин ҳаракати бемонеи шаҳрвандон, нақлиёт ва бор ба ҳарду ҷонибро фаро мегирад. Ҳукумати Русия хароҷоти марбути кори сулҳбонҳоро пардохт мекунад.

Арзиши чунин амалиёт, аз нигоҳдории  ҳайат, то истифодаи техникаю харҷи маводи сӯхт, солона садҳо миллион долларро ташкил медиҳад, аммо бехатарӣ дар Қафқози ҷанубиро наметавон бо пул нархгузорӣ кард.

Аҳамияти амалиёт бузур ва радаи он хеле баланд мебошад. Бигзор ҳайати сулҳбонҳои Русия дар Қарабоғ, тибқи меъёрҳои СММ сершумортарин ҳам набошад, аммо хеле муҳим барои ҳифзи субот дар Қафқози ҷанубӣ ва минтақаи назди Каспий мебошад.

Хориҷаи наздик

Сулҳбонҳои Русия хеле кори зиёд барои таҳкими амният дар манотиқи собиқ шӯравӣ, аз ҷумла дар Абхазистон, Осетияи ҷанубӣ, Тоҷикистон ва Приднестрове анҷом доданд. Бо вуҷуд ҳаводиси ахири фоҷиабор дар Қарабоғи куҳӣ шаҳодат медиҳад, ки зарфияти сар задани даргириҳои мусаллаҳона миёни кишварҳои ИДМ ҳанӯз боқӣ мондаанд. Барои ёфтани мисолҳои осебпазирии сулҳ дур рафтан даркор нест.

Заседание Совета безопасности Азербайджана
Пресс-служба президента Азербайджана

Имрӯз раисиҷумҳури тозаинтихоби Молдова, Майя Санду изҳороти барномавӣ дар бораи зарурияти хуруҷи нерӯҳои Русия аз Приднестровяро дод. Шояд ӯ фаромӯш карда бошад, ки ин ягона минтақа дар қаламрави Аврупои шарқӣ мебошад, ки баъди вуруди сулҳбонҳо дар соли 1992 бар асоси созишномаи дахлдор, амалиёти низомӣ қатъ гардид ва тайи 28 сол дигарбора сар назад.

Дар Приднестрове гуруҳи фаврии низомиёни Русия қарор доранд. Яке аз вазифаҳои асосии ин гуруҳ ҳифзи захираҳои бузурги аслиҳаи куҳна (беш аз 20 ҳазор тон) дар наздикии маҳалли аҳолинишини Колбасна мебошад. Дар оғози солҳои 90-уми асри 20 ба ин ҷо лавозимоти ҷангии нерӯҳои шӯравӣ аз Олмон, Маҷористон ва Лаҳистон ворид карда шуданд. Нобудсозии аслиҳа дар он ҷо ғайриимкон мебошад ва берун овардани он низ мушкилзо аст, чун ҳудуди 2500 вагонро талаб мекунад ва зиёда аз 57 дарсади ин лавозимот қобили интиқол нестанд. Агар нерӯҳои Русия хориҷ шаванд, вазъ дар Молдова ба маънои аслаш таркишзо хоҳад шуд. Ба умеди созандагӣ хоҳем буд.

Инчунин самаранокии кори сулҳбонҳои Русияро дар минтақаи Осиёи Марказӣ метавон мисол овард. Маврид ба зикр аст, ки Русия, Қазоқистон, Ӯзбекистон ва Қирғизистон соли 1993 созишнома дар бораи нерӯҳои муштараки сулҳбонро имзо карданд, ки такягоҳи субот бар минтақа шуданд. Он замон ба ҳайати нерӯҳои муштараки сулҳбон дивизияи 201-уми Русия ва воҳидҳои Қазоқистон, Ӯзбекистон ва Қирғизистон шомил гардиданд. Бо талоши муштараки сулҳбонҳо даргирии мусаллаҳона дар Тоҷикистон хомӯш карда шуд. Дар ҷумҳурӣ гуруҳи фаврии марзбонии Хадамоти федералии амният – “ФСБ”-и Русия боқӣ монданд ва соли 2005 дар заминаи дивизияи 201-ум дар Тоҷикистон пойгоҳи 201-уми низомии Русия ташкил карда шуд, ки моҳиятан сулҳбон мебошад.

Русия чун узви доимии Шӯрои амнияти СММ бо дигар аъзо масъули сулҳ дар сайёра мебошад. Даргириҳои байналмилалӣ ва байнихудиро дар қаламрави собиқ шӯравӣ пешгирию бартараф мекунад, дар ҳайати сулҳбонҳои СММ ва СААД дар хориҷи дур низ иштирок мекунад.

Аз Югославия то Ангола

Сулҳбонҳои Русия аз таҷрибаи бузург бархӯрдор буда, тасодуфӣ нест, ки аз рӯи теъдоди нозирони низомӣ дар СММ, Русия ба даҳгонаи аввал шомил мебошад.

Чунин амалиёт шартан ба ду навъ – ҳифзи субот ва водорсозии маҷбурӣ ба сулҳ ҷудо мешаванд. Вобаста ба вазъ дар минтақаи таҳти назорат амалиёту вазифаҳои сулҳбонҳо метавонанд тағйир ёбанд. Аз ҷумла моҳи августи соли 2008 амалиёти ҳифзи сулҳ дар минтақаи мухолифатҳои Гурҷистону Осетия моҳиятан ба амалиёт барои водорсозии Гурҷистон ба сулҳ мубаддал шуд.

Низомиёни Русия аз соли 1992 зимни амалиёти СММ барои ҳифзи сулҳ дар Югославия (1992 – 2003 годы) таҷрибаи байналмилалӣ гирифтанд, ки он он ҷо ҳайати сулҳбонҳои Русия 1600 нафарро ташкил медод. Чунин рисолатҳо баъдан дар Ангола, Либерия, Мозамбик, Кот-д’Ивуаре, Руанда, Бурунди, Эфиопия, Судон, ҷумҳурии Чад ва Ҷумҳурии Африқои Марказӣ низ амалӣ шуд.

Ҳар амалиёт хусусиятҳои худро дорад, ки аз шиддати даргирӣ, хатари муқовимати мусаллаҳона, теъдоди нерӯҳои дахлдор, шароити ҳамлу нақл, тафаккури сокинони маҳаллӣ ва шароити тиббӣ вобаста мебошад.

Низомиёнро зарур аст, ки фавран ба вазъ мутобиқ шаванд, пайвата дар ҳоли омодагии ҷангӣ қарор дошта бошанд. Ҷойивазкунии муқаррарӣ ҳар ним сол як бор рух медиҳад, ки санҷиши сангин барои омодагии ҷисмию равонии низомиён мебошад. Ҳайати нозирон тақрибан бесилоҳ мебошанд, сулҳбонҳо бештар бо силоҳи сабук мусаллаҳ мебошанд.

Сулҳбонҳои Русия соли равон дар ҳайати 9 амалиёти СММ хидмат мекунанд. Сахари ғарбӣ (MINURSO), Ҷумҳурии Африқои Шумолӣ (MINUSCA), Ҷумҳурии демократии Конго (MONUSCO), дар Кипр (UNFICYP), дар Судон (UNISFA), дар Косово (UNMIK), дар Судони ҷанубӣ (UNMISS), дар шарқи наздик (UNTSO), дар Колумбия (UNVMC).

Бузургтарин амалиёти сулҳбонии СММ ва Иттиҳоди Африқо дар Судон роҳандозӣ шудааст, ки беш аз 20 ҳазор низомиро дар бар мегирад. Сарфи назар аз ҷуғрофиёи экзотикӣ, ин кори вазнин бо хатари доимӣ барои ҷон мебошад. Ҳамасола дар сайёра ҳудуди 100 сулҳбонҳо ба ҳалокат мерасанд, ки баштарашон зимни ҳамлаҳои ҳадафмандона кушта мешаванд.

180
Барчаспҳо:
ҷангу сулҳ, сулҳ, ҷаҳон, СММ, Русия
Учения Центр-2019 в Таджикистане

Низомиёни Русия дар Тоҷикистон таҷрибаи ҷангии андӯхта дар Сурияро тамрин мекунанд

147
(Таҷдидшуда 14:42 20.11.2020)
Низомиёни пойгоҳи 201-уми Русия дар Тоҷикистон таҷрибаҳои нави ҷангиро, ки дар Сурия андӯхта шудаанд, дар размоиш татбиқ мекунанд. Дар ин тамринот ҳамчунин имконоти силоҳу техника санҷида мешавад

ДУШАНБЕ, 20 ноя — Sputnik. Низомиёни Русия ва Тоҷикистон дар размоиши муштарак, ки рӯзи ҷумъа дар тамрингоҳҳои Лоҳур, Самбулӣ ва Ҳарб-Майдон оғоз шуд, таҷрибаи ҷангии андӯхта дар Сурияро тамрин мекунанд.

Дар ин бора зимни оғози размоиш, генерал-лейтенант Юрий Петров, ноиби фармондеҳи нерӯҳои ҳавзаи марказии низомии Русия хабар дод.

 “Шароити размоиш хеле наздик ба ҷангӣ хоҳанд буд. Дар назар аст, ки шеваҳои нави ҷангӣ, ки дар Сурия андӯхта шудааст, тамрин карда шаванд”, - изҳор дошт Юрий Петров.

Ӯ афзуд, ки размоиш ба таҳкими амалиёти муштарак ва муносибати якхела ба гузарондани амалиёти низомӣ бо назардошти шароити иқлимию географӣ равона гардидаанд, ки омодагии баланди низомиён ва руҳияи устуворро талаб мекунанд.

Дар котиботи Ҳавзаи марказии низомӣ хабар доданд, ки низомиён дар марҳилаҳои размоиш амнияти иншооти муҳим, иҳотагирии гуруҳҳои ғайриқонунии мусаллаҳ ва пешгирии ҳамлаи онҳоро тамрин мекунанд. Дар анҷоми размоиш оташкушоии маҷмӯӣ барои нобуд кардани рақиби шартӣ дар назар аст.

Дар тамринот, ки аз 20 то 28 ноябр идома меёбад, аз ҷониби Русия беш аз 3 ҳазор низомӣ бо 550 воҳиди техникаи ҳарбӣ, аз ҷумла чархболҳои ҳарбӣ-нақлиётии Ми-24, Ми-8 МТВ5-1, танкҳои Т-72, мошинҳои навсозишудаи ҷангии БМП-2М, зиреҳпӯшҳои БТР-82А, БТР-80, маҷмааҳои артиллерии "Град", "Ураган", худгардҳои артиллерии "Гвоздика" ва "Акатсия"  иштирок доранд.

147
Барчаспҳо:
соҳибтаҷриба, Сурия, размоиш, Тоҷикистон-Русия
Ноги, архивное фото

Макони ишқварзӣ ба ивази 120 сомон: боздошти зани 41-сола барои ташкили фоҳишахона

0
(Таҷдидшуда 11:16 24.11.2020)
Вазорати  умури дохилии Тоҷикистон як зани 41-солаи сокини кӯчаи Н.Қарабоеви пойтахтро бо иттиҳоми ташкили фоҳишахона боздошт кардааст

ДУШАНБЕ, 24 ноя - Sputnik.  Бино ба иттилои дафтари матбуотии ин ниҳод, боздоштшуда хонаи истиқоматиашро ба фоҳишахона табдил додааст.

Манбаъ мегӯяд, номбурда, 23-юми ноябри соли 2020, дар хонаи истиқоматиаш барои алоқаи ҷинсӣ намудан ба ҷавони 21 сола ва ҷавонзани 22-солаи сокинони шаҳри Душанбе шароит фароҳам оварда, аз онҳо 120 сомонӣ мукофотпулӣ гирифтааст.

“Ҳамчунин, номбурда ҳамон рӯз дар хонаи истиқоматиаш барои алоқаи ҷинсӣ намудан ба ҷавони 23-сола ва ҷавонзани 20-солаи сокинони пойтахт шароит фароҳам оварда, аз онҳо 120 сомонӣ мукофотпулӣ гирифтааст”,-афзудааст, манбаъ.

Боздошти зани 47 сола барои ташкили фоҳишахона: ду нафарро шинос карду 400 сомон гирифт

Гуфта мешавад, аз рӯи ин ҳодиса тафтишот идома дорад.

0
Барчаспҳо:
ташкили фоҳишахона, зан, боздошт, Душанбе, Тоҷикистон