Пограничники на кыргызско-таджикском участке государственной границы

Шоми 24- уми август дар марзи Тоҷикистону Қирғизистон чӣ иттифоқ афтод?

2043
(Таҷдидшуда 13:04 25.08.2019)
Дирӯз дар марзи Тоҷикистону Қирғизистон боз як ҳодисаи дигари нақзи протоколҳое, ки миёни намояндагони ҳар ду ҷониб оиди демаркатсияи сарҳад ба имзо расида буданд, сурат гирифт

ДУШАНБЕ, 24 авг — Sputnik. Ба иттилои дафтари матбуоти Қушунҳои сарҳадии Тоҷикистон, дирӯз даҳҳо нафар сокинони ноҳияи Лейлак дар қитъаи баҳсноки хати сарҳади давлатӣ, ҳамаи талаботҳои протоколҳоро вайрон намуданд.

Бар хабари манбаъ, сокинони ин ноҳия бе мувофиқа бо мақомоти дахлдори Ҷумҳурии Қирғизистон ва Ҷумҳурии Тоҷикистон барқасдона ба сохтмони ду нуқтаи фурӯши сӯзишворӣ оғоз карданд.

Ваъдаи Жээнбеков ба сокинони наздимарзӣ: мушкилатонро ҳал мекунем
Дар ҳоле, ки тибқи созишномаҳои дуҷонибаи бадастомадаи ду давлат, то ба анҷом расонидани демаркатсия ва делимитатсияи сарҳад, ҳама намуди корҳои сохтмонӣ дар минтақаҳои баҳснок манъ мебошад.

"Бо сабабҳои номаълум, сокинони ноҳияҳои наздисарҳадии вилояти Ботканди Ҷумҳурии Қирғизистон доимо талаботи протоколҳои дар боло зикршударо сарфи назар карда, амалҳои иғвогарона анҷом медиҳанд, ки метавонанд боиси сар задани низоъҳои минбаъдаи наздисарҳадӣ байни сокинони кишварҳои ҳамсоя гарданд",- гуфта мешавад дар хабари манбаъ.

Зимнан қайд мешавад, ки сокинони назди сарҳадии Қирғизистон бо ин амалӣ худ собит намуданд, ки ба ҳалли муаммои мазкур аз роҳи гуфтушунид ва тафоҳум омода нестанд.

Ҳудуди 600 нафар сокинони маҳали даргир дар марзро ба ҷойҳои амнтар интиқол доданд

Манбаъ меафзояд, феълан вазъият дар қитъаи сарҳади давлатии Қирғизистон ва Тоҷикистон мӯътадил мебошад.

2043
Барчаспҳо:
ноамнӣ дар наздикии марз, сарҳад, Қирғизистон, Тоҷикистон
Мавзуҳо:
То кай?: танишҳои марзӣ миёни Тоҷикистону Қирғизистон (91)
Президент Таджикистана Эмомали Рахмон

Хотироти Раҳмон аз Раббонӣ, додани ҳукумат, музокироти Давҳа ва ибрат аз тоҷикон-видео

373
(Таҷдидшуда 09:41 21.09.2020)
Эмомалӣ Раҳмон, раисиҷумҳури Тоҷикистон, дар ҳамоиши онлайнӣ ба хотири бузургдошти Бурҳониддин Раббонӣ, собиқ раисиҷумҳури Афғонистон, ки 9 сол қабл дар Кобул кушта шуд, хотироти худ ва нақши Раббонӣ дар сулҳи тоҷиконро баён дошт

ДУШАНБЕ, 21 сен — Sputnik. Раисиҷумҳури Тоҷикистон зикр намуд, ки Бурҳониддин Раббонӣ 50 сол дар меҳвари равандҳои сиёсӣ, иҷтимоӣ ва фикрии Афғонистон қарор дошт ва замони нишасти баргузоршуда барои сухан дар бораи ҳамаи паҳлӯҳои ҳаёту фаъолият ва симои поки ӯ кифоят намекунад.

Тавсифи Раҳмон аз 1 амали таърихии Раббонӣ: ҳукуматдориро ба Карзай дод-видео

Эмомалӣ Раҳмон, гуфт,  мехоҳад, фақат яке аз амалҳои аз нигоҳи таърих тақдирсози Рабониро таъкид намояд.  

“Бурҳониддин Раббонӣ охири соли 2001 зимоми ҳукуматдориро ба таври мусолиатомез ба идораи муваққатӣ таҳти сарварии Ҳомид Карзай таҳвил дода, номи худро дар саҳифаҳои таърихи муосири Афғонистон барои ҳамеша сабт кард. Баъдан аз ҷониби ӯ пазируфтани раёсати Шӯрои олии сулҳ, далели дигари чеҳраи меҳварию сулҳпарвар ва хирадгаро будани ин сиёсатмадори варзида дар саҳнаи сиёсати Афғонистон мебошад”,-изҳор дошт раисиҷумҳури Тоҷикистон.

Мулоқот дар Кобул, буҳрон дар музокирот ва даъвати Раббонӣ ба дидори дигар

Эмомалӣ Раҳмон дар идома афзуд, ки профессор Раббонӣ тамоми фаъолият ва ҳаёти худро ба истиқлол ва озодии кишвараш бахшида, ҳамзамон кӯшиш ба қаробати  миллатҳою тамаддунҳо дошта, муваффақ ҳам гардид. Раҳмон аз ҷумла саҳми арзандаи хотирмони ин абармарди сиёсат ва илмро дар мусолиҳаи байни тоҷикон хотиррасон намуд.

“Маҳз ба воситаи раисиҷумҳури онвақта соли 1995 дар шаҳри Кобул нахустин мулоқоти ҳайати сатҳи олии ҳукумати Тоҷикистон бо роҳбарияти Иттиҳоди мухолифини тоҷик баргузор гардид. Он роҳи гуфтушунид ва тафоҳумро миёни тарафҳо боз намуд. Мо пешниҳод намудем, ки дар Тоҷикистон сулҳи пойдор барқарор шавад, вале мутаассифона дере нагузашта музокироти сулҳи тоҷикон ба буҳрон рӯбарӯ шуд”, -  нақл кард кард Раҳмон.

Раҳмон: масъулияти роҳбарӣ маро водор мекард, ки қадами аввал гузорам-видео

Ӯ илова намуд, ки дар он рӯзҳо ба халқи Тоҷикистон ваъда дода буд, ки ба онҳо сулҳ меоварад.

“Аз ин рӯ масъулияти роҳбарии кишвар маро водор мекард, ки қадами нахустинро гузорам. Бо пешниҳоди профессор Раббонӣ, тасмим гирифта шуд, ки мулоқоти дигари ҷонибҳо доир гардад”, - изҳор дошт Раҳмон.

Ӯ тавзеҳ дод, ки бо мусоидати шахсии Раббонӣ, як сол пас дар Хусдеҳи Афғонистон даври дигари мулоқоти сатҳи олии ҷонибҳои раванди сулҳи тоҷикон доир шуд, ки дар музокироти сулҳ гардиши куллиро ба вуҷуд овард.

“Дар натиҷаи музокироти Хусдеҳ, самтҳои калидии пешбурди раванди сулҳ муайян гардида, заминаи воқеии хотима бахшидан ба ҷанги таҳмилии шаҳрвандӣ дар Тоҷикистон гузошта шуд. Агар дар таъмини ҳифзи якпорчагии Тоҷикистон иҷлосияи 16-уми Шӯрои олӣ заминаи ҳуқуқӣ гузошта бошад, дар имзои Созишномаи умумии истиқрори сулҳ ва ризоияти миллӣ, ки 27 июни 1997 дар Маскав сурат гирифт, музокироти Хосдеҳ нақши калидӣ дошт”, - изҳори боварӣ кард Раҳмон.

Музокироти Давҳа ва пешниҳоди Раҳмон барои истифодаи таҷрибаи сулҳи Тоҷикистон

Раҳмон гуфт, моҳи сентябри соли 2003 профессор Раббонӣ дар маросими солгарди ба шаҳодат расидани қаҳрамони миллии Афғонистон, Аҳмадшоҳи Масъуд, дар баёнияи хеш иброз намуд, ки истиқрори сулҳ ва ризоияти миллии Тоҷикистон барои Афғонистон намунаи ибрат мебошад.

Ин суханони Раббонӣ имрӯз низ моҳияти худро гум накардаанд, афзуд Раҳмон.

“Рӯзи 12 сентябри соли 2020, ҳамагӣ чанд рӯз қабл мо шоҳид будем, ки дар Давҳа, пойтахти давлати Қатар, маросими оғози музокироти байни афғонҳо пас аз даҳҳо соли ҷанги бародаркуш баргузор гардид. Ҷомеаи байналмилалӣ умедвор аст, ки музокироти Давҳа оғози иқстиқрори сулҳу суботи пойдор дар Афғонистон хоҳад шуд”, - изҳор дошт Раҳмон.

Ӯ афзуд,  табиист, ки ҳар ихтилофу низоъ мушахассоти худро дорад, аммо бо вуҷуди ин салоҳ ба назар мерасад, ки таҷрибаи сулҳи тоҷикон дар раванди сулҳи байниафғонӣ мавриди истифода қарор гирад.

Эмомалӣ Раҳмон: музокироти сулҳи тоҷикон натиҷаи хуб дод

Ба гуфтаи Раҳмон, музокироти сулҳи тоҷикон натиҷаи хуб дод ва сулҳ дар Тоҷикистон истиқрор ёфт. Ҷомеаи ҷаҳонӣ сулҳи тоҷиконро ҳамчун намунаи барҷастаи ҳалли ихтилофу низоъҳои дохилӣ эътироф кард. Тоҷикистон омода аст, бо такя ба таҷрибаи сулҳофаринии худ ба бародарони афғонистонӣ дар раванди музокироти сулҳ дар доираи имкон ёрмандӣ расонад, изҳор дошт раисиҷумҳур.

Эмомалӣ Раҳмон иттилоъ дод, ки профессор Раббонӣ, раисиҷумҳури вақти Афғонистон дар роҳандозии муносиботи муосири Тоҷикистону Афғонистон саҳми бузург дорад. Ӯ аввалин шахси олимақоми кишвари хориҷӣ буд, ки соли 1992 аз Тоҷикистони соҳибистиқлол боздиди расмӣ ба амал баровард. Зимни сафари ӯ созишнома дар бораи барқарории муносибатҳои дипломатии ду давлат ба имзо расид.

“Ҳукумати Тоҷикистон ҳамеша дар паҳлӯи низоми сиёсии ҶИА қарор дошт ва минбаъд низ аз сиёсати сулҳҷӯёнаи ин кишвари дӯсту бародар пуштибонӣ хоҳад кард. Тоҷикистон ҷонибдори истиқрори сулҳ ва зербиноии Афғонистон мебошад, то тамоми мардуми ин кишвар дар фазои сулҳу субот умр ба сар барад”, - изҳор дошт Раҳмон.

Эмомалӣ Раҳмон изҳори боварӣ кард, мардуми Афғонистон, ки дорои шахсиятҳои барҷаста аз қабили профессор Раббонӣ мебошад, метавонад, тақдиру ояндаи сарзамини куҳантаърихи худро ба даст гирифта, барои ободии кишвараш пайгирона талош кунад.

373
Мулоқоти Эмомалӣ Раҳмон, раисиҷумҳури Тоҷикистон, бо Муҳаммад Ҳаниф Атмар, сарпарасти Вазорати корҳои хориҷии Афғонистон

Раҳмон ҷонибдорияш аз музокироти байниафғониро баён дошт

233
(Таҷдидшуда 20:46 17.09.2020)
Эмомалӣ Раҳмон, раисиҷумҳури Тоҷикистон, дар шаҳри Душанбе бо Муҳаммад Ҳаниф Атмар, сарпарасти Вазорати корҳои хориҷии Афғонистон вазъи имрӯзаи амниятӣ ва оғози музокироти сулҳи байниафғониро баррасӣ кард

ДУШАНБЕ, 17 сен — Sputnik. Ба иттилои котиботи раисиҷумҳури Тоҷикистон, дар мавриди яке аз равандҳои калидии фазои сиёсии Афғонистон, ки имрӯзҳо диққати ҷомеаи ҷаҳониро ба худ ҷалб кардааст, яъне музокироти сулҳи Афғонистон, Эмомалӣ Раҳмон изҳор дошт, ки  Тоҷикистон мавқеи Ҳукумати Афғонистонро дар таъмини амният ва сулҳу суботи пойдор ҳамеша ҷонибдорӣ карда, аз ҳар иқдоме, ки ба ҳалли мусолиҳатомези қазияи Афғонистон мусоидат мекунад, истиқбол менамояд.  

“Дар ин робита қайд гардид, ки Тоҷикистон бо истифода аз ҳама зарфиятҳо ва имконоти мавҷуда минбаъд ҳам саъйю талош хоҳад кард, то  ҷиҳати  мусоидат ба ҳалли мушкилоти Афғонистон ва рушди иқтисодиву иҷтимоии он дар ростои манофеи мардуми бародари он саҳми худро гузорад”, - омадааст дар иттилоияи котибот.

Тибқи иттилои котиботи раисиҷумҳури Тоҷикистон, Эмомалӣ Раҳмон таъкид кард, ки  ҳамкорӣ бо Афғонистон дар сохтори сиёсати хориҷии Тоҷикистон яке аз самтҳои авлавиятнок муқаррар шудааст ва ҷониби мо ба густариши ҳамкориҳо бо ин кишвари ҳамҷавор  пайваста таваҷҷуҳи ҷиддӣ зоҳир менамояд.

Дар ҷараёни мулоқот ҷонибҳо ҳамчунин аҳаммияти пайгирии минбаъдаи масъалаҳои вобаста ба татбиқи лоиҳаҳои зерсохторӣ ва энергетикии минтақавиро, ки омили  ҷалби васеи Афғонистон ба раванди ҳамкориҳои минтақавӣ маҳсуб меёбанд, баррасӣ намудаанд.  

Баъди ҳамла: мулоқоти Ятимов бо Амруллоҳ Солеҳ ва Абдулло Абдулло дар Кобул

Ҷонибҳо инчунин зарурати таҳкиму тақвияти ҳамкориҳояшро дар самти муборизаи муштарак алайҳи хатару таҳдидҳои муосир, аз ҷумла терроризм, ифротгароӣ, гардиши ғайриқонунии маводи мухаддир ва дигар ҷиноятҳои муташаккили фаромиллӣ, инчунин дар ҷодаи мубориза бо ҳамагирии КОВИД-19 ва рафъи оқибатҳои он  қайд намудаанд.

233

Марди чинӣ тавонист моҳиҳоро футболбоз кунад: навори аҷиб

0
Сокини шаҳри Сзиян, Ян Тсянсин тавонист моҳиҳои тиллоиӣ дохили аквариумро футболбоз кунад. Акнун дар шароити қарантин, номбурда дар манзили зисташ мустақиман бозии футболро тамошо карда, роҳат мекунад

Ян Тсянсин аквариумро барои майдони футбол муҷҷаҳаз карда, ба "дастаи тиллоӣ" қоидаҳои бозӣ кардани футболро фаҳмондааст.

"Ман тамоман интизор надоштам, ки онҳо ба футбол майл пайдо кунанд. Баъде, ки ба тамринашон машғул шудам, дарк намудам, ки бозии футбол барояшон шавқовар аст ва бо туб кор карданро нағз мебинанд", - изҳор доштаст Ян.

Барои бозии хуб моҳиҳоро ҳадя интизор аст. Аниқтараш, барои ҳар як голи ба самар ӯ муаллифи голро зиёфат медиҳад.

Сайди моҳӣ дар Тоҷикистон чаро ва то кай мамнӯъ аст?

Раванди бозиии "дастаи тиллои" - ро Ян дар TikTok мегузорад ва моҳиҳо аллакай чандин тамошобинро сарҷамъ овардаанд.

Зимнан, худи Ян Тсянсин мегӯяд, дар оянда нақшаи баргузор кардани мусобиқаи футбол миёни дастаҳои  моҳиҳоро дорад.

0
Барчаспҳо:
навор, футбол, моҳӣ, Чин