Пограничник на смотровой вышке на границе Кыргызстана. Архивное фото - Sputnik Тоҷикистон
Вазъ дар марзи Тоҷикистону Қирғизистон
Хабарҳои бештар аз танишу созишҳои марзӣ миёни Тоҷикистону Қирғизистон

Расонаҳо: баҳси марзӣ ахиран анҷом ёфт, қирғизҳо дидбонгоҳро мекананд, тоҷикон намесозанд

© пресс-служба правительства КыргызстанаВышка на пограничном посту Максат в Лейлекском районе Баткенской области.
Вышка на пограничном посту Максат в Лейлекском районе Баткенской области. - Sputnik Тоҷикистон
Обуна шудан
Дар маҳаллаи Баҳори деҳаи Овчи Қалъачаи ноҳияи Бобоҷон Ғафурови вилояти Суғд гуфтушуниди ҳайатҳои Тоҷикистону Қирғизистон дар масъалаи марз анҷом ёфт

ДУШАНБЕ, 18 сен — Sputnik. Бар хабари расонаҳои маҳаллӣ субҳи имрӯз музокироти намояндагони Тоҷикистону Қирғизистон сари масъалаи марз наздики се соат давом намуда, дар фарҷом ҳар ду тараф ба мувофиқа расиданд.

Пограничник на смотровой вышке. Архивное фото - Sputnik Тоҷикистон
Номаи эътирозии Тоҷикистон ба Қирғизистон барои тирпарронӣ дар марз

Ҳамин тариқ, натиҷаи гуфтушунидҳо чунин аст, ки ҷониби Қирғизистон дидбонгоҳи назоратиро хароб мекунад ва ҷониби Тоҷикистонро онро бунёд намекунад.

Инчунин, қарор дода шуд, ки қувваҳои иловагӣ ва техникаи ҳарбӣ аз соати дуи бегоҳ аз ду тараф бароварда шаванд.

Пешгирии қонуншиканӣ дар марз: Аламшозода ва Тошпулатов протокол имзо карданд

Шаби гузашта ҷаласаи сарвазирони Тоҷикистону Қирғизистон низ баргузор гардид, ки дар он ба ҳайатҳои дахлдори ҳарду кишвар супориш дода шуд, ки дар ин самт якҷоя кор кунанд, то ҳалли масъалаҳои рухдода тезтар анҷом дода шавад.

Зимнан расонаҳои маҳаллӣ хабар медиҳанд, ки феълан  дар Овчи Калъача зиндагӣ чун пештара идома дорад, ҳарчанд чанде пеш ҳама ҷо баста буд ва кор намекард.

Президент Кыргызстана Сооронбай Жээнбеков - Sputnik Тоҷикистон
Жээнбеков аз тарафҳо хост аз доман задан ба ҷанҷол дар марз бо Тоҷикистон худдорӣ кунанд

Ёдовар мешавем, ки дар пайи тирпаронии бегоҳии 16 - сентябр дар ҳудуди марзии Тоҷикистону Қирғизистон се марзбони тоҷик:  подполковник Рустам Убайдуллоев  ва ду сарбози қаторӣ - Рамазон Исломов ва Илёсиддин Субҳонов  кушта шуданд. 

Садои тир дар марз: якчанд шаҳрванди Тоҷикистон маҷрӯҳ, як сарбози қирғиз кушта шуд

Ҳамчунин бар асари тирпарронӣ як афсари қирғиз низ ба ҳалокат расида, чандин шаҳрвандони ҳар ду тараф маҷрӯҳ гардиданд.

Вобаста ба ҳодисаи ахир, нахуст ҷониби Қирғизистон ба сафири Тоҷикистон дар Бишкек Суҳроб Олимзода нотаи эътирозӣ супориданд, ки дар он аз амалкарди марзбонони тоҷик бобати нахуст кушодани оташ суйи қирғизҳо изҳори нигаронӣ намудаанд. Зимнан аз мақомоти Тоҷикистон бо ирсоли нотаи эътирозӣ даъват намуданд, ки барои печидатар нашудани вазъияти феълӣ, аз тамоми чораҳо кор бигиранд.

Местные жители и сотрудники МВД на кыргызско-таджикской границе в Баткенской области. Архивное фото - Sputnik Тоҷикистон
Вазъ дар марз: чаро дар Ботканд 100 нафар аз сокинони наздимарзӣ ҷамъ омаданд

Гузашта аз ин Вазорати умури хориҷии Тоҷикистон низ дирӯз ба ваколатдори муваққатии Қирғизистон дар Тоҷикистон номаи эътирозӣ супорид.

Мақомоти Тоҷикистон аз он изҳори нигаронӣ намуданд, ки ҷониби Қирғизистон дар ҳудуди замини мувофиқнашуда ба сохтусози иншоот оғоз кардаанд.

Муноқишаи мазкур низ  бар асари оғози сохтмони ғайриқонунии марзбонони қирғиз дар мавзеи баҳсии байни ду маҳалла – Баҳори Ҷумҳурии Тоҷикистон ва Мақсади  Ҷумҳурии Қирғизистон ва эътирози мардуми маҳаллаи Баҳор ба вуқӯъ пайвастааст.

Мақомоти Тоҷикистону Қирғизистон дар ҷанҷолу тирандозӣ дар марзи ду кишвар ҳамдигарро мутаҳҳам карданд.

Ёдрас мешавем, ки Тоҷикистону Қирғизистон ҳудуди 976 километр марзи муштарак доранд, ки наздик ба 50 дарсади и он, ҳанӯз аломатгузорӣ нашудааст.

Лентаи хабарҳо
0