Путин дар размоиши “Марказ – 2019” иштирок мекунад

© Sputnik / Михаил Климентьев / Гузариш ба медиабонкПрезидент РФ В. Путин
Президент РФ В. Путин - Sputnik Тоҷикистон
Обуна шудан
Владимир Путин, раисиҷумҳури Русия рӯзи ҷумъаи 20 сентябр аз размоиши стратегии “Марказ – 2019” дар вилояти Оренбург иштирок мекунад

ДУШАНБЕ, 19 сен — Sputnik. Путин рӯзи ҷумъа дар марҳилаи асосии размоиши “Марказ – 2019” иштирок мекунад, хабар дод Дмитрий Песков, сухангӯи раисиҷумҳури Русия.

Чархболи ҷангии Ми-24 дар доираи размоиши Марказ - 2019 дар пойгоҳи Лоҳур гуруҳи мусаллаҳи ғайриқонуниро ҳадафи тирборон қарор додааст  - Sputnik Тоҷикистон
Посух ба ҳамлаи 100 ҷангҷӯ ба марзи Тоҷикистон: гузориши аксӣ аз размоиш

“Имрӯз раисиҷумҳур ба вилояти Оренбург парвоз мекунад, шабро он ҷо хоҳад гузаронд ва фардо дар марҳилаи асосии размоиши стратегӣ “Марказ – 2019” ширкат хоҳад кард”, - иттилоъ дод Песков.

Размоиши стратегии “Марказ – 2019” дар вилояти Оренбург аз 16 то 21-уми сентябр гузаронда мешавад.  Дар ин машқҳо низомиёни Тоҷикистон, Русия, Чин, Покистон, Қирғизистон, Ҳинд, Қазоқистон ва Узбакистон дар маҷмуъ ҳудуди 128 ҳазор нафар иштирок доранд.  Зимни тамринот истифода аз 20 ҳазор техникаю силоҳ, ҳудуди 600 ҳавопаймо ва 15 киштӣ дар назар аст.

Файзов ва Шералӣ Мирзо машқҳои муштарак бо Чинро муҳим хонданд

Қаблан Ҷаҳонгир Назарализод, полковники тоҷик дар пасманзари таҷаммӯи ҷангиёни "ДОИШ" дар Афғонистон размоиши муштаракаи "Марказ - 2019"-ро махсусан муҳим хонда буд.

Двусторонние учения военных Узбекистана и Таджикистана по уничтожению условных террористических группировок - Sputnik Тоҷикистон
Таъмини амнияти минтақаро низомиёни Тоҷикистону Узбакистон бар уҳда мегиранд

Теъдоди ҷонибдорони созмони террористии "ДОИШ" дар Афғонистон ба ҳадди буҳронӣ расидааст, изҳор дошт полковники тоҷик Ҷаҳонгир Назарализод зимни маросими ифтитоҳи тамринҳои "Марказ - 2019".

"Баъди амалиёти байналмилалии зиддитеррористӣ дар Ироқ ва Сурия ДОИШ шикаст хӯрд ва саркардаҳои он нерӯҳошонро ба Афғонистон равона карданд. Аз ҳисоби таблиғот ҳамарӯза теъдоди ҷонибдорони ДОИШ афзоиш ёфта, ба ҳадди буҳронӣ наздик омадааст", -таъкид кард полковник Назарализод, сардори ситоди нерӯҳои ҳавоии Тоҷикистон.

Тир то 120 км бехато мерасад: баталиони ҷадиди Русия дар Тоҷикистон ташкил шуд

Ӯ афзуд, ки вазъ дар кишвари ҳаммарз - Афғонистон мояи нигаронӣ мебошад ва бояд тадобири амниятӣ таҳким бахшида шаванд.

Лентаи хабарҳо
0