Раджаббой Ахмадзода, глава согдийской области

Ташвиши Аҳмадзода аз бозгашти ҷавонон ба мадрасаҳои хориҷӣ ба далели бекорӣ

702
(Таҷдидшуда 19:12 23.11.2019)
Раҷаббой Аҳмадзода, раиси вилояти Суғд, зимни ҷаласа дар масъалаи мубориза бо терроризм ба раисони шаҳру ноҳияҳо дастур додааст, барои баргардонидани донишҷӯёне, ки таҳсилашон дар мадрасаҳои хориҷи кишвар ғайрирасмӣ мебошад, кор баранд

ДУШАНБЕ, 23 ноя — Sputnik. Раиси вилояти Суғд аз таҳсили ғайриқонунии ҷавонон дар мадрасаҳои хориҷи кишвар изҳори нигаронӣ намуда, ба раисони шаҳру ноҳияҳои Хуҷанд, Панҷакент, Конибодом, Ашт, Истаравшан, Исфара дастур додааст, барои ба ватан баргардонидани донишҷӯёне, ки таҳсилашон дар мадрасаҳои кишварҳои хориҷӣ ғайриқонунӣ мебошад, чораандешӣ кунанд.

“Мо донишҷӯёнро аз хориҷи кишвар як дафъа ҷамъ карда овардем, вале бо баҳонаи набуди ҷои кор баъзеи онҳо баромада рафтанд. Мо ин маълумотномаҳоро дорем. Дар хориҷа таҳсил кардани онҳо лозим нест. Кӣ медонад, ки онҳо дар кишварҳои хориҷ чӣ кор мекунанд. Мо дар дохили кишвар ҳамаи шароитҳоро дорем. Барои баргардондани ҳар яки онҳо ба кишвар талош кунед”, - таъкид намудааст Аҳмадзода.

Раисон бо бел ба мумфаршкунии роҳи кӯчаҳои шаҳри Хуҷанд оғоз бахшиданд

Бо ироаи ин дастур, раиси вилоят, аз сардорони шуъбаҳои Вазорати корҳои дохилӣ дар ин шаҳру ноҳияҳо тақозо кардааст, ки дар самти баргардонидани ин ҷавонон бо волидони онҳо корбарӣ намоянд.

Зимнан ба иттилои Раёсати кор бо ҷавонон ва варзиши вилояти Суғд дар шаш моҳи соли ҷорӣ, 18 донишҷӯ дубора барои таҳсил ба хориҷа рафтаанд. Онҳо, 3 сокини ноҳияи Ашт, 1 сокини шаҳри Бӯстон, 2 сокини ноҳияи Бобоҷон Ғафуров, 2 сокини шаҳри Истаравшан, 1 сокини шаҳри Исфара, 2 сокини шаҳри Конибодом, 2 сокини ноҳияи Масчоҳ, 3 сокини шаҳри Панҷакент ва 2 сокини шаҳри Хуҷанд будаанд.

Масъулин мегӯянд, бозгашти дубораи ин шумор ҷавонон ба мадрасаҳои хориҷи кишвар аз роҳи муҳоҷират сурат гирифта ва ба ин ҳол таҳсили динии онҳо ғайрирасмӣ мебошад.

Мақомоти Тоҷикистон сар аз соли 2010 ба баргардонидани донишҷӯёни тоҷик аз мадрасаҳои кишварҳои хориҷӣ оғоз намуданд. Ин дастур баъди он роҳандозӣ гардид, ки зимни як суханронии худ раисиҷумҳур Эмомалӣ Раҳмон ба волидон аз ифротгаро шудани бархе аз муҳассилин дар мадрасаҳои хориҷӣ таъкид намуда буд.

702
Барчаспҳо:
донишҷӯён, Раҷаббой Аҳмадзода, Суғд, Тоҷикистон
Мулоқоти Эмомалӣ Раҳмон, раисиҷумҳури Тоҷикистон, бо Муҳаммад Ҳаниф Атмар, сарпарасти Вазорати корҳои хориҷии Афғонистон

Раҳмон ҷонибдорияш аз музокироти байниафғониро баён дошт

226
(Таҷдидшуда 20:46 17.09.2020)
Эмомалӣ Раҳмон, раисиҷумҳури Тоҷикистон, дар шаҳри Душанбе бо Муҳаммад Ҳаниф Атмар, сарпарасти Вазорати корҳои хориҷии Афғонистон вазъи имрӯзаи амниятӣ ва оғози музокироти сулҳи байниафғониро баррасӣ кард

ДУШАНБЕ, 17 сен — Sputnik. Ба иттилои котиботи раисиҷумҳури Тоҷикистон, дар мавриди яке аз равандҳои калидии фазои сиёсии Афғонистон, ки имрӯзҳо диққати ҷомеаи ҷаҳониро ба худ ҷалб кардааст, яъне музокироти сулҳи Афғонистон, Эмомалӣ Раҳмон изҳор дошт, ки  Тоҷикистон мавқеи Ҳукумати Афғонистонро дар таъмини амният ва сулҳу суботи пойдор ҳамеша ҷонибдорӣ карда, аз ҳар иқдоме, ки ба ҳалли мусолиҳатомези қазияи Афғонистон мусоидат мекунад, истиқбол менамояд.  

“Дар ин робита қайд гардид, ки Тоҷикистон бо истифода аз ҳама зарфиятҳо ва имконоти мавҷуда минбаъд ҳам саъйю талош хоҳад кард, то  ҷиҳати  мусоидат ба ҳалли мушкилоти Афғонистон ва рушди иқтисодиву иҷтимоии он дар ростои манофеи мардуми бародари он саҳми худро гузорад”, - омадааст дар иттилоияи котибот.

Тибқи иттилои котиботи раисиҷумҳури Тоҷикистон, Эмомалӣ Раҳмон таъкид кард, ки  ҳамкорӣ бо Афғонистон дар сохтори сиёсати хориҷии Тоҷикистон яке аз самтҳои авлавиятнок муқаррар шудааст ва ҷониби мо ба густариши ҳамкориҳо бо ин кишвари ҳамҷавор  пайваста таваҷҷуҳи ҷиддӣ зоҳир менамояд.

Дар ҷараёни мулоқот ҷонибҳо ҳамчунин аҳаммияти пайгирии минбаъдаи масъалаҳои вобаста ба татбиқи лоиҳаҳои зерсохторӣ ва энергетикии минтақавиро, ки омили  ҷалби васеи Афғонистон ба раванди ҳамкориҳои минтақавӣ маҳсуб меёбанд, баррасӣ намудаанд.  

Баъди ҳамла: мулоқоти Ятимов бо Амруллоҳ Солеҳ ва Абдулло Абдулло дар Кобул

Ҷонибҳо инчунин зарурати таҳкиму тақвияти ҳамкориҳояшро дар самти муборизаи муштарак алайҳи хатару таҳдидҳои муосир, аз ҷумла терроризм, ифротгароӣ, гардиши ғайриқонунии маводи мухаддир ва дигар ҷиноятҳои муташаккили фаромиллӣ, инчунин дар ҷодаи мубориза бо ҳамагирии КОВИД-19 ва рафъи оқибатҳои он  қайд намудаанд.

226
Председатель ГКНБ РТ Саймумин Ятимов, архивное фото

Баъди ҳамла: мулоқоти Ятимов бо Амруллоҳ Солеҳ ва Абдулло Абдулло дар Кобул

943
Саймумин Ятимов, раиси Кумитаи давлатии амнияти милли Тоҷикистон бо мақомдорҳои баландпояи Афғонистон мулоқот кардааст

ДУШАНБЕ, 11 сен — Sputnik. Сафари раиси Кумитаи давлатии амнияти миллии Тоҷикистон аз 9 то 11 сентябр дар Кобул ҷараён дошт, хабар медиҳад “Ховар”.

Ба иттилои манбаъ, Ятимов дар сафари корияш бо муовини аввали президенти Афғонистон Амруллоҳи Солеҳ, Раиси Шӯрои Олии мусолиҳаи миллӣ Абдуллоҳи Абдулло, Раиси Парлумон Мирраҳмон Раҳмонӣ, Мушовири амнияти президент Ҳамдуллоҳи Муҳиб, раиси Раёсати умумии амнияти миллӣ Аҳмад Зиё Сироҷ, вазири корҳои хориҷӣ Ҳаниф Атмар, вазири дифоъ Асадуллои Холид ва вазири умури дохилаи Ҷумҳурии исломии Афғонистон Масъуди Андаробӣ оид ба муносибатҳои мутақобилан судманд дидору мулоқот кардааст.

Ба иттилои манбаъ, дар мулоқотҳо оид ба вазъи амнияти ду кишвари дӯст ва минтақа, ҳифзи боэътимоди сарҳади давлатӣ, мубориза бо терроризм ва экстремизм, қочоқи силоҳ ва маводи мухаддир, инчунин таъмини амнияти коммуникатсионӣ ва тарҳҳои энергетикиву иқтисодӣ мубодилаи афкори судманд сурат гирифт.

Ҷонибҳо изҳор доштаанд, омодаанд, ҳамгироӣ ва муносибатҳоро дар самтҳои сиёсӣ, иқтисодӣ, фарҳангӣ ва амниятӣ тақвият ва тавсеа бахшида, ба ин васила ба сулҳу субот ва оромию осудагӣ дар минтақа мусоидат намоянд.

Таъкид шудааст, ки хотимаи ҷанг дар Афғонистон ва пешгирӣ аз фаъолияти тахрибии хадамотҳои махсус ва доираҳои манфиатдори сиёсии баъзе аз кишварҳо бо истифода аз гурӯҳҳои байналмилалии террористӣ, аз омилҳои муҳимтарини таъмини амният маҳсуб мегарданд.

Тоҷикистон ҳамла ба Амрулло Солеҳ, ноиби президенти Афғонистонро шадидан маҳкум кард

Ҷонибҳо бо ишора ба зарурати сифатии беҳтар сохтан ва ба сатҳи зарурӣ боло бурдани ҳамкории дуҷониба омодагии комили хешро ҷиҳати амалисозии тадбирҳои муассир ва мушаххас дар ин раванд изҳор доштанд.

Мулоқоти Амруллоҳи Солеҳ бо Ятимов дар ҳоле баргузор шуд, ки ду рӯзи қабл Солеҳ ҳадафи ҳамлаи террористӣ қарор гирифт. Ҳамла ба Амруллоҳ Солеҳ субҳи рӯзи 9 сентябр дар майдони Таймани Кобул сурат гирифт, ки аз он ҷон ба саломат бурд. 

Ҳукумати Тоҷикистон низ бо нашри як изҳорот ин ҳамларо шадидан маҳкум кард.

943
Барчаспҳо:
мулоқот, Моҳира Ятимова, Афғонистон, Тоҷикистон
Парламентские выборы в Таджикистане

Мастчоҳ ба интихоботи президентӣ омодааст: ифтитоҳи 35 участкаи интихоботӣ дар ноҳия

0
(Таҷдидшуда 19:39 18.09.2020)
Мақомоти ноҳияи Мастчоҳ ҷидди ба интихоботи президентӣ омодагӣ гирифтааст. Дар ноҳия 35 участкаи интихоботӣ таъсис дода шудааст

ДУШАНБЕ, 18 сен — Sputnik. Бино бар иттилои дафтари матбуоти мақомоти вилояти Суғд, дар ноҳияи Куҳистони Мастчоҳ ба баргузории интихоботи Президенти Тоҷикистон, ки санаи 11-уми октябри соли 2020 баргузор мегардад, омодагӣ гирифтааст.

Президент Таджикистана Эмомали Рахмон
© Официальная страница пресс-службы президента РТ в Facebook.

Бино ба иттилои​ Ҳотамбек Аҳмадзода, роҳбари дастгоҳи раиси ноҳияи Кӯҳистони Мастчоҳ​ омодагиҳо ба интихоботи президентӣ дар сатҳи зарурӣ ба роҳ монда шуда, маводи иттилоотӣ дастраси аҳолӣ ва шиору овезаҳо дар гӯшаву роҳравҳо ва ҷойҳои ҷамъиятӣ насб гардидаанд.

Гуфта шудааст, ки дар ноҳияи Куҳистони Мастчоҳ як ҳавза ва 35​ участкаи интихоботӣ таъсис дода шудааст.

Шумораи умумии интихобкунандагон дар ҳавзаи №39-и ноҳияи Кўҳистони Мастчоҳ 14987 нафар буда, аз инҳо 429 нафарашон бори аввал дар интихобот ширкат мекунанд.

Мутобиқи қарори муштараки Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон аз 6 августи соли 2020 интихобот дар Тоҷикистон 11 октябри соли ҷорӣ баргузор хоҳад шуд.

0
Барчаспҳо:
мақомот, таъсис, участкаҳо, Интихоботи президентӣ, интихобот, Тоҷикистон