Рамазон Қодиров, раисиҷумҳури Чеченистон, акс аз бойгонӣ

"Занг ва ваъдаи Қодиров ба Отамбоев": даъвати роҳбари Чеченистон барои шоҳидӣ

2612
(Таҷдидшуда 14:15 22.01.2020)
Вакили дифои Алмосбек Отамбоев, раисиҷумҳури пешини Қирғизистон талаб кардааст, ки ба ҳайси шоҳид Рамазон Қодиров, раисиҷумҳури Чеченистон ба додгоҳ даъват карда шавад

ДУШАНБЕ, 22 янв — Sputnik. Сергей Слесарев, вакили дифои Алмосбек Отамбоев, ки дар ғайриқонунӣ озод кардани саркардаи чеченитабори гуруҳи ҷиноӣ, Азиз Батукаев муттаҳам мешавад, хостори бозпурсии Рамазон Қодиров дар додгоҳ шуд, хабар додааст РИА Новости.

“Дар робита ба шоҳидии Шамил Отахонов, собиқ ноиби сарвазири Қирғизистон мо хостем, Рамазон Қодиров барои бозпурсӣ ба додгоҳ даъват карда шавад”, - изҳор дошт Слесарев.

Собиқ ноиби сарвазир Отахонов, ки дар қазияи озодсозии ғайриқонунии Батукаев айбдор мешавад,  хабар додааст, ки дар ин қазия Қодиров ба Отамбоев занг задааст.

Вакил гуфт, Отамбоев ба далели ҷавобгӯ набудани толори суд қаҳр карда рафт

Ба гуфтаи Отахонов, ба ивази раҳоии Батукаев раисиҷумҳури Чеченистон ваъда додааст, ки барои истирдоди Жаниш Боқиев, собиқ роҳбари Хадамоти давлатии муҳофизат ба Қирғизистон мусоидат хоҳад кард. Боқиев ғоибона дар Ватан барои ҷиноёти зиёд ба ҳабси якумрӣ маҳкум шудааст.

Президент Кыргызской Республики Сооронбай Жээнбеков на второй Консультативной встрече глав государств Центральной Азии в городе Ташкент (Узбекистан). 29 ноября 2019 года
© Пресс-служба президента КР / Султан Досалиев

“Тафтишот бояд ин шоҳидиро бисанҷад”, - изҳор дошт Слесарев. Ӯ афзуд, ки додрас дархости даъвати Рамазон Қодировро барои бозпурсӣ ба мурофиа рад кардаст.

Баррасии парванда дар мавриди озодсозии Батукаев, ки яке аз муттаҳамон дар он Отамбоев мебошад, пушти дарҳои баста идома дорад.

Парвандаи нав: Отамбоев барои содир кардани боз як ҷинояти дигар гумонбар дониста мешавад

Батукаев соли 2006 барои ташкили ошӯб дар яке аз муассисаҳои ислоҳии назди шаҳри Бишкек ба 16 солу 8 моҳи зиндон маҳкум шуд. Дар ин ошӯб вакили парлумон - Тиничбек Акматбоев, сардори сарраёсати иҷрои ҷазо – Икматулло Полотов ва ду корманди дигари парлумон кушта шуданд.

Соли 2013 Батукаев бар асоси хулосаи тиббӣ, ки гӯиё мубталои саратони хуни дараҷаи охир мебошад, аз маҳбас озод гардида, баъди чанд соат шиносномаи нав гирифта, аз Қирғизистон берун шудаст.  

Мақомоти тафтишотии Қирғизистон бар инанд, ки дар озодии Батукаев мақомдорони баландпоя, аз ҷумла собиқ раисиҷумҳур Отамбоев даст доранд. Онҳо дар ташкили фасодкорӣ ба манфиати гуруҳи ҷиноӣ муттаҳам мешаванд.

Амалиёти боздошти Алмосбек Отамбоев моҳи августи соли гузашта сурат гирифт. Он замон тарафдорони собиқ президент монеи амалиёти боздошташ шуда, дар натиҷа миёни ҳар ду ҷониб тирпарронӣ сар зад, ки як кушта ва даҳҳо тан маҷруҳ барҷой гузошт. Дар пайи гуфтушунидҳо Отамбоев таслим шуда буд.

2612
Барчаспҳо:
Рамазон Қодиров, ҷиноят, боздошт, парванда, Алмосбек Отамбоев, Қирғизистон
На таджикский-афганской границе, архивное фото

Раҳимзода дар бораи сафар ба ВМКБ ва вазъ дар марз гуфт

658
Вазири корҳои дохилаи Тоҷикистон Рамазон Раҳимзода дар бораи сафари кориаш ба Вилояти Мухтори Кӯҳистони Бадахшон нақл кард

ДУШАНБЕ, 3 авг — Sputnik. Вазири умури дохилаи Тоҷикистон Раҳимзода Рамазон Ҳамро дар нишасти матбуотӣ таъкид кард, ки ахиран ба ВМКБ сафари хидматӣ дошта аз вазъ дар сарҳад бо кишвари ҳамсоя Афғонистон огаҳӣ пайдо кардааст.

Ба гуфти Раҳимзода, ҳоло вазъ дар марз ором аст ва кормандони милитсия дар якҷоягӣ бо марзбонон ва дигар ниҳодҳои қудратии кишвар ба ҳимояи марз машғул ҳастанд.

Дарозии марзи муштараки Тоҷикистону Афғонистон 1 ҳазору 370 километрро ташкил дода, аксари он аз манотиқи куҳӣ убур мекунад, ки назорату нигоҳубини онро мушкил менамояд.

Вазъият дар умум дар кишвари ҳамсояи Афғонистон ҳамоно муташанниҷ боқӣ мемонад. Дар кишвар зуд зуд миёни низомиёни давлатӣ ва ҷангҷӯёни гурӯҳи "Толибон" (мамнӯъ дар Тоҷикистон) ҳамлаҳои мусаллаҳона сар мезанад. Дар баробари ин вақтҳои охир дар Афғонистон аъзоёни гурӯҳи террористии ба ном "Давлати исломӣ" (мамнӯъ дар Тоҷикистон) фаъол шудаанд.

Фармондеҳони марзии ИДМ дар Самарқанд вазъи Афғонистонро баррасӣ карданд

Ёдрас мешавем, ки ахиран президенти Тоҷикистон Эмомалӣ Раҳмон дар ҷаласаи Шӯрои амният ба аъзои Шӯрои амнияти Ҷумҳурии Тоҷикистон, роҳбарони сохторҳои низомӣ, мақомоти ҳифзи ҳуқуқу тартибот супориш доданд, ки барои таъмини амнияти давлату миллат дар минтақаи сарҳади давлатии ҳамҷавори Тоҷикистон бо Афғонистон тадбирҳои мушаххас андешанд.

658
Барчаспҳо:
вазъият, марз, Рамазон Раҳимзода Ҳамроҳ, Тоҷикистон, ВКД ҶТ
Спецназ Таджикистана на 201-й российской военной базе, архивное фото

ВУД Тоҷикистон: дар соли равон аз ду амали террористӣ ҷилавгирӣ кардем

178
(Таҷдидшуда 14:54 03.08.2020)
Масъулини вазорати умури дохилаи Тоҷикистон имрӯз эълон доштанд, ки дар шаш моҳи соли равон дар қаламрави ҷумҳурӣ ду амали террористӣ пешгирӣ карда шуд

ДУШАНБЕ, 3 авг — Sputnik. Шодӣ Ҳафиззода , сардори раёсати мубориза бо ҷинояткории муташаккили ВКД имрӯз дар ҷамъи хабарнигорон гуфт, ки террористон қасд доштанд  кормандони милитсияро дар Рашту Шаҳринав кушанд.

 Вай афзуд кормандони Раёсати мубориза бо ҷинояткории муташаккили ВКД Тоҷикистон аз ду амали террористӣ, ки террористон аввали сол онҳоро нисбат ба кормандони милитсия дар ноҳияҳои Рашт ва Шаҳринав тарҳрезӣ карда буданд, пешгирӣ намуданд.

“Ҳар ду амали террористиро ҷонибдорони созмони террористтии фаъолияташ дар Тоҷикистон манъшудаи “Давлати исломӣ” содир карданӣ буданд”, - таъкид дошт сардори Раёсат.

Ба гуфтаи ӯ, аз рӯйи далели омодагӣ ба амали террористӣ чанд нафар аъзои “Давлати исломӣ” аз ҳисоби шаҳрвандони Тоҷикистон боздошт шудаанд.

Аммо ӯ аз ифшои ҷузъиёти бештар дар ин бора худдорӣ кард.

Бояд гуфт, ки тибқи маълумоти вазорати умури дохилаи Тоҷикистон дар давоми шаш моҳи соли равон 247 нафар шаҳрвандони кишвар ба гумони узвият ё робита доштан бо созмонҳои террористӣ ва ифротгаро боздошт шудаанд.

Аз ин шумор 203 нафараш аъзои созмони “Ихвон ул-муслимин” (Бародарони мусалмон), 27 нафар аъзои ташкилоти террористӣ-экстреместии “Давлати исломӣ”, 17 нафар “Салафия”, 8 нафар ҷамоати “Ансоруллоҳ”, чаҳор нафар “Гурӯҳи 24”, се нафар ҲНИТ, се нафар “Ал-Қоида”, ду нафар “Ҳизб-ут-Таҳрир”, як нафар ҳаракати исломии Ӯзбекистон, як нафар аъзои гурӯҳи Толибон ва як нафар дигар аъзои “Ҷамоати таблиғ”  буда, онҳо дар ҳоли ҳозир дастгир ва ба ҷавобгарӣ ҷиноятӣ ҷалб шуданд.

178
Барчаспҳо:
Вазорати умури дохила, Тоҷикистон, ҷилавгирӣ, амали террористӣ, ВУД
Парламентские выборы в Таджикистане

Замони баргузории интихоботи президентӣ дар Тоҷикистон эълон шуд

0
(Таҷдидшуда 12:06 06.08.2020)
Замони баргузории интихоботи президентӣ дар Тоҷикистон имрӯз зимни баргузории ҷаласасаи навбатии порлумони кишвар дақиқ шуд

ДУШАНБЕ, 6 авг — Sputnik. Бино ба иттилои манобеи Sputnik Тоҷикистон аз дастгоҳи Маҷлиси миллӣ қарори баргузории интихоботи президентӣ дар Тоҷикистон  дар иҷлосияи муштараки ҳар ду палатаи парлумони Тоҷикистон қабул гардид

Ба иттилои манбаъ, бар асоси қаророри қабулгашта интихоботи навбатии президентӣ дар кишвар рӯзи 11 октябри соли 2020 баргузор мешавад.

Гуфта мешавад, иҷлосия таҳти раёсати раиси Маҷлиси миллии Тоҷикистон Рустами Эмомалӣ сурат гирифт.

Дар пайи қабули қарори баргузории интихоботи президентӣ аҳзоби сиёсӣ, иттифоқҳои касаба, вилоятҳои Суғду Хатлон, ВМКБ ва шаҳри Душанбе метавонанд номзадҳои худ ба курсии президенти Тоҷикистон пешниҳод кунанд.

Ёдовар мешавем, интихоботи пешини сарвари давлати Тоҷикистон рӯзи 6 ноябри соли 2013 баргузор шуда буд, ки Эмомалӣ Раҳмон дигарбораи раисиҷумҳур интихоб гардид.

0