Рамазон Раҳимзода, вазири умури дохилии Тоҷикистон, акс аз бойгонӣ

Кӣ омилони ҳамлаи Данғара ва ошӯби Ҳоҷӣ Ҳалимро ба мақомот супурд? Сипоси вазир

2535
(Таҷдидшуда 21:49 15.02.2020)
Рамазон Раҳимзода, вазири корҳои дохилии Тоҷикистон аз блогерҳо хост, ки бо мақомот ҳамкорӣ кунанд ва ҳатто изҳори омодагӣ кард, ки онҳоро шахсан бипазирад ва ба кори ғайриштатӣ гирад

ДУШАНБЕ, 15 фев — Sputnik. Ин даъвати Рамазон Раҳимзода дар пайи ин суол садо дод, ки аз ӯ пурсиданд, “чаро блогерҳо ҷиноятҳоро ошкор менамоянд, аммо мақомот ба ҷои қадрдонӣ, худи онҳоро муттаҳам мекунанд?”.

Вай гуфт, агар ҳамкории мардум набошад, мақомоти қудратӣ дар амри ҷилавгирӣ аз ҷиноёт ҳеҷ гоҳ муваффақ намешаванд.

“Шумо гуфтаниед, ки агар ба мо кӯмак кунанд, ҷавобгарашон мекунем? Ҳамин 85% ҷиноёте, ки бо роҳи оперативӣ ошкор шудаанд, бо кӯмаки мардум ошкор шудаанд. Худи ҷавонон моро кӯмак карда истодаанд. Омилони амалиёти террористие, ки дар Тоҷикистон анҷом шуданд, ёдатон бошад, теракти сайёҳони хориҷӣ дар Данғара ва он чӣ ки аз тарафи Ҳалим Назаров дар Ваҳдат иттифоқ афтод, мардум худашон дастгир карда, ба мо доданд”, - изҳор дошт Раҳимзода.

Ӯ афзуд,  ҳамаи онҳоро, ки кумак карданд, қадрдонӣ намуданд.

“Касе, ки барои ошкор шудани ҷиноят ба мо кӯмак мекунад, мавриди пуштибонӣ ва қадрдонии мо қарор мегирад. Ин вазифаи мо аст”, - гуфт вазири корҳои дохилӣ.

Дар идомаи сӯҳбат вазири корҳои дохилии Тоҷикистон гуфт, ҳар блогере, ки ба мақомоти қудратӣ мехоҳад кӯмак кунад, шахсан қабул хоҳад кард ва агар хоҳиш дорад, ӯро ба таври ғайриштатӣ ба кор хоҳанд гирифт.

Рамазон Раҳимзода дар идома сари ин нукта ба тафсилот пардохт, ки муваффақиятҳои ҳатто дар сатҳи байнулмилал малмуси мақомоти қудратии Тоҷикистон дар асл саҳми мардуми худи кишвар аст. Вай афзуд, тибқи санадҳои пазируфташуда дар сатҳи байнулмилалӣ ва ҳам дохилӣ тамоми қишрҳои ҷомиа муваззафанд, ки бо ҷинояткорӣ мубориза баранд.

"Имрӯз ба як мақомоти корҳои дохилӣ ва ё Кумитаи давлатии амнияти миллӣ дар мубориза бо терроризму экстремизм, қочоқи маводи мухаддир ва ҷиноятҳои созмонёфтаю фаромиллӣ муваффақият ба даст намеояд. Имрӯз мо фахр аз он мекунем, ки ба фарқ аз даҳ солу бист соли пеш мардум шабонарӯзӣ бо мо ҳамкорӣ мекунад. Бо телефони боварӣ ё ба роҳҳои дигар ба мо ахбор мефиристанд. Ин ахбори мардум аст, ки мо ҳамарӯза аз вазъият огоҳӣ меёбем ва чораи ҷинояткоронро мебинем”, - таъкид намуд Раҳимзода.

Тибқи иттилои Прокуратураи генералии Тоҷикистон, соли 2019 дар ин кишвар 21 ҳазору 966 ҷиноят содир шуда, 8% дарсади он ошкор шудааст.

Рамазон Раҳимзода бо ишора ба ин натиҷаи кори мақомоти қудратии Тоҷикистон гуфт, дар паҳнои Иттиҳоди давлатҳои муштаракулманофеъ (ИДМ) дар Тоҷикистон ҷиноят аз ҳама кам содир шудаву аз ҳама зиёд ошкор шудааст.

“Ин на фақат хизмати мақомоти давлатӣ, балки пеш аз ҳама хизмати мардуми кишвар аст. Мо бо мардуми худ ифтихор мекунем”, - афзуд вазири корҳои дохилӣ.

2535
Барчаспҳо:
мардум, ҳамкорӣ, ҷиноят, Тоҷикистон
На таджикский-афганской границе, архивное фото

Раҳимзода дар бораи сафар ба ВМКБ ва вазъ дар марз гуфт

665
Вазири корҳои дохилаи Тоҷикистон Рамазон Раҳимзода дар бораи сафари кориаш ба Вилояти Мухтори Кӯҳистони Бадахшон нақл кард

ДУШАНБЕ, 3 авг — Sputnik. Вазири умури дохилаи Тоҷикистон Раҳимзода Рамазон Ҳамро дар нишасти матбуотӣ таъкид кард, ки ахиран ба ВМКБ сафари хидматӣ дошта аз вазъ дар сарҳад бо кишвари ҳамсоя Афғонистон огаҳӣ пайдо кардааст.

Ба гуфти Раҳимзода, ҳоло вазъ дар марз ором аст ва кормандони милитсия дар якҷоягӣ бо марзбонон ва дигар ниҳодҳои қудратии кишвар ба ҳимояи марз машғул ҳастанд.

Дарозии марзи муштараки Тоҷикистону Афғонистон 1 ҳазору 370 километрро ташкил дода, аксари он аз манотиқи куҳӣ убур мекунад, ки назорату нигоҳубини онро мушкил менамояд.

Вазъият дар умум дар кишвари ҳамсояи Афғонистон ҳамоно муташанниҷ боқӣ мемонад. Дар кишвар зуд зуд миёни низомиёни давлатӣ ва ҷангҷӯёни гурӯҳи "Толибон" (мамнӯъ дар Тоҷикистон) ҳамлаҳои мусаллаҳона сар мезанад. Дар баробари ин вақтҳои охир дар Афғонистон аъзоёни гурӯҳи террористии ба ном "Давлати исломӣ" (мамнӯъ дар Тоҷикистон) фаъол шудаанд.

Фармондеҳони марзии ИДМ дар Самарқанд вазъи Афғонистонро баррасӣ карданд

Ёдрас мешавем, ки ахиран президенти Тоҷикистон Эмомалӣ Раҳмон дар ҷаласаи Шӯрои амният ба аъзои Шӯрои амнияти Ҷумҳурии Тоҷикистон, роҳбарони сохторҳои низомӣ, мақомоти ҳифзи ҳуқуқу тартибот супориш доданд, ки барои таъмини амнияти давлату миллат дар минтақаи сарҳади давлатии ҳамҷавори Тоҷикистон бо Афғонистон тадбирҳои мушаххас андешанд.

665
Барчаспҳо:
вазъият, марз, Рамазон Раҳимзода Ҳамроҳ, Тоҷикистон, ВКД ҶТ
Спецназ Таджикистана на 201-й российской военной базе, архивное фото

ВУД Тоҷикистон: дар соли равон аз ду амали террористӣ ҷилавгирӣ кардем

184
(Таҷдидшуда 14:54 03.08.2020)
Масъулини вазорати умури дохилаи Тоҷикистон имрӯз эълон доштанд, ки дар шаш моҳи соли равон дар қаламрави ҷумҳурӣ ду амали террористӣ пешгирӣ карда шуд

ДУШАНБЕ, 3 авг — Sputnik. Шодӣ Ҳафиззода , сардори раёсати мубориза бо ҷинояткории муташаккили ВКД имрӯз дар ҷамъи хабарнигорон гуфт, ки террористон қасд доштанд  кормандони милитсияро дар Рашту Шаҳринав кушанд.

 Вай афзуд кормандони Раёсати мубориза бо ҷинояткории муташаккили ВКД Тоҷикистон аз ду амали террористӣ, ки террористон аввали сол онҳоро нисбат ба кормандони милитсия дар ноҳияҳои Рашт ва Шаҳринав тарҳрезӣ карда буданд, пешгирӣ намуданд.

“Ҳар ду амали террористиро ҷонибдорони созмони террористтии фаъолияташ дар Тоҷикистон манъшудаи “Давлати исломӣ” содир карданӣ буданд”, - таъкид дошт сардори Раёсат.

Ба гуфтаи ӯ, аз рӯйи далели омодагӣ ба амали террористӣ чанд нафар аъзои “Давлати исломӣ” аз ҳисоби шаҳрвандони Тоҷикистон боздошт шудаанд.

Аммо ӯ аз ифшои ҷузъиёти бештар дар ин бора худдорӣ кард.

Бояд гуфт, ки тибқи маълумоти вазорати умури дохилаи Тоҷикистон дар давоми шаш моҳи соли равон 247 нафар шаҳрвандони кишвар ба гумони узвият ё робита доштан бо созмонҳои террористӣ ва ифротгаро боздошт шудаанд.

Аз ин шумор 203 нафараш аъзои созмони “Ихвон ул-муслимин” (Бародарони мусалмон), 27 нафар аъзои ташкилоти террористӣ-экстреместии “Давлати исломӣ”, 17 нафар “Салафия”, 8 нафар ҷамоати “Ансоруллоҳ”, чаҳор нафар “Гурӯҳи 24”, се нафар ҲНИТ, се нафар “Ал-Қоида”, ду нафар “Ҳизб-ут-Таҳрир”, як нафар ҳаракати исломии Ӯзбекистон, як нафар аъзои гурӯҳи Толибон ва як нафар дигар аъзои “Ҷамоати таблиғ”  буда, онҳо дар ҳоли ҳозир дастгир ва ба ҷавобгарӣ ҷиноятӣ ҷалб шуданд.

184
Барчаспҳо:
Вазорати умури дохила, Тоҷикистон, ҷилавгирӣ, амали террористӣ, ВУД

Бомбандози Су-27 ду ҳавопаймои ҷосусии Амрикоро забт кард - видео

0
(Таҷдидшуда 18:56 09.08.2020)
Бомбандози Русия СУ-27 ду ҳавопаймои ҷосусии Амрикоро дар манотиқи бетарафи Баҳри Сиёҳ, забт кард. Низомиёни Амрикоро Қувваҳои дифоъи ҳавоии Русия ошкор карданд ва ба ҳаво бархостанд

"Экипажи бомбандози Русия оҳиста -оҳиста ба ҳавопаймо наздик шуда, онҳоро чун ҳавопаймои ҷосусии - RC-135 ва Р 8А "Посейдон" муайян кард. Нақзи марзи давлатии Федератсияи Русия аз ҷониби ҳавопаймоҳои ҷосусии Амрико иҷозат дода намешавад", - гуфт Вазорати дифоъи Русия.

Ин дуюмин қазияи ҳавоӣ дар масири Баҳри Сиёҳ мебошад. Бори аввал СУ-27 - RC-135 ва Р 8А "Посейдон" - ро ҳафтае пеш забт карда буд. Иғвогарӣ дар сарҳади Русия ҳамоно бештар мешавад.

Миёнаҳои моҳи июл бомбандозони Русия аз болои Баҳри Сиёҳ ду ҳавопаймои ҷосусӣ - боз ҳам ҳамон - Р 8А "Пасейдон" ва U-2S забт карданд.

Моҳи июн Қувваҳои ҳавоии Русия бомбандозони ИМА B-52H-ро забт карда буданд. Онҳоро ҳавопаймоҳои Су-30, Су-35 ва МиГ-31 ҳамроҳӣ карданд.

Моҳи май халабонони Русия бомбандози ИМА B-1B - ро дар масири Баҳрҳои Сиёҳ ва Балтик забт карда буданд.

Пас аз ҳар амали иғвогарона амрикоиҳо Русияро бидуни ҳеҷ далел, дар рафтори ношоям гунаҳкор мекунанд.

Вазорати дифоъи Русия ин айбдориро беасос мехонанд ва қайд мекунанд, ки доим тибқи меъёрҳои байналмилалӣ амал менамоянд.

Ин амалҳои иғвогарона авзоъи минтақаро муташанниҷ мегардонад. Вале бад шудани вазъият ва натиҷаҳои бебозгаштро танҳо бо касбияти халабонони Русия мешавад бартараф кард.

 

 

 

 

 

 

 

 

0
Барчаспҳо:
халабон, ҳавопаймо, Русия