Ҷангиёни Толибон, акс аз бойгонӣ

Мақомоти Афғонистон теъдоди ғайринизомиёни кушташуда дар 1 соли охирро эълон карданд

42
(Таҷдидшуда 17:19 22.03.2020)
Мақомоти Афғонистон шумори талафоти ғайринизомиёни ин кишвар тайи як соли охир, дар соли 1398 ҳиҷрии шамсиро 5600 нафар эълом карданд

ДУШАНБЕ, 22 мар – Sputnik. Вазорати кишвари Афғонистон эълом кард, бештари ин талафот ношӣ аз ҳамалоти гурӯҳи террористии "Толибон" дар Кобул, пойтахти Афғонистон будааст, хабар дод Парстудей.

Дафтари маъмурияти Созмони Милали Муттаҳид дар Афғонистон ҳам дар гузорише эълом кард, гурӯҳи "Толибон" (мамнӯъ дар Тоҷикистон ва Русия) ба танҳоӣ масъули 71 дарсад аз ин ҳамалот будааст.

Дар ин гузориш омадааст, дар 10 соли гузашта, дастикам 100 000 ғайринизомӣ бар асари ҳамалоти террористӣ ва даргириҳо дар Афғонистон кушта ва захмӣ шудаанд.

Ин дар ҳолест, ки алорағми тавофуқномаи сулҳи ИМА ва "Толибон" дар Доҳаи Қатар, ҳанӯз ҳам оташи ҷанг дар Афғонистон доғ аст.

Маврид ба зикр аст, ки созишномаи сулҳро ҷангиёни ҳаракати Толибон бо ҳукумати Амрико рӯзи 29 - уми феврал ба имзо расонданд. Тибқи ин санад, 13 ҳазор низомии Амрико ва НАТО бояд давоми 14 моҳ хоки Афғонистонро тарк кунанд.

Бар ивази ин, Толибон ваъда доданд, ки аз ҳамалоти худ дар кишварашон даст мекашанд.

42
Барчаспҳо:
Афғонистон, шаҳрвандон