Марз амн нест: дар сарҳади Тоҷикистону Афғонистон чӣ мегузарад?

1278
(Таҷдидшуда 23:40 21.07.2020)
Сафорати Афғонистон дар Тоҷикистон хабар додааст, ки сафири ин кишвар ба Вилояти мухтори Кӯҳистони Бадахшон сафар кардааст.

ДУШАНБЕ, 21 июл — Sputnik. Бино ба иттилоияе, ки ин сафорат дар сафҳаи фейсбукии худ пахш кардааст, рӯзи душанбе Муҳаммад Зоҳир Ағбар, сафири ва намояндаи фавқулъодаи Афғонистон дар Тоҷикистон бо иттифоқи Назруллоҳ Валиев, раиси равобити хориҷии Кумитаи давлатии амнияти миллии Тоҷикистон озими Вилоят мухтори Кӯҳистони Бадахшон шудаанд.

"Ин сафар ба ҳадафи боздид аз вазъи таҳкими сарҳадоти муштараки ду кишвар, ҳамкориҳои иқтисодӣ ва иттихози тадобири амниятӣ ва анҷоми корҳои муштараки низомӣ дар муқобили ҳамалот ва таҳрикоти низомии Толибон сурат гирифтааст", - омадааст дар иттилоия.

Бино ба он, ҳайатҳо ба маҳзи он ки вориди Қалъаи хумб, маркази ноҳияи Дарвози вилояти Бадахшони Тоҷикистон гардиданд, аз сӯи Бурҳон Абдураҳмонов, раиси ин ноҳия ва соири масъулини он ба мавриди истиқбол қарор гирифтанд ва баъдан дар зиёфат, ки ба ифтихори вуруди ҳайат тартиб ёфта буд, иштирок варзиданд.

"Мутаоқибан ҳайати идории вулусволии Нусайи вилояти Бадахшони Афғонистон иборат аз Муҳаммад Иброҳим Қаюмӣ, вулусвол, Абдуллоҳ Асадӣ, комиссари сарҳадӣ ва масъулини амниятӣ аз фарози пули муштарак (Рузвай – Нусай) убур намуда, зимни адои эҳтиром ва ташрифоти лозим дар ҷаласаи амниятӣ ва арзёбии вазъият иштирок намуданд", - хабар медиҳад сафорати Афғонистон дар Тоҷикистон.

Бино ба ин иттилоия, раиси ноҳияи Дарвоз ва узви Маҷлиси миллии Тоҷикистон изҳор доштааст, ки барои аввалин бор аст, ки сафир ва намояндаи фавқулодаи Афғонистон ҷиҳати боздид аз сарҳадот ва эҷоди барномаи муштарак барои масъулини амниятии ҳар ду кишвар ташриф меоварад ва мо аз ин ибтикор ҳимоят мекунем.

"Имрӯз сешанбе, 21 июн, сафари ҳайат таҳти раёсати сафири кабир ва намояндаи фавқулодаи Афғонистон ба сӯи Ванҷ ва баъдан ба шаҳри Хоруғ, маркази Вилояти Мухтори Кӯҳистони Бадахшони Тоҷикистон идома ёфта ва ҷаласоти таҳлилии аазъи амниятӣ ва анҷоми поракорҳои муртабит ба умури иҷтимоӣ ва фарҳангӣ баргузор гардад", - омадааст дар иттилоия.

Ҳамзамон дар сафҳаи сафорати Афғонистон дар Тоҷикистон аз мулоқоти як рӯзи қабли сафири ин кишвар бо раиси Кумитаи давлатии амнияти миллии Тоҷикистон хабар додааст.

Бино ба ин хабар, 20 июн Муҳаммад Зоҳир Ағбар бо Саидмуъмин Ятимов дар мақарри идораи Кумитаи давлатии амнияти миллии Тоҷикистон мулоқот анҷом додаанд.

"Дар ин мулоқот равобити Ҷумҳурии исломии Афғонистон ва Ҷумҳурии Тоҷикистон дар арсаҳои амниятӣ ва низомӣ мавриди баҳсу баррасӣ қарор гирифта, перомуни ҳамкории ниҳодҳои зирабти Афғонистон ва Тоҷикистон дар заминаи таъмини амнияти сарҳадот ва мубориза бо терроризму қочоқи маводи мухаддир батафсил табодул назар сурат гирифт", - омадааст дар хабар.

Ин мулоқотҳо дар ҳоле анҷом гирифтаанд, ки имрӯз, 22 июн, дар ҷаласаи Шӯрои амнияти Тоҷикистон низ масъалаи мураккаб гаштани вазъ дар сарҳади давлатии Тоҷикистону Афғонистон, дар минтақаи ҷанубии Вилояти Мухтори Кӯҳистони Бадахшон мавриди баррасӣ қарор дода шуд. Эмомалӣ Раҳмон ба аъзои Шӯрои амнияти Ҷумҳурии Тоҷикистон, роҳбарони сохторҳои низомӣ, мақомоти ҳифзи ҳуқуқу тартибот супориш дод, ки барои таъмини амнияти давлату миллат дар минтақаи сарҳади давлатии ҳамҷавори Тоҷикистон бо Афғонистон тадбирҳои мушаххас андешанд.

1278

Нигаронии Маҳмудзода аз вазъи ноороми Қарабоғи Кӯҳӣ

268
(Таҷдидшуда 21:00 29.09.2020)
Котиби Шӯрои амнияти Ҷумҳурии Тоҷикистон Насрулло Маҳмудзода дар робита ба вазъияти Қарабоғи Кӯҳӣ изҳори нигаронӣ кард

ДУШАНБЕ, 29 сен — Sputnik. Котиби Шӯрои амнияти Ҷумҳурии Тоҷикистон Насрулло Маҳмудзода ва Котиби Шӯрои амнияти Арманистон Армен Григорян телефонӣ суҳбат карданд, хабар медиҳад, хадамоти Шӯрои амнияти кишвар.

Ҳамин тавр, Котиби Шӯрои амнияти Ҷумҳурии Тоҷикистон Насрулло Маҳмудзода дар робита ба вазъияти Қарабоғи Кӯҳӣ изҳори нигаронӣ кард. Маҳмудзода ҳалли мусолиматомези вазъи Қарабоғро таъкид кард.

Дар навбати худ, Григорян таъсири манфии Туркияро ба амнияти минтақавӣ қайд кард.

Вазъияти Қарабоғи Кӯҳӣ

Аз саҳнаи даргириҳои низомӣ дар Қарабоғи Кӯҳӣ, маълумоти зиддунақиз мерасад.

Озарбойҷон ва Арманистон якдигарро дар аввали даргирӣ гунаҳкор мекунанд.

Дар ин росто, рӯзи душанбе дар Озарбойҷон омодагии пурраи ҳарбӣ эъло шуда, Илҳом Алиев президенти ин кишвар дар як қатор шаҳру ноҳияҳои ҷумҳурӣ вазъи ҳарбӣ ҷорӣ кард.

Дар Арманистон як рӯз пеш вазъияти низомӣ эълон карда шуд.

Даргириҳо дар ин манотиқ рӯзи 27 сентябр оғоз шуд.

268
Барчаспҳо:
баррасӣ, даргирӣ, вазъият, Қарабоғи Кӯҳӣ

Миёнаравии Русия барои қатъи мухолифати мусаллаҳонаи Арманистону Озорбойҷон

338
Вазорати умури хориҷии Русия тамоми талошашро равона мекунад, то мухолифати мусаллаҳона миёни Озарбойҷону Арманистон бартараф карда шавад

ДУШАНБЕ, 27 сен — Sputnik. Сергей Лавров, вазири умури хориҷии Русия, гуфтушунидҳо дорад, то Арманистону Озарбойҷон сари мизи музокирот нишинанд, хабар дод намояндаи расмии ВУХ Русия, Мария Захарова.

Лавров аллакай бо ҳамтоёнаш аз Арманистону Туркия гуфтушунид карда, дар назар аст, чунин як суҳбат бо ҷониби Озорбойҷон низ анҷом дода шаавад. Манбаъ афзуд, Русия миёнаравияшро барои ба эътидол овардани вазъ миёни Озорбойҷону Арманистонро идома медиҳад.

То ҳол ҷонибҳоро борҳо ба қатъи даргириҳои мусаллаҳона даъват карда буданд. Аз ҷумла бо чунин даъватҳо ба ҷониби Арманистону Озорбойҷон намояндагони Австрия, Фаронса, Олмон, Гурҷистон ва инчунин намояндаҳои Шӯрои Аврупо, СААД ва САҲА муроҷиат карда буданд.

Ба ҷонибҳои даргир инчунин Попи Рум зимни мавъизаи анъанавияш муроҷиат намуда, даъват кард, ки қадамҳои мушаххас сӯи бародарӣ ва ҳалли мушкилоти мавҷуда бидуни истифода нерӯ, гузошта шавад.

Шаби гузашта мухолифати мусаллаҳона миёни Арманистону Озорбойҷон рух дод. Ҳарду ҷониб якдигарро дар шиддат гирифтани мухолифат муттаҳам карданд.Ин даргирӣ миёни аҳолии осоишта низ маҷруҳ ва ҳалокшудаҳо барҷой гузошт.

Роҳбари ҷумҳурии эътирофнашудаи Қарабоғи куҳӣ ҳолати низомӣ эълон кардааст. Ҳукумати Арманистон низ дар кишвар ҳолати низомӣ эълон намудааст.  

338
Барчаспҳо:
Озарбойҷон, Арманистон, Русия
Девушка за рулем автомобиля, архивное фото

Ҷазои Снежанна барои мошинронӣ бо суръати хеле баланд дар Душанбе-видео

0
(Таҷдидшуда 21:06 01.10.2020)
Раёсати умури дохилии Душанбе аз ҷаримабандии ҷавондухтаре хабар дод, ки мошинро дар хиёбони Исмоили Сомонии пойтахт бо суръати 175 километр дар як соат рондаст

ДУШАНБЕ, 1 окт — Sputnik. Тибқи иттилои манбаъ, духтар мошинронияш бо суръати 175 км/соатро ба навор гирифта, дар саҳифаи шахсияш дар Инстаграм нашр намудааст. Корбарони шабакаҳои иҷтимоӣ аз маъмурини милиса хостаанд, ки барои нақзи қоидаҳои ҳаракат дар роҳ ронанда ба ҷавобгарӣ кашида шавад.

Раёсати умури дохилӣ хабар дод, ки дар пайи санҷиш муайян шуд, ронандаи мазкур Юдинна Снежанна Руслановна, сокини 29-солаи шаҳри Душанбе мебошад, ки ҳангоми идораи мошини шахсияш “Ауди А4” ба қонуншиканӣ роҳ додааст.

Манбаъ таъкид кард, ки бо назардошти ҳолатҳои мазкур нисбати ронанда, барои бо суръати баланд идора намудани воситаи нақлиёт ва гузаштан дар чароғаки сурх санади маъмурӣ тартиб дода шуда, ҷаримабандӣ гардид.

0
Барчаспҳо:
ҷазо, ронанда, роҳ, Тоҷикистон